చట్టాలపై అవగాహన అవసరం

● గుంటూరు జిల్లా లీగల్‌ సర్వీసెస్‌ అథారిటీ చైర్మన్‌, జిల్లా ప్రధాన న్యాయమూర్తి బి.సాయి కళ్యాణ్‌ చక్రవర్తి ● విజ్ఞాన్‌లో న్యాయ సేవలపై అవగాహన శిబిరం ● గుంటూరు డిస్ట్రిక్ట్‌ లీగల్‌ సర్వీసెస్‌ అథారిటీ సెక్రటరీ కమ్‌ సివిల్‌ జడ్జ్‌ (సీనియర్‌ డివిజన్‌) సయ్యద్‌ జియావుద్దీన్‌ మాట్లాడుతూ జనసామాన్యానికి ఉచిత న్యాయ సహాయం, లీగల్‌ ఏయిడ్‌ క్లినిక్స్‌, మహిళల–పిల్లల రక్షణ పథకాలపై సమగ్రంగా వివరించారు. సామాన్య ప్రజలకు న్యాయం అందుబాటులో ఉండేందుకు న్యాయ సేవల అథారిటీ చేపడుతున్న సేవలను వివరించారు. న్యాయ అవగాహన, యువత న్యాయపరమైన జాగ్రత్తలు తీసుకోవాల్సిన అంశాలను వివరించారు. ● గుంటూరు మొదటి అడిషినల్‌ సివిల్‌ జడ్జ్‌ (సీనియర్‌ డివిజన్‌) వై.గోపాల కృష్ణ మాట్లాడుతూ డ్రగ్‌ దుర్వినియోగం ప్రభావంపై అవగాహన కల్పించారు. ప్రస్తుతం యువతలో డ్రగ్‌ అబ్యూస్‌ తీవ్రమైన సమస్యగా మారుతోందన్నారు. చిన్న వయసులోనే చాలా మంది డ్రగ్‌ అడిక్ట్స్‌గా మారుతున్నారు. గంజాయి, హెరాయిన్‌, కొకై న్‌ వంటి నిషేధిత మాదక ద్రవ్యాలను వాడటం వలన యువత డిప్రెషన్‌లో పడిపోతున్నారన్నారు. ఒంటరిగా ఉండటం, సామాజిక భావన కోల్పోతున్నారన్నారు. కుటుంబాలు, సమాజం, భవిష్యత్తు అన్నీ దెబ్బతింటాయి అని వివరించారు. ● గుంటూరు కార్మిక శాఖ డిప్యూటీ కమిషనర్‌ గాయత్రి సంఘటిత రంగ కార్మికుల సంక్షేమం, కార్మిక చట్టాలపై స్పష్టతనిచ్చారు. వివిధ రంగాల కార్మికులకు అందుబాటులో ఉన్న పథకాల గురించి వివరించారు. అనంతరం మహిళా కార్మికులకు ఈ–శ్రమ్‌ కార్డులను, పురుషులకు హెల్మెట్లను అందజేశారు. వివిధ పాఠశాలలు, కళాశాలల్లో నిర్వహించిన పోటీల్లో సత్తాచాటిన విద్యార్థులకు ప్రశంసా పత్రాలతో పాటు మెమొంటోలను అందజేసారు. కార్యక్రమంలో ఆయా విభాగాల డీన్లు, అధిపతులు, విద్యార్థులు పాల్గొన్నారు.