జోరుగా జీరో మద్యం

● కేంద్రపాలిత ప్రాంతాల్లో తక్కువ పన్నులు విధించడంతో అక్కడ మద్యం అత్యంత చౌక ధరకే దొరుకుతోంది. ● అధికారులు పట్టుకున్న దానిలో ఆ ప్రాంతం నుంచి జిల్లాకు తరలిస్తున్న ఇంపీరియల్‌బ్లూ(ఐబీ) ఫుల్‌బాటిల్‌ ఇక్కడ రూ.760 ఉంటే.. అక్కడ కేవలం రూ.320కే లభిస్తోంది. ● ఇలా ఇక్కడ దొరికే ఏ బ్రాండ్‌ అయినా అక్కడ సగం కంటే తక్కువ ధరకే లభిస్తుండడంతో అధిక లాభం కోసం కొందరు అక్కడి నుంచి మద్యాన్ని ఇక్కడకు తరలిస్తూ సొమ్ము చేసుకుంటున్నారు. ● గురువారం పట్టుబడిన వాహనంలో మద్యం తరలించేందుకు చేసిన ప్రత్యేక ఏర్పాట్లను చూ సి ఎకై ్సజ్‌ అధికారులే ఆశ్చర్యానికి గురయ్యారు. ● మద్యం బాక్సులు కనిపించకుండా వాహనం లోపల ప్రత్యేకంగా ర్యాకుల (ఆరలు)ను ఏర్పాటు చేశారు. ● తనిఖీల సమయంలో అధికారుల కంటపడకుండా ఈ ర్యాకుల్లో మద్యాన్ని పెట్టి రవాణా చేస్తున్నారు. ● చాలాకాలం నుంచి ఈ దందా చేస్తున్న అక్రమ రవాణాదారులు.. పకడ్బందీ ప్రణాళికతో ఎక్కడా పట్టుబడకుండా జిల్లాకు మద్యాన్ని తరలిస్తూ వస్తున్నారు. ● ఈనెల 14న కథలాపూర్‌ మండలంలో మద్యాన్ని పట్టుకున్న తర్వాత ఎకై ్సజ్‌ అధికారులు ఈ దందాపై పూర్తి నిఘా పెట్టారు. తాజాగా పక్కా సమాచారంతో మరోసారి అదే మండలంలో పట్టుకొని అక్రమ రవాణాదారుల గుట్టును రట్టు చేశారు. ● జీరో మద్యాన్ని పసిగట్టి పట్టించింది మెట్‌పల్లి ఎకై ్సజ్‌ పరిధిలోని కొందరు లైసెన్స్‌డ్‌ మద్యం వ్యాపారులేనని ప్రచారం జరుగుతోంది. ● కథలాపూర్‌ మండలంలోని కొందరు బెల్టు దుకాణాల నిర్వాహకులు కొన్నిరోజులుగా లైసెన్స్‌ దుకాణాల నుంచి తీసుకునే మద్యాన్ని బాగా తగ్గించినట్లు తెలిసింది. ఈ నేపథ్యంలో దీనిపై ఆరా తీసిన వ్యాపారులు.. వారంతా ఎక్కువగా జీరో మద్యాన్ని కొనుగోలు చేస్తున్నట్లు గుర్తించి విషయాన్ని ఎకై ్సజ్‌ అధికారులకు చేరవేసినట్లు సమాచారం. ● దీంతో ఎకై ్సజ్‌ అధికారులు అప్రమత్తమై నిఘా పెట్టడంతో జీరో దందా బట్టబయలైంది. ● జీరో మద్యం వ్యవహారంలో గతంలో ఇద్దరిపై కేసు నమోదు చేసిన ఎకై ్సజ్‌ పోలీసులు.. తాజాగా మహారాష్ట్రకు చెందిన శ్రీగిరి ప్రవీణ్‌, ప్రదీప్‌ జైశ్వాల్‌, అజయ్‌ను పట్టుకొని కేసు నమోదు చేశారు. ● ఓ వాహనంతోపాటు వారి నుంచి రూ.6.38లక్షల మద్యం, నాలుగు సెల్‌ఫోన్లను స్వాధీనం చేసుకున్నట్లు అధికారులు తెలిపారు.

కేంద్రపాలిత ప్రాంతాల నుంచి జిల్లాకు తరలింపు అక్కడ తక్కువ ధరకు దొరకడమే కారణం 15 రోజుల్లో రూ.9లక్షల మద్యం పట్టివేత అధికారులకు చిక్కకుండా వాహనంలో ర్యాకుల ఏర్పాటు