మద్యం మత్తులో.. తుపాకీతో మహిళ హల్‌చల్‌

Burqa Clad Woman Fires Bullets Abuses at Delhi Shop Owner - Sakshi

న్యూఢిల్లీ: దేశ రాజధానిలో బుర్ఖా ధరించి చేతిలో తుపాకీ పట్టుకుని ఓ షాపు యజమానిని బండ బూతులు తిడుతూ.. గాల్లోకి కాల్పులు జరిపి ఓ మహిళ హల్‌చల్‌ చేసింది. ప్రస్తుతం ఇందుకు సంబంధించిన వీడియో వైరలవుతోంది. పోలీసులు ఆమెను అరెస్ట్‌ చేశారు. ఇక సదరు యువతిని జఫ్రబాద్‌కు చెందిన నుస్రత్‌గా గుర్తించారు. ఇక ఈ సంఘటన ఈశాన్య ఢిల్లీలోని చౌహాన్‌ బంగ్రా ప్రాంతంలో ఈ నెల 18న చోటు చేసుకుంది. నుస్రత్‌కి, ఓ షాపు యజమానికి మధ్య మొబైల్‌ ఫోన్‌కు సంబంధించి వివాదం తలెత్తింది. అప్పటికే మద్యం సేవించి ఉన్న నుస్రత్‌ షాపు యజమానిని అసభ్యకరంగా తిడుతూ.. గన్‌తో బెదిరించడమే కాక అతని షాపు బయట కాల్పులు కూడా జరిపింది. (చదవండి: రాత్రి చితక్కొట్టి: పొద్దున అల్లుడ్ని చేసుకున్నారు)

అంతేకాక తాను గ్యాంగ్‌స్టర్‌ నసీర్‌ సోదరినని తెలిపింది. మహిళ చర్యలతో అక్కడ ఉన్న ప్రజలు భయభ్రాంతులకు గురయ్యారు. ఇక ఇందుకు సంబంధించిన వీడియో వైరలవ్వడంతో పోలీసులు ఆమె మీద కేసు నమోదు చేసి అరెస్ట్‌ చేశారు. ఈ వీడియో ఇండియాటుడేలో ప్రసారం అయ్యింది.

Read latest Crime News and Telugu News | Follow us on FaceBook, Twitter, Telegram

Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి

Read also in:
Back to Top