సిడ్నీలో ఘనంగా వైఎస్సార్‌ జయంతి

సాక్షి, అమరావతి: ఆస్ట్రేలియాలోని సిడ్నీలో శనివారం వైఎస్సార్‌ జయంతి ఘనంగా నిర్వహించారు. భారీ కేక్‌ కట్‌ చేసి అక్కడ ఉన్న తెలుగు వారందరికీ పంచిపెట్టారు. ఈ సందర్భంగా డాక్టర్‌ వైఎస్సార్‌ ఆంధ్రప్రదేశ్‌ ముఖ్యమంత్రిగా చేసి సేవలను, అభివృద్ధి, సంక్షేమ పథకాలను గుర్తు చేసుకొంటూ ఘనంగా నివాళి అర్పించారు. 

వైఎస్సార్‌ ఆశయ సాధన కోసం వైఎస్‌ జగన్‌ ఎంతో కృషి చేస్తున్నారని వైఎస్సార్‌సీపీ సిడ్నీ కన్వీనర్‌ అమరనాథ రెడ్డి తెలిపారు. ఈ కార్యక్రమంలో వైఎస్సార్‌సీపీ ఆస్ట్రేలియా నేతలు రాజశేఖర్‌ లంకెల, శివ రెడ్డి, సిడ్నీ నాయకులు రామనాథ రెడ్డి చల్లా, పెద్ది రెడ్డి, చంద్ర మౌళి, గోపాల్‌ రెడ్డి, మల్లికార్జున రెడ్డి, దీపు సిరిపురం, కృష్ణ చైతన్య తదితరులు పాల్గొన్నారు.