ఎన్టీఆర్‌, హృతిక్‌రోషన్‌ కలిసి నటించిన బాలీవుడ్‌ చిత్రం ‘వార్‌ 2’(WAR 2). భారీ అంచనాలతో విడుదలైన ఈ మూవీ అనుకున్నంత రేంజ్‌లో మెప్పించలేదు. దీంతో యశ్‌రాజ్ ఫిల్మ్స్ స్పై యూనివర్స్‌లో భాగంగా వచ్చే తదుపరి చిత్రం 'ఆల్పా'పై ఎక్కవ ప్రభావం చూపనుంది. ఈ స్పై యూనివర్స్‌ నుంచి ఇప్పటికే వచ్చిన పఠాన్‌, వార్‌-1 చిత్రాలు భారీ విజయాన్ని అందుకున్నాయి. అయితే, వార్ 2తో ఈ ఫ్రాంచైజీ తీవ్ర విమర్శలను ఎదుర్కొంది. దీంతో స్పై యూనివర్స్‌ నుంచి రానున్న చిత్రాలపై మిశ్రమ స్పందన వచ్చే ఛాన్స్‌ ఉంది. ఈ ఫ్రాంచైజీని కాపాడుకునేందుకు షారుఖ్‌ ఖాన్‌(Shah Rukh Khan)ను నిర్మాత ఆదిత్య చోప్రా సంప్రదించారని తెలుస్తోంది. యశ్‌రాజ్ ఫిల్మ్స్; స్పై యూనివర్స్‌ ఫ్రాంచైజీలో విడుదల కానున్న చిత్రం 'ఆల్ఫా'.., ఇందులో అలియా భట్( Alia Bhatt), శార్వరి వాఘ్ ప్రధాన పాత్రలు పోషించారు. ఈ చిత్రం క్రిస్మస్ సందర్భంగా విడుదల కానుంది. ఇందులో బాబీ డియోల్, అనిల్ కపూర్ కూడా నటించారు. వార్ 2 పరాజయం కారణంగా, YRF అధినేత ఆదిత్య చోప్రా తమ ఫ్రాంచైజీ ఉణికిని కాపాడుకునేందుకు షారుఖ్ ఖాన్‌ సాయం కోరారని తెలుస్తోంది. 'ఆల్ఫా' చిత్రంలో ఒక ప్రత్యేక పాత్రలో నటించాలని నిర్మాత ఆదిత్య చోప్రా కోరినట్లు బాలీవుడ్‌లో వార్తలు వస్తున్నాయి. ఈ మేరకు ఆల్ఫా దర్శకుడు శివ్‌ రావేల్‌ కూడా షారుఖ్‌ కోసం సరైన పాత్రను ప్లాన్‌ చేశారని టాక్‌.యశ్‌రాజ్ ఫిల్మ్స్ స్పై యూనివర్స్‌లో షారుఖ్‌ ఖాన్‌ నటించిన పఠాన్ అత్యధిక కలెక్షన్స్‌ రాబట్టింది. ఈ సినిమాలోని షారుఖ్‌ పాత్రకు బాలీవుడ్‌లో భారీ ఫాలోయింగ్ ఉంది. అందువల్ల, ఆల్ఫాలో అతిధి పాత్రలో షారుఖ్‌ నటిస్తే సినిమాకు లాభం చేకూరుతుందని ఆదిత్య చోప్రా అభ్యర్థించినట్లు చెబుతున్నారు. కానీ, షారుఖ్ ఖాన్ ప్రస్తుతం తన రాబోయే చిత్రం కింగ్ షూటింగ్‌లో బిజీగా ఉన్నాడు. అయితే, ఆదిత్య కోరికమేరకు షారుఖ్ ఖాన్ తన షెడ్యూల్స్‌ను మార్చుకోనున్నారట. 'ఆల్పా'లో ఆయన అతిధి పాత్రలో కనిపించేందుకు గ్రీన్‌ సిగ్నల్‌ ఇచ్చేశారని సమాచారం. అయితే, అధికారికంగా ప్రకటన రావాల్సి ఉంది. ఈ స్పై యూనివర్స్‌లో రాబోతున్న మొదటి మహిళా గూఢచారి చిత్రంగా 'ఆల్ఫా' రానుంది. మునుపెన్నడూ చూడని భారీ యాక్షన్‌ సన్నివేశాలను ఇందులో చూడొచ్చని గతంలో ఈ చిత్ర దర్శకుడు శివ్‌ రావేల్‌ చెప్పారు.

రెండు పెద్ద సినిమాలు ఒకేరోజు విడుదల కావడంతో బాక్సాఫీస్‌ దగ్గర పెద్ద యుద్ధమే జరిగింది. హిందీ బెల్ట్‌లో ‘వార్‌ 2’ హవా కనిపించగా.. దక్షిణాదిలో రజనీ ‘కూలీ’ జోరు కనిపించింది. హృతిక్ రోషన్, జూనియర్ ఎన్టీఆర్ నటించిన "వార్ 2" తెలుగు చిత్ర పరిశ్రమలో అనుకున్నంత రేంజ్‌లో కలెక్షన్స్‌ రాబట్టలేకపోయింది. కానీ, హిందీ బెల్ట్‌లో దుమ్మురేపుతుంది. ఇప్పటివరకు ప్రపంచవ్యాప్తంగా రూ. 400 కోట్లకు దగ్గరగా వార్‌2 కలెక్షన్స్‌ ఉన్నాయి. అయితే, వార్‌ 2 తెలుగు హక్కులను నిర్మాత నాగవంశీ సుమారు రూ. 80 కోట్ల వరకు కొనుగోలు చేసినట్లు వార్తలు వచ్చాయి. టాలీవుడ్‌లో అనుకున్నంతగా వార్‌2 కలెక్షన్స్‌ రాకపోవడంతో యశ్‌రాజ్‌ ఫిల్మ్స్‌ సంస్థ కొంత రిటర్న్‌ ఇచ్చేందుకు సిద్ధం అవుతుందని వార్తలు వస్తున్నాయి.టాలీవుడ్‌లో 'సితార ఎంటర్‌టైన్‌మెంట్స్‌' బ్యానర్‌పై 'వార్‌ 2' చిత్రాన్ని నిర్మాత నాగవంశీ విడుదల చేశారు. సుమారు రూ. 80 కోట్లకు కొనుగోలు చేసిన ఆయన సులువుగా రూ. రూ. 100 కోట్లకు పైగానే రాబడుతుందని అంచనా వేశారు. కానీ, ఈ చిత్రం విడుదలైన మొదటిరోజు నుంచే కొందరు కావాలనే ట్రోలింగ్‌ చేయడం ప్రారంభించారు. ముఖ్యంగా ఏపీలో తెలుగు దేశం పార్టీ క్యాడర్ జూనియర్ ఎన్టీఆర్‌ సినిమాకు మద్దతు ఇవ్వడం మానేసింది. వారు కూలీ సినిమా చూడాలని పెద్ద ఎత్తున సోషల్‌మీడియాలో సూచించారు. అదే సమయంలో వార్‌2 చిత్రంపై తీవ్రమైన ట్రోలింగ్‌కు దిగారు. దీంతో బాక్సాఫీస్‌ వద్ద కలెక్షన్స్‌పై ప్రభావం పడింది.బాలీవుడ్ నిర్మాణ సంస్థ యష్ రాజ్ ఫిల్మ్స్ చాలా ప్రొఫెషనల్‌గానే ఢీల్‌ సెట్‌ చేసుకుంటుంది. ఈ సినిమాను కొనుగొలు చేసిన నాగవంశీకి కొంత ఉపశమనం అందించడానికి ఆ సంస్థ ముందుకు వచ్చిందని సమాచారం. నాగ వంశీతో పాటు అతని భాగస్వాములకు రూ. 22 కోట్లు తిరిగి ఇవ్వడానికి యష్‌ రాజ్‌ సంస్థ అంగీకరించినట్లు బాలీవుడ్‌ సమాచారం. నైజాంకు రూ. 10 కోట్లు, ఏపీకి రూ.7 కోట్లు, సీడెడ్‌కు రూ. 5 కోట్ల వరకు ఇచ్చేందుకు గ్రీన్‌ లభించిందట. అయితే, హిందీలో ఈ చిత్రానికి ఎలాంటి నష్టం లేదని తెలుస్తోంది.

హృతిక్‌రోషన్‌, ఎన్టీఆర్‌ వంటి ఇద్దరు స్టార్‌ హీరోలతో తెరకెక్కిన చిత్రం 'వార్‌ 2'... యశ్‌రాజ్‌ ఫిల్మ్స్‌ తన స్పై యూనివర్స్‌లో భాగంగా నిర్మించారు. ఆగష్టు 14న ప్రపంచవ్యాప్తంగా విడుదల కానుంది. తాజాగా ట్రైలరను కూడా మేకర్స్‌ పంచుకున్నారు. అయితే, వార్‌ 2 ట్రైలర్‌ను షేర్‌ చేస్తూ అలియా భట్ షాకిచ్చింది. థియేటర్‌లో కలుద్ధాం అంటూ సడెన్‌గా సర్‌ప్రైజ్‌ చేసింది. దీంతో ఫ్యాన్స్‌ ఆశ్చర్యపోతున్నారు. ఇంతవరకు ఈ చిత్రంలో అలియా భట్‌ నటిస్తున్నట్లు ఎక్కడే కాని వార్తలు రాలేదు. తొలిసారి ఆమె ఇలా పోస్ట్‌ చేయడంతో నెట్టింట వైరల్‌ అవుతుంది.అలియా భట్‌ తాజాగా చేసిన పోస్ట్‌ను గమనిస్తుంటే వార్‌ 2లో ఆమె అతిథి పాత్రలో నటిస్తున్నట్లు తెలుస్తోంది. అయితే, చాలా రహస్యంగా ఆమె పాత్రను చిత్రీకరణ చేసినట్లు సమాచారం. షూటింగ్ సమయంలో కొద్దిమంది సిబ్బంది మాత్రమే ఉండేలా జాగ్రత్తలు తీసుకున్నారట. కానీ, ఇదంతా ఆమె తర్వాతి చిత్రం 'ఆల్ఫా'తో వార్‌2 లింక్‌ ఉంటుందని టాక్‌.. యశ్‌రాజ్‌ ఫిల్మ్స్‌ తన స్పై యూనివర్స్‌లో భాగంగానే ఆల్ఫా చిత్రం రానుంది. ఈ ఏడాది డిసెంబర్‌ 25న ఈ చిత్రం విడుదల కానుంది. స్పై యూనివర్స్‌లో రాబోతున్న మొదటి మహిళా గూఢచారి చిత్రంగా ఆల్ఫా రికార్డ్‌ క్రియేట్‌ చేసింది. ఇందులో (Alpha) అలియా గురువు పాత్రలో హృతిక్‌ రోషన్‌ కనిపించనున్నట్లు చిత్ర సన్నిహిత వర్గాలు కూడా గతంలో తెలిపాయి. వార్‌2లో అలియా నటిస్తున్నట్లు అధికారికంగా ఏమీ ధృవీకరించబడనప్పటికీ ఆమె చేసిన పోస్ట్‌తో నెట్టింట ట్రెండ్‌ అవుతుంది. వార్‌ 2 చిత్రానికి అయాన్‌ ముఖర్జీ దర్శకత్వం వహిస్తుండగా.. ఆల్ఫా చిత్రాన్ని శివ్‌ రావేల్‌ దర్శకత్వంలో రానుంది. అయితే, ఈ రెండు ప్రాజెక్ట్‌లను బాలీవుడ్‌ అగ్ర నిర్మాణసంస్థ యశ్‌రాజ్‌ ఫిల్మ్‌ నిర్మిస్తుంది.

వైఆర్‌ఎఫ్‌ (యశ్‌ రాజ్‌ ఫిల్మ్స్‌) స్పై యూని వర్స్‌లో భాగంగా ఇప్పటివరకు సల్మాన్‌ ఖాన్‌ హీరోగా చేసిన ‘ఏక్తా టైగర్‌’ (2012), ‘టైగర్‌ జిందా హై’ (2017), ‘టైగర్‌ 3’ (2023), హృతిక్‌ రోషన్‌ ‘వార్‌’ (2019), షారుక్‌ ఖాన్‌ ‘పఠాన్‌’ (2023) వంటి సినిమాలు సూపర్‌ హిట్స్‌గా నిలిచాయి. ఈ యూనివర్స్‌లోనే హృతిక్‌ రోషన్‌ – ఎన్టీఆర్‌ హీరోలుగా చేసిన ‘వార్‌ 2’, ఆలియా భట్‌ – శర్వారీ లీడ్‌ రోల్స్‌ చేసిన ‘ఆల్ఫా’ చిత్రం రిలీజ్‌కు సిద్ధమౌతున్నాయి. ‘వార్‌ 2’ సినిమా ఆగస్టు 14న విడుదల కానుంది. ‘ఆల్ఫా’ చిత్రం ఈ ఏడాది డిసెంబరు 25న విడుదల కానుంది. కాగా... రెండు సంవత్సరాలుగా ఈ ‘వైఆర్‌ఎఫ్‌’ స్పై యూనివర్స్‌లో భాగంగానే ‘పఠాన్‌ వర్సెస్‌ టైగర్‌’(Pathaan Vs Tiger)చిత్రం రానుందని, ఈ మూవీలో షారుక్‌ ఖాన్, సల్మాన్‌ ఖాన్‌ హీరోలుగా చేస్తారని, అలాగే ‘పఠాన్‌ వర్సెస్‌ టైగర్‌’ సినిమాలో ఈ యూనివర్స్‌లో భాగమైన హృతిక్‌ రోషన్, జాన్‌ అబ్రహాం, ఆలియా భట్, ఎన్టీఆర్‌ గెస్ట్‌ రోల్స్‌లో కనిపిస్తారనే ప్రచారం జరుగుతోంది. భారీ బడ్జెట్‌తో రూపొందనున్న ఈ సినిమాని ‘వార్, పఠాన్‌’ సినిమాలకు దర్శకత్వం వహించిన సిద్ధార్థ్‌ ఆనంద్‌ తెరకెక్కిస్తారనే టాక్‌ బాలీవుడ్‌లో వినిపిస్తోంది. దీంతో ఈ సినిమాపై అంచనాలు ఏర్పడ్డాయి. కానీ హఠాత్తుగా ‘పఠాన్‌ వర్సెస్‌ టైగర్‌’ చిత్రం ఆగిపోయిందనే టాక్‌ తెరపైకి వచ్చింది. కానీ అలాంటిది ఏమీ లేదని, ‘వార్‌ 2’, ‘ఆల్ఫా’ చిత్రాలు విడుదలైన తర్వాత ‘పఠాన్‌ వర్సెస్‌ టైగర్‌’ సినిమా గురించి ఓ స్పష్టత వస్తుందని జాతీయ ఆంగ్ల మీడియాలో వార్తలు వస్తున్నాయి. దీంతో సిల్వర్‌ స్క్రీన్‌పై ‘పఠాన్‌–టైగర్‌’ల పోరు ఉంటుందని, కాకపోతే కొంత సమయం పడుతుందని తెలుస్తోంది.

‘ఏక్తా టైగర్‌’, ‘టైగర్‌ జిందా హై’ చిత్రాల తర్వాత ‘టైగర్‌’ ఫ్రాంచైజీలో సల్మాన్‌ ఖాన్‌ హీరోగా నటిస్తున్న చిత్రం ‘టైగర్‌ 3’. ‘ఏక్తా టైగర్‌’, ‘టైగర్‌ జిందా హై’ చిత్రాల్లో హీరో, హీరోయిన్లుగా నటించిన సల్మాన్‌ ఖాన్, కత్రినా కైఫ్‌లు ‘టైగర్‌ 3’లోనూ జంటగా నటిస్తున్నారు. యాక్షన్‌ స్పై థ్రిల్లర్‌గా రూపొందుతున్న ఈ సినిమాకు మనీష్‌ శర్మ దర్శకత్వం వహిస్తున్నారు. యశ్‌ రాజ్‌ ఫిలింస్‌ పతాకంపై ఆదిత్యా చో్ప్రాఈ చిత్రాన్ని నిర్మిస్తున్నారు. కాగా ఈ చిత్రం కోసం ఈ నెల 8 నుంచి ముంబైలో ఓ భారీ యాక్షన్‌ సీక్వెన్స్‌ను ప్లాన్‌ చేసింది యూనిట్‌. ఈ యాక్షన్‌ సీక్వెన్స్‌లో షారుక్‌ ఖాన్‌ గెస్ట్‌గా కనిపిస్తారు. ఈ ఒక్క ఫైట్‌ కోసమే నిర్మాత ఆదిత్యా చో్ప్రాదాదాపు రూ. 30 కోట్లు కేటాయించారని, జైలు బ్యాక్‌డ్రాప్‌లో ఈ యాక్షన్‌ సీక్వెన్స్‌ ఉంటుందని బాలీవుడ్‌ టాక్‌. ‘టైగర్‌ 3’ సినిమాను ఈ ఏడాదే రిలీజ్‌ చేయాలనుకుంటున్నారు. 

‘‘దక్షిణాది ప్రేక్షకులు సినిమాలను ఎంతో ప్రేమిస్తారు. నేను కూడా స్ట్రైట్‌ తెలుగు సినిమా చేసే అవకాశం కోసం ఎదురు చూస్తున్నాను’’ అని హీరో రణ్‌బీర్‌ కపూర్‌ అన్నారు. కరణ్‌ మల్హోత్రా దర్శకత్వంలో రణ్‌బీర్‌ కపూర్, వాణీ కపూర్‌ జంటగా సంజయ్‌ దత్‌ కీలక పాత్రలో నటించిన చిత్రం ‘షంషేరా’. యశ్‌ రాజ్‌ ఫిలింస్‌పై ఆదిత్య చోప్రా నిర్మించిన ఈ సినిమా ఈ నెల 22న హిందీ, తెలుగు భాషల్లో విడుదలవుతోంది. ఈ సందర్భంగా జరిగిన ప్రెస్‌మీట్‌లో రణ్‌బీర్‌ కపూర్‌ మాట్లాడుతూ– ‘‘కరణ్‌ మల్హోత్రాగారు ‘షంషేరా’ స్క్రిప్ట్‌ చెప్పగానే బాగా నచ్చేసింది. ఈ చిత్రంలో బల్లి, షంషేరా వంటి రెండు డిఫరెంట్‌ క్యారెక్టర్స్‌ చేశాను. సామాజిక విలువల కోసం పోరాడే వ్యక్తిగా కనిపిస్తాను. ఇలాంటి సినిమా చేయటం అదృష్టంగా భావిస్తున్నాను’’ అన్నారు. కరణ్‌ మల్హోత్రా మాట్లాడుతూ– ‘‘షంషేరా’ ఫిక్షనల్‌ కథ. 1871లో ఓ ప్రాంతంలో జరిగిన కొన్ని ఘటలను ఆధారంగా చేసుకుని ఫిక్షనల్‌గా పాత్రలు, కథ రూపొందించాం. మా చిత్రం ప్రేక్షకులకు మంచి అనుభూతిని పంచుతుంది’’ అన్నారు. ‘‘షంషేరా’లో శుద్‌ సింగ్‌ అనే డిఫరెంట్‌ పాత్రలో కనిపిస్తాను’’ అన్నారు సంజయ్‌ దత్‌. ‘‘ఇప్పటివరకు నేను చేసిన పాత్రలకు ‘షంషేరా’లోని పాత్ర పూర్తి భిన్నమైనది. నా పాత్ర ప్రేక్షకులకు బాగా నచ్చుతుంది’’ అన్నారు వాణీ కపూర్‌.    

Shahrukh Khan Pathan OTT Rights Sold Worth 200 Crores: బాలీవుడ్ బాద్‌షా షారుక్ ఖాన్ వెండితెరపై సందడి చేసి సుమారు మూడేళ్లు కావొస్తుంది. ఆయన మూవీ కోసం అభిమానులు ఎంతగానో ఎదురుచూస్తున్నారు. వారి ఎదురుచూపులకు తెరదించుతూ 'పఠాన్‌' మూవీతో వస్తున్నట్లు ఇటీవల ప్రకటించిన విషయం తెలిసిందే. షారుక్‌తోపాటు జాన్‌ అబ్రహం, దీపికా పదుకొణె నటిస్తున్న ఈ చిత్రం జనవరి 25, 2023న హిందీ, తెలుగు, తమిళ భాషల్లో ఒకేసారి విడుదల కానుంది. సిద్ధార్థ్‌ ఆనంద్ దర్శకత్వంలో తెరకెక్కుతున్న ఈ చిత్రం రిలీజ్‌కు ముందే ఈ మూవీ భారీ మొత్తానికి డిజిటల్ రైట్స్ కొనుగోలైంది.  ఈ సినిమా నిర్మాణ సంస్థ యశ్‌ రాజ్‌ ఫిలీంస్‌ ప్రముఖ ఓటీటీ దిగ్గజం నుంచి ఫ్యాన్సీ అమౌంట్‌ అందుకుందని సమాచారం. 'పఠాన్' చిత్రం డిజిటల్‌ స్ట్రీమింగ్ హక్కులను అమెజాన్‌ ప్రైమ్‌ వీడియో రూ. 200 కోట్లకు కొనుగోలు చేసింది. కాగా 'పఠాన్' చిత్రంలో బాలీవుడ్ ‍కండల వీరుడు సల్మాన్‌ ఖాన్‌ కనిపించనున్నాడని టాక్. 'జీరో' సినిమా తర్వాత షారుక్‌ నటిస్తున్న ఈ చిత్రంపై అభిమానులు భారీ అంచనాలే పెట్టుకున్నారు. ఎందుకంటే ఆనంద్ ఎల్‌ రాయ్‌ డైరెక్షన్‌లో వచ్చిన 'జీరో' మూవీ బాక్సాఫీస్ వద్ద పరాజయం పాలవడంతో 'పఠాన్‌'పై షారుక్ ఫ్యాన్స్‌ ఆశలు పెట్టుకున్నారు. చదవండి: ఆఖరికి పోలీసులు కూడా వదల్లేదు: షారుక్‌ ఖాన్‌ జిరాక్స్‌     var request = 'https://www.sakshi.com/knowwidget/kwstr_4331451957.json';        $.ajaxPrefilter( function (request) {            if (request.crossDomain && jQuery.support.cors) {              var http = (window.location.protocol === 'http:' ? 'http:' : 'https:');              request.url = http + '//cors-anywhere.herokuapp.com/' + request.url;  } });        $.get( request,function (response){            if(response  == ''){             $('#frameId').hide();             }else{             $('#frameId').show();            }        });

Akshay Kumar Completes 30 Years In Bollywood YRF Special Poster: బాలీవుడ్ స్టార్​ హీరో అక్షయ్‌ కుమార్‌ సినిమా కోసం ప్రాణం పెట్టి నటిస్తాడు. సన్నివేశం బాగా వచ్చేందుకు ఎలాంటి రియల్‌ స్టంట్స్‌ అయిన చేస్తాడు. అలా ఆయన చేసిన స్టంట్స్​ ఎన్నో ఉన్నాయి. అందుకే ఆయన్ను యాక్షన్‌ హీరో అని ముద్దుగా పిలుచుకుంటుంది బీటౌన్‌. ఇటీవల 'సూర్యవంశీ', 'ఆత్రంగి రే', 'బచ్చన్‌ పాండే' చిత్రాలతో ప్రేక్షకులను, అభిమానులను అలరించాడు అక్కీ. తాజాగా ఈ యాక్షన్​ హీరో హిందీ చిత్ర పరిశ్రమలో 30 వసంతాలు పూర్తి చేసుకున్నాడు.  అక్షయ్​ కుమార్​ తొలి చిత్రం 'సౌగంధ్' 1991లో విడుదలైంది. ప్రస్తుతం పరాక్రమవంతుడు పృథ్వీరాజ్ చౌహన్​ జీవిత కథ ఆధారంగా తెరకెక్కుతున్న 'పృథ్వీరాజ్'​ సినిమా కోసం సిద్ధమవుతున్నాడు. ఈ మూవీని 'యశ్ రాజ్​ ఫిలీంస్'​ బ్యానర్​పై ఆదిత్య చోప్రా నిర్మించారు. డాక్టర్​ చంద్రప్రకాష్​ ద్వివేది ఈ చిత్రానికి దర్శకత్వం వహిస్తున్నారు. అయితే అక్షయ్​ కుమార్​ సినీ ఇండస్ట్రీలో 30 సంవత్సరాలు పూర్తి చేసుకున్న సందర్భంగా యశ్​ రాజ్​ ఫిలీంస్​ అక్షయ్​కు ఊహించని సర్​ప్రైజ్​ ఇచ్చింది.  చదవండి: కశ్మీర్‌ ఫైల్స్‌ నా సినిమాను దెబ్బకొట్టింది: అక్షయ్‌ కుమార్‌ View this post on Instagram A post shared by Yash Raj Films (@yrf) అక్షయ్​ కుమార్​కు కానుకగా 'పృథ్వీరాజ్'​ సినిమా కొత్త పోస్టర్​ను ఆవిష్కరించింది. ఈ పోస్టర్​ను పృథ్వీరాజ్​ పాత్రలో ఉన్న అక్షయ్ ఫొటోతో పాటు ఆయన కెరీర్​లోని అన్ని చిత్రాలతో రూపొందించారు. ఈ కానుకకు అక్షయ్​ వీడియో రూపంలో కృతజ్ఞతలు తెలిపాడు. ఇందులో 'నా సినీ ప్రయాణం ప్రారంభమై 30 ఏళ్లు గడిచింది అంటే నమ్మలేకపోతున్నాను. నా తొలి చిత్రం సౌగంధ్​ 30 ఏళ్లు పూర్తి చేసుకోవడం చాలా మనోహరంగా ఉంది. నా సినీ కెరీర్​లో మొదటి షాట్​ ఊటీలో జరిగింది. అది కూడా యాక్షన్ షాట్​. ఈ పోస్టర్​కు ధన్యవాదాలు. ఇది నిజంగా నాకు చాలా ప్రత్యేకమైనది.' అని తెలిపాడు ఈ యాక్షన్​ హీరో అక్కీ. ప్రస్తుతం ఈ సర్​ప్రైజ్​ నెట్టింట తెగ వైరల్ అవుతోంది.  చదవండి: అక్షయ్ కుమార్ పాజిటివ్‌ మంత్ర.. సూర్యుడికి శుభాకాంక్షలు

స్టార్ హీరోయిన్‌ సమంత విడాకుల తర్వాత తన సినిమా ప్రాజక్ట్‌లతో బిజీగా మారింది. ప్రస్తుతం తనకు మరో వెబ్ సరీస్‌లో నటించే అవకాశం వచ్చినట్టు సమాచారం. ఇక ప్రస్తుతం దానికి సంబంధించిన లుక్ కోసం జిమ్‌లో తెగ కష్టపడుతుంది సమంత. అయితే ఈ తాజా వెబ్ సిరీస్‌ను ఫ్యామిలీ మ్యాన్ డైరెక్టర్స్ రాజ్ అండ్ డీకేలు డైరెక్ట్ చేయనున్నారని తెలుస్తోంది. గతంలో 'ఫ‍్యామిలీ మ్యాన్‌ 2'లో ఓ ముఖ్యమైన పాత్రను సమంత పోషించిన విషయం తెలిసిందే. మరోవైపు సమంతకు బాలివుడ్‌లో పలు ఆఫర్స్ వస్తున్నాయని తెలుస్తోంది. 'ఫ‍్యామిలీ మ్యాన్‌ 2'తో సమంతకు అక్కడ మంచి గుర్తింపు రావడంతో తనకు మూడు సినిమా ఆఫర్స్ వచ్చినట్టు సమాచారం. ప్రముక నిర్మాణ సంస్ధ యష్‌ రాజ్‌ ఫిలిమ్స్‌ సమంతతో చర‍్చలు జరుపుతున్నట్లు తెలుస్తోంది. ఇక దీంతో సమంతకు భారీ రెమ్యునరేషన్‌నే ఆ సంస్ధ ముట్టజెప్పుతున్నట్లు తెలుస్తోంది. అయితే ఈ దీనికి సంబందించిన అధికారిక ప్రకటన రావాల్సి ఉంది.

Actress Samantha Setting Deal For More 3 Movies: ఏదో రకంగా వరుసగా వార్తల్లో నిలుస్తున్న నటి సమంత. మొన్నటి వరకు నాగచైతన్యతో విడాకుల వ్యవహారంతో హాట్ టాపిక్‌ మారిన సామ్‌.. ప‍్రస్తుతం సినిమా ఆఫర్స్‌లో 'తగ్గేదే లే' అంటోంది. మంగళవారం (నవంబర్‌ 30) 'పుష్ప' సినిమాలోని ఐటమ్‌ సాంగ్‌కు సంబంధించిన ఫస్ట్‌ లుక్‌ వైరల్‌గా మారింది. ఏకంగా హాలీవుడ్‌లో నటించే ఆఫర్‌ సొంత చేసుకున‍్న సంగతి తెలిసిందే. ఇదిలా ఉంటే ఇప్పటికే ఫ‍్యామిలీ మ్యాన్‌ 2 వెబ్‌ సిరీస్‌తో బాలీవుడ్‌కు పరిచయమైన సమంత ప్రస్తుతం ముంబై బాట పట్టనున్నట్లు వార్తలు వినిపిస్తున్నాయి. అయితే వీటిపై ఎలాంటి అధికార ప్రకటన ఇప్పటివరకు రాలేదు.  తాజాగా బాలీవుడ్‌కు చెందిన అగ్ర నిర‍్మాణ సంస్థ యష్‌ రాజ్‌ ఫిలిమ్స్‌ సమంతతో చర‍్చలు జరుపుతున్నట్లు సమాచారం. ఇందులో భాగంగా ఒకేసారి మూడు సినిమాలకు ఒప్పందం చేసుకునేందుకు సామ్‌కు ప్రపోజల్‌ పెట్టారట ఆ నిర్మాణ సంస్థవాళ‍్లు. దీనికోసం సమంతకు భారీగా రెమ్యునరేషన్‌ ముట్టజెప్పడానికి కూడా సిద్దంగా ఉన్నట్లు తెలుస్తోంది. అయితే ఈ ఒప్పందానికి సామ్‌ సానుకూలంగా స్పందించినట్లు వార్తలు వినిపిస్తున‍్నాయి. అయితే ఈ వార్తల్లో ఎంత నిజముందనేది తెలియాలంటే అధికారిక ప్రకటన వచ్చే వరుకు ఆగాల్సిందే. ఇదిలా ఉంటే ఇప్పటికే తెలుగులో శాకుంతలం చిత్రాన్ని పూర్తి చేసింది సామ్‌. ఈ సినిమాకు గుణశేఖర్ దర్శకత్వం వహిస్తున్నారు.  ఇది చదవండి:  మాస్‌ లుక్‌లో సమంత.. ఫోటో వైరల్‌

బాలీవుడ్‌ నటి పరిణీతీ చోప్రా హీరోయిన్‌గా ప్రవేశించి ఈ నెల 9తో తొమ్మిదేళ్లయింది. ‘లేడీ వర్సెస్‌ రిక్కీ బాల్‌’ చిత్రంతో సిల్వర్‌ స్క్రీన్‌కి ఎంట్రీ ఇచ్చిన ఈ బ్యూటీ తక్కువ కాలంలోనే మంచి నటిగా గుర్తింపు పొందారు. రెండో సినిమా ‘ఇష్క్‌ జాదే’లో ‘మే పరేషాన్‌ పరేషాన్‌’ అని హీరో అర్జున్‌ కపూర్‌ తో ఆడి పాడి కుర్రకారుని పరేషాన్‌ చేశారు. పరిణీతి తొలి సినిమా ఎంట్రీనే యశ్‌ రాజ్‌ ఫిలింస్‌  వంటి పెద్ద నిర్మాణ సంస్థతో జరిగింది. ఒకేసారి మూడు చిత్రాలు చేసే విధంగా పరిణీతీతో ఒప్పందం కుదుర్చుకుంది యశ్‌ రాజ్‌ సంస్థ. ఆమె కెరీర్‌ కూడా మూడు పువ్వులు ఆరు కాయలుగా ఉంది. నిజానికి యశ్‌ రాజ్‌ సంస్థలో పీఆర్‌ (పబ్లిక్‌ రిలేషన్‌) గా చేరారు పరిణీతి. ఎక్కువ మేకప్‌ వేసుకోవాల్సి వస్తుందని నటనను ఇష్టపడలేదు. అయితే కజిన్‌ ప్రియాంకా చోప్రాను ఆదర్శంగా తీసుకుని నటి అయ్యారు. ఈ తొమ్మిదేళ్లలో ఆమె ‘ఇష్క్‌ జాదే, ‘శుద్ధ్‌ దేశీ రొమాన్స్‌’, ‘మేరీ ప్యారీ బిందు’, ‘గోల్‌మాల్‌ ఎగైన్‌’, ‘నమస్తే ఇంగ్లాండ్‌’, ‘కేసరి’ తదితర చిత్రాల్లో నటించారు. ప్రస్తుతం చేతిలో మూడు సినిమాలతో బిజీగా ఉన్నారు.

ముంబై : బాలీవుడ్‌ యంగ్‌ హీరో సుశాంత్‌ సింగ్‌ రాజ్‌పుత్‌ ఘటన కేసులో బాంద్రా పోలీసులు మొత్తం 13 మంది వ్యక్తుల వాంగ్మూలాలు రికార్డు చేశారు. వీరిలో సుశాంత్‌ సింగ్‌ ప్రేమికురాలుగా ఉన్న రియా చక్రవర్తిని బుధవారం బాంద్రా పోలీసులు స్టేషన్‌కు పిలిపించి విచారించారు. కాగా ఈ నెల 14న బాలీవుడ్‌ యంగ్‌ హీరో సుశాంత్‌ సింగ్‌ రాజ్‌పుత్‌ ముంబైలోని బాంద్రాలో తన నివాసంలో ఆత్మహత్య చేసుకున్న విషయం తెలిసిందే. ఉరి వేసుకోవడం వల్లే సుశాంత్‌ మరణించినట్లు పోస్టుమార్టం రిపోర్టులో వెల్లడైంది. అయితే సుశాంత్‌ మానసిక ఒత్తిడికి గురికావడానికి కారణాలేంటనే విషయంపై పోలీసులు విచారణ చేపట్టారు. ఈ విచారణలో గురువారం సుశాంత్‌ ప్రేమికురాలుగా ప్రచారంలో ఉన్న రియా చక్రవర్తిని పోలీసులు విచారించారు. పోలీస్‌ స్టేషన్లో ఆమె దాదాపు 9 గంటల పాటు ఉన్నారు. ఈ విచారణలో యశ్‌ రాజ్‌ ఫిల్మ్స్‌ సంస్థతో కాంట్రాక్టు అయిపోయిందని, తనను కూడా ఒప్పందం ఆపేయాలని కోరినట్లు రియా తెలిపారు. (సుశాంత్‌ మరణం; కరణ్‌కు మద్దతుగా వర్మ) కాగా నిన్న(గురువారం) సుశాంత్ సింగ్ రాజ్‌పుత్, యష్ రాజ్ ఫిల్మ్స్ (వైఆర్‌ఎఫ్) మధ్య కుదిరిన ఒప్పందం కాపీని దర్యాప్తు కోసం సమర్పించాలని బాంద్రా పోలీసులు కోరారు. సుశాంత్ ఇప్పటి వరకు రెండు వైఆర్ఎఫ్ చిత్రాలలో నటించారు. 2013లో విడుదలైన శుద్ధ్ దేశీ రొమాన్స్, 2015లో వచ్చిన డిటెక్టివ్ బ్యోమకేష్ బక్షి. వీటిలో శుద్ధ్ దేశీ రొమాన్స్.. సుశాంత్‌ కెరీర్‌లో రెండో చిత్రం. అయితే సుశాంత్‌ వైఆర్‌ఎఫ్‌తో మూడు సినిమాల ఒప్పందం కుదుర్చుకున్నట్లు అప్పట్లో విస్తృతంగా వార్తలు వచ్చాయి. (బాలీవుడ్‌ బంధుప్రీతిపై వైరల్‌ వీడియో​) సుశాంత్ సింగ్ రాజ్‌పుత్ అకాల మరణ వార్త బాలీవుడ్‌ను తీవ్ర దిగ్బ్రాంతికి గురిచేసింది. అంతేగాక నెపోటిజమ్(బంధుప్రీతి)‌ అనే వాదనను తెరమీదకు తీసుకువచ్చింది. సినీ పరిశ్రమలో కేవలం స్టార్‌ హీరోల వారసులు మాత్రమే ఎదుగుతున్నారని, సుశాంత్‌కు సినిమా బ్యాక్‌గ్రౌండ్‌ లేకపోవడం వల్లే తనను ఎవరు సినిమాల్లోకి తీసుకోలేదని.. అందువల్లే మానసిక ఒత్తిడికి గురైన సుశాంత్‌ ఆత్మహత్య చేసుకుని ప్రాణాలు తీసుకున్నాడని అనేక ఆరోపణలు విపిస్తున్నాయి. నెపోటిజం కారణంగా ఇప్పటికే కరణ్‌ జోహార్‌, అలియాభట్‌ వంటి వారు విమర్శలు ఎదుర్కొంటున్నారు. దీనిపై మహారాష్ట్ర హోంమంత్రి అనిల్ దేశ్‌ముఖ్‌ మాట్లాడుతూ.. మీడియా ద్వారా వెలుగులోకి వచ్చిన వృత్తిపరంగా ఉన్న వివాదాలతో సహా సుశాంత్ ఆత్మహత్యకు సంబంధించిన అన్ని కోణాల్లో పోలీసులు దర్యాప్తు చేస్తున్నారని తెలిపారు. (సుషాంత్‌ మరణం టిక్‌టాక్‌లో చూసి..)

ముంబై : తన తొలి సినిమా ‘అర్జున్‌రెడ్డి’తో బోల్‌‍్డ నటిగా పేరు తెచ్చుకున్న షాలినీ పాండే బాలీవుడ్‌ ఎంట్రీ ఖరారైంది. వరుస హిట్లతో జోరుమీదున్న స్టార్‌ హీరో రణ్‌వీర్‌సింగ్‌కు జోడీగా నటించే అవకాశం ఆమెకు దక్కింది. రణ్‌వీర్‌ను బాలీవుడ్‌కు పరిచయం చేసిన ప్రముఖ నిర్మాణ సంస్థ యశ్‌రాజ్‌ఫిల్మ్స్ షాలినీని కూడా హిందీ తెరకు పరిచయం చేయనుండటం విశేషం. ఈ విషయాన్ని యశ్‌రాజ్‌ఫిల్మ్స్ ట్విటర్‌ వేదికగా ప్రకటించింది. దివ్యాంగ్‌ థక్కర్‌ దర్శకత్వంలో తాము నిర్మిస్తున్న జయేష్‌భాయ్‌ జోర్దార్‌ సినిమాలో షాలినీని హీరోయిన్‌గా ఎంపిక చేసినట్లు పేర్కొంది. కాగా విజయ్‌ దేవరకొండ- షాలినీ పాండే జంటగా తెరకెక్కిన అర్జున్‌రెడ్డి సినిమా సూపర్‌హిట్‌గా నిలిచిన సంగతి తెలిసిందే. సంచనాలతో పాటు వివాదాలకు కేంద్ర బిందువుగా మారిన ఈ సినిమా హిందీలో కబీర్‌సింగ్‌గా రీమేక్‌ అయ్యింది. ఇక జయేష్‌ భాయ్‌ జోర్దార్‌ సినిమా విషయానికొస్తే.. మహిళలకు, పురుషులకు సమాన హక్కులు ఉండాలని భావించే ఓ మధ్యతరగతి వ్యక్తికి పితృస్వామ్య వ్యవస్థలో ఎలాంటి అనుభవాలు ఎదురయ్యాయనే సంఘటనల ఆధారంగా ఈ సినిమా తెరకెక్కనున్నట్లు సమాచారం. ఈ విషయం గురించి రణ్‌వీర్‌ మాట్లాడుతూ... ‘ మనస్ఫూర్తిగా నవ్వాలంటే.. అందుకోసం ఒక్కోసారి నువ్వు చాలా నొప్పిని భరించాల్సి ఉంటుంది. ఈ సినిమాలో జయేశ్‌ భాయ్‌ హీరోలా కనిపించడు. తనొక సాధారణ వ్యక్తి. సున్నిత మనస్కుడు‌. పితృస్వామ్య వ్యవస్థ సిద్ధాంతాలు, ఆచారాలకు వ్యతిరేకంగా అందరికీ సమాన హక్కులు ఉండాలని భావిస్తుంటాడు. నటుడిగా నాకు ఈ పాత్ర ఒక సవాల్‌’ అని చెప్పుకొచ్చాడు.    #ShaliniPandey is @RanveerOfficial's heroine in YRF’s #JayeshbhaiJordaar! #ManeeshSharma |#DivyangThakkar | @JJ_TheFilm pic.twitter.com/9t3KHwVxnY — Yash Raj Films (@yrf) December 11, 2019

బాలీవుడ్‌ మెగాస్టార్‌, బిగ్‌ బీ అమితాబ్‌ బచ్చన్‌, మిష్టర్‌ ఫర్‌ఫెక్ట్‌ ఆమిర్‌ ఖాన్‌ లాంటి భారీ తారాగణంతో ‘థగ్స్‌ ఆఫ్‌ హిందుస్థాన్‌’ విడుదలైన సంగతి తెలిసిందే. ఈ దీపావళికి విడుదలైన ఈ చిత్రం ఘోరపరాజయాన్ని చవిచూసింది. బాలీవుడ్‌ చరిత్రలో ఇలాంటి ఫెయిల్యూర్‌ను చూడాలేదని సినీ ప్రేక్షకులు అభిప్రాయపడుతున్నారు. దీనికి కారణం హైబడ్జెట్‌ అంటూ సినిమాకు ఎక్కడ లేని హైప్‌ను తీసుకొచ్చారు మేకర్స్‌.  దీనికి తోడు అమిర్‌, అమితాబ్‌, కత్రినా లాంటి స్టార్లు నటించేసరికి ఈ సినిమాపై అందరూ ఆశలు పెంచుకున్నారు. దాదాపు 300కోట్లతో ఈ చిత్రాన్ని తెరకెక్కినట్లు నిర్మాతలు ప్రకటించారు. అయితే ఇంతటి ప్రతిష్టాత్మకమైన చిత్రాన్ని అందరూ ఎగబడికొన్నారు. కానీ తీరా ఫలితం చూస్తే వారి గుండె పగిలేంత పనైంది. మొదటి రోజు ఓపెన్సింగ్‌ దృష్ట్యా రికార్డు క్రియేట్‌ చేసినా.. అసలు ఆట తరువాత మొదలైంది. రెండో రోజు నుంచి ఈ సినిమాకు కష్టాలు మొదలయ్యాయి.  వంద కోట్లు దాటడానికి వారం రోజులు పట్టింది. ఇప్పటికీ ఈ చిత్రం 150కోట్లను వసూలు చేసినట్లు తెలుస్తోంది. అయితే ఈ చిత్రాన్ని కొన్న డిస్ట్రిబ్యూటర్స్‌, థియేటర్స్‌ యజమానులకు లాభం కాదు కదా.. కొన్నదాంట్లో సగం కూడా వెనక్కివచ్చే పరిస్థితిలేదని వాపోతున్నారు. అయితే ఈ విషయంపై తమకు సహాయం చేయాలని యష్‌రాజ్‌ ఫిలిమ్స్‌ను డిమాండ్‌ చేసినట్లు సమాచారం. అమితాబ్‌, ఆమిర్‌లు కూడా ఈ విషయంలో కలగజేసుకుని సహాయం చేయాలని కోరారు.  గతంలో కొందరు హీరోలు ఇలా తమ సినిమాలు ఊహించని పరాజయం ఎదురైనప్పుడు వారిని ఆదుకున్నారు. ‘జబ్‌ హ్యారి మెట్‌ సజల్‌’, ‘దిల్‌వాలే’ సినిమాల విషయంలో షారుఖ్‌ ఖాన్‌, ‘ట్యూబ్‌లైట్‌’ సమయంలో సల్మాన్‌ ఖాన్‌ ఆదుకున్నారు. ఇంత నష్టాల్లో ఈ సినిమాను నడిపించలేమంటూ థియేటర్స్‌ యజమానులు తేల్చిచెప్పారు.  మరి ఈ విషయంలో నిర్మాతలు, హీరోలు ఎలా స్పందిస్తారో చూడాలి. 

బాలీవుడ్‌ : వరుణ్‌ ధావన్‌‌, అనుష్క శర్మ జంటగా తెరకెక్కుతున్న తాజా చిత్రం ‘సుయి ధాగా’. ఈ చిత్రానికి సంబంధించిన కొన్ని ఫొటోలు ప్రస్తుతం వైరల్‌గా మారాయి. అనుష్క నటిస్తున్న చిత్రం కావడంతో ఆమె అభిమానులే కాక కోహ్లి అభిమానులు కూడా ఈ సినిమాపై ఆసక్తి కనబరుస్తున్నారు. కొత్తగా కనిపిస్తున్న అనుష్క ఫొటోలను చూసిన అభిమానులు ఈ సినిమాలో మరో హీరోయిన్‌ కూడా నటిస్తుందేమో అన్న అనుమానం వ్యక్తం చేస్తున్నారు.  బ్లూ సారీ, రెడ్‌ బ్యాంగిల్స్‌ ధరించిన అనుష్క పూర్తిగా ఢిపరెంట్‌ లుక్‌లో ఉండటంతో అభిమానులు ఆమెని సరిగా పోల్చుకోలేకపోతున్నారు. ఇటీవలే విడుదలైన పరీలో అద్భుత నటనతో ఆకట్టుకున్న అనుష్క ప్రస్తుతం సుయి ధాగాలో డీ గ్లామర్‌ పాత్రలో నటిస్తున్నారు. వరుణ్‌ కూడా ఈ చిత్రంలో ఢిపరెంట్‌ లుక్‌లో కనిపించబోతున్నారు. యశ్‌ రాజ్‌ సంస్థ నిర్మిస్తున్న ఈ చిత్రంలో మమతా, మౌజీ పాత్రల్లో  అనుష్క, వరుణ్‌  కనిపించనున్నారు. మేడ్‌ ఇన్‌ ఇండియా కాన్సెప్ట్‌తో తెరకెక్కుతున్న ఈ  చిత్రం కోసం వరుణ్‌ కుట్టుమిషన్‌, అనుష్క ఎంబ్రాయిడరీ నేర్చుకున్నారు. ఈ సినిమా సెప్టెంబర్‌ 28న ప్రేక్షకుల ముందుకు రానుంది.

బాలీవుడ్‌ మెగాస్టార్‌ అమితాబ్‌ బచ్చన్‌, బాలీవుడ్‌ మిష్టర్‌ పర్‌ఫెక్ట్‌ ఆమిర్‌ఖాన్‌ కలిసి నటిస్తున్న ‘థగ్స్‌ ఆఫ్‌ హిందుస్థాన్‌’  సినిమా లుక్‌ లీకైంది. ఈ సినిమాలో అమితాబ్‌ పాత్రకు సంబంధించిన లుక్‌ అంటూ ఓ ఫోటో  సోషల్‌ మీడియాలో వైరల్‌ అవుతోంది. ఆ పోస్టర్‌కు ఫిదా అయిన ఫ్యాన్స్‌ తెగ షేర్‌  చేసుకుంటున్నారు. ఇన్‌స్టాగ్రాంలో ఇది ఇప్పుడు వైరల్‌గా మారింది. కానీ, దీనిపై చిత్రబృందం అధికారిక ప్రకటన చేయలేదు. ఇప్పటికే ఆమిర్‌ఖాన్‌కు సంబంధించిన లుక్స్‌ బయటకు వచ్చి, ఫ్యాన్స్‌ నుంచి మంచి రెస్పాన్స్‌ వచ్చింది. ఈ సినిమాను యశ్‌రాజ్‌ ఫిలిమ్స్‌ నిర్మాణంలో ఫిలిఫ్‌ మెడోస్‌ టేలర్‌ రాసిన నవల ఆధారంగా తెరకెక్కిస్తున్నారు. ఈ చిత్రాన్ని దీపావళి కానుకగా విడుదల చేయనున్నారు. అసలే బిగ్‌ బీ, సీనియర్‌ నటుడు అయిన అమితాబ్‌, ఆమిర్‌ఖాన్‌ కలిసి నటిస్తుండటంతో బాలీవుడ్‌ దృష్టి మొత్తం ఈ సినిమాపైనే ఉంది. ఈ సినిమా గురించి ఏ చిన్న విషయం తెలిసినా బీటౌన్‌ మొత్తం చర్చించుకుంటోంది.

నాలుగేళ్ల కెరీర్ లో కేవలం మూడు సినిమాలు మాత్రమే చేసిన ఓ బాలీవుడ్ హీరోయిన్ గోల్డెన్ ఛాన్స్ కొట్టేసింది. శుద్ దేశీ రొమాన్స్ సినిమాతో బాలీవుడ్ కు పరిచయం అయిన వాణీ కపూర్ తరువాత సౌత్ లో ఆహా కళ్యాణం, బేఫికర్ సినిమాల్లో నటించినా.. సక్సెస్ మాత్రం దక్కలేదు. దీంతో కొంత గ్యాప్ తీసుకున్న ఈ భామ త్వరలో ఓ భారీ ప్రాజెక్ట్ లో నటించనుంది. యష్ రాజ్ ఫిలింస్ సంస్థ హృతిక్ రోషన్, టైగర్ ష్రాఫ్ ల కాంబినేషన్ లో రూపొందిస్తున్న ఓ యాక్షన్ థ్రిల్లర్ సినిమాలో వాణీకపూర్ హీరోయిన్ గా నటించనుంది. సిద్ధార్థ్ ఆనంద్ దర్శకత్వంలో తెరకెక్కుతున్న ఈ సినిమాలో వాణీ హృతిక్ రోషన్ కు జోడిగా నటించనుందట. ఈ సినిమాలో హృతిక్, టైగర్ లు ఒకరితో ఒకరు తలపడే పాత్రల్లో నటించనున్నారు. ఇంకా పేరు నిర్ణయించని ఈ సినిమాను 2019 జనవరి 25న రిలీజ్ చేయాలని భావిస్తున్నారు. .@Vaaniofficial | @iHrithik | @iTIGERSHROFF pic.twitter.com/NAlSBPuvbe — Yash Raj Films (@yrf) 12 October 2017


 బాలీవుడ్, హాలీవుడ్ సినిమాలతో పాటు పలు అంతర్జాతీయ టీవీ షోలతో బిజీ బిజీగా ఉన్న హాట్ బ్యూటి ప్రియాంక చోప్రా ప్రస్తుతం నిర్మాణ రంగంలోనూ బిజీ అవుతోంది. పర్పల్ పెబల్ పిక్చర్స్ బ్యానర్ స్థాపించిన ప్రియాంక, ఆ బ్యానర్లో ఓ మరాఠి చిత్రాన్నినిర్మించింది. తొలి ప్రయత్నం సక్సెస్ కావటంతో ఇప్పుడు మరిన్ని ప్రాంతీయ భాషల్లో చిత్రాలు నిర్మించేందుకు ప్లాన్ చేసుకుంటుంది. తన రెండో సినిమాను టాలీవుడ్లో నిర్మించేందుకు రెడీ అవుతోంది ప్రియాంక.
 
 ప్రియాంక నిర్మించనున్న తొలి సౌత్ సినిమాలో నాని హీరోగా నటించనున్నాడన్న టాక్ వినిపిస్తోంది. ఇప్పటికే యష్ రాజ్ ఫిలింస్ తెరకెక్కించిన తొలి సౌత్ సినిమా ఆహా కళ్యాణంలో హీరోగా నటించిన నాని, ఇప్పుడు ప్రియాంక సినిమాతో బాలీవుడ్ సినీ జనాలకు మరింత చేరువవుతున్నాడు. ప్రస్తుతం నేనులోకల్తో పాటు, శివ నిర్వాణ దర్శకుడిగా పరిచయం అవుతూ తెరకెక్కిస్తున్న మరో సినిమా పనుల్లో బిజీగా ఉన్నాడు. ప్రియాంక నిర్మాణంలో నాని నటించటం కాయం అయితే ఈ రెండు సినిమాల తరువాతే ఆ సినిమా సెట్స్ మీదకు వెళుతుంది.


 ముంబై : బాలీవుడ్ దిగ్గజాలకు సర్వీసు టాక్స్ నోటీసులు జారీ అయ్యాయి. యశ్ రాజ్ ఫిల్మ్స్, సల్మాన్ ఖాన్ ఫిల్మ్స్, అమీర్ ఖాన్, రన్ వీర్ సింగ్ లాంటి అధిక పేరు ప్రఖ్యాతలున్న మూవీ మేకర్లు, యాక్టర్లకు సెంట్రల్ బోర్డు ఆఫ్ ఎక్సైజ్ అండ్ కస్టమ్స్(సీబీఎఫ్సీ) ఈ నోటీసులు జారీచేసింది. అమీర్ ఖాన్, రన్ వీర్ సింగ్లాంటి స్టార్ హీరోలకు ఎంత మొత్తంలో రెమ్యూనురేషన్ చెల్లించారో తెలపాలని ఆదేశిస్తూ టాప్ ప్రొడక్షన్ హోస్లకు ఈ నోటీసులు పంపింది. అదేవిధంగా యశ్ రాజ్ ఫిల్మ్స్, సల్మాన్ ఖాన్ ఫిల్మ్స్ లాంటి ప్రొడక్షన్ సంస్థల నుంచి యాక్టర్లు తీసుకున్న రెమ్యూనురేషన్ వివరాలు తెలపాలని యాక్టర్లనూ సీబీఎఫ్సీ ఆదేశించింది. అధిక పేరు ప్రఖ్యాతలున్న సర్వీసు టాక్స్ ఎగవేతదారుల సమాచార ఏరివేతలో భాగంగా, పన్ను అధికారులు ఈ నోటీసులు జారీచేస్తున్నట్టు గ్లామర్ వరల్డ్ చెబుతోంది.
 
 యశ్ రాజ్ ఫిల్మ్స్, సల్మాన్ ఖాన్ ఫిల్మ్స్, అమీర్ ఖాన్, రన్ వీర్ సింగ్లు తాజాగా సర్వీసు టాక్స్ డివిజన్ నుంచి ఈ నోటీసులు అందుకున్నారని దీనికి సంబంధించిన ఓ అధికారి చెప్పారు. ఇంటిలిజెన్స్ ఆఫీసర్లు వారి వద్ద నుంచి చెల్లింపులు,  రెమ్యూనురేషన్  వివరాలను కోరుతూ ఈ ఎంక్వయిరీ లేఖలు పంపారని ఆయన పేర్కొన్నారు. బాలీవుడ్ లో సర్వీసు టాక్స్ ఎగవేతదారులను గుర్తించే పనిలో డిపార్ట్మెంట్ ప్రస్తుతం నిమగ్నమైందని, ఈ వారంలోనే వారినుంచి సమాచారాన్ని కోరే అవకాశముందని తెలుస్తోంది. ఏక్తా టైగర్, ధూమ్ 3, బాజీరావ్ మస్తానీ, బజరంగీ భాయిజాన్, సుల్తాన్ లాంటి బ్లాక్ బాస్టర్ మూవీలను ఈ ప్రొడక్షన్ సంస్థలు, నటులు తీశారు.


 బాలీవుడ్ ఇండస్ట్రీలో భారీ అంచనాల మధ్య రిలీజ్కు రెడీ అవుతున్న సుల్తాన్ సినిమా షూటింగ్ పూర్తి చేసుకుంది. తొలిసారిగా సల్మాన్ ఖాన్, అనుష్క శర్మలు కలిసి నటిస్తున్న ఈ సినిమాలో, ఈ ఇద్దరు హరియాణాకు చెందిన రెజలర్లుగా నటిస్తున్నారు. యష్ రాజ్ ఫిలింస్ బ్యానర్పై తెరకెక్కుతున్న ఈ సినిమాకు అలీ అబ్బాస్ జాఫర్ దర్శకుడు.
 
 ఇప్పటికే కీలక సన్నివేశాల చిత్రీకరణ పూర్తికాగా, తాజాగా బుడాపెస్ట్లో తీసిన షూటింగ్ పార్ట్తో సినిమా పూర్తయ్యింది. ఈ విషయాన్ని కన్ఫామ్ చేస్తూ అనుష్క శర్మ యూనిట్ సభ్యులతో కలిసి ఓ వీడియోను తన ఇన్స్టాగ్రామ్లో పోస్ట్ చేసింది. ముందు నుంచి చెపుతున్నట్టుగా 2016 ఈద్కు సుల్తాన్ సినిమాను భారీగా రిలీజ్ చేస్తున్నారు.
  
 
 
 
  
 
 
 And this my friends is a FILM WRAP on #Sultan !! To everyone on this film .. Thank you for the memories and the growth
 
 
  


 దర్శకేంద్రుడు కే రాఘవేంద్రరావు దర్శకత్వంలో తెరకెక్కిన ఝుమ్మంది నాథం సినిమాతో వెండితెరకు పరిచయం అయిన సొట్టబుగ్గల సుందరి తాప్సీ. తొలి సినిమాతోనే మంచి గుర్తింపు తెచ్చుకున్న ఈ బ్యూటీ హీరోయిన్గా స్టార్ ఇమేజ్ మాత్రం సొంతం చేసుకోలేకపోయింది. మిస్టర్ పర్ఫెక్ట్, సాహసం లాంటి సక్సెస్ఫుల్ చిత్రాల్లో నటించినా అవి కూడా ఆమె కెరీర్కు పెద్దగా ఉపయోగపడలేదు.
 
 దీంతో బాలీవుడ్ బాట పట్టిన తాప్సీ చష్మే బదూర్ సినిమాతో అక్కడ కూడా మంచి గుర్తింపునే సాధించింది. తాజాగా ఈ అమ్మడు చేతి నిండా సినిమాలతో యమా బిజీగా ఉందంటూ వస్తున్న వార్తలపై తాప్సీ స్పందించింది. తన చేతిలో కేవలం రెండు సినిమాలే ఉన్నాయన్న తాప్సీ, ఘాజీతో పాటు, రైజింగ్ సన్ ఫిలింస్ బ్యానర్లో మరో సినిమా చేస్తున్నానంటూ ప్రకటించింది.
 
 సందీప్ కిషన్ హీరోగా తెరకెక్కుతున్న సినిమాతో పాటు, యష్ రాజ్ ఫిలింస్ బ్యానర్లో సినిమా చేయనున్నట్టుగా వస్తున్న వార్తలను ఖండించింది. కాళీగా ఉన్నప్పుడు కూడా బిజీగా ఉన్నట్టు బిల్డప్ ఇస్తుంటారు ఇండస్ట్రీ జనాలు. అలాంటిది, ఇలా అవకాశాల్లేవని చెప్పుకోవడానికి కూడా చాలా ధైర్యం కావలంటున్నారు విశ్లేషకులు.
  
 
 For all the speculations and source stories, I'm right now on for #Ghazi and an untitled movie under #RisingSunFilms ONLY *period*
 — taapsee pannu (@taapsee) February 9, 2016


 'వన్ నేనొక్కడినే' సినిమాతో తెలుగు తెరకు పరిచయం అయిన అందాల భామ కృతి సనన్, తరువాత నాగచైతన్య సరసన దోచెయ్ సినిమాలోనూ నటించింది. సౌత్ ఇండస్ట్రీలో అదృష్టం కలిసి రాక బాలీవుడ్ బాట పట్టిన ఈ బ్యూటీ అక్కడ మంచి అవకాశాలనే పట్టేసింది. షారూక్ ఖాన్ లీడ్ రోల్ తెరకెక్కిన దిల్వాలే సినిమాలో ఛాన్స్ కొట్టేసి అందరి దృష్టిని ఆకర్షించింది. అయితే సినిమా కూడా కృతిని సక్సెస్ ట్రాక్ ఎక్కించలేకపోయింది.
 
 సక్సెస్ సంగతి ఎలా ఉన్న కృతి సనన్ పేరు మాత్రం బాలీవుడ్లో మారుమోగిపోతుంది. దిల్వాలే సినిమా తరువాత ఈ పొడుగు కాళ్ల సుందరి.. సల్మాన్ హీరోగా నటిస్తున్న సుల్తాన్ సినిమాలో నటించడానికి అంగీకరించిందంటూ వార్తలు వినిపించాయి. ఆ తరువాత ఆ సినిమా నిర్మాణ సంస్థ యష్ రాజ్ ఫిలింస్ పెట్టిన కండీషన్స్ నచ్చక ఆ ప్రాజెక్ట్ నుంచి తప్పుకుందని టాక్ వినిపించింది. దీంతో ఎన్నడూ లేనిది యష్ రాజ్ ఫిలింస్ కూడా ఈ విషయంలో క్లారిటీ ఇవ్వాల్సి వచ్చింది.
 
 తాజాగా కృతి సనన్ కూడా ఈ రూమర్స్పై స్పందించింది. 'నేను మరోసారి మీకో విషయంలో క్లారిటీ ఇవ్వదలుచుకున్నాను. నాకు సుల్తాన్ చిత్ర యూనిట్ నుంచి ఎలాంటి ఆఫర్ రాలేదు. కాబట్టి యష్ రాజ్ ఫిలింస్ సంస్థ ఎలాంటి కండిషన్స్ పెట్టే అవకాశమే లేదు' అంటూ ట్వీట్ చేసింది. దీంతో సుల్తాన్ హీరోయిన్ కృతీనే అంటూ వచ్చిన వార్తలకు తెరపడింది.
  
 
 I'd like to clarify again that I have not been offered Sultan. So the question of YRF putting any conditions doesn't arise.
 — Kriti Sanon (@kritisanon) December 24, 2015


 మామూలుగా ఓ సినిమా వంద రోజులు ఆడితే హిట్. అదే సినిమా 150 రోజులు ఆడితే సూపర్ హిట్, అంతకు మించి ఆడితే బ్లాక్ బస్టర్. అలాంటిది ఓ సినిమా ఏకంగా 20 సంవత్సరాల పాటు ఒకే థియేటర్లో ఆడితే.. అలాంటి సినిమాను చరిత్ర అంటారు. అలా వెండితెర మీద ఆవిష్కరించబడిన అద్భుతమే దిల్వాలే దుల్హనియా లేజాయేంగే. 1995 అక్టోబర్ 20న రిలీజ్ అయిన ఈ రొమాంటిక్ లవ్స్టోరీ ఇప్పటికీ ముంబై మరాఠా మందిర్ రోజూ ప్రదర్శింపబడుతూనే ఉంది. ఇప్పటికీ ఈ సినిమాను ప్రేక్షకుల ఆదరిస్తూనే ఉన్నారు.
 
 షారూక్ ఖాన్, కాజోల్ హీరో హీరోయిన్లుగా అనుపమ్ ఖేర్, అమ్రీష్ పూరి లాంటి మహానటులు నటించిన ఈ సినిమాను ఆదిత్య చోప్రా తొలిప్రయత్నంగా డైరెక్ట్ చేశాడు. ఎటువంటి అనుభవం లేకపోయిన భారతీయ సినిమా చరిత్రలో నిలిచిపోయే అద్భుత ప్రేమకథను వెండితెర మీద ఆవిష్కరించాడు. అందుకే ఏకంగా పది ఫిలిం ఫేర్ అవార్డ్లతో పాటు బెస్ట్ పాపులర్ ఫిలింగా నేషనల్ అవార్డ్ కూడా సాధించింది దిల్వాలే దుల్హనియా లేజాయేంగే.
 
 దిల్వాలే దుల్హనియా లేజాయేంగే ఇచ్చిన ఇన్సిపిరేషన్తో ఇప్పటికీ ఇదే లైన్తో ఇండియన్ సినిమాలో ఎన్నో చిత్రాలు తెరకెక్కుతూనే ఉన్నాయి. మంచి విజయాలు సాధిస్తున్నాయి. ఇంతటి ఘనవిజయం సాధించిన దిల్వాలే దుల్హానియా లేజాయేంగే 20 ఏళ్లు పూర్తి చేసుకున్న సందర్భంగా ఆ సినిమా నిర్మాణ సంస్థ యష్ రాజ్ ఫిలింస్ ఓ స్పెషల్ వీడియో రూపొందించింది. ఈ వీడియోను త్వరలోనే రిలీజ్ చేయనున్నట్టు తన ట్విట్టర్ ద్వారా అభిమానులకు తెలియజేశాడు షారూఖ్. మరోసారి కాజోల్ తో కలిసి దిల్వాలే సినిమాలో నటిస్తున్న షారూఖ్, డిడిఎల్ తరహాలోనే రూపొందించిన పోస్టర్ను ట్విట్టర్ పేజ్ లో పోస్ట్ చేశాడు.
  Want to thk Team Rohit Shetty & Red Chillies for doing this last minute.All looked happy that I picked Kajol again pic.twitter.com/AioOeaCPkL— Shah Rukh Khan (@iamsrk) October 19, 2015Celebrated enough tonite with Dilwale team.But amidst mad shooting Rohit has a made a video for u all for DDLJ.Yrf will upload it soon.— Shah Rukh Khan (@iamsrk) October 20, 2015


 ధూమ్ సీరీస్లో మరో భాగం సెట్స్ మీదకు వెళ్లడానికి రెడీ అవుతోంది. ఇప్పటికే మూడు భాగాలుగా మంచి విజయాలు సాధించిన ఈ సిరీస్లో ఇప్పుడు నాలుగో భాగం తెరకెక్కనుంది. తొలి మూడు భాగాలను నిర్మించిన యష్ రాజ్ ఫిలింస్ సంస్థ మరోసారి ప్రతిష్ఠాత్మకంగా ఈ సినిమాను నిర్మించడానికి ప్లాన్ చేస్తోంది.
 
 ధూమ్ 2లో నెగెటివ్ పాత్రలో కనిపించిన హృతిక్ రోషన్ మరోసారి ధూమ్ 4లో నటిస్తుండగా, అభిషేక్ బచ్చన్, ఉదయ్ చోప్రాలు పోలీస్ పాత్రల్లో అలరించనున్నారు. దీనికితోడు ధూమ్ 4లో అమితాబ్ బచ్చన్ కూడా నటించే ఛాన్స్ ఉందన్న టాక్ వినిపిస్తోంది. అయితే అమితాబ్ పాత్ర నెగెటివా, పాజిటివా అన్న విషయంలో మాత్రం క్లారిటీ రాలేదు.
 
 మొదటి రెండు భాగాల తర్వాత లేటెస్ట్గా వచ్చిన ధూమ్ 3 టాక్ పరంగా కాస్త నిరాశపరిచినా.. కలెక్షన్ల పరంగా మాత్రం ఆకట్టుకుంది. అమీర్ ఖాన్ హీరోగా తెరకెక్కిన ఈ సినిమా అంతర్జాతీయ స్థాయిలో భారీ వసూళ్లను రాబట్టి అత్యధిక వసూళ్లు సాధించిన భారతీయ చిత్రాల్లో ఒకటిగా నిలిచింది. ధూమ్ 4తో మరోసారి తమ రికార్డ్లను తామే బద్దలు కొట్టాలని ప్లాన్ చేస్తున్నారు చిత్రయూనిట్.


 ముంబై:  బాలీవుడ్ నటుడు షారుక్ ఖాన్ అనారోగ్యానికి గురయ్యాడు. తాను జలుబు, జ్వరంతో బాధపడుతున్నట్టు అభిమానులకు సోషల్ మీడియా వెబ్ సైట్ ట్విటర్ ద్వారా వెల్లడించారు. జలుబు, జ్వరంతో  బాధపడుతున్నాను. జలుబు కారణంగా వాసన తెలియడం లేదు. హ్యాపీ న్యూఇయర్ చిత్ర విజయాన్ని ఎంజాయ్.. ఆ చిత్రం గురించి వార్తలను కనీసం చదువలేక పోతున్నాను. 
  
 హ్యాపీ న్యూఇయర్ చిత్రాన్ని అందరించిన ప్రేక్షకులకు, అభిమానులకు ధన్యవాదాలు అంటూ షారుక్ ట్విటర్ లో ఓ సందేశాన్ని పోస్ట్ చేశారు. హ్యాపీ న్యూఇయర్ ప్రమోషన్ సందర్బంగా షారుక్ మోకాలి నొప్పితో బాధపడ్డారు. ప్రస్తుతం యశ్ రాజ్ ప్రోడక్షన్ రూపొందించే 'ఫ్యాన్' చిత్రంలో నటిస్తున్నారు. ఇటీవల విడుదలైన హ్యాపీ న్యూఇయర్ చిత్రం రికార్డులను తిరగరాస్తోంది. Down with cold & fever. Can’t smell a thing….not even the success. Can see it…feel it…read it…waiting to smell it!! Thanx all for loving HNY— Shah Rukh Khan (@iamsrk) October 26, 2014
 
  


 బాలీవుడ్ కామెడీ కింగ్ గోవిందా తొలిసారిగా విలన్ పాత్రలో కనిపించనున్నాడు. యశ్‌రాజ్ ఫిలిమ్స్ రూపొందిస్తున్న ‘కిల్ దిల్’లో కరడుగట్టిన దుష్టపాత్ర ధరించనున్నాడు. విలన్ పాత్ర పోషించడంపై ప్రశ్నిస్తే, యశ్‌రాజ్ ఫిలిమ్స్ బ్యానర్ రూపొందించిన సినిమాల్లో విలన్ పాత్రలు సైతం హీరో స్థాయిలో ఉంటాయిని, అందుకే ఈ పాత్రకు అంగీకరించానని గోవిందా చెబుతున్నాడు. షాద్ అలీ దర్శకత్వం వహిస్తున్న ఈ చిత్రంలో రణవీర్ సింగ్, అలీ జఫర్, పరిణీతి చోప్రా కీలక పాత్రల్లో కనిపించనున్నారు.  


 యష్‌రాజ్ ఫిల్స్మ్ ప్రకటన
  
 న్యూఢిల్లీ: బాలీవుడ్‌లో విజయవంతమైన ‘కహానీ’ సినిమాను ‘డైటీ’ పేరుతో ఇంగ్లిష్‌లో రీమేక్ చేయనున్నట్లు సుప్రసిద్ధ బాలీవుడ్ నిర్మాణ సంస్థ యష్‌రాజ్ ఫిల్మ్స్ (వైఆర్‌ఎఫ్) శుక్రవారం ప్రకటించింది. కహానీ సినిమాలో విద్యాబాలన్ ప్రధాన పాత్ర పోషించగా, సుజోయ్ ఘోష్ దర్శకత్వం వహించారు.
  
 కాగా, దీన్ని ఇంగ్లిష్‌లో నీల్స్ ఆర్డెన్ ఓప్లెవ్ దర్శకత్వంలో తెరకెక్కించేందుకు వైఆర్‌ఎఫ్ సన్నాహాలు చేస్తోంది. నీల్స్ ఇంతకుముందు‘ది గర్ల్ విత్ ది డ్రాగన్ టాటూ’ అనే సినిమాకు దర్శకత్వం వహించాడు. కాగా, ‘డైటీ’సినిమాలో ఒక అమెరికన్ యువతి తన భర్త కోసం ఇండియా వచ్చి కోల్‌కతాలో అన్వేషిస్తుంది. ఆమె నిజం తెలుసుకునేసరికి, తాను అపాయంలో చిక్కుకున్నట్లు అర్థమవుతుంది. ఆ పరిస్థితులనుంచి ఆమె ఎలా బయటపడింది.. అసలు ఆమె భర్త దొరికాడా.. లేదా అనే కథాంశంతో ఉత్కంఠభరితంగా ఈ సినిమాను తెరకెక్కించనున్నట్లు వైఆర్‌ఎఫ్ వర్గాలు తెలిపాయి.
  
 2015 ఫిబ్రవరి నుంచి ఈ సినిమా సెట్స్‌పైకి వెళ్లనుంది. సినిమా మొత్తం కోల్‌కతాలోనే షూటింగ్ జరుపుకోనుంది. ఈ సందర్భంగా దర్శకుడు ఒప్లేవ్ మాట్లాడుతూ సినిమా ఆద్యం తం ప్రేక్షకులను ఆకట్టుకునేలా ఉంటుందని తెలిపారు. ఇం దులోని ప్రతిపాత్రకు ప్రాధాన్యముంటుందన్నారు. దీనిలో భిన్న ధృవాలవంటి అమెరికన్ -ఇండియన్ సంస్కృతుల మధ్య వ్యత్యాసాన్ని, దాని వల్ల హీరోయిన్ ఎదుర్కొనే ఇబ్బందులను కళ్లకు కట్టినట్లు తనదైన శైలిలో చూపించనున్నట్లు ఒప్లేవ్ వివరించారు.
  
 ఈ సినిమాలో కోల్‌కతా నగరాన్ని కొత్త కోణంలో ఆవిష్కరించనున్నట్లు ఆయన చెప్పారు. వైఆర్‌ఎఫ్ ఎంటర్‌టైన్‌మెంట్ సీఈవో ఉదయ్ చోప్రా మాట్లాడుతూ..‘కహానీ’ చిత్రాన్ని ‘డైటీ’గా రీమేక్ చేయడానికి నీల్స్ మాత్రమే సమర్థుడని పొగడ్తలతో ముంచెత్తారు. తన సినిమా రీమేక్‌పై ఘోష్ మాట్లాడుతూ..‘కొంత కాలం కిందట ‘కహానీ’ని ఇంగ్లిష్‌లో రీమేక్ చేస్తానని ఉదయ్ చెబితే సరదాగా అంటున్నాడనుకున్నా కాని వాళ్లు ఈ విషయంలో సీరియస్‌గానే ఉన్నారని తెలుసుకుని చాలా ఆనందించా.. నీల్స్ మంచి డెరైక్టర్. ప్రపంచ ప్రేక్షకులకు నచ్చేవిధంగా ‘కహానీ’ని మలిచే సామర్థ్యం అతడికి ఉంది’ అని కితాబు ఇచ్చాడు.


 న్యూఢిల్లీ: బాలీవుడ్‌లో విజయవంతమైన ‘కహానీ’ సినిమాను ‘డెయిటీ’ పేరుతో ఇంగ్లిష్‌లో రీమేక్ చేయనున్నట్లు సుప్రసిద్ధ బాలీవుడ్ నిర్మాణ సంస్థ యష్‌రాజ్ ఫిల్మ్స్ (వైఆర్‌ఎఫ్) శుక్రవారం ప్రకటించింది. కహానీ సినిమాలో విద్యాబాలన్ ప్రధాన పాత్ర పోషించగా, సుజోయ్ ఘోష్ దర్శకత్వం వహించారు. కాగా, దీన్ని ఇంగ్లిష్‌లో నీల్స్ ఆర్డెన్ ఓప్లెవ్ దర్శకత్వంలో తెరకెక్కించేందుకు వైఆర్‌ఎఫ్ సన్నాహాలు చేస్తోంది.
 
  నీల్స్ ఇంతకుముందు‘ది గర్ల్ విత్ ది డ్రాగన్ టాటూ’ అనే సినిమాకు దర్శకత్వం వహించాడు. కాగా, ‘డైటీ’సినిమాలో ఒక అమెరికన్ యువతి తన భర్త కోసం ఇండియా వచ్చి కోల్‌కతాలో అన్వేషిస్తుంది. ఆమె నిజం తెలుసుకునేసరికి, తాను అపాయంలో చిక్కుకున్నట్లు అర్థమవుతుంది. ఆ పరిస్థితులనుంచి ఆమె ఎలా బయటపడింది.. అసలు ఆమె భర్త దొరికాడా.. లేదా అనే కథాంశంతో ఉత్కంఠభరితంగా ఈ సినిమాను తెరకెక్కించనున్నట్లు వైఆర్‌ఎఫ్ వర్గాలు తెలిపాయి. 2015 ఫిబ్రవరి నుంచి ఈ సినిమా సెట్స్‌పైకి వెళ్లనుంది. సినిమా మొత్తం కోల్‌కతాలోనే షూటింగ్ జరుపుకోనుంది.
 
  ఈ సందర్భంగా దర్శకుడు ఒప్లేవ్ మాట్లాడుతూ సినిమా ఆద్యంతం ప్రేక్షకులను ఆకట్టుకునేలా ఉంటుందని తెలిపారు. ఇందులోని ప్రతిపాత్రకు ప్రాధాన్యముంటుందన్నారు. దీనిలో భిన్న ధృవాలవంటి అమెరికన్ -ఇండియన్ సంస్కృతుల మధ్య వ్యత్యాసాన్ని, దాని వల్ల హీరోయిన్ ఎదుర్కొనే ఇబ్బందులను కళ్లకు కట్టినట్లు తనదైన శైలిలో చూపించనున్నట్లు ఒప్లేవ్ వివరించారు. ఈ సినిమాలో కోల్‌కతా నగరాన్ని కొత్త కోణంలో ఆవిష్కరించనున్నట్లు ఆయన చెప్పారు. వైఆర్‌ఎఫ్ ఎంటర్‌టైన్‌మెంట్ సీఈవో ఉదయ్ చోప్రా మాట్లాడుతూ..‘కహానీ’ చిత్రాన్ని ‘డెయిటీ’గా రీమేక్ చేయడానికి నీల్స్ మాత్రమే సమర్థుడని పొగడ్తలతో ముంచెత్తారు.
 
 ప్రపంచ వ్యాప్తంగా కోల్‌కతా నగరానికి ఈ సినిమాతో ఒక కొత్త గుర్తింపు తీసుకువచ్చేలా ఇప్పటివరకు ఎవరూ స్పృశించని ప్రాంతాల్లో నీల్స్ షూటింగ్ జరిపేందుకు సన్నాహాలు చేస్తున్నాడని చోప్రా తెలిపారు. తన సినిమా రీమేక్‌పై ఘోష్ మాట్లాడుతూ..‘కొంత కాలం కిందట ‘కహానీ’ని ఇంగ్లిష్‌లో రీమేక్ చేస్తానని ఉదయ్ చెబితే సరదాగా అంటున్నాడనుకున్నా కాని వాళ్లు ఈ విషయంలో సీరియస్‌గానే ఉన్నారని తెలిసి చాలా ఆనందించా.. నీల్స్ మంచి డెరైక్టర్. ప్రపంచ ప్రేక్షకులకు నచ్చేవిధంగా ‘కహానీ’ని మలిచే సామర్థ్యం అతడికి ఉంద..’ని కితాబు ఇచ్చాడు.