TV
సూపర్‌బజార్‌(కొత్తగూడెం): హేమచంద్రాపురంలోని పోలీస్‌ హెడ్‌ క్వార్టర్స్‌లో ఎస్పీ రోహిత్‌ రాజు గురువారం వార్షిక తనిఖీ నిర్వహించారు. తొలుత ఆర్మ్‌డ్‌ రిజర్వ్‌ పోలీసుల నుంచి గౌరవ వందనం స్వీకరించారు. అనంతరం అధికారులు, సిబ్బంది ప్రభుత్వ కిట్‌ ఆర్టికల్స్‌ను పరిశీలించారు. ఆ తర్వాత అడ్మిన్‌ ఆర్‌ఐ, మోటార్‌ ట్రాన్స్‌పోర్ట్‌, వెల్ఫేర్‌, హోంగార్డ్స్‌ కార్యాలయాలను సందర్శించి రికార్డులను తనిఖీ చేశారు. బాంబు డిస్పోజల్‌ టీమ్‌, డాగ్‌ స్క్వాడ్‌ బృందాల పనితీరును పరిశీలించి సంబంధిత అధికారులకు పలు సూచనలు చేశారు. ఈ సందర్భంగా ఎస్పీ మాట్లాడుతూ పోలీస్‌ అధికారులు, సిబ్బంది క్రమశిక్షణతో విధులు నిర్వర్తించాలని చెప్పారు. ఏఆర్‌ డీఎస్పీ సత్యనారాయణ, ఎస్బీ ఇన్‌స్పెక్టర్‌ శ్రీనివాస్‌, ఆర్‌ఐలు సుధాకర్‌, నరసింహారావు, లాల్‌ బాబు, కృష్ణారావు పాల్గొన్నారు.
