TV
శింగనమల:మాజీ మంత్రి, వైఎస్సార్‌సీపీ నియోజకవర్గ సమన్వయకర్త సాకే శైలజనాథ్‌ను అనంతపురంలోని ఆయన ఇంట్లో పోలీసులు గురువారం హౌస్‌ అరెస్టు చేశారు. నియోజకవర్గంలోని పోలింగ్‌ కేంద్రాలకు వెళ్లకూడదని ఉన్నతాధికారులు చెప్పారన్నారు. ఈ సందర్భంగా పోలీసులు వ్యవహరిస్తున్న తీరుపై శైలజానాథ్‌ ఆగ్రహం వ్యక్తం చేశారు. ఎస్పీని కలవడానికి వెళ్తుంటే ఎందుకు అడ్డుకుంటున్నారని ప్రశ్నించారు. దీంతో పోలీసులు ఆయన్ను ఎస్పీ కార్యాలయానికి తీసుకెళ్లారు. పోలీసులు వ్యవహరిస్తున్న తీరుపై ఎస్పీ కార్యాలయం వద్దే శైలజానాథ్‌ నిరసన తెలిపారు.
