ఊరేగింపు.. పొంచిన ఉన్న ముప్పు

● గతేడాది కోరుట్ల పట్టణంలో తయారు చేసిన వినాయక విగ్రహాలను విక్రయ కేంద్రాలకు తరలిస్తున్నారు. విగ్రహాలు ఎత్తులో ఉండడం.. కరెంట్‌ తీగలు కిందకు వేలాడుతుండడం.. తయారీదారులు గమనించకుండా తరలిస్తుండగా విద్యుత్‌షాక్‌ తగిలి ఇద్దరు మృతిచెందారు. ఇదే ఘటనలో మరో నలుగురు తీవ్రంగా గాయపడ్డారు. ఈ ఘటన రాష్ట్ర వ్యాప్తంగా చర్చనీయాంశంగా మారింది. ● రెండు రోజుల క్రితం జిల్లాకేంద్రంలోని అంగడిబజార్‌లో అధికారులకు సమాచారం లేకుండా వినాయకుని భారీ విగ్రహాన్ని తరలించేందుకు సిద్ధపడుతున్నారు. విద్యుత్‌ వైర్లు అడ్డురావడంతో సుమారు రెండు గంటలపాటు విద్యుత్‌ అధికారులు సరఫరా నిలిపివేశారు. వినాయకుడి విగ్రహాన్ని తరలించేలా చర్యలు చేపట్టారు. అంతసేపు ట్రాఫిక్‌ ఏర్పడింది. విద్యుత్‌ అంతరాయం కలగడంతో ప్రజలు తీవ్ర ఇబ్బందులు ఎదుర్కొన్నారు. ● సుప్రీంకోర్టు మార్గదర్శకాల ప్రకారం అనుమతి లేని, పరిమితికి మించిన డీజేలను వాడితే సీజ్‌ చేయడంతోపాటు నిర్వాహకులపై క్రిమినల్‌ కేసులు నమోదు చేస్తారు. ● విగ్రహాల ఎత్తు, మార్గాల సమాచారాన్ని ముందస్తుగా విద్యుత్‌ శాఖ, ట్రాఫిక్‌ పోలీసులకు తెలియజేయాలి. ● రోడ్లపై అడ్డదిడ్డంగా వాహనాలు నిలపడం, ట్రాఫిక్‌కు తీవ్ర అంతరాయం కలిగిస్తే వాహనాలను సీజ్‌ చేస్తారు. ● చెవుడు తెప్పించే డీజేలు, ప్రమాదకరమైన లేజర్‌ లైట్ల జోలికి వెళ్లొద్దు. సంస్కృతిని ప్రతిబింబించే మంగళవాయిద్యాలు, డప్పులు, భజనలతో ఊరేగింపు చేపట్టాలి. ● విగ్రహాన్ని తరలించే మార్గంలో కరెంట్‌ వైర్లు, కేబుల్స్‌ ఎత్తులో ఉన్నాయా..? కిందకు వేలాడుతున్నాయా..? ముందే గమనించాలి. తరలింపు సమయంలో వాహనంపై విద్యుత్‌ రహిత చెక్క కర్రలతో నిపుణులైన వ్యక్తులను మాత్రమే ఉంచాలి.

వినాయక విగ్రహాల రవాణా విషాదం కావొద్దు ఉత్సవాల్లో అపశ్రుతులకు తావివ్వొద్దు గతేడాది కోరుట్లలో విద్యుత్‌షాక్‌తో ఇద్దరు మృతి మరో నలుగురికి తీవ్ర గాయాలు