ఏపీ ఎన్నికల కమిషన్‌ ప్రెస్‌మీట్‌ వాయిదా

సాక్షి, విజయవాడ: ఆంధ్రప్రదేశ్‌ రాష్ట్ర ఎన్నికల కమిషన్‌ (SEC) ప్రెస్‌మీట్‌ వాయిదా పడింది. రాష్ట్ర ఎన్నికల కమిషనర్‌ అనిల్‌ చంద్ర పునేఠా తొలుత ఉదయం 11.30 గంటలకు మీడియా సమావేశం నిర్వహించాలని నిర్ణయించారు. ఈ మేరకు మీడియా ప్రతినిధులు పెద్ద సంఖ్యలో హాజరయ్యారు. అయితే, చివరి నిమిషంలో ప్రెస్‌మీట్‌ను వాయిదా వేస్తున్నట్లు SEC అధికారులు ప్రకటించారు.

తాజా సమాచారం ప్రకారం, మధ్యాహ్నం 3.15 గంటలకు ప్రెస్‌మీట్‌ నిర్వహించనున్నట్లు తెలుస్తోంది. ఈ సమావేశంలో ఎన్నికల కమిషన్‌ ఎన్నికల షెడ్యూల్‌కు సంబంధించి ప్రకటన చేసే అవకాశం ఉంది. అయితే, నోటిఫికేషన్‌ విడుదలపై అధికారిక స్పష్టత రావాల్సి ఉంది. ప్రెస్‌మీట్‌ వాయిదా వెనుక కారణాలేమిటి? ఎన్నికల షెడ్యూల్‌పై కమిషనర్‌ ఎలాంటి ప్రకటన చేయనున్నారు? అన్నది ఆసక్తికరంగా మారింది.

ఇదీ చదవండి: ఏపీలో జడ్పీ చైర్మన్‌ పదవుల రిజర్వేషన్లు విడుదల!