సాక్షి, చెన్నై: ఒకప్పుడు ప్రజల రక్షణకు ప్రతీకగా నిలిచిన ఖాకీ యూనిఫాం.. ఇప్పుడు అమానవీయ ఘటనలకి కేరాఫ్‌ అడ్రస్‌గా నిలుస్తోందనే ఆరోపణలు వెల్లువెత్తుతున్నాయి. తాజాగా తమిళనాడు శివగంగై జిల్లాలో పోలీసుల చిత్ర హింసలకు ప్రాణాలు అజిత్ కుమార్‌ (28) కుటుంబాన్ని తమిళగ వెట్రి కళగం (TVK) అధినేత, ప్రముఖ నటుడు విజయ్‌ (Vijay) పరామర్శించారు. బుధవారం మదపురంలోని బాధితుడు అజిత్ కుమార్‌ కుటుంబాన్ని కలిశారు. అజిత్ కుమార్‌ ఫోటోకు పూలమాలలు వేసి నివాళులు అర్పించారు. బాధిత కుటుంబానికి రూ. 2 లక్షల ఆర్థిక సహాయం అందించడంతో పాటు అన్ని విధాలుగా అండగా ఉంటామని హామీ ఇచ్చారు. అనంతరం, విజయ్‌ మాట్లాడుతూ.. ఇలాంటి అమానవీయ ఘటనలు జరుగకూడదని, బాధ్యులపై కఠిన చర్యలు తీసుకోవాలని ప్రభుత్వాన్ని కోరారు. ఈ ఘటనపై హైకోర్టు పర్యవేక్షణలో ప్రత్యేక దర్యాప్తు (SIT) వేయాలని డిమాండ్ చేశారు.తమిళనాట యువకుడు అజిత్‌ కుమార్‌ కస్టోడియల్‌ డెత్‌ సంచలనంగా మారింది. వివరాల్లోకి వెళితే.. అజిత్ కుమార్ (27) అనే యువకుడు శివగంగై జిల్లాలోని మదపురం భద్రకాళి అమ్మన్ ఆలయంలో తాత్కాలిక భద్రతా సిబ్బందిగా విధులు నిర్వహిస్తున్నారు. అయితే, ఈ క్రమంలో జూన్ 27న ఓ మహిళ తన బంగారు ఆభరణాలు పోయాయంటూ పోలీసులకు ఫిర్యాదు చేసింది. విచారణ నిమిత్తం పోలీసులు అజిత్‌ను అదుపులోకి తీసుకున్నారు. విచారణ చేపట్టారు. అజిత్‌పై పోలీసుల అమానుషంవిచారణ పూర్తి కావడంతో అజిత్‌ను పోలీసులు వదిలేశారు. మళ్లీ మరోసారి అతన్ని అదుపులోకి తీసుకున్నారు. రెండు రోజుల తర్వాత అంటే జూన్ 29న బాధితుడికి ఆరోగ్య సమస్యలు తలెత్తడంతో పోలీసులు అత్యవసర చికిత్స నిమిత్తం ఆసుపత్రికి తరలించారు. చికిత్స పొందుతూ ఆస్పత్రిలోనే మరణించారు. కానీ పోస్టు మార్టం నివేదికలో మాత్రం పోలీసులు తీరుపై అనుమానాలు వెల్లువెత్తాయి. పోస్టుమార్టం నివేదికలో అజిత్‌ కుమార్‌ తల, ఛాతీ, శరీరంపై 30 నుంచి 40 వరకు గాయాలైన ముద్రలు ఉన్నట్లు తేలింది. లాఠీ దెబ్బలు, చింతపండు పొడి నోట్లో, ప్రైవేట్ పార్ట్స్‌లో నింపడం వంటి అమానుష చర్యలు జరిగినట్లు తేలింది. సివిల్‌ డ్రెస్‌లో పోలీసులు..అజిత్‌పై దాడిమరణం అనంతరం వెలుగులోకి వచ్చిన సీసీటీవీ ఫుటేజీల్లో సైతం అజిత్‌ కుమార్‌ పోలిస్‌ స్టేషన్‌కు వెళ్లే ముందు ఆరోగ్యంగా ఉన్నాడు. కానీ పోలీసుల చిత్ర హింసలతో తీవ్రంగా గాయపడిన స్థితిలో బయటకు వచ్చినట్లు కనిపిస్తోంది. సివిల్‌ డ్రెస్‌లో ఉన్న పోలీసులు అజిత్‌ కుమార్‌ను అతను పనిచేసే భద్రకాళి అమ్మన్‌ ఆలయం వెనక్కి తీసుకెళ్లి కొడుతున్న దుశ్యాలు వెలుగులోకి రావడం కలకలం రేగింది. ఈ ఘటనపై తమిళనాడు ప్రభుత్వం ఆగ్రహం వ్యక్తం చేసింది. పోలీసులపై చర్యలకు ఉపక్రమించింది.#Shocking A video has surfaced showing police attacking Ajith Kumar, a youth from Sivaganga. The police's First Information Report (FIR) claimed that Ajith died due to epilepsy and injuries sustained from a fall. #AjithkumarMysteryDeath #CustodyDeath @TheFederal_News pic.twitter.com/otW1AicDGZ— Mahalingam Ponnusamy (@mahajournalist) July 1, 2025ఎస్పీ అశిష్ రావత్‌పై వేటు అజిత్‌ కుమార్‌ మరణానికి కారణమైన ఐదుగురు పోలీసుల్ని తమిళనాడు పోలీస్‌ శాఖ అదుపులోకి తీసుకుంది. హెడ్ కానిస్టేబుళ్లు కన్నన్, ప్రభు, కానిస్టేబుళ్లు రాజా, ఆనంద్, శంకరమణికంతో పాటు వారికి సహకరించిన డ్రైవర్ రామచంద్రన్‌ను సస్పెండ్ చేసింది. శివగంగై ఎస్పీ అశిష్ రావత్‌పై వేటు వేసి.. రామనాథపురం ఎస్పీకి అదనపు బాధ్యతలు అప్పగించింది.మరోవైపు లాకప్‌ డెత్‌లో మరణించిన అజిత్‌ కుమార్‌ కేసును మద్రాస్ హైకోర్టు విచారించింది. విచారణలో ఓ హంతకుడు కూడా ఇలా దాడి చేయడూ అంటూ కీలక వ్యాఖ్యలు చేసింది. సీఎం స్టాలిన్ బాధిత కుటుంబాన్ని పరామర్శించి సీబీ సీఐడీ విచారణకు ఆదేశించారు. బీజేపీ,ఏఐడీఐఏంకేతో పాటు ఇతర పార్టీలు సీబీఐ విచారణ కోరుతున్నాయి.

తమిళ స్టార్‌ హీరో విజయ్‌ కొత్త సినిమా ప్రకటన వచ్చేసింది. ‘దళపతి 69’ పేరుతో రూపొందనున్న ఈ చిత్రానికి హెచ్‌. వినోద్‌ దర్శకుడు. కేవీఎన్‌ ప్రోడక్షన్స్‌పై ఎన్‌కే, వెంకట్‌ కె. నారాయణ ఆధ్వర్యంలో తమిళ, తెలుగు, హిందీ భాషల్లో ఈ చిత్రం రూపొందనుంది. ‘‘విజయ్‌తో మా మొదటి చిత్రం ‘దళపతి 69’. ఈ సినిమా కోసం హెచ్‌. వినోద్‌ అద్భుతమైన కథని సిద్ధం చేశారు. మూడు దశాబ్దాల సినిమా ప్రయాణంలో తిరుగులేని స్టార్‌డమ్‌తో కథానాయకుడిగా రాణించారు విజయ్‌. ఆయన హీరోగా రూపొందుతోన్న చివరి చిత్రం ‘దళపతి 69’ కానుండటంతో భారతీయ సినీ చరిత్రలో నిలిచేపోయేలా తెరకెక్కిస్తాం. సరికొత్త రికార్డులను సృష్టించేలా ఈ సినిమాని రూపొందించనున్నాం. ఈ చితాన్ని 2025 అక్టోబర్‌లో రిలీజ్‌ చేస్తాం’’ అన్నారు. ఈ చిత్రానికి సంగీతం: అనిరుధ్‌ రవిచందర్‌.

కోలీవుడ్ స్టార్ హీరో, దళపతి విజయ్‌ కథానాయకుడిగా నటిస్తున్న 68వ చిత్రం షూటింగ్‌ శరవేగంగా జరుగుతోంది. లియో తర్వాత వెంకట్‌ ప్రభు దర్శకత్వం ఆయన నటిస్తున్నారు. ఈ చిత్రాన్ని ఏజీఎస్‌ ప్రొడక్షన్స్‌ సంస్థ నిర్మిస్తోంది. ఈ చిత్రంలో మీనాక్షి చౌదరి హీరోయిన్‌గా కనిపించనుంది. అయితే తాజాగా ఈ చిత్రం గురించి పలు ఆసక్తికరమైన  విషయాలు బయటకొస్తున్నాయి. ఇందులో విజయ్ తండ్రీకొడుకులుగా ద్విపాత్రాభినయం చేస్తున్నట్టు సమాచారం. ఇందులో ఒక పాత్ర కోసం విజయ్‌ ఆధునిక సాంకేతిక పరిజ్ఞానంతో యూత్‌ ఫుల్‌గా తయారవుతున్నట్లు ప్రచారం జరుగుతోంది. ఇదే విధంగా ఈ చిత్రానికి బాస్‌ అనే టైటిల్‌ను నిర్ణయించినట్లు న్యూస్‌ తెగ వైరలవుతోంది. ఇకపోతే ఈ చిత్రం ఫస్ట్‌ లుక్‌ పోస్టర్‌ డిసెంబరు 31వ తేదీన విడుదల చేయడానికి యూనిట్‌ వర్గాలు  రెడీ అయ్యాయి. దీనిపై గురించి చిత్ర ఎగ్జిక్యూటివ్‌ ప్రొడ్యూసర్‌ అర్చన తెలుపుతూ తమ చిత్రం గురించి జరుగుతున్న ప్రచారంలో ఏదీ నిజం లేదన్నారు. ముఖ్యంగా చిత్ర టైటిల్‌ బాస్‌ అని జరుగుతున్న ప్రచారంలో కొంచెం కూడా వాస్తవం లేదన్నారు. ఈ చిత్రానికి సంబంధించి వెంకట్‌ ప్రభు స్పెషల్‌గా ఆలోచించారని.. ఆ వివరాలను త్వరలోనే వెల్లడించనున్నట్లు తెలిపారు. విజయ్‌ తన 69, 70వ చిత్రాలకు కూడా కమిట్‌ అయినట్లు తెలిసింది. తన 69వ చిత్రానికి కార్తీక్‌ సుబ్బరాజ్‌, 70వ చిత్రానికి దర్శకుడు శంకర్‌ లేదా అట్లీ గానీ దర్శకత్వం వహించే అవకాశం ఉన్నట్లు టాక్‌.  కాగా.. ఈ చిత్రంలో నటి స్నేహ, లైలా, రాఘవ లారెన్స్‌, ప్రశాంత్‌, మైక్‌ మోహన్‌, ప్రేమ్‌ జీ తదితరులు ముఖ్య పాత్రలు పోషిస్తున్నారు. యువన్‌ శంకర్‌ రాజా సంగీతాన్ని అందిస్తున్నారు.

కోలీవుడ్ స్టార్ హీరో  దళపతి విజయ్‌ చిత్రానికి దర్శకత్వం వహించే అవకాశం కోసం చాలా మంది డైరెక్టర్స్ ఎదురు చూస్తుంటారు. అయితే ప్రస్తుత పరిస్థితుల్లో విజయ్‌ ఒప్పించడం అంత సులభం కాదు. ప్రస్తుతం ఆయన నటిస్తున్న చిత్రానికి వెంకట్‌ ప్రభు దర్శకత్వం వహిస్తున్నారు. ఇది విజయ్‌ కథానాయకుడిగా నటిస్తున్న 68వ చిత్రం. ఇందులో త్రిష నాయకిగా నటిస్తుండగా.. ఈ చిత్రాన్ని ఏజీఎస్‌ ఎంటర్‌టైన్‌మెంట్‌ సంస్థ భారీ ఎత్తున నిర్మిస్తోంది. ఈ చిత్రానికి యువన్‌ శంకర్‌ రాజా సంగీతమందిస్తున్నారు. ప్రస్తుతం ఈ చిత్రం షూటింగ్‌ శరవేగంగా జరుపుకుంటోంది. దీంతో విజయ్‌ తన 69వ చిత్రానికి గ్రీన్‌ సిగ్నల్‌ ఇచ్చినట్లు తాజా సమాచారం. కాగా ఇటీవల జవాన్‌ చిత్రంతో బాలీవుడ్‌లోనూ విజయ బావుటా ఎగురవేసిన అట్లీ విజయ్‌ తదుపరి చిత్రానికి దర్శకత్వం వహిస్తారని కోలీవుడ్‌లో ప్రచారం జరుగుతోంది. వీరిది సూపర్‌ హిట్‌ కాంబినేషన్‌ అన్నది ప్రత్యేకంగా చెప్పాల్సిన అవసరం లేదు.  మెర్సల్‌, బిగిల్‌ వంటి విజయవంతమైన చిత్రాలు వీరి కాంబినేషన్లో వచ్చినవే. ఇదిలా ఉండగా విజయ్‌ను దర్శకత్వం వహించే దర్శకుల లిస్ట్‌లోకి యువ దర్శకుడు కార్తీక్‌ సుబ్బరాజ్‌ దూసుకొచ్చారన్నది తాజా సమాచారం. వైవిధ్య భరిత కథా చిత్రాల దర్శకుడైన ఈయన తాజాగా జిగర్తండ డబుల్‌ ఎక్స్‌ వంటి హిట్‌ చిత్రం చేయడం గమనార్హం.  కాగా.. కార్తీక్‌ సుబ్బరాజ్‌ నటుడు విజయ్‌ కోసం ఒక కథను సిద్ధం చేసి.. దాన్ని ఆయనను కలిసి వినిపించినట్లు తెలిసింది. కథ నచ్చడంతో విజయ్‌ కూడా అందులో నటించడానికి పచ్చ జెండా ఊపినట్లు సమాచారం. తదుపరి విజయ్‌ నటించే ఇదే అవుతుందనే ప్రచారం సామాజిక మాధ్యమాల్లో జోరందుకుంది. అంతే కాకుండా 2024 మార్చి లేదా ఏప్రిల్లో ఈ క్రేజీ కాంబోలో చిత్రం సెట్‌ పైకి వెళ్లనున్నట్లు టాక్‌. 

దళపతి విజయ్‌ని తెలుగు ప్రేక్షకులకు కొత్తగా పరిచయం చేయాల్సిందే ఏం లేదు. పలు డబ్బింగ్ సినిమాలతో, సోషల్ మీడియాలో ట్రోల్స్‌తో ఎప్పటికప్పుడు ట్రెండ్ అవుతూనే ఉంటాడు. అయితే ఇతడికి 23 ఏళ్ల కొడుకు ఉన్నాడు. అతడు హీరో అవుతాడనుకుని ఫ్యాన్స్ ఎక్స్‌పెక్ట్ చేశారు. ఇప్పుడు డైరెక్టర్‌గా తొలి ప్రాజెక్ట్ అనౌన్స్ చేసి అందరినీ ఆశ్చర్యపరిచాడు. తమిళ హీరో దళపతి విజయ్‌కి ఇద్దరు పిల్లలు. అందులో కొడుకు జేసన్ సంజయ్ పెద్దోడు. ప్రస్తుతం అతడికి 23 ఏళ్లు. అయితే తండ్రిలానే హీరోగా ఎంట్రీ ఇస్తాడని చాలారోజుల నుంచి టాక్ నడుస్తోంది. 'ఉప్పెన' తమిళ రీమేక్‌తో నటుడిగా మారతాడని అప్పట్లో తెగ రూమర్స్ వచ్చాయి. ఇప్పుడు వాటన్నింటికీ చెక్ పెడుతూ.. జేసన్ దర్శకుడిగా ఎంట్రీ ఇస్తున్నాడు. గతంలో 'వెట్టైకారన్' సినిమాలో విజయ్-జేసన్ కలిసి నటించారు. (ఇదీ చదవండి: ఈ వారం ఓటీటీల్లో 22 సినిమాలు రిలీజ్.. కానీ?) తమిళంలో పలు భారీ బడ్జెట్ సినిమాలు తీస్తున్న ప్రముఖ నిర్మాణ సంస్థ లైకా ప్రొడక్షన్స్.. జేసన్ సంజయ్ ని దర్శకుడిగా పరిచయం చేస్తోంది. సోమవారం ఈ విషయాన్ని అధికారికంగా ప్రకటించింది. కొన్ని ఫొటోలను సోషల్ మీడియాలో షేర్ చేసింది. దీంతో ఈ మేటర్ కాస్త బయటపడింది.  విజయ్ హీరోగా నటించిన 'లియో' త్వరలో రిలీజ్ కానుంది. దీని తర్వాత వెంకట్ ప్రభుతో ఓ సినిమా చేస్తారు. అనంతరం సినిమాలకు రిటైర్మెంట్ ఇచ్చేసి, రాజకీయాల్లోకి వెళ్లిపోతారని మాట్లాడుకుంటున్నారు. ఈ క్రమంలోనే ఇతడి వారసుడిగా జేసన్ వస్తాడని ఫ్యాన్స్ అనుకుంటే.. ఇప్పుడు డైరెక్టర్ గా మారి షాకిచ్చాడు. బహుశా భవిష్యత్తులో ఏమైనా హీరో అవుతాడేమో చూడాలి. (ఇదీ చదవండి: యూట్యూబర్‌ని పెళ్లి చేసుకున్న ప్రముఖ నటి) View this post on Instagram A post shared by Lyca Productions (@lycaproductions)

హీరో విజయ్‌ దేవరకొండ వరుస సినిమాలతో దూసుకెళుతున్నారు. ఇప్పటికే మూడుప్రాజెక్ట్స్‌తో బిజీగా ఉన్న ఆయన తాజాగా ఇంద్రగంటి మోహనకృష్ణ దర్శకత్వంలో ఓ సినిమాకి గ్రీన్‌ సిగ్నల్‌ ఇచ్చినట్లు వార్తలు వస్తున్నాయి. శివ నిర్వాణ దర్శకత్వంలో విజయ్‌ దేవరకొండ నటిస్తున్న తాజా చిత్రం ‘ఖుషి’. ఈ సినిమా సెప్టెంబర్‌ 1న విడుదలకు సిద్ధమవుతుండగానే గౌతమ్‌ తిన్ననూరి దర్శకత్వంలో ‘వీడీ 12’(వర్కింగ్‌ టైటిల్‌), పరశురామ్‌ డైరెక్షన్‌లో ‘వీడీ 13’ (వర్కింగ్‌ టైటిల్‌) సినిమాలకు కొబ్బరికాయ కొట్టారు విజయ్‌. తాజాగా ఇంద్రగంటి–విజయ్‌ల కాంబినేషన్‌లో ఓ సినిమా రానుందంటూ వార్తలు చక్కర్లు కొడుతున్నాయి. ఈ చిత్రాన్ని ప్రముఖ నిర్మాత ‘దిల్‌’ రాజు పాన్‌ ఇండియా స్థాయిలో నిర్మిస్తారని టాక్‌. ఈ మూవీకి ‘జటాయు’ అనే టైటిల్‌ని పరిశీలిస్తోందట చిత్రబృందం. ఈ సినిమాలో విజువల్‌ ఎఫెక్ట్స్‌ భారీగా ఉంటాయని, ప్రీ  ప్రోడక్షన్‌ పనులు కూడాప్రారంభమయ్యాయని భోగట్టా. కాగా ‘గీత గోవిందం’ వంటి హిట్‌ తర్వాత విజయ్‌ దేవరకొండ – పరశురామ్‌ కాంబినేషన్‌లోప్రారంభమైన ‘వీడీ 13’ చిత్రాన్ని ‘దిల్‌’ రాజు నిర్మిస్తున్నారు. ఈ సినిమా పూర్తయిన వెంటనే విజయ్‌–ఇంద్రగంటి కాంబినేషన్‌ చిత్రాన్ని ఆరంభించాలనుకుంటున్నారట ‘దిల్‌’ రాజు. 

ప్రపంచంలో అత్యంత లాభదాయకమైనచలనచిత్ర పరిశ్రమగా ఇండియన్‌ సినిమాలు దూసుకుపోతున్నాయి. ప్రపంచవ్యాప్తంగా అభిమానుల మనసు దోచుకుంటూ, బాక్సీఫీసు వద్ద  వేల కోట్ల రాబడులను సాధిస్తున్నాయి.  ఇటివల కొన్ని దశాబ్దాలుగా  సూపర్‌ స్టార్లు అమితాబ్ బచ్చన్, సల్మాన్ ఖాన్, షారుఖ్ ఖాన్, అక్షయ్ కుమార్, అమీర్ ఖాన్, ప్రభాస్, జూ.ఎన్టీఆర్‌, రాంచరణ్‌, మహేష్‌ బాబు, విజయ్, రజనీకాంత్ లాంటి హీరోలు సినిమాకు వన్నెతెచ్చారనడంలో ఎలాంటి సందేహం లేదు. ప్రేక్షకుల్లో భారీ ‍క్రేజ్‌ను సొంతం చేసుకున్నారు. ఈ క్రేజ్‌ను క్యాష్‌ చేసుకుంటూ అత్యధిక రెమ్యునరేషన్‌ తీసుకుంటున్నారు. ఈ ఫీజు కొన్నిసార్లు సినిమా మొత్తం బడ్జెట్‌ను మించిపోతోందంటే వీరి క్రేజ్‌ను అర్థం చేసుకోవచ్చు.  ఇప్పటికే బాలీవుడ్‌లో సౌత్‌ ఇండియాలో సినిమాకు 100కోట్ల రూపాయలకుపైగా వసూలు చేస్తున్న టాప్‌ స్లార్లు చాలామందే ఉన్నారు. ఆశ్చర్యకరంగా బాలీవుడ్‌  బిగ్‌ స్టార్ల కంటే  ఎక్కువ వసూలు చేస్తున్న నటుడు ఎవరో తెలుసా? సల్మాన్, షారూఖ్, అక్షయ్, ప్రభాస్, అల్లు అర్జున్, రామ్ చరణ్ కాకుండా సినిమాకి 200 కోట్లు వసూలు చేసిన తొలి భారతీయ  యాక్టర్‌గా  కోలీవుడ్‌ స్టార్‌ హీరో రికార్డ్‌ క్రియేట్‌ చేశాడని టాక్‌. (అపుడు తప్పింది..ఇపుడు మింగేసింది: పాకిస్తాన్‌ టైకూన్‌ విషాద గాథ) తమిళ సూపర్ స్టార్  విజయ్ దళపతి ఇప్పుడు భారతదేశంలో అత్యధిక పారితోషికం తీసుకునే హీరో. తాజా నివేదికల ప్రకారం కోలీవుడ్ స్టార్ హీరో విజయ్‌ మోస్ట్‌ ఎవైటెడ్‌ మూవీ  లియో సినిమాకు రూ. 200 కోట్లు వసూలు చేశాడట. దీనిపై ఇంకా పూర్తి ధృవీకరణ రానప్పటికీ హైయ్యస్ట్‌ పెయిడ్‌ హీరో అని టాక్‌ హాట్‌ టాపిక్‌గా నిలుస్తోంది. విజయ్ 2021లో వచ్చిన 'మాస్టర్' సినిమాకు 80 కోట్లు,  బీస్ట్, వారసుడు సినిమాలకు 100 కోట్లు వసూలు చేశాడని టాక్‌.  తాజాగా  దీన్ని రెట్టింపు చేశాడన్నట్టు.  48 ఏళ్ల విజయ్ 27 సంవత్సరాల క్రితం తన నటుడిగా పరిచయం అయ్యాడు. సుమారు 66 చిత్రాలలో ప్రధాన పాత్రల్లో అభిమానులను అలరించాడు  స్నేహితులు, కుటుంబ సభ్యులు ప్రేమగా 'జో' అని  పిలుచుకునే విజయ్ దళపతి స్టార్ డమ్ గురించి ప్రత్యేకంగా చెప్పాల్సిన పనేలేదు.   (రూ. 13 కోట్ల ఆస్తులను కొనుగోలు చేసిన సుహానా ఖాన్‌) విజయ్ ప్రస్తుతం ఏజీఎస్ ఎంటర్‌టైన్‌మెంట్ బ్యానర్‌పై రూపొందుతున్న లియో సినిమా షూటింగ్‌లో  బిజీగా ఉన్న సంగతి తెలిసిందే.  గ్యాంగ్‌స్టర్-థ్రిల్లర్  మూవీ లియోలో విజయ్‌ సరసరన త్రిష కృష్ణన్ నటిస్తోంది. అంతేకాదు ఈ  చిత్రంలో బాలీవుడ్‌  నటుడు  సంజయ్ దత్ విలన్‌గా నటిస్తున్నాడు. ఇంకా ప్రియా ఆనంద్, గౌతమ్ వాసుదేవ్ మీనన్, మిస్కిన్, యాక్షన్ కింగ్ అర్జున్, మాథ్యూ థామస్ తదితరులు నటిస్తున్నారు.   49వ పుట్టినరోజు సందర్భంగా లియో టీమ్ విజయ్ ఫస్ట్‌లుక్‌ను విడుదల చేసింది. లోకేశ్ కనగరాజ్ డైరెక్షన్‌లో దళపతి విజయ్ నటిస్తున్న లియో మూవీ ఫస్ట్ లుక్‌ అదిరి పోవడంతో అంచనాలు మరింత పెరిగిపోయాయి. అలాగే 'దళపతి 68'లో వెంకట్ ప్రభుతో కలిసి వర్క్‌ చేస్తున్నాడు. ఏజీఎస్‌ ఎంటర్‌టైన్‌మెంట్ బ్యానర్‌లో  యువన్ శంకర్ రాజా సంగీతం అందిస్తున్న ఈ క్రేజీ ప్రాజెక్టుపై పూర్తి అప్‌డేట్స్‌ కోసం ఫ్యాన్స్‌ ఈగర్‌గా వెయిట్‌ చేస్తున్నారు.

దళపతి విజయ్‌ బ్యాక్‌ టూ బ్యాక్‌ చిత్రాలు చేస్తున్నారు. ప్రస్తుతం లియో చిత్రంలో నటిస్తున్న సంగతి తెలిసిందే. నటి త్రిష నాయకిగా నటిస్తున్న ఈ చిత్రాన్ని క్రేజీ దర్శకుడు లోకేష్‌ కనకరాజ్‌ తెరకెక్కిస్తున్నారు. చిత్ర షూటింగ్‌ చివరి దశకు చేరుకుంది. లియో చిత్రాన్ని దీపావళి సందర్భంగా విడుదల చేయడానికి సన్నాహాలు చేస్తున్నారు. దీంతో నటుడు విజయ్‌ తదుపరి చిత్రానికి సిద్ధమవుతున్నారు. దీనికి వెంకట్‌ ప్రభు దర్శకత్వం వహించబోతున్నారు. ఇటీవల ఈయన దర్శకత్వం వహించిన ద్విభాషా చిత్రం కస్టడీ ఆశించిన విజయాన్ని సాధించకపోయినా వెంటనే దళపతి విజయ్‌ చిత్రానికి దర్శకత్వం వహించే అవకాశం రావడం నిజంగా లక్కే. ఇదే ఇప్పుడు టాక్‌ ఆఫ్‌ ది ఇండస్ట్రీగా మారింది. కాగా ఈ చిత్రాన్ని ఏజీఎస్‌ ఎంటర్‌టైన్‌మెంట్‌ సంస్థ భారీ బడ్జెట్‌తో నిర్మించడానికి సన్నాహాలు చేస్తోంది. ఇందులో నటుడు, దర్శకుడు ఎస్‌జే సూర్య ప్రతినాయకుడిగా నటించనున్నట్లు తాజా సమాచారం. కాకపోతే ఇందులో విజయ్‌తో జతకట్టే హీరోయిన్‌ కోసం చర్చలు జరుపుతున్న లిస్ట్‌ పెద్దగానే ఉన్నట్లు తెలుస్తోంది. నయనతార, తమన్న, కృతిశెట్టి, కల్యాణి ప్రియదర్శన్‌, మృణాల్‌ ఠాకూర్‌లో ఒకరిని ఎంపిక చేసి పనిలో దర్శక నిర్మాతలు ఉన్నట్లు సమాచారం. అయితే వీరిలో నటి కృతిశెట్టికే దళపతి అవకాశం ఇస్తున్నట్లు తెలుస్తోంది. ఈ బ్యూటీ ఇంతకుముందు వెంకట్‌ప్రభు దర్శకత్వంలో కస్టడీ చిత్రంలో నటించింది. కాగా ఇందులో హీరోయిన్‌ ఎవరనే సస్పెన్స్‌ త్వరలోనే విడిపోతుంది. జూన్‌ 22న విజయ్‌ 68వ చిత్రం పూజా కార్యక్రమాలతో ప్రారంభం కానుందని చిత్రవర్గాలు వెల్లడించాయి.

కోలీవుడ్‌ స్టార్‌ విజయ్, నేషనల్ క్రష్ రష్మిక మందన్నా జంటగా మాస్‌ ఎంటర్‌టైనర్‌గా తెరకెక్కుతోన్న చిత్రం 'వారిసు'. టాలీవుడ్‌లో ఈ చిత్రాన్ని 'వారసుడు' పేరుతో విడుదల చేయనున్నారు. ఈ సినిమాకు వంశీ పైడిపల్లి దర్శకుడు. ఇటీవలే ఈ చిత్రం నుంచి 'రంజితమే' అనే ఫస్ట్ సింగిల్ లిరికల్ వీడియో సాంగ్ రిలీజ్ చేసింది చిత్రబృందం. ప్రస్తుతం ఆ సాంగ్ యూట్యూబ్‌ను ఓ రేంజ్‌లో షేక్‌ చేస్తోంది.  (చదవండి: 'వారీసు' బిగ్ అప్‌డేట్.. ఫస్ట్ సింగిల్ లిరికల్ సాంగ్ అవుట్) ఈ మాస్‌ సాంగ్‌ విడుదలై  పది రోజులవుతోన్నా క్రేజ్‌ ఏ మాత్రం తగ్గట్లేదు. రోజురోజుకు ఈ పాటకు ఆదరణ మరింత పెరుగుతోంది. దీనిపై చిత్ర నిర్మాణ సంస్థ శ్రీ వేంకటేశ్వర క్రియేషన్స్‌ ట్వీట్‌ చేసింది. ఈ సాంగ్ రిలీజైనప్పటి నుంచి ఇప్పటిదాకా 5 కోట్ల వీక్షణలు,  18 లక్షల లైక్స్‌ సొంతం సరికొత్త రికార్డ్ క్రియేట్ చేసింది. ప్రస్తుతం సాంగ్ యూట్యూబ్‌ ట్రెండింగ్‌లో మూడో స్థానంలో కొనసాగుతోంది. ప్రస్తుతం చిత్రీకరణ దశలో ఉన్న ఈ మూవీ  సంక్రాంతి కానుకగా విడుదల చేసేందుకు చిత్రయూనిట్ సన్నాహాలు చేస్తోంది. దిల్‌రాజు నిర్మాతగా వ్యవహరిస్తుండగా.. జయసుధ, ఖుష్భూ కీలకపాత్రల్లో కనిపించనున్నారు. ఈ చిత్రానికి తమన్‌ స్వరాలు అందిస్తున్నారు. The sensational #Ranjithame hits 50M views 🔥 📽️ https://t.co/Q56reRe9tc 🎵 https://t.co/gYr0tkVJkD#Thalapathy @actorvijay sir @directorvamshi @iamRashmika @MusicThaman @Lyricist_Vivek @manasimm @AlwaysJani @TSeries #RanjithameSong #Varisu #VarisuPongal pic.twitter.com/l8ElaoR20h — Sri Venkateswara Creations (@SVC_official) November 16, 2022

తమిళ స్టార్ హీరో నటిస్తున్న తాజా చిత్ర 'వారీసు'. తెలుగులో వారసుడిగా తెరకెక్కిస్తున్నారు.  ఈ మూవీలో నటి రష్మిక మందన్నా హీరోయిన్‌గా నటిస్తోంది. ఈ చిత్రంలో శరత్‌కుమార్, ప్రకాశ్‌రాజ్, యోగిబాబు, షామ్, ఖుష్బు, సంగీత, ప్రధాన పాత్రలు పోషిస్తున్నారు. వంశీ పైడిపల్లి దర్శకత్వం వహిస్తున్న ఈ చిత్రాన్ని దిల్‌రాజు భారీ బడ్జెట్‌తో నిర్మిస్తున్నారు. అయితే ఈ సినిమాకు సంబంధించి తాజా అప్‌డేట్ వచ్చింది. ఈ మూవీలో హీరో విజయ్ ఓ పాట పాడినట్లు తెలుస్తోంది. బీస్ట్ మూవీ తర్వాత తమిళ స్టార్ ఈ సినిమాలో పాట పాడారు. ఈ చిత్రానికి తమన్ సంగీతమందిస్తున్నారు.  విజయ్‌తో అతనికి ఇదే మొదటి చిత్రం. గతంలో రిలీజైన బీస్ట్‌లో కూడా విజయ్ శివకార్తికేయన్ రాసిన ఓ పాటను పాడారు. వారీసులో విజయ్ పాట అభిమాలను ఆకట్టుకునేలా ఉండనున్నట్లు తెలుస్తోంది.  శ్రీ వెంకటేశ్వర క్రియేషన్స్‌ పతాకంపై దిల్‌రాజు, శిరీష్‌ నిర్మిస్తున్న ఈ చిత్రం 2023 సంక్రాతికి థియేటర్లలో సందడి చేయనుంది.

సాక్షి, చెన్నై: బీస్ట్‌ చిత్ర విడుదల నేపథ్యంలో అభిమానుల దూకుడుకు కళ్లెం వేయడానికి సినీ నటుడు దళపతి విజయ్‌ సిద్ధమయ్యారు. రాజకీయ పార్టీలను, అధికారుల్ని విమర్శించే విధంగా, అవహేళన చేసే రీతిలో వ్యవహరించ వద్దంటూ ముందస్తు హెచ్చరికలు జారీ చేశారు.  గత కొన్నేళ్లుగా విజయ్‌ నటించిన చిత్రాలన్నీ వివాదాల నడుమ తెర మీదకు వచ్చిన విషయం తెలిసిందే. విడుదలకు ముందుగా చోటు చేసుకునే పరిణామాలే  దీనికి ప్రధాన కారణం అవుతూ వచ్చాయి. ఈ పరిస్థితుల్లో తమిళ కొత్త సంవత్సరానికి ఒక రోజు ముందుగా ఈనెల 13వ తేదీ విజయ్‌ నటించిన బీస్ట్‌ చిత్రం తెర మీదకు రానుంది. ఈ చిత్రం విడుదల వివాదాలకు తావ్వివకుండా దళపతి ముందు జాగ్రత్తల్లో పడ్డారు. ఏడాది తర్వాత తన చిత్రం విడుదల అవుతుండటంతో అభిమానుల దూకుడు, వివాదాలకు చెక్‌ పెట్టేందుకు సిద్ధమయ్యారు. ఇందులో భాగంగా గురువారం విజయ్‌ మక్కల్‌ ఇయక్కం ప్రధాన కార్యదర్శి బుషి ఆనంద్‌ అభిమాన సంఘాల్ని హెచ్చరిస్తూ ప్రకటన విడుదల చేశారు. చట్ట పరంగా చర్యలు..  రాజకీయ పార్టీలను, పదవుల్లో ఉన్న వారిని, అధికారుల్ని ... ఇలా ఎవ్వరినీ విమర్శించ వద్దని హెచ్చరించారు. మీడియాలో కానీ, సామాజిక మాధ్యమాల్లో గానీ.. ఎలాంటి వ్యాఖ్యలు చేయవద్దని సూచించారు. మీమ్స్‌ వంటి అవహేళన చేసే ధోరణుల్ని అనుసరించ వద్దు అని హెచ్చరించారు. ఇలాంటి చర్యలకు పాల్పడిన వారిపై గతంలో కఠినంగా వ్యవహరించి, అభిమాన సంఘం నుంచి తొలగించినట్టు గుర్తు చేశారు. ఈసారి ఆజ్ఞలను అతిక్రమించే విధంగా ఎవరైనా వ్యవహరిస్తే చట్టపరంగా చర్యలు సైతం తీసుకోవాల్సి ఉంటుందని హెచ్చరించడం గమనార్హం.

సాక్షి, చెన్నై: సినీ నటుడు విజయ్‌తో పుదుచ్చేరి సీఎం ఎన్‌ రంగస్వామి భేటీ అయ్యారు. చెన్నై పయనూర్‌లోని విజయ్‌ ఇంట్లో శుక్రవారం సాయంత్రం గంటపాటు ఇద్దరూ సమావేశమయ్యారు. రాష్ట్రంలో జరుగుతున్న నగర పాలక సంస్థల ఎన్నికల్లో ఆయన అభిమాన సంఘం విజయ్‌ మక్కల్‌ ఇయక్కం నుంచి అభ్యర్థులు పోటీలో ఉన్నారు. ఈ క్రమంలో విజయ్‌ను కలవడం చర్చకు దారితీసింది. భేటీ అనంతరం వెలుపలకు వచ్చిన రంగ స్వామిని మీడియా ప్రశ్నించగా, మర్యాద పూర్వకంగానే కలిసినట్లు వ్యాఖ్యానించారు. విజయ్‌ తనకు మంచి మిత్రుడని, ఆయనపై అభిమానంతోనే వచ్చినట్లు పేర్కొన్నారు.  రాజకీయంగా చర్చనీయాంశం  ఈ భేటీ ప్రస్తుతం రాజకీయంగా చర్చకు దారి తీసింది. పుదుచ్చేరిలో ఎన్‌ఆర్‌ కాంగ్రెస్‌– బీజేపీ నేతృత్వంలోని ప్రభుత్వం అధికారంలో ఉంది. సీఎం పగ్గాలు చేపట్టినానంతరం ప్రధాని మోదీని రంగన్న ఇంత వరకు కలవలేదు. అయితే విజయ్‌ను కలిసేందుకు పుదుచ్చేరి నుంచి రావడం, తనకు మంచి మిత్రుడు అని వ్యాఖ్యానించడాన్ని రాజకీయ వర్గాలు నిశితంగానే పరిశీలిస్తున్నాయి. విజయ్‌ మక్కల్‌ ఇయక్కంను పర్యవేక్షిస్తున్న పుదుచ్చేరికి చెందిన పి. ఆనంద్‌ ఈ భేటీకి ఏర్పాట్లు చేసినట్లు ప్రచారం జరుగుతోంది.

టాలీవుడ్‌తో పాటు కోలీవుడ్‌ సైతం మంచి ఫాలోయింగ్‌ ఉన్న హీరోయిన్‌ పూజా హెగ్డే. టాప్‌ స్టార్స్‌ వరుస సినిమాలు చేస్తూ టాప్‌ హీరోయిన్‌గా కొనసాగుతోంది. తాజాగా అఖిల్‌ అక్కినేని సరసన కథానాయికగా ఆమె నటించిన చిత్రం ‘మోస్ట్‌ ఎలిజిబుల్‌ బ్యాచ్‌లర్‌’ విజయాపథంలో దూసుకుపోతోంది. తాజాగా ఈ బ్యూటీ ట్విట్టర్‌లో #AskPooja అనే సరదా సెషన్‌ను నిర్వహించింది. అందులో అభిమానులు అడిగిన కొన్ని ఆసక్తికరమైన ప్రశ్నలకు సమాధానమిచ్చింది. మెగాస్టార్ చిరంజీవి గురించి చెప్పామని ఆమె అభిమానులలో ఒకరు కోరగా.. ‘చిరంజీవిగారు నాకు మేస్సేజ్‌ చేశారు. అందులో నా కొత్త చిత్రంలో నా ఫర్‌ఫామెన్స్‌ని మెచ్చుకున్నారు. దీంతో ఇంకా హార్డ్‌ వర్క్‌ చేయాలనే ప్రేరణ కలిగింది’ అని ఈ భామ తెలిపింది. మరొకరు తమిళ  స్టార్‌ దళపతి గురించి ఒక్క మాటలో చెప్పని అడగగా.. ఆయన ఎంతో స్వీట్‌ అని ఈ కుర్ర హీరోయిన్‌ చెప్పింది. అంతేకాకుండా ఈ సెషన్‌లో ప్రభాస్‌ సరసన తను చేస్తున్న ‘రాధేశ్యామ్‌’, ఫుడ్‌, మ్యూజిక్‌ వంటి వివిధ అంశాలపై ఫ్యాన్స్‌ అడిగిన ప్రశ్నలకు రిప్లై ఇచ్చింది. Don’t know about that but Chiranjeevi Garu made my day today by msging me about my performance in Most Eligible. Inspired to work harder now 😭❤️ #AskPoojaHegde https://t.co/4zVlS8r8l6 — Pooja Hegde (@hegdepooja) October 18, 2021 One word is not enough..but….I’ll try…ummm… SWEETEST. #AskPoojaHegde https://t.co/qBDXfsO9pG — Pooja Hegde (@hegdepooja) October 18, 2021 Epic Love story. Grand, fairytale visuals ❤️ #AskPoojaHegde https://t.co/45dkkmeVnA — Pooja Hegde (@hegdepooja) October 18, 2021 అయితే పూజా ప్రస్తుతం చిరంజీవి ‘ఆచార్య’లో రామ్‌చరణ్‌కి జోడిగా క్యామియో రోల్‌, విజయ్‌ సరసన ఆయన కొత్త చిత్రం ‘బీస్ట్‌’లో నటిస్తోంది. మరికొన్ని చిత్రాల్లో నటిస్తూ కెరీర్‌లో దూసుకుపోతోంది. MUSIC. Music is my therapist, my best friend and my love. On my down days I blast music and go off into the world the musician created for me. Crying helps too! Let it all out for 5 mins and then get back to work. ☺️ #AskPoojaHegde https://t.co/1Al4JLpj6S — Pooja Hegde (@hegdepooja) October 18, 2021

తమిళంతో పాటు తెలుగులోనూ ఫ్యాన్‌ ఫాలోయింగ్‌ ఉన్న నటుడు దళపతి విజయ్‌. అందుకే ఆ నటించిన ప్రతి చిత్రం తెలుగులోను విడుదలవుతోంది. అయితే తాజాగా ఆయన కుమారుడు జాసన్‌ సంజయ్‌, మలయాళం స్టార్‌ నివిన్‌ పౌలితో తీసుకున్న సెల్ఫీ సోషల్‌ మీడియాలో వైరల్‌గా మారింది. మలయాళం ‘ప్రేమమ్‌’ స్టార్‌ నివిన్‌ అక్టోబర్‌ 11న బర్త్‌ డే జరుపుకున్నాడు. ఈ సందర్భంగా జాసన్‌ ఆయనతో తీసుకున్న ఫోటోని ట్విట్టర్‌లో పోస్ట్‌ చేసి విషెస్‌ చెప్పాడు. దీంతో ఆ పిక్‌ వైరల్‌గా మారింది. అయితే ఇంతకుముందు సైతం ఈ స్టార్‌కిడ్‌ స్నేహితులతో కలిసి కారులో పార్టీ చేసుకున్న వీడియో చర్చనీయాంశంగా మారింది. అయితే జాసన్ ఇప్పటికే తన తండ్రి చిత్రం వెట్టైకారన్ (2009)లో అతిధి పాత్రలో నటించి మెప్పించాడు. చదవండి: దళపతికి ఊరట.. ‘ విజయ్‌’ మక్కల్‌ ఇయక్కం రద్దు  Happy birthday @NivinOfficial brother!! Wishing you a great day and a memorable year ahead!#HBDNivinPauly #HappyBirthdayNivinPauly pic.twitter.com/sx5vIsTM2p — Sanjay Vijay (@IamJasonSanjay) October 11, 2021

చెన్నై: దళపతి విజయ్‌కి ఎట్టకేలకు ఊరట లభించింది. ఆయన తండ్రి ఎస్‌ఏ చంద్రశేఖర్‌ ‘విజయ్‌ మక్కల్‌ ఇయక్కం’ పార్టీని రద్దు చేసినట్టు ప్రకటించారు. ఈ పరిణామాలతో తండ్రి, తనయుడి మధ్య వివాదం మరింత ముదిరినట్లు అయ్యింది. తన కుమారుడైన హీరో విజయ్‌ పేరిట గతంలో దర్శకుడు ఎస్‌ఏ చంద్రశేఖర్‌ మక్కల్‌ ఇయక్కంను ఏర్పాటు చేశారు. అభిమాన సంఘాల్ని ఏకం చేసి విజయ్‌ మక్కల్‌ ఇయక్కం గొడుగు నీడలో సేవా కార్యక్రమాలు చేపట్టారు.  అదే సమయంలో తనయుడిని రాజకీయాల్లోకి తీసుకు రావడమే లక్ష్యంగా చంద్రశేఖర్‌ వ్యూహాలకు పదునుపెట్టారు. అయితే, తండ్రి  వ్యూహాలకు చిక్కకుండా విజయ్‌ జాగ్రత్తగానే అడుగులు వేస్తున్నారు. ఈ పరిస్థితుల్లో అసెంబ్లీ ఎన్నికల వేళ తన పేరిట తండ్రి చంద్రశేఖర్‌ ఓ పార్టీని ప్రకటించడం విజయ్‌ లో ఆగ్రహాన్ని రేపింది. తాజాగా స్థానిక సంస్థల ఎన్నికల్లో పోటీకి విజయ్‌ అభిమాన సంఘం నేతలు తీసుకున్న నిర్ణయం వివాదానికి దారితీశాయి.  ఈ నిర్ణయానికి మద్దతు ఇచ్చిన  తండ్రి చంద్రశేఖర్, తల్లి శోభతో పాటుగా 11 మందిపై హైకోర్టులో విజయ్‌ పిటిషన్‌ దాఖలు చేశారు. వీరు ఇకపై తన పేరు వాడుకోకుండా ఆదేశాలు ఇవ్వాలని కోరారు. ఈ పిటిషన్‌ సోమవారం విచారణకు రాగా ఈ ఏడాది ఫిబ్రవరిలోనే ఓ కీలక తీర్మానం చేశామని చంద్రశేఖర్‌ పేర్కొన్నారు.  ఆ  మేరకు విజయ్‌ మక్కల్‌ ఇయక్కంను రద్దు చేసినట్టు ప్రకటించారు. దీంతో ఈ పిటిషన్‌ తదుపరి విచారణ అక్టోబరు 29కి వాయిదా పడింది. చదవండి: పేరును వాడుతున్నారని తల్లిదండ్రులపైనే కేసు పెట్టిన స్టార్‌ హీరో

‘మహర్షి’ సినిమాకి జాతీయ అవార్డు గెలుచుకున్న దర్శకుడు వంశీ పైడిపల్లి తన నెక్ట్‌ మూవీని ప్రకటించాడు. తమిళంతో పాటు తెలుగులోనూ ఫాలోయింగ్‌ ఉన్న నటుడు దళపతి విజయ్‌తో తదుపరి సినిమా చేయనున్నాడు. ఈ భారీ బడ్జెట్ చిత్రాన్నిశ్రీ వెంకటేశ్వర క్రియేషన్స్ బ్యానర్‌పై దిల్ రాజు, శిరీష్ నిర్మించనున్నారు. ఈ సినిమా గురించి ఆదివారం (సెప్టెంబర్‌ 26న) డైరెక్టర్‌ వంశీ అధికారిక ప్రకటన చేశాడు. ఈ ​ప్రాజెక్టు గురించి ఎంతో ఆతృతగా ఎదురుచూస్తున్నానని తెలిపాడు. ప్రముఖ నటీనటులు, సాంకేతిక బృందం ఈ మూవీకి పనిచేయనున్నట్లు తెలుస్తోంది. పూర్తి వివరాలు త్వరలో ప్రకటించనున్నారు. కాగా విజయ్‌ ప్రస్తుతం నెల్సన్‌ దర్శకత్వంలో ‘బీస్ట్‌’లో నటిస్తున్నాడు. ఆ మూవీ పూర్తి కాగానే వంశీ సినిమా పట్టాలెక్కనుంది. చదవండి: ఈ సినిమాకి దేవీ శ్రీ ప్రసాదే హీరో: దిల్‌ రాజు #Thalapathy66... Sharing with you all an exciting update about my next film with The #Thalapathy @actorvijay Sir, Produced by #DilRaju garu & #Shirish garu under my home banner @SVC_official pic.twitter.com/R24UhFGNlW — Vamshi Paidipally (@directorvamshi) September 26, 2021

జార్జియా ట్రిప్‌ ప్లాన్‌  చేశారు హీరో విజయ్‌. ‘డాక్టర్‌’ ఫేమ్‌ నెల్సన్‌  దిలీప్‌ కుమార్‌ దర్శకత్వంలో విజయ్‌ హీరోగా ఓ చిత్రం రూపొందుతున్న సంగతి తెలిసిందే. ఈ సినిమా ఫస్ట్‌ షెడ్యూల్‌ జార్జియాలో ప్రారంభం కానుంది. దీంతో ఈ మూవీ షూటింగ్‌ షెడ్యూల్‌లో పాల్గొనేందుకే విజయ్‌ జార్జీయా ప్రయాణం అయ్యారు. ఈ షెడ్యూల్‌లో యాక్షన్‌  సన్నివేశాలను చిత్రీకరించడానికి ప్లాన్‌ చేశారని సమాచారం. వీలైనంత తొందరగా ఈ సినిమా పూర్తి చేసి వచ్చే సంక్రాంతికి విడుదల చేసే ప్లాన్న్‌ దర్శక నిర్మాతలు ఉన్నారట. ఈ సినిమాలో హీరోయిన్‌గా పూజాహెగ్డే నటిస్తున్నారు.   చదవండి:  ఓటు వేసిన హీరో విజయ్‌.. బిల్డప్‌ అంటూ ట్రోల్స్‌ విజయ్‌తో రొమాన్స్‌ చేయనున్న బుట్ట బొమ్మ!

టీఆర్ఎస్ ఎంపీ సంతోష్ కుమార్ ప్రారంభించిన ‘గ్రీన్ ఇండియా చాలెంజ్‌’కు అనూహ్య స్పందన లబిస్తోంది. సంతోష్ కుమార్ చాలెంజ్‌ను అన్ని రంగాల ప్రముఖులు స్వీకరించి మొక్కలు నాటుతున్నారు. ఈ నేపథ్యంలో సంతోష్ కుమార్ చేపట్టిన గ్రీన్ చాలెంజ్ స్వీకరించారు సూపర్ స్టార్ మహేష్‌ బాబు. దానిలో భాగంగా తన ఇంట్లోనే పుట్టిన రోజున మొక్కలు నాటారు మహేష్ బాబు. ఆ తర్వాత మొక్కలు పెంచడం వల్ల ఎంత ఉపయోగమో తెలిపారు. ఇది చాలెంజ్ కాదు.. భవిష్యత్ తరాల మనుగడకు ప్రొటెక్షన్ ప్లాన్ అని తెలిపిన మహేష్.. ఈ చాలెంజ్‌కు యంగ్‌టైగర్ ఎన్టీఆర్‌, తమిళ హీరో ఇలయదళపతి విజయ్‌, హీరోయిన్‌ శ్రుతీహాసన్‌లను నామినేట్ చేశారు. అయితే మహేష్‌ విసిరిన చాలెంజ్‌ను తమిళ స్టార్ హీరో ఇలయదళపతి విజయ్ స్వీకరించి మొక్కలు నాటారు. ఈ సందర్భంగా ఆయన మొక్కలు నాటుతున్న ఫొటోలను తన ట్వీట్‌లో పోస్ట్ చేశారు. (ప్లాస్మా దానం చేసి ప్రాణాలు కాపాడండి) This is for you @urstrulyMahesh garu. Here’s to a Greener India and Good health. Thank you #StaySafe pic.twitter.com/1mRYknFDwA — Vijay (@actorvijay) August 11, 2020 ‘మహేష్‌గారు నేను మొక్కలు నాటేది మీకోసం.. ఇక ఈ మొక్కలు ఆకుపచ్చని భారతావనితో పాటు మంచి ఆరోగ్యం కోసం. ధన్యవాదాలు.. క్షేమంగా ఉండండి’ అని విజయ్ తన ట్వీట్‌లో పేర్కొంటూ.. మొక్కలు నాటుతున్న ఫొటోలను షేర్ చేశారు. ఇక మహేష్ బాబు విసిరిన చాలెంజ్‌ని త్వరలోనే తీసుకుంటానని శృతిహాసన్ ఇప్పటికే తెలిపారు. తారక్ కూడా మహేష్ చాలెంజ్‌ను స్వీకరిస్తారని సమాచారం. ఇదిలా ఉంటే మహేష్ చెప్పగానే చాలెంజ్ స్వీకరించిన విజయ్‌కు ఆయన అభిమానులు ధన్యవాదాలు తెలుపుతూ సోషల్ మీడియాలో ట్వీట్స్ చేస్తున్నారు.   


 చాలాకాలం తరువాత ‘ఇంగ్ల్లిష్ వింగ్లిష్’ సినిమాతో వెండితెరపై కనిపించి తన అభిమానులను అలరించింది అందాల తార శ్రీదేవి. ఈ సినిమా బాక్సాఫీసు దగ్గర మంచి హిట్ కావడంతో ‘మా సినిమాలో నటించండి’ అని పెద్దపెద్ద నిర్మాతలు క్యూ కట్టారు. అయితే శ్రీదేవి మాత్రం ఆచితూచి వ్యవహరిస్తోంది. రాజీపడకుండా ఎన్నో సినిమా ఆఫర్లను తిరస్కరించింది కూడా.
  
 అయితే విజయ్ హీరోగా వస్తున్న ‘పులి’తో  చాలాకాలం తరవాత తమిళ సినిమాలో కనిపించబోతుంది శ్రీదేవి. ఈ యాక్షన్, అడ్వెంచర్, ఫాంటసీ ఫిల్మ్ ట్రైలర్‌కు మంచి స్పందన లభిస్తోంది. ముఖ్యంగా మహారాణిగా శ్రీదేవి  రాజదర్పంతో కనిపిస్తోంది. ‘అవతార్’ సినిమాలో రేఖ పోషించిన మహారాణి పాత్రను స్ఫూర్తిగా తీసుకొని ‘పులి’ సినిమాలో శ్రీదేవి పాత్రను డిజైన్ చేశారట.
  
 ట్రైలర్‌లో శ్రీదేవి ‘న్యూ లుక్’ను చూసి పాతతరం దర్శకులు మొదలు కొత్తతరం దర్శకుల వరకు ఆమె కోసమని కథానాయిక ప్రాధాన్యత ఉన్న పౌరాణిక, చారిత్రక సబ్జెక్ట్‌ల వేటలో పడ్డారట.
  
 ‘రుద్రమదేవి’లాంటి సబ్జెక్ట్ ఏదైనా దొరికితే... పచ్చ జెండా ఊపడానికి శ్రీదేవి రెడీగా ఉందట!


 ఈరోజు మీతో పాటు పుట్టినరోజు జరుపుకుంటున్న ప్రముఖులు:విజయ్ (హీరో), దేవయాని(నటి)
 
 ఈ రోజు పుట్టిన రోజు జరుపుకుంటున్న వారి సంవత్సర సంఖ్య 9. ఆస్తులు కొనాలన్న వీరి కోరిక ఈ సంవత్సరం తీరుతుంది. నిరుద్యోగులకు ఉద్యోగం లభిస్తుంది. కోర్టు వ్యవహారాలు, తగాదాలు ఒక కొలిక్కి వస్తాయి. వాహనాలు కొంటారు. అయితే వాహనాలు నడిపేటప్పుడు జాగ్రత్తగా ఉండటం మంచిది. పుట్టిన తేదీలో రెండు రెండ్లు ఉండటం వల్ల మీ కల్పనాశక్తి వెలుగులోకి వస్తుంది. దూకుడుగా, నిర్మొహమాటంగా వ్యవహరించడం వల్ల సహోద్యోగులతోనూ, తోటివారితోనూ వివాదాలు తలెత్తవచ్చు. ప్రేమ వ్యవహారాలలో జాగ్రత్తలు అవసరం. లక్కీ డేస్: 1,4,6,9; లక్కీ కలర్స్: వయొలెట్, రోజ్, ఆరంజ్, రెడ్; లక్కీ డేస్: ఆది, సోమ, మంగళ, శుక్రవారాలు సూచనలు: మాట లలోనూ, చేతలలోనూ సంయమనం పాటించాలి. దుర్గాదేవి ఆలయాన్ని, సుబ్రహ్మణ్యేశ్వర స్వామి ఆలయాన్ని సందర్శించి, పూజలు చేయించుకోవాలి. ప్రసిద్ధమైన దర్గా లు లేదా చర్చిలను తప్పక సందర్శించండి. మత విశ్వాసం వున్న వారు ఆయా మతగ్రంథాలను పఠించడం మంచిది.
 - డా. మహమ్మద్ దావూద్, జ్యోతిష, సంఖ్యాశాస్త్ర నిపుణులు