7 కి.మీ. వేగంతో తీవ్ర వాయుగుండం

బంగాళాఖాతంలో ఏర్ప‌డిన తీవ్ర వాయుగుండం ప్ర‌భావంతో ఆంధ్ర‌ప్ర‌దేశ్ వ్యాప్తంగా భారీ వ‌ర్షాలు కురుస్తున్నాయి. వాయుగుండం ధాటికి ఉత్త‌రాంధ్ర ప్రాంతం అత‌లాకుత‌లం అయింది. ప‌లుచోట్ల చెట్లు, విద్యుత్ స్తంభాలు కూలిపోవ‌డంతో జ‌న జీవ‌నం స్తంభించింది. వేలాది ఎక‌రాల్లో పంట‌లు నీట మునిగాయి. వంశ‌ధార‌, నాగావ‌ళి, బ‌హుద న‌దులు ఉధృతంగా ప్ర‌వ‌హిస్తుండ‌డంతో వ‌ర‌ద ముప్పు పొంచివుంద‌ని అధికారులు హెచ్చ‌రిస్తున్నారు. లోత‌ట్టు ప్రాంతాల ప్ర‌జ‌లు అప్ర‌మ‌త్తంగా ఉండాల‌ని విజ్ఞ‌ప్తి చేస్తున్నారు. 

ఏపీలో భారీ వర్షాలు అప్‌డేట్స్‌.. 

శ్రీకాకుళం :

• శ్రీకాకుళంకు పొంచిఉన్న ఫ్లాష్ ఫ్లడ్స్ ముప్పు..
• శ్రీకాకుళం జిల్లాలో దంచికోడుతున్న వర్షం..
• తీవ్ర వాయుగుండం తీరం దాటినా కొనసాగుతున్న ప్రభావం..
• నరసన్నపేట, పొలాకి మండలాల్లో నీట మునిగిన పంటలు..
• తీరం వెంబడి కొనసాగుతున్న ఈదురు గాలుల ప్రభావం
   

ఎన్టీఆర్ జిల్లా:

• భారీ వర్షాల ధాటికి కూలిన గంపలగూడెం పోలీస్ స్టేషన్ ప్రహరీ గోడ
• పోలీస్ స్టేషన్ పక్కనే తహసీల్దార్ కార్యాలయం.. తప్పిన ప్రమాదం
•  ప్రహరీ గోడ కూలిన సమయంలో ఎవరూ లేకపోవడంతో ప్రమాదం తప్పిన వైనం
• వాయుగుండం ప్రభావంతో మండలంలో ఎడతెరిపిలేని భారీ వర్షాలు
• భారీ వర్షాలతో పొంగిపొర్లుతున్న మండలంలోని వాగులు, వంకలు

ఎన్టీఆర్ జిల్లా:

• భారీ వర్షాల ధాటికి కూలిన గంపలగూడెం పోలీస్ స్టేషన్ ప్రహరీ గోడ
• పోలీస్ స్టేషన్ పక్కనే తహసీల్దార్ కార్యాలయం.. తప్పిన ప్రమాదం
• ప్రహరీ గోడ కూలిన సమయంలో ఎవరూ లేకపోవడంతో ప్రమాదం తప్పిన వైనం
• వాయుగుండం ప్రభావంతో మండలంలో ఎడతెరిపిలేని భారీ వర్షాలు
• భారీ వర్షాలతో పొంగిపొర్లుతున్న మండలంలోని వాగులు, వంకలు

దక్షిణ ఒడిశా, ఉత్తరాంధ్రపై తీవ్రవాయుగుండం

• గడిచిన 6 గంటల్లో గంటకు 10 కిమీ వేగంతో కదిలిన తీవ్ర వాయుగుండం
• కళింగపట్నంకు 90కిమీ, రాయగడ(ఒడిశా) కు 60కిమీ దూరంలో ఉంది
• సాయంత్రానికి వాయుగుండంగా బలహీనపడనుంది
• ఆతదుపరి 24 గంటలలో మరింత బలహీనపడే అవకాశం
• ఆకస్మిక వరదలు పట్ల ప్రజలు అప్రమత్తంగా ఉండాలి
• తెగిపడిన విద్యుత్ తీగలు గమనిస్తూ దూరంగా ఉండండి
• సమాచారాన్ని వెంటనే  అధికారులకు అందించండి
• ~ప్రఖర్ జైన్,ఎండీ ఆంధ్రప్రదేశ్ రాష్ట్ర విపత్తుల నిర్వహణ సంస్థ 

వాయుగుండం ఎఫెక్ట్‌: సముద్రం అల్లకల్లోలం

• కృష్ణాజిల్లా: దివిసీమ తీరప్రాంత గ్రామాల్లో ఈదురు గాలులతో కూడిన భారీవర్షాలు
• కోడూరు మండలం పాలకాయతిప్ప వద్ద సముద్రం అల్లకల్లోలం
• ఎగిసిపడుతున్న సముద్రపు అలలు
• పాలకాయతిప్ప వద్ధ నిలిచిపోయిన వేట బోట్లు
• సముద్రంలో చేపల వేట నిషేధం
• పాలకాయతిప్ప సాగర సంగమం వద్దకు వెళ్లే గేట్లు మూసివేసిన ఫారెస్ట్ అధికారులు

 నాలుగు అడుగుల లోతులో కుంగిన రోడ్డు

• డాక్టర్ బీఆర్‌ అంబేద్కర్ కోనసీమ జిల్లా..
• అమలాపురంలో బయటపడిన అధికారుల డొల్లతనం..వేసిన కొద్ది నెలలకే ధ్వంసమైన రోడ్డు
• రెండు రోజులగా కురుస్తున్న భారీ వర్షాలకు  నాలుగు అడుగుల లోతులో కుంగిన రోడ్డు
• అమలాపురం రూరల్ మండలం బండారులంక ఎన్ కౌంటర్ బ్రీజ్ వద్ద నుండి ఇందుపల్లి గరువురకు వెళ్ళే రోడ్డు
• వేసిన కొన్ని నెలలకే నాణ్యత లేమి కారణంగా కుంగిన రోడ్డు  
• పంచాయతీరాజ్ నిధులతో సుమారు రెండు కోట్ల రూపాయలతో రిటర్నింగ్ వాల్ ,రోడ్డు నిర్మాణం..
• నాణ్యతా ప్రమాణాలు గాలికి వదిలేయడంతో  కొన్ని నెలలకే కొద్దిపాటి వర్షానికి పూర్తిగా డామేజ్ అయిన రోడ్డు..
• పనుల నాణ్యతపై విమర్శలు
• ప్రజా ప్రతినిధి కావాలని వేయించుకున్న రోడ్డును నాణ్యత ప్రమాణాలు గాలికి వదిలేసి నిర్మించిన అధికారులు 

ఉత్తరాంధ్రపై తీవ్రవాయుగుండం.. హైఅలర్ట్

• గడిచిన 6 గంటల్లో గంటకు 7 కి.మీ. వేగంతో కదిలిన తీవ్ర వాయుగుండం
• కళింగపట్నంకు 70 కి.మీ., రాయగడ(ఒడిశా)కు 80 కి.మీ. దూరంలో ఉంది
• సాయంత్రానికి వాయుగుండంగా బలహీనపడనుంది
• ఆతదుపరి 24 గంటలలో మరింత బలహీనపడే అవకాశం
• తీరం దాటినప్పటికి ఇవాళ, రేపు గంటలు ప్రజలు అప్రమత్తంగా ఉండాలి
• భారీ వర్షాలతో వచ్చే ఆకస్మిక వరదలు పట్ల ప్రజలు అప్రమత్తంగా ఉండాలి
• క్షేత్రస్థాయిలో అధికారులు హైఅలర్ట్ గా ఉండాలి  

- ప్రఖర్ జైన్, ఎండీ విపత్తు నిర్వహణ సంస్థ

కాకినాడ మత్స్యకారులు క్షేమం

• తీవ్ర వాయుగుండం ప్రభావంతో కాకినాడ జిల్లాలో జోరుగా కురుస్తున్న వానలు
• ఒరిస్సా తీరంలో చిక్కుకున్న కాకినాడకు చెందిన 120 మంది మత్స్యకారులు
• వారం క్రిందట 15 బోట్లలో వేటకు వెళ్ళిన మత్స్యకారులు
• వాయుగుండం ప్రభావంతో ఒరిస్సా లోని పారాదీప్ పోర్ట్ కు క్షేమంగా చేరుకున్న మత్స్యకారులు
• కాకినాడ తీరానికి చేరుకుంటున్న ఇతర  మెకనైజ్డ్ బోట్లు

కారుపై కూలిన చెట్టు.. బయటపడ్డ డ్రైవర్

• భారీ వర్షాలకు కాకినాడ జిల్లా జగ్గంపేట నియోజకవర్గంలో నేలకొరుగుతున్న చెట్లు
• గండేపల్లి మండలం రామయ్యపాలెంలో బోలెరో వాహనంపై కులీన చెట్టు
• కారు నుండి సురక్షితంగా బయటపడ్డ డ్రైవర్

వాగు ప్రవాహంలో చిక్కుకున్న చిన్నారులు

• పోలవరం జిల్లా గుర్తేడు మండలంలో ఉదృతంగా ప్రవహిస్తున్న పెద్దేరువాగు
• బొడ్డగండి పంచాయతీ పరిధిలో పలు గ్రామాలకు నిలిచిపోయిన రాకపోకలు
• పాఠశాలకు సెలవుని తెలియకపోవడంతో శాంతినగర్ గ్రామం నుంచి ఉదయం బయలుదేరిన విద్యార్థులు
• కాసేపటికి వాగు ప్రవాహం పెరిగిపోవడంతో చిక్కుకుపోయిన విద్యార్థులు
• చిన్నారులను వాగు దాటించి గ్రామానికి పంపిన స్థానికులు
• ఏజెన్సీలో ఇంకా ఉధృతంగానే ప్రవహిస్తున్న కొండ వాగులు

పార్వతీపురం మన్యం జిల్లా..

• కురుపాం మండలం నీలకంఠాపురం సమీపంలో ప్రధాన రహదారిపై నేలకూలిన భారీ వృక్షం.. నిలిచిన రాకపోకలు.
• ఈదురుగాలులకు కురుపాం జిసిసి గౌడౌన్‌లో లారీలపై కూలిన భారీ వృక్షం..  పాక్షికంగా దెబ్బతిన్న లారీలు.
• తోటపల్లి రిజర్వాయర్ వద్ద నాగావళి నది ఇన్ ఫ్లో 5912 క్యూసెక్కులు,  అవుట్ ఫ్లో 3489 క్యూసెక్కులు.
• పొంగిపొర్లిన సువర్ణముఖి నది.. పారన వలసతో పాటు ఐదు గ్రామాలకు రాకపోకలు బంద్‌, త్కాలికంగా వంతెన నిర్మాణం చేపట్టిన గ్రామస్తులు.
• పార్వతిపురం బైపాస్ రోడ్‌లో ఎస్సీ బాలురు వసతి గృహంలోకి ప్రవేశించిన వరద నీరు, ఇబ్బంది పడుతున్న విద్యార్థులు. 

తూర్పుగోదావరి జిల్లా...

• వాయుగుండం ప్రభావంతో  జిల్లాలో పలు ప్రాంతాల్లో ఏకధాటిగా కురుస్తున్న వర్షం
• కోరుకొండ మండలం గాడల గ్రామ సమీపంలో పొన్నాలమ్మ గుడి వద్ద రోడ్డుపై నిలిచిపోయిన వర్షపునీరు
• రాజమండ్రి ఎయిర్పోర్ట్ కి వెళ్లే వాహనాల రాకపోకలకు తీవ్ర అంతరాయం

చింతలపాడులో ప‌ర్య‌టించిన కలెక్టర్, ఎమ్మెల్యే

• ఎన్టీఆర్ జిల్లా తిరువూరు మండలం చింతలపాడులో పర్యటించిన జిల్లా కలెక్టర్ లక్ష్మీశ, తిరువూరు ఎమ్మెల్యే
• గాలివానకు ధ్వంసమైన ఇళ్లను పరిశీలించి బాధిత కుటుంబాలకు పరామర్శ
• పునరావాస కేంద్రాలను పరిశీలించి నిరాశ్రయ కుటుంబాలకు భరోసా ఇచ్చిన కలెక్టర్
• యుద్ధ ప్రాతిపదికన విద్యుత్ స్తంభాలు ఏర్పాటు చేసి విద్యుత్ సరఫరా పునరుద్ధరించాలని అధికారులకు ఆదేశం

ఏలూరు జిల్లా..

• పశ్చిమ ఏజెన్సీలో ఎడతెరిపి లేకుండా కురుస్తున్న వర్షాలు
• పొంగిపొర్లుతున్న కొండ వాగులు
• జంగారెడ్డి గూడెం మండలం పట్టినపాలెం వద్ద ఉధృతంగా ప్రవహిస్తున్న జల్లేరు వాగు
• కొయ్యలగూడెం మండలం కన్నాపురం వద్ద ఉధృతంగా ప్రవహిస్తున్న తూర్పు, పడమర కాలవలు
• జీలుగుమిల్లి మండలం రాచన్నగూడెం, పూచికపాడు వద్ద రహదారిపై ప్రవహిస్తున్న వరద నీరు
• బుట్టాయిగూడెం, జిలుగుమిల్లి, కొయ్యలగూడెం మండలాలలో పలుచోట్ల రహదారుల పైనుండి పొంగుతున్న వరదనీరు
• కొండ వాగుల ఉధృతి నేపథ్యంలో గుబ్బల మంగమ్మ తల్లి దర్శనాలు నిలిపివేత

విజయవాడ..

• ఉధృతంగా ప్రవహిస్తున్న పెదవాగు.
• వరద ఉధృతికి కొట్టుకుపోయిన కారు.
• కారులో ఉన్న వారికి రక్షించిన స్థానికులు.
• సామ్రాజ్య రిసార్ట్‌ వంతెనకు కోత, నిలిచిన రాకపోకలు. 

శ్రీకాకుళం..

• శ్రీకాకుళం-కళింగపట్నం మార్గంలో నిలిచిన రాకపోకలు ..
• కళింగపట్నం ప్రధాన మార్గంలో కూలిన భారీ వృక్షాలు..
• శ్రీకాకుళం అంతటా భీకర గాలులు..

పోలవరం జిల్లా..‌

• చింతూరు ఏజెన్సీ వ్యాప్తంగా ఎడతెరిపిలేని వర్షాలు...
• ఉప్పొంగి ప్రవహిస్తున్న అన్నవరం వాగు, చీకటి వాగు, సోకిలేరు, కొండ్రాజుపేట, చంద్రవంక వాగులు..
• పలు గ్రామాలకు రాకపోకలకు అంతరాయం....
• భారీ వర్షాల దృష్ట్యా పర్యాటక ప్రదేశాలను మూసివేసిన అధికారులు..
• వర్షాలు తగ్గేంత వరకు పర్యాటకం నిలిపివేత..
• రెండో రోజు కూడా విద్యాసంస్థలకు సెలవు ప్రకటించిన అధికారులు..

తూర్పుగోదావరి జిల్లా...

• జిల్లావ్యాప్తంగా ఎడతెరిపి లేకుండా కురుస్తున్న వర్షం..
• పలు లోతట్టు ప్రాంతాల్లో నిలిచిపోయిన వర్షపు నీరు
• రైల్వే స్టేషన్‌కి వెళ్లే ప్రధాన రహదారి నీట మునగడంతో రాకపోకలకు తీవ్రత అంతరాయం..
• భారీ వర్షంతో కాలువలు నుండి వీధిల్లోకి చొచ్చుకొచ్చిన మురుగు నీరు
• కంబాల చెరువు, హైటెక్ బస్టాండ్ ఆర్యాపురం తుమ్మలోవ ప్రాంతాల్లో నిలిచిపోయిన వర్షపు నీరు
• అనపర్తి నియోజకవర్గంలో భారీ వర్షం...
• స్తంభించిన జనజీవనం.
• అనపర్తి మెయిన్ రోడ్డులో రోడ్డుకు అడ్డంగా బిల్డింగ్‌పై పడిన భారీ వృక్షం.
• ట్రాఫిక్‌కి అంతరాయం.. రాత్రి నుండి నిలిచిపోయిన విద్యుత్ సరఫరా

👉తీవ్ర వాయుగుండం తీరం దాటిన తర్వాత ఏపీలో భారీ వర్షాలు కురిసే అవకాశం ఉందని వాతావరణ శాఖ తెలిపింది. గురువారం శ్రీకాకుళం, విజయనగరం, పార్వతీపురం మన్యం, అల్లూరి సీతారామరాజు, పోలవరం, విశాఖ, అనకాపల్లి, కాకినాడ జిల్లాల్లో పలుచోట్ల భారీ వర్షాలు కురిసే అవకాశం ఉందని పేర్కొంది. డా. బీఆర్‌ అంబేడ్కర్‌ కోనసీమ, తూర్పు గోదావరి, పశ్చిమ గోదావరి, ఏలూరు, కృష్ణా, ఎన్టీఆర్, గుంటూరు, బాపట్ల, పల్నాడు జిల్లాల్లో మోస్తరు వర్షాలు, మార్కాపురం, ప్రకాశం, నెల్లూరు జిల్లాల్లో తేలికపాటి నుంచి మోస్తరు వర్షాలు కురిసే అవకాశం ఉందని పేర్కొంది.

విశాఖ..

• ఉమ్మడి విశాఖ జిల్లాలో కురుస్తున్న భారీ వర్షం.
• రాత్రి నుంచి ఎడతెరిపి లేకుండా పడుతున్న వర్షం.
• భారీ వర్షాలకు ఏజెన్సీలో పొంగి ప్రవర్తిస్తున్న వాగులు వంకలు.
• అగినంపూడి హైవేపై పడ్డ భారీ వృక్షం.
• జలమయమైన అనకాపల్లి ఆర్టీసీ కాంప్లెక్స్.
• అనకాపల్లి రైల్వే బ్రిడ్జి కిందకు భారీగా చేరిన వర్షపు నీరు..
• అల్లకల్లోలంగా  మారిన సముద్రం.
• మరొక మూడు రోజులపాటు మత్స్యకారులు వేటకు వెళ్ళరాదని ఆదేశం.

భోగాపురంలో నో ల్యాండింగ్‌.. 

• భారీ వర్షాల కారణంగా భోగాపురంలో ల్యాండ్ కాలేకపోయిన ఎయిర్ ఇండియా IX-1373 విమానం

• బుధవారం రాత్రి 8:35కు విజయవాడ నుండి భోగాపురం బయలుదేరిన విమానం

• బుధవారం రాత్రి 9:40 గంటలకు భోగాపురంలో ల్యాండ్ అవ్వాల్సిన విమానం

• భోగాపురంలో వర్షం కారణంగా సిగ్నల్ వ్యవస్థ పని చేయకపోవడంతో విమానం దారి మళ్లింపు

• విమానంలో ఉన్న మంత్రులు అచ్చెంనాయుడు , కొండపల్లి శ్రీనివాస్, మండలి ప్రతిపక్ష నేత బొత్స సత్యనారాయణ, బొత్స అనూష.

• రెండు గంటల ఉత్కంఠ తర్వాత నాగపూర్‌లో సేఫ్‌గా ల్యాండ్ అవటంతో ఊపిరి పీల్చుకున్న ప్రయాణికులు

• గురువారం తెల్లవారుజామున 2.20 గంటలకు నాగపూర్ నుంచి బెంగళూరు బయలుదేరిన ఎయిర్ ఇండియా IX-1373 విమానం

• నేటి ఉదయం 7:15 గంటలకు విజయవాడకు చేరుకోనున్న ఎయిర్ ఇండియా విమానం.

👉విజయవాడ..

• ఉమ్మడి కృష్ణా జిల్లా వ్యాప్తంగా కురుస్తున్న వర్షం

• వర్షాల నేపధ్యంలో నేడు కృష్ణా, ఎన్టీఆర్ జిల్లాలో అన్ని ప్రభుత్వ, ప్రైవేటు పాఠశాలలకు సెలవు

• ఎన్టీఆర్ జిల్లా గంపలగూడెం (మం) వినగడప-తోటమూల మధ్య  ఉధృతంగా ప్రవహిస్తున్న కట్టలేరు వాగు

• సుమారు 20 గ్రామాలకు పూర్తిగా నిలిచిపోయిన రాకపోకలు..

• చింతలపాడులో నిన్న ఈదురు గాలులకు నేలకొరిగిన  74 విద్యుత్ స్తంభాలు

• రాత్రంతా చీకట్లోనే  చింతలపాడు గ్రామం

• చింతలపాడులో 40 ఇళ్లు పాక్షికంగా మరో 10 ఇళ్లు పూర్తిగా ధ్వంసమైనట్లు గుర్తించిన రెవెన్యూ శాఖ

తూర్పుగోదావరి జిల్లా..

• తీవ్ర వాయుగుండం ప్రభావంతో ఎడతెరిపి లేకుండా కురుస్తున్న వర్షం

• పలుచోట్ల లోతట్టు ప్రాంతాల్లోకి చేరిన వర్షపు నీరు

• పొంగిపొర్లుతున్న కాలువలు

• రాకపోకలకు తీవ్ర ఇబ్బందులు

• రాజమండ్రితో పాటు జిల్లా అంతటా విద్యాసంస్థలకు, అంగన్వాడి కేంద్రాలకు సెలవు ప్రకటించిన అధికారులు

• రాజమండ్రి నగరంలో ఆర్యాపురం, తుమ్మలోవ, ఇన్నిస్పేట ప్రాంతాల్లో నిలిచిపోయిన  వర్షపు నీరు

• పోలవరం జిల్లాలో  ఎడతెరిపి లేని వర్షాలు.. పొంగిపొర్లుతున్న కాలువలు

• పూర్తిగా నిండిన చెరువులు.. పలు గ్రామాలకు నిలిచిన రాకపోకలు

• రాజవొమ్మంగి మండలం చెరుకుంపాలెంలో చింతచెట్టు పడి నేలకూలిన ఏడు విద్యుత్ స్తంభాలు

• నిలిచిపోయిన విద్యుత్ సరఫరా... అవస్థలు పడిన గ్రామస్తులు

• కోనసీమ జిల్లాలో అల్లకల్లోలంగా మారిన సముద్రం

• ఓడలరేవు ,అంతర్వేది తీరాల్లో ఎగసిపడుతున్న అలలు

• భారీగా వీస్తున్న ఈదురుగాలులు

• మత్స్యకారులు ఎవరు వేటకు వెళ్లొద్దని హెచ్చరికలు

• పోలవరం,  కోనసీమ జిల్లాల్లో కూడా విద్యా సంస్థలకు సెలవు  ప్రకటించిన అధికారులు..

శ్రీకాకుళం..

• కళింగపట్నానికి నైరుతి దిశలో తీరం దాటిన తీవ్ర వాయుగుండం..

• ఉత్తరాంద్రలో దంచికొడుతున్న వానలు..

• మరో 48 గంటలపాటు అప్రమత్తంగా ఉండాలంటున్న వాతావరణ శాఖ..

• నేడు శ్రీకాకుళం, విజయనగరం, మన్యం, అల్లూరి జిల్లాల్లో అత్యంత భారీ వర్షాలు..

• విశాఖ, అనకాపల్లి, కాకినాడ, కోనసీమ, ఉభయ గోదావరి జిల్లాల్లో అతిభారీ వర్షాలు..

• కొనసాగుతున్న పోర్టు హెచ్చరికలు..

• పొంగి పొర్లుతున్న వాగులు, వంకలు..

• శ్రీకాకుళంలో ఉగ్రరూపం దాల్చిన వంశధార, నాగావళి నదులు..

👉బంగాళాఖాతంలో ఏర్పడిన తీవ్ర వాయుగుండం ఉత్తరాంధ్రను అతలాకుతలం చేస్తోంది. తీవ్ర వాయుగుండం ప్రభావంతో ఉత్తరాంధ్ర జిల్లాల్లో భారీ వర్షాలు కురుస్తున్నాయి. విశాఖపట్నం, పార్వతీపురం మన్యం, విజయనగరం, శ్రీకాకుళం, అనకాపల్లి జిల్లాల్లో ఎడతెగని వర్షాలు పడుతున్నాయి. గంటకు 50 నుంచి 60 కిలోమీటర్ల వేగంతో భారీ గాలులు వీస్తున్నాయి. సముద్రం అల్లకల్లోలంగా మారింది. దీంతో సముద్రంలో వేటకు వెళ్లిన మత్స్యకారులు ఒడ్డుకు వచ్చేశారు. తీరప్రాంతంలోని పోర్టుల్లో ప్రమాద హెచ్చరికలు ఎగురవేశారు. వంశధార, నాగావళి, బహుద నదులు వరద నీటితో ఉధృతంగా ప్రవహిస్తున్నాయి.

👉వాయుగుండం గంటకు 13 కిలోమీటర్ల వేగంతో కదులుతూ బుధవారం సాయంత్రానికి కళింగపట్నానికి 30 కిలోమీటర్లు, విశాఖపట్నానికి 90 కిలోమీటర్లు, గోపాల్‌పూర్‌కు 160 కిలోమీటర్ల దూరంలో కేంద్రీకృతమైందని వాతావరణ శాఖ తెలిపింది. బుధవారం అర్ధరాత్రి విశాఖపట్నం–గోపాల్‌పూర్‌ మధ్య కళింగపట్నం సమీపంలో తీరాన్ని దాటింది. ఉత్తరాంధ్రలో కురుస్తున్న భారీ వర్షాలతో ఆకస్మిక వరదలు వచ్చే అవకాశం ఉందని పేర్కొంది.