వేల యూనిట్ల రక్తం ఏమైంది?

కళ్యాణదుర్గం: రక్తదాన శిబిరం వెనుక భారీ కుంభకోణం దాగుందా? సేవ ముసుగులో వేల యూనిట్ల మానవ రక్తాన్ని అక్రమంగా బ్లాక్‌ మార్కెట్‌కు తరలించారా అనే ప్రశ్నలు ఇప్పుడు కళ్యాణదుర్గం అంతటా వ్యక్తమవుతున్నాయి. ఈ ఏడాది ఏప్రిల్‌ 20న చంద్రబాబు జన్మదినం సందర్భంగా అనంతపురం జిల్లా కళ్యాణదుర్గం టీడీపీ ఎమ్మెల్యే అమిలినేని సురేంద్రబాబు ఆధ్వర్యంలో భారీ రక్తదాన శిబి­రం నిర్వహించి 7,439 మంది దాతల నుంచి రక్తాన్ని సేకరించినట్లు ప్రకటించారు. ఈ రక్తం పంపిణీలో భారీ అ­వక­తవకలు జరిగాయంటూ వైఎస్సార్‌సీపీ కళ్యా­ణదుర్గం మునిసిపల్‌ విభా­గం కన్వీనర్‌ ఐ.సుధీర్‌ ఆరోపించారు. 

ఆయన సమాచార హక్కు చట్టం (ఆర్టీఐ)ద్వారా సేకరించిన వివరాల ప్రకారం 7,439 యూనిట్ల రక్తంలో రెడ్‌ క్రాస్, రూరల్‌ డెవలప్‌మెంట్‌ ట్రస్టు(ఆర్డీటీ) ఆసు­పత్రులు, అనంతపురం ప్రభుత్వ ఆసుపత్రి, ఎన్టీఆర్‌ ట్రస్ట్‌లకు కలిపి 3,246 యూనిట్ల రక్తం మాత్రమే అందజేశారు. మిగిలిన 4,193 యూనిట్ల రక్తం ఎక్కడికి చేరింది అనేది తేలాల్సి ఉంది. బళ్లారి, బెంగళూరుతో పాటు కర్ణాటకలో­ని మరికొన్ని ప్రాంతాలకు, హైదరాబాద్‌కు అక్రమంగా తరలివెళ్లిందనే ఆరోపణలు వినిపిస్తున్నాయి. 

రాష్ట్రపతికి ఫిర్యాదు..రంగంలోకి కేంద్రం  
రక్తదాతల త్యాగాన్ని అపహాస్యం చేస్తూ టీడీపీ ఎమ్మెల్యే అమిలినేని ఇతర రాష్ట్రాలకు రక్తాన్ని అక్రమంగా రవాణా చేశారంటూ ఐ.సుధీర్‌ రా­ష్ట్రపతికి, కేంద్ర ఆరోగ్య శాఖకు ఫిర్యాదు చేశా­రు. దీన్ని సీరియస్‌గా పరిగణించిన కేంద్ర ఆ­రో­గ్య, కుటుంబ సంక్షేమ మంత్రిత్వ శాఖ గ­త నెల 31న విచారణకు ఆదేశించింది. ఈ మే­రకు అసిస్టెంట్‌ డైరెక్టర్‌ జనరల్‌ మానస్‌ ప్ర­తి­మ్‌ రాయ్‌ ఏపీ స్టేట్‌ బ్లడ్‌ ట్రాన్స్‌ప్యూజన్‌ కౌ­న్సి­ల్‌ ప్రాజెక్ట్‌ డైరెక్టర్‌కు లేఖ రాసి దీనిపై విచా­ర­ణ చేసి 2 వారాల్లోగా నివేదిక సమర్పించాలని ఆదేశించారు.