4 భారీ టవర్లు.. 5 దశాబ్దాల సేవ.. 10 సెకన్లలోనే!

Four Iconic Rugeley Power Station Cooling Towers Demolished In Seconds - Sakshi

ఇంగ్లండ్‌: స్టాఫోర్డ్‌షైర్‌లోని రుగేలీ పవర్ స్టేషన్‌లో 117 మీటర్ల పొడవైన నాలుగు భారీ శీతలీకరణ టవర్లు 10 సెకన్ల కాలంలో నేలమట్టమయ్యాయి. ఇంగ్లండ్‌లో ఈ టవర్లు దాదాపు ఐదు దశాబ్దాలకు పైగా తమ సేవలను అందించాయి. అయితే బొగ్గుతో నడిచే ఈ విద్యుత్ ప్లాంట్‌ను 2016లో మూసివేశారు.  కాగా ప్రస్తుతం అక్కడ గృహ, వ్యాపార స్థలాలకు ఏర్పాటు చేయడానికి వీటిని పడగొట్టినట్టు స్థానిక అధికారులు పేర్కొన్నారు. కోవిడ్‌ నిబంధనల కారణంగా  ఈ స్థలం వద్దకు రావద్దని స్థానిక ప్రజలకు పోలీసులు విజ్ఞప్తి చేశారు.

అయినప్పటికీ వందలాది మంది సమీపంలోని ఓ కొండపైకి చేరుకుని టవర్ల కూల్చివేతను వీక్షించారు. టవర్లను కూల్చివేస్తున్నపుడు పొగ, ధూళి చుట్టూ కమ్ముకుంది. ఇక వివిధ కోణాల నుంచి చిత్రీకరించిన ఈ వీడియో ప్రస్తుతం సోషల్‌ మీడియాలో తెగ వైరల్‌ అవుతోంది.  ఈ వీడియోను ఇంగ్లాండ్‌లోని కూల్చివేత కాంట్రాక్టర్ బ్రౌన్, మాసన్ గ్రూప్  సోషల్‌ మీడియాలో పోస్ట్ చేయగా.. 81 వేలకు పైగా నెటిజన్లు వీక్షించారు. ఇక అక్కడ అభివృద్ధి కార్యక్రమాల కోసం భూమిని చదును చేయడానికి కార్మికులు శిథిలాలను తొలగిస్తున్నారు. ఈ పని సంవత్సరం చివరినాటికి ముగిసే అవకాశం ఉ‍న్నట్లు స్థానికులు పేర్కొంటున్నారు.

(చదవండి: యూఎన్‌ చీఫ్‌గా మళ్లీ ఆంటోనియా గుటెరస్‌)

Read latest International News and Telugu News | Follow us on FaceBook, Twitter, Telegram

Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి



 

Read also in:
Back to Top