సాక్షి, సెంట్రల్‌ డెస్క్‌ : ఓ రోజున అమర్‌ అనే యువకుడు నాకు అత్యవసరంగా ఫోన్‌ చేశాడు. ఆ సమయంలో తను జిమ్‌లో ఉన్నాడు. తన స్మార్ట్‌ వాచ్‌ గుండె కొట్టుకునే రేటు నిమిషానికి 38 మాత్రమే చూపిస్తోందని చెప్పాడు. నిజానికి 60–100 మధ్యలో ఉండాలి.కానీ ఓసారి వాచ్‌ తీసి..మళ్లీ వేసుకునే సరికి అది100 చూపించింది. అదిఆ వాచ్‌ కచ్చితత్వంలో ఉన్న ఎర్రర్‌. కానీ ఆ సమయంలో నిజంగానే తనకు హార్ట్‌ అటాక్‌ వచ్చేస్తుందేమోఅన్నంతగా తను టెన్షన్‌ పడ్డాడు..స్మార్ట్‌ వాచ్‌లు.. ఇప్పుడు చాలామంది వీటిపైనే ఆధారపడుతున్నారు. తామెంత నడిచాం.. ఎంత సేపు పరిగెత్తాం.. ఎంత సేపు స్విమ్‌ చేశాం.. పడుకున్నాం.. ఎన్ని కాలరీలు బర్న్‌ చేశాం.. ఇవన్నీ ఉదయాన్నే సోషల్‌ మీడియాలో అప్‌లోడ్‌ చేస్తూ.. స్టేటస్‌లు పెడుతున్నవాళ్లూ ఎక్కువయ్యారు. ఇదంతా నాణానికి ఓవైపు.. మరోవైపు చూస్తే.. నిజానికి ఇదో వ్యసనంలా మారుతోందా? స్మార్ట్‌ వాచ్‌లపై మనంఅతిగా ఆధారపడుతున్నామా? అసలు మన స్మార్ట్‌ వాచ్‌ నిజమే చెబుతోందా? హార్ట్‌ రేట్‌ స్మార్ట్‌ వాచ్‌కు సంబంధించి ముఖ్యంగా వైద్యపరమైన అంశాల్లో గుడ్డిగా నమ్మడం మంచిది కాదని వైద్య నిపుణులు స్పష్టం చేస్తున్నారు. ‘యువకులు వీటిపై అతిగా ఆధారపడుతున్నారు. హార్ట్‌ రేట్‌ బాగా పెరిగిందనో.. లేదా బాగా తగ్గిందనో భయంతో మా వద్దకు వచ్చేవారి సంఖ్య పెరుగుతోంది’అని పుణేకు చెందిన కార్డియాలజిస్ట్‌ అభిజిత్‌ వైద్య తెలిపారు. నిజానికి స్మార్ట్‌ వాచ్‌లు పల్స్‌ రేట్‌ను మాత్రమే చూపిస్తాయని.. జనానికి ఈ రెండింటి మధ్య తేడా పెద్దగా తెలియదన్నారు. ‘ప్రతీ సారి గుండె కొట్టుకునేటప్పుడు రక్తప్రసరణలో వచ్చిన మార్పులను పరిశీలించడం ద్వారా గుండె కొట్టుకునే రేటును గణించడానికి స్మార్ట్‌ వాచ్‌లు ఫొటోప్లెథిస్మోగ్రఫీ(పీపీజీ)ని వాడతాయి. గుండె కొట్టుకునే రేటును కచి్చతంగా గణించడానికి ఎలక్ట్రోకార్డియోగ్రామ్‌(ఈసీజీ) బెస్ట్‌. పీపీజీ కూడా కొంత మొత్తంలో పనిచేస్తుంది గానీ.. ఈసీజీతో పోలిస్తే.. అది కచ్చితంగా లెక్కించలేదు’అని చెప్పారు. చాలా చిన్నచిన్న మార్పులు పల్స్‌ రేట్‌ను ప్రభావితం చేస్తుంటాయని.. దీనివల్ల స్మార్ట్‌ వాచ్‌ హార్ట్‌ రేట్‌ను కచ్చితంగా చూపించలేదని చెప్పారు. ‘నేను చాలాసార్లు ఇలాంటివారికి కౌన్సెలింగ్‌ ఇవ్వాల్సి వచ్చింది. అదే పనిగా హార్ట్‌ రేట్, బీపీని స్మార్ట్‌ వాచ్‌లో చెక్‌ చేసుకోవడం కూడా ఒక రకమైన మానసిక సమస్యే’ అని తెలిపారు. 2022లో ఫ్రాన్స్, కెనడా, నెదర్లాండ్స్‌కు చెందిన పరిశోధకులు ఒక పాపులర్‌ స్మార్ట్‌ వాచ్‌లోని ఈసీజీ సదుపాయాన్ని పరీక్షించి చూడగా.. ఫాల్స్‌ పాజిటివ్‌లు(తప్పుడు ఫలితం) ఎక్కువగా ఉన్నట్లు తేలింది. ‘నిజంగానే గుండెకు సంబంధించి సమస్య ఉండి.. మీ ఖరీదైన స్మార్ట్‌ వాచ్‌ ఈసీజీలో అంతా నార్మల్‌ అని చూపిస్తే.. అప్పుడు ఆ రోగి వైద్యుడు వద్దకు వెళ్లడు. అది ప్రమాదకరం. హృదయ ధమనుల్లో ఏదైనా పూడికల్లాంటివి ఉంటే ఈసీజీలో తెలుస్తుంది. స్మార్ట్‌ ఫోన్‌ అలాంటి వాటిని పట్టుకోదు’ అని వైద్య నిపుణులు హెచ్చరిస్తున్నారు. అయితే, కొన్ని నాణ్యమైన స్మార్ట్‌ వాచ్‌లు గుండె కొట్టుకోవడంలో తేడాలను(అరిర్థియా) సరిగానే గుర్తిస్తున్నాయని చెప్పారు. స్లీప్‌ ట్రాకర్‌స్లీప్‌ ట్రాకర్ల విషయానికొస్తే.. మన నిద్ర ఆధారంగా అవి 0–100 వరకూ మార్కులిస్తుంటాయి. ఎక్కువ వస్తే.. మనం మంచిగా నిద్రపోయినట్లు అన్నమాట. ‘స్మార్ట్‌ వాచ్‌లు సెన్సర్లను ఉపయోగిస్తాయి. ఆక్సిలరోమీటర్, గైరోస్కోప్, హార్ట్‌ రేట్‌ మానిటర్‌ ఇలా.. అవి నిద్రలోని వివిధ దశలను గుర్తించలేవు. నిజమైన నిద్రను స్లీప్‌ ఎలక్ట్రో ఎన్‌సెఫలోగ్రామ్‌తో లెక్కించవచ్చు. అంతేకాదు.. స్మార్ట్‌ వాచ్‌లు మన కదలికలను బట్టి.. నిద్రను గణిస్తాయి. ఒకవేళ మీరు పడుకోకున్నా.. కదలకుండా ఉంటే.. అది నిద్ర కింద లెక్క తీసుకుంటుంది’అని డయాబెటాలజీ అండ్‌ స్లీప్‌ మెడిసన్‌ కన్సల్టెంట్‌ డాక్టర్‌ స్మిత వివరించారు. సరైన స్లీప్‌ స్కోర్‌ రాలేదని టెన్షన్‌ పడే వాళ్ల సంఖ్య కూడా ఈ మధ్య పెరిగిందని చెప్పారు. ఖర్చు చేసే కేలరీలు కేలరీల ఖర్చు అంచనాల్లోనూ ఇదే పరిస్థితి. స్టాన్‌ఫోర్ట్‌ వర్సిటీ చేసిన పరిశోధనలో కేలరీలు ఎంత ఖర్చయ్యాయి అన్న విషయాన్ని స్మార్ట్‌ వాచ్‌లు సరిగా గణించలేకపోయినట్లు తేలింది. ‘ఇద్దరు 60 కేజీల బరువున్న వాళ్లను తీసుకుంటే.. ఒకరిలో 15 శాతం బాడీ ఫ్యాట్, రెండో వారిలో 45 శాతం బాడీ ఫ్యాట్‌ ఉంది అనుకుందాం. నిజానికి కేలరీల ఖర్చు అన్నది ఇద్దరిలో వేరువేరుగా జరుగుతుంది. స్మార్ట్‌ వాచ్‌లో మనం బరువు మాత్రమే నమోదు చేస్తాం కాబట్టి.. ఇద్దరికీ ఒకేలా కేలరీలు ఖర్చయినట్లు చెబుతుంది. కానీ శరీరతత్వం బట్టి.. కేలరీల ఖర్చు వేర్వేరుగా ఉంటుంది’అని న్యూట్రిషనిస్ట్‌ రాధిక తెలిపారు. స్టెప్‌ కౌంట్‌గతంలో 111 దేశాలకు చెందిన 7 లక్షలకు పైగా జనాన్ని శాంపిల్‌గా తీసుకుని అమెరికా, ఆ్రస్టేలియా పరిశోధకులు అధ్యయనం చేశారు. దీని ప్రకారం.. స్టెప్‌ కౌంట్‌ అనేది.. వాచీ స్థాయిని బట్టి 15–66 శాతం తేడా వస్తోందని తేలింది. అయితే, ఆరోగ్యకరమైన అలవాట్లను పెంపొందింపజేసుకోవడానికి స్మార్ట్‌ వాచ్‌లు ఎంతగానో ఉపయోగపడుతున్నాయని.. అదే సమయంలో ఆరోగ్యపరమైన అంశాల్లో వీటిపైనే అతిగా ఆధారపడటం మంచిది కాదని.. పైగా.. ఇది అనవసరమైన ఆందోళనకు తెర తీస్తుందని వైద్య నిపుణులు హెచ్చరిస్తున్నారు. అందుకే..మీ స్మార్ట్‌ వాచ్‌ ఏం చెబుతోందోదాన్ని కాదు.. మీ శరీరం మీకుఏం చెబుతుందో దాన్ని వినండి..అని వైద్యులు సూచిస్తున్నారు.

బెంగళూరుకు చెందిన ఈ ‘స్మార్ట్‌’ఆటో డ్రైవర్‌ రైల్వే మంత్రి అశ్విని వైష్ణవ్‌ అభినందనలు అందుకున్నాడు. ఎందుకంటే మనవాడు యూపీఐ చెల్లింపుల కోసం క్యూఆర్‌ కోడ్‌ స్మార్ట్‌ వాచ్‌ను వాడుతున్నాడు మరి! సదరు ఫొటోను ఓ నెటిజన్‌ సామాజిక మాధ్యమం ఎక్స్‌లో పోస్ట్‌ చేశాడు. దాంతో అది తెగ వైరలవుతోంది. అలా రైల్వే మంత్రి దృష్టినీ ఆకర్షించింది. ఆ ఫోటోను ఆయన రీట్వీట్‌ చేశారు. ‘యూపీఐ కా స్వాగ్‌! చెల్లింపులు మరింత సులువయ్యాయి’అంటూ కామెట్‌ చేశారు. ఆటోడ్రైవర్‌కు సోషల్‌ మీడియాలో ప్రశంసలు వెలులవెత్తుతున్నాయి. ఐటీలో ట్రెండ్‌ సెట్టర్‌ అయిన బెంగళూరు ఆ సాంకేతిక పరిజ్ఞానం వాడకంలోనూ ట్రెండ్‌ సెట్‌ చేస్తోందంటూ యూజర్లు కామెంట్‌ చేస్తున్నారు. ‘నవ భారత ముఖచిత్రమిది’అని ఒకరు, ‘డిజిటల్‌ ఇండియా మ్యాజిక్‌’అని మరొకరు పోస్ట్‌ చేశారు. నేషనల్‌ పేమెంట్స్‌ కార్పొరేషన్‌ ఆఫ్‌ ఇండియా 2016లో ప్రారంభించిన యూపీఐ బ్యాంకుల మధ్య తక్షణ బదిలీలకు వీలు కలి్పంచడం ద్వారా చెల్లింపుల్లో విప్లవాత్మక మార్పులు తీసుకొచి్చంది. – సాక్షి, నేషనల్‌ డెస్క్‌

సాక్షి, సిటీబ్యూరో: వాచ్‌ రూపాంతరం చెంది స్మార్ట్‌ వాచ్‌గా మారింది. భిన్నమైన ఫీచర్లతో దూకుడు ప్రదర్శిస్తోంది. మార్కెట్లో అత్యాధునిక సాంకేతిక పరిజ్ఞానం, అద్భుతమైన పనితీరుకలిగిన స్మార్ట్‌ వాచ్‌లో అందుబాటులోకి వచ్చాయి. బ్లూటూత్‌ కనెక్ట్‌ చేసుకుని, మన ఆరోగ్య సమాచారాన్ని ఎప్పటికప్పుడు డేటా రూపంలో పొందుపరుచుకోవచ్చు. అడ్వెంచర్, వాటర్‌ స్పోర్ట్స్‌ అవసరాలకు ప్రత్యేక ఫీచర్లు ఉన్నాయి. యాపిల్, ఒప్పో, హువావే, ఫిట్‌ బిట్, నాయిస్, సామ్సంగ్, టైటాన్‌ మొదలైన కంపెనీలు స్మార్ట్‌ వాచ్లను మార్కెట్లోకి విడుదల చేస్తున్నాయి. సుమారు రూ.వెయ్యి నుంచి రూ.90 వేల వరకూ అందుబాటులో ఉన్నాయి.పిల్లల కోసం..చిన్న పిల్లలను తల్లిదండ్రులు ట్రాక్‌ చేయడానికి ఇవి ఎంతగానో ఉపయోగపడతాయి. జీపీఎస్‌ సాయంతో పిల్లల సమాచారాన్ని ట్రాక్‌ చేయొచ్చు.ఆరోగ్యంపై అలర్ట్స్‌..ఇందులో గుండె పనితీరుకు సంబంధించిన నోటిఫికేషన్లు, రక్త ప్రసరణ, ఆక్సిజన్‌ స్థాయి, ఈసీజీ, ఇతర ఆరోగ్య వివరాల సమాచారం అందిస్తాయి. ఫాల్‌ డిటెక్షన్, క్రాష్‌ డిటెక్షన్‌ హార్డ్‌ ఫాల్, కార్‌ క్రాష్‌ సందర్భంలో అత్యవసర సేవలతో అనుసంధానం చేయగలవు. మహిళలకు భద్రత, రుతుచక్రం ట్రాకింగ్‌లోనూ ఈ స్మార్ట్‌ వాచ్‌ ఉపయుక్తం.ఇవి చదవండి: ప్రపంచ బీర్‌ దినోత్సవం : క్రాఫ్ట్‌ బీర్‌ ఇంత పాపులర్‌?!

హైద‌రాబాద్: వృద్ధుల‌లో డిమెన్షియా (మ‌తిమ‌రుపు) స‌మ‌స్య స‌ర్వ‌సాధార‌ణంగా వ‌స్తుంద‌ని, కానీ దాన్ని అధిగ‌మించేందుకు త‌గిన వ్య‌వ‌స్థలు ఇన్నాళ్లూ స‌రిగా లేవ‌ని ప‌లువురు వ‌క్త‌లు అభిప్రాయ‌ప‌డ్డారు. అన్వ‌య సంస్థ వారికోసం ప్ర‌త్యేకంగా ఒక స్మార్ట్ వాచ్ రూపొందించడం, దానికి పేటెంటు కూడా పొంద‌డం ఎంతో అద్భుత‌మైన ఆలోచ‌న అని కొనియాడారు. దీనివల్ల వృద్ధులు ఎక్క‌డున్నా తెలుస్తుంద‌ని, అలాగే వారికి ఏం జ‌రిగినా వారి సంర‌క్ష‌కుల‌కు క్ష‌ణాల్లో స‌మాచారం వెళ్తుంద‌ని.. ఇలాంటి ప‌రిక‌రం ప్ర‌పంచ‌వ్యాప్తంగా ఉన్న వ‌యోవృద్ధులంద‌రి సంరక్ష‌ణ‌లో ఎంత‌గానో ఉప‌యోగ‌ప‌డుతుంద‌ని చెప్పారు. అన్వ‌య సంస్థ ఎనిమిదో వార్షికోత్స‌వం, వ్య‌వ‌స్థాప‌కుల దినోత్స‌వాన్ని బేగంపేట‌లోని ఫ్యామిలీ వ‌ర‌ల్డ్‌లో ఘ‌నంగా నిర్వ‌హించారు. ఈ కార్య‌క్ర‌మానికి ప్ర‌త్యేక అతిథులుగా ఉమ్మ‌డి ఆంధ్ర‌ప్ర‌దేశ్ మాజీ డీజీపీ సంతోష్ మెహ్రా, టెక్ మ‌హీంద్రా హెచ్ఆర్ గ్లోబ‌ల్ హెడ్ విన‌య్ అగ‌ర్వాల్‌, టి-హ‌బ్ సీఈఓ మ‌హంకాళి శ్రీ‌నివాస‌రావు, ఇండియా-ఇన్ఫ‌ర్ సంస్థ ఎండీ రంగ పోతుల, ఇండిపెండెంట్ స్ట్రాట‌జిక్ అడ్వైజ‌ర్ శ‌క్తిసాగ‌ర్, అన్వ‌య‌కేర్ వ్య‌వ‌స్థాప‌కుడు ప్రశాంత్ రెడ్డి, డైరెక్ట‌ర్ దీపికారెడ్డి త‌దిత‌రులు పాల్గొన్నారు.టి-హ‌బ్ సీఈఓ మ‌హంకాళి శ్రీ‌నివాస‌రావు మాట్లాడుతూ, స్టార్ట‌ప్ ఆలోచ‌న‌లు చాలా విభిన్నంగా ఉంటున్నాయ‌ని, వృద్ధుల సంర‌క్ష‌ణ కోసం ఏఐ ఆధారిత యాప్ తీసుకురావ‌డం, వారి స‌మ‌స్య‌ల‌ను స‌మ‌గ్రంగా ప‌రిష్క‌రించే ప్ర‌య‌త్నాలు చేయ‌డం ఎంతో అభినంద‌నీయ‌మ‌ని చెప్పారు. అన్వ‌య కేర్ సంస్థ సేవ‌లు మ‌రింత‌మందికి అందాల‌ని అభిల‌షించారు. “డిమెన్షియా అనేది వ‌యోవృద్ధులంద‌రిలో చాలా ఎక్కువ‌గా క‌న‌ప‌డుతున్న స‌మ‌స్య‌. అయితే దీన్ని ప‌రిష్క‌రించేందుకు ఎవ‌రూ పెద్ద‌గా ముందుకు రావ‌ట్లేదు. అస‌లు వృద్ధులు అంటే కేవ‌లం ఆరోగ్య స‌మ‌స్య‌లే కాదు.. ఇంకా చాలా ఉంటాయి. అన్వ‌య సంస్థ అద్భుత‌మైన సేవ‌లు అందిస్తోంది. వాళ్లు ఒక స్మార్ట్ వాచ్ త‌యారుచేసి, దానికి పేటెంటు కూడా తీసుకోవ‌డం చాలా బాగుంది. యూరోపియ‌న్‌ దేశాల్లో సైకిళ్లపై వెళ్లేవారు త‌ర‌చు ప్ర‌మాదాల‌కు గుర‌వుతారు. వాళ్లు ఆస్ప‌త్రికి వెళ్లేలోపే వాళ్ల వైట‌ల్స్, ఇత‌ర వివ‌రాలు అన్నీ డాక్ట‌ర్‌కు చేరిపోతాయి. ఇక్క‌డ ఈ వాచీని కూడా ప్ర‌మాద బాధితుల‌కు ఉప‌యోగ‌ప‌డేలా చేయాలి. వాళ్లను అంబులెన్సులోకి ఎక్కించ‌గానే వాచీ పెట్టినా.. ముఖ్య‌మైన వివ‌రాల‌న్నీ వైద్యుల‌వ‌ద్ద సిద్దంగా ఉండి, వెంట‌నే చికిత్స ప్రారంభించ‌గ‌ల‌రు. ఇలాంటి మంచి ఆలోచ‌న‌లు వ‌చ్చినందుకు ప్ర‌శాంత్‌కు అభినంద‌నలు” అని ఆయ‌న చెప్పారు.ఈ సంద‌ర్భంగా సంస్థ వ్య‌వ‌స్థాప‌కుడు ప్ర‌శాంత్ రెడ్డి మాట్లాడుతూ, “వ‌యోవృద్ధుల‌కు సేవ‌లు అందించే ల‌క్ష్యంతో మా సంస్థ‌ను స్థాపించాం. అన‌తికాలంలోనే బెంగ‌ళూరు, చెన్నై లాంటి 40 న‌గ‌రాల‌కూ విస్త‌రించాం. దీనికిగాను మాకు ఐఐటీ మ‌ద్రాస్ నుంచి, తెలంగాణ రాష్ట్ర ప్ర‌భుత్వం నుంచి, హైసియా నుంచి.. ఇలా ప‌లు వ‌ర్గాల నుంచి మాకు గుర్తింపు, అవార్డులు వ‌చ్చాయి. కొవిడ్ నుంచి చాలామందిని ర‌క్షించాం. హోం క్వారంటైన్ ఏర్పాటుచేశాం. అన్వ‌య స్మార్ట్ ఎమ‌ర్జెన్సీ రెస్పాన్స్ సిస్టంను ఏర్పాటుచేసి, దానికి పేటెంటు కూడా సాధించాం. డిమెన్షియా కేర్ రంగంలో ఏమీ లేద‌ని, వృద్ధుల‌కు సేవ‌లు అందించాల‌ని గుర్తించాం. అప్పుడే భార‌త‌దేశంలోనే తొలిసారిగా ఏఐ ఎనేబుల్డ్ డిమెన్షియా కేర్ ఎట్ హోంను ప్రారంభించాం. ఉద్యోగుల సంర‌క్ష‌ణ కోసం అన‌న్య నిశ్చింత్ అనే ఏఐ ప్లాట్‌ఫాం తీసుకొచ్చాం. అన‌న్య కిన్ కేర్ అనే రిమోట్ పేషెంట్ మానిట‌రింగ్ సిస్టం ప్ర‌వేశ‌పెట్టాం. ఇది రాబోయే 20 ఏళ్ల‌కు స‌రిపోయే వ్య‌వ‌స్థ‌. పెద్ద‌వాళ్లు మ‌న‌ల్ని పెంచి పెద్ద‌చేసి, ప్ర‌యోజ‌కులుగా తీర్చిదిద్దారు. వారికి అవ‌స‌ర‌మైన‌వి క‌ల్పించ‌డం మ‌న విధి. అందుకే వారికి ఇంటివ‌ద్ద న‌ర్సులు, డాక్ట‌ర్ల‌ను పంప‌డం, ల్యాబ్ శాంపిళ్లు ఇంటివ‌ద్దే సేక‌రించ‌డంతో పాటు చివ‌ర‌కు ప్లంబ‌ర్ల‌ను పంప‌డం, ఉబ‌ర్ క్యాబ్‌లు బుక్ చేయ‌డం వ‌ర‌కు అన్నిర‌కాల సేవ‌ల‌నూ అన‌న్య సంస్థ అందిస్తుంది” అని వివ‌రించారు.

ఇంట్లో మొక్కలు పెంచుకోవడానికి కుండీలను వాడుతుంటాం. ఇంటి అందం కోసం కుండీలను ఏర్పాటు చేసుకున్నా, వాటిలోని మొక్కల ఆలనా పాలనా మనమే చూసుకోవాల్సి ఉంటుంది. ఒక్కోసారి మొక్కల ఆరోగ్య పరిస్థితి దెబ్బతింటే, అవి ఎండిపోయి, చనిపోతాయి. మొక్కల ఆరోగ్యాన్ని ఎప్పటికప్పుడు కనిపెట్టి, అందుకు అనుగుణంగా వాటి బాగోగులను చూసుకోవడం కష్టమే!ఈ సమస్యను తొలగించడానికే అమెరికన్‌ కంపెనీ ‘స్మార్టీ ప్లాంట్‌’ సంస్థ కుండీల్లోని మొక్కల రక్షణ కోసం స్మార్ట్‌ సెన్సర్‌ను తయారుచేసింది. సెన్సర్‌ అమర్చిన ఈ స్మార్ట్‌ కుండీల్లోని మొక్కలకు సునాయాసంగా రక్షణ కల్పించవచ్చు. అవి నిత్యం పచ్చగా కళకళలాడేలా చూసుకోవచ్చు. ఈ కుండీల్లోని స్మార్ట్‌ సెన్సర్‌ యాప్‌ ద్వారా పనిచేస్తుంది. వాతావరణంలోని ఉష్ణోగ్రత, తేమ, కుండీలోని మట్టిలోని తేమ, మొక్కల వేళ్లు, కాండంలోని పోషకాల పరిస్థితులను ఎప్పటికప్పుడు యాప్‌ ద్వారా సమాచారం అందిస్తుంది. దీని ధర 45 డాలర్లు (రూ.3,760) మాత్రమే!పిల్లల కోసం ఫిట్‌నెస్‌ వాచీ..రక్తపోటు, గుండె పనితీరు, శరీరంలో ఆక్సిజన్‌ స్థాయి వంటి వివరాలను చెప్పే స్మార్ట్‌ వాచీలు ఇప్పటికే అందుబాటులోకి వచ్చాయి. అవన్నీ పెద్దల కోసం రూపొందించినవి. అయితే, అమెరికన్‌ కంపెనీ ‘ఫిట్‌బిట్‌’ ప్రత్యేకంగా పిల్లల కోసం ‘ఏస్‌ ఎల్‌టీఈ’ పేరుతో ఈ ఫిట్‌నెస్‌ వాచీని అందుబాటులోకి తెచ్చింది. ఇందులో ఫిట్‌నెస్‌ ట్రాకింగ్‌ సెన్సర్లు పిల్లల ఆరోగ్య పరిస్థితిని ఎప్పటికప్పుడు గమనిస్తాయి.ఆ సమాచారాన్ని యాప్‌ ద్వారా స్మార్ట్‌ఫోన్‌కు చేరవేస్తాయి. ఈ వాచీని ఫోన్‌లా కూడా ఉపయోగించుకునే వీలు ఉంది. ఇందులోని కమ్యూనికేషన్స్‌ టాబ్‌ ద్వారా అవసరమైప్పుడు కాల్స్‌ చేసుకోవడానికి, మెసేజ్‌లు పంపుకోవడానికి కూడా వీలవుతుంది. ఏడేళ్లకు పైబడిన వయసు గల పిల్లలకు ఇది చాలా ఉపయోగకరంగా ఉంటుందని ‘ఫిట్‌బిట్‌’ కంపెనీ చెబుతోంది. దీని ధర 229 డాలర్లు (రూ.19,126) మాత్రమే!నానోబాక్స్‌ మినీ డ్రమ్స్‌..మృదంగం, తబలా, డ్రమ్స్‌ వంటి తాళ వాయిద్యాలు లేకుండా సంగీత కచేరీలు పరిపూర్ణం కావు. అయితే, ఈ పరికరాలు కొంచెం భారీగా ఉంటాయి. ఆక్టోపాడ్‌ వంటి ఎలక్ట్రిక్‌ డ్రమ్స్‌ అందుబాటులోకి వచ్చినా, అవి కూడా కొంచెం భారీగా ఉండేవి, స్థలాన్ని ఆక్రమించుకునేవే! అమెరికన్‌ సంగీత పరికరాల తయారీ సంస్థ ‘1010 మ్యూజిక్‌’ ఇటీవల డ్రమ్స్‌ను అరచేతిలో ఇమిడిపోయే పరిమాణానికి కుదించి, ‘నానోబాక్స్‌’ను అందుబాటులోకి తెచ్చింది.‘రాజ్‌మాటాజ్‌’ పేరుతో రూపొందించిన ఈ మినీ డ్రమ్స్‌ను మిగిలి ఎలక్ట్రానిక్‌ సంగీత పరికరాల్లాగానే వాడుకోవచ్చు. ఈ ‘నానోబాక్స్‌’ పొడవు 3.75 అంగుళాలు, మందం 1.5 అంగుళాలు, వెడల్పు 3 అంగుళాలు. ఇందులోని 64 స్టెప్‌ సీక్వెన్సర్‌ ఔత్సాహికుల సాధనకు బాగా ఉపయోగపడుతుంది. ఈ నానోబాక్స్‌కు ఉన్న టచ్‌స్క్రీన్‌ ద్వారా కోరుకున్న ధ్వనులను, శబ్దాన్ని ఎంపిక చేసుకోవచ్చు. దీని ధర 399 డాలర్లు (రూ.33,327) మాత్రమే!

లండన్‌కు చెందిన టెక్నాలజీ సంస్థ ‘నథింగ్’ సబ్-బ్రాండ్ అయిన సీఎంఎఫ్‌ మూడు కొత్త ఉత్పత్తులను ఆవిష్కరించింది. సీఎంఎఫ్‌ ఫోన్ 1, సీఎంఎఫ్‌ వాచ్ ప్రో 2 , సీఎంఎఫ్‌ బడ్స్ ప్రో 2లను మార్కెట్‌లోకి తీసుకొచ్చింది.ఈ సీఎంఎఫ్‌ బ్రాండ్‌ కొత్త ఉత్పత్తులు జూలై 12 నుంచి భారత్‌లో విక్రయానికి రానున్నాయి. సీఎంఎఫ్‌ అధికారిక వెబ్‌సైట్ (cmf.tech) నుంచి, దారి రిటైల్ భాగస్వాముల ద్వారా జూలై 12 మధ్యాహ్నం 12 గంటల నుంచి కొనుగోలు చేయడానికి అందుబాటులో ఉంటాయి.సీఎంఎఫ్‌ ఫోన్ 1 వివరాలు⇒ 6/8GB ర్యామ్‌, 128GB స్టోరేజీ, ⇒ మీడియాటెక్‌ డైమెన్సిటీ 7300 చిప్‌సెట్‌⇒ 120 Hz అడాప్టివ్ రిఫ్రెష్ రేట్‌తో 6.67-అంగుళాల సూపర్ అమోల్డ్‌ డిస్‌ప్లే⇒ 50 MP రియర్‌ కెమెరా, 16 MP సెల్ఫీ కెమెరా⇒ 33W ఫాస్ట్ ఛార్జింగ్‌ సపోర్ట్‌తో 5000 mAh బ్యాటరీ⇒ ఛార్జర్‌ను రూ. 799కి విడిగా కొనుగోలు చేయాల్సి ఉంటుంది.⇒ 6GB ర్యామ్‌ + 128GB స్టోరేజ్ వెర్షన్‌ ధర రూ. 15,999 ⇒ 8GB ర్యామ్‌ + 128GB స్టోరేజ్ వేరియంట్ ధర రూ.17,999.⇒ మొదటిరోజు సేల్‌లో రెండు మోడళ్లపై రూ. 1,000 తగ్గింపు. ⇒ ఫ్లిప్‌కార్ట్‌లో ఫోన్ కొంటే సీఎంఎఫ్‌ వాచ్ ప్రో 2 లేదా CMF బడ్స్ ప్రో 2పై రూ.1,000 తగ్గింపు⇒ బ్లాక్, బ్లూ, ఆరెంజ్, గ్రీన్ రంగులలో లభించే బ్యాక్ కేస్‌ల ధర రూ.1499 యాక్సెసరీస్‌లో స్టాండ్ రూ. 799, లాన్యార్డ్‌ ధర రూ. 799, కార్డ్ కేస్ రూ. 799కి లభిస్తుంది.సీఎంఎఫ్‌ వాచ్ ప్రో 2 వివరాలు⇒ 1.32- అంగుళాల అమోల్డ్‌ ఎల్లప్పుడూ ఆన్ డిస్‌ప్లే⇒ 120కి పైగా స్పోర్ట్స్ మోడ్స్‌⇒ హృదయ స్పందన రేటు, బ్లడ్‌ ఆక్సిజన్ శాచురేషన్‌, ఒత్తిడి స్థాయిల నిరంతర పర్యవేక్షణ⇒ IP68 వాటర్, డస్ట్ రెసిస్టెన్స్⇒ మార్చుకోగలిగిన బెజెల్‌ డిజైన్⇒ బ్లూటూత్ కాల్స్‌, మ్యూజిక్ కంట్రోల్, నోటిఫికేష‍న్స్‌, రిమోట్ కెమెరా కంట్రోల్ ⇒ స్టాండర్డ్ మోడల్‌ ధర రూ. 4,999⇒ వేగన్ లెదర్ రూ.5,499⇒ డార్క్‌ గ్రే, యాష్‌ గ్రే, బ్లూ, ఆరెంజ్‌ రంగుల్లో లభ్యం.⇒ బెజెల్, స్ట్రాప్ సెట్‌ను అదనంగా రూ. 749కి కొనుగోలు చేయవచ్చు.సీఎంఎఫ్‌ బడ్స్ ప్రో 2 వివరాలు⇒ 50 dB హైబ్రిడ్ యాక్టివ్ నాయిస్ క్యాన్సిలేషన్‌⇒ మెరుగైన సౌండ్ క్వాలిటీ కోసం డ్యూయల్ డ్రైవర్‌లు⇒ ఎల్‌డీఏసీ టెక్నాలజీ సపోర్ట్‌⇒ Hi-Res ఆడియో వైర్‌లెస్⇒ 43 గంటల బ్యాటరీ లైఫ్‌⇒ స్పేషియల్ ఆడియో ఎఫెక్ట్‌⇒ బ్లాక్, వైట్, బ్లూ, ఆరెంజ్ రంగులలో లభ్యం.⇒ ధర రూ. 4,299.

చాలామంది జంతుప్రేమికులు ఇళ్లల్లో శునకాలను పెంచుకుంటూ ఉంటారు. ఇళ్లలో అవి ఏ మూలనో పడుకుంటూ ఉంటాయి. అవి పడుకునే చోట పాత బొంతలో, దుప్పట్లో పరుస్తూ ఉంటారు. బాగా సంపన్నులైతే సోఫా కుర్చీలను పెంపుడు శునకాలకు మంచాలుగా మార్చేస్తుంటారు. అమెరికన్‌ కంపెనీ ‘థింకో ఎల్‌ఎల్‌సీ’ శునకాల కోసం ‘కడీ’ పేరుతో ఒక స్మార్ట్‌ మంచానికి రూపకల్పన చేసింది.దీని తయారీకి చైనీస్‌ కంపెనీ లావో ఇంటర్నేషనల్‌ ట్రేడ్‌ కంపెనీ సాంకేతిక సహకారం అందించింది. శునకాలకు అన్ని విధాలా సౌకర్యవంతంగా ఉండేలా రూపొందించిన ఈ బెడ్‌ స్మార్ట్‌ఫోన్‌కు అనుసంధానమై యాప్‌ ద్వారా పనిచేస్తుంది. దీనిపై పడుకున్న శునకానికి ఆహ్లాదం కలిగించేలా సంగీతం వినిపిస్తుంది. ఒంటికి హాయి నిచ్చేలా ఉష్ణోగ్రతను సర్దుకుంటుంది.యాప్‌ ద్వారా కూడా దీని ఉష్ణోగ్రతను మార్చుకునే వీలు ఉంది. దీనిపై పడుకున్న శునకం నిద్ర తీరుతెన్నులను యాప్‌ ద్వారా ఎప్పటికప్పుడు తెలియజేస్తుంది. అంతేకాదు, శునకం ఆరోగ్యంలో మార్పులను కూడా ఇది నిశితంగా గమనిస్తూ, అవసరమైన సందర్భాల్లో యాప్‌ ద్వారా యజమానులను హెచ్చరిస్తుంది. ఈ స్మార్ట్‌ బెడ్‌ను ‘థింకో ఎల్‌ఎల్‌సీ’ జూన్‌ నెలాఖరులోగా మార్కెట్‌లోకి విడుదల చేయనుంది. దీని ధరను ఇంకా ప్రకటించలేదు.బీపీ చెకింగ్‌ స్మార్ట్‌వాచీలు..జీవనశైలి వ్యాధుల్లో హై బీపీ ఒకటి. ప్రపంచవ్యాప్తంగా హై బీపీ బాధితులు నానాటికీ ఎక్కువవుతున్నారు. బీపీ చెక్‌ చేయించుకోవాలంటే డాక్టర్‌ దగ్గరకు లేదా డయాగ్నస్టిక్స్‌ సెంటర్‌కు వెళ్లాలి. లేకుంటే, సొంతగా బీపీ మెషిన్‌ కొని ఇంట్లో పెట్టుకోవాలి. బయటకు వెళ్లేటప్పుడు ఈ మెషిన్‌ను వెంట తీసుకుపోవడం కుదిరే పని కాదు. ఈ సమస్యకు చెక్‌ పెట్టడానికే అమెరికన్‌ కంపెనీ వైహెచ్‌ఈ టెక్నాలజీ తాజాగా బీపీ చెకింగ్‌ స్మార్ట్‌ వాచీని అందుబాటులోకి తెచ్చింది.మిగిలిన స్మార్ట్‌వాచీల మాదిరిగానే ఇది కూడా రీచార్జబుల్‌ బ్యాటరీతో పనిచేస్తుంది. ఈ వాచీని చేతికి తొడుక్కుంటే, బీపీ ఎంత ఉందో ఎప్పటికప్పుడు నిరంతరాయంగా చూపిస్తూ ఉంటుంది. ఒకవేళ బీపీ ఆందోళనకరమైన స్థాయిలో ఉంటే డాక్టర్‌ వద్దకు వెళ్లి తగిన చికిత్స తీసుకునేందుకు దోహదపడుతుంది. బీపీ చెకింగ్‌ను సులభతరం చేసిన ఈ స్మార్ట్‌వాచీ కోసం ఆన్‌లైన్‌లో ఆర్డర్లు వెల్లువెత్తుతున్నాయి. దీని ధర 199 డాలర్లు (రూ.16,564) మాత్రమే!ఇవి చ‌ద‌వండి: నిద్దుర‌లో బాగా గుర‌క కొడ్తున్నారా! అయితే ఈ దిండు..

డయాబెటిస్‌ బాధితులు ప్రతినిత్యం చక్కెర స్థాయి తెలుసుకుంటూ ఉండాలి. చక్కెర స్థాయి తెలుసుకోవాల్సి వచ్చినప్పుడల్లా వేలిని సూదితో గుచ్చి నెత్తుటిచుక్కలు బయటకు తీయాల్సి ఉంటుంది. ఈ నెత్తుటిచుక్కల ద్వారానే ఇప్పుడు అందుబాటులో ఉన్న గ్లూకోమీటర్లు చక్కెర స్థాయిని నిర్ధారించగలుగుతున్నాయి. ఇప్పటి వరకు డయాబెటిస్‌ బాధితులకు ప్రతిరోజూ ఈ నొప్పి తప్పడంలేదు. ఎలాంటి నొప్పి లేకుండానే, నెత్తుటి చుక్క చిందించకుండానే చక్కెర స్థాయిని కచ్చితంగా చెప్పగలిగే స్మార్ట్‌వాచీని కొరియన్‌ కంపెనీ ‘సామ్‌సంగ్‌’ అందుబాటులోకి తెచ్చింది. ఈ స్మార్ట్‌వాచీ మీటల మీద చేతి మధ్యవేలు, ఉంగరంవేలు కొద్ది క్షణాలు అదిమిపెట్టి ఉంచితే చాలు, శరీరంలో చక్కెర స్థాయి ఎంత ఉందో స్క్రీన్‌ మీద చూపిస్తుంది. ‘సామ్‌సంగ్‌’ రూపొందించిన ఈ గెలాక్సీ స్మార్ట్‌వాచ్‌ చక్కెర స్థాయితో పాటు శరీరంలో కొవ్వు పరిమాణం, కండరాల పరిమాణం వంటి వివరాలను కూడా చెబుతుంది. దీని ధర 81.26 డాలర్లు (సుమారు రూ.6750) మాత్రమే!

ఓ స్మార్ట్‌ వాచ్‌ 42 ఏళ్ల వ్యక్తి ప్రాణాలు కాపాడింది. మార్నింగ్‌ జాగింగ్‌కు వెళ్లిన  కంపెనీ సీఈవోకు ఉన్నట్టుండి ఛాతిలోనొప్పి రావడంతో.. స్మార్ట్‌వాచ్‌ అతన్ని రక్షించింది. స్మార్ట్‌ఫోన్‌ సాయంతో భార్యకు సమాచారం ఇవ్వగా.. నిమిషాల్లో ఆసుపత్రికి తీసుకెళ్లడంతో ప్రాణాపాయం తప్పింది. గుండెపోటు నుంచి బయటపడటానికి స్మార్ట్‌ వాచ్‌ ఎలా సాయపడిందనే విషయాన్ని ఆయనే స్వయంగా  వివరించారు. ఈఘటన బ్రిటన్‌లో జరిగింది.  హాకీ వేల్స్‌ కంపెనీ సీఈవో పాల్‌ వాపమ్‌ స్వాన్‌సీలోని మోరిస్టన్‌ ప్రాంతంలో నివిసిస్తుంటారు. ఆయనకు రోజూ జాగింగ్‌కు వెళ్లడం అలవాటు. ఓ రోజు ఉదయం 7 గంటలకు ఇంటి సమీపంలోనే జాగింగ్‌కు వెళ్లారు. పరుగెత్తుతుండగా అయిదు నిమిషాలకు అకస్మాత్తుగా అతనికి ఛాతీలో తీవ్రమైన నొప్పి వచ్చింది. గుండె బిగుతుగా అనిపించడంతో ఒక్కసారిగా రోడ్డుమీద కుప్పకూలిపోయారు. వెంటనే తన చేతికున్న స్మార్ట్‌ వాచ్‌ ద్వారా భార్య లారాకు ఫోన్‌ చేశాడు. ఆమె అక్కడికి చేరుకొని తన కారులో అతన్ని నిమిషాల వ్యవధిలో ఆసుపత్రికి తీసుకెళ్లింది.  చదవండి: బ్రిటన్ ప్రధాని ఇంట.. దీపావళి సంబరాలు డాక్టర్లు సైతం సరైన సమయంలో వైద్యం అదించడంతో సీఈవో ప్రాణాలు నిలిచాయి. అయితే గుండె ధమనుల్లో ఒకటి పూర్తిగా బ్లాక్‌ అవ్వడం కారణంగా గుండెపోటు వచ్చినట్లు వైద్యులు తెలిపారు. అదే ఆసుపత్రిలో శస్త్ర చికిత్స చేసుకొని ఆరు రోజులు తరువాత ఇంటికి చేరుకున్నారు. కాగా ఈ ఘటన తనతోపాటు తన కుటుంబాన్ని షాక్‌కు గురి చేసిందని చెప్పారు. అంతేగాక తనకు ఉబకాయ సమస్యలు ఏం లేవని రోజు ధృడంగా ఉండటానికి ప్రయత్నిస్తానని తెలిపారు. సరైన సమయంలో  సాయం చేసిన స్మార్ట్‌ వాచ్‌, భార్య, ఆసుపత్రి సిబ్బందికి ధన్యవాదాలు తెలిపారు. ఇటీవల కాలంలో ఆపిల్ వాచ్ సిరీస్ 8 వంటి ఎల్టీఈ కనెక్టివిటీ, ఈ-సిమ్‌తో కూడిన స్మార్ట్‌వాచ్‌లలో ఫోన్‌లు దగ్గరలో లేకునప్పటికీ కాల్‌ చేసే సౌలభ్యం అందుబాటులోకి వచ్చింది. దీనివల్ల గతంలో గుండెపోటు లక్షణాలను స్మార్ట్‌వాచ్‌లు ముందుగానే గుర్తించి అప్రమత్తం చేయడంతో పలువురి ప్రాణాలు దక్కిన విషయం తెలిసిందే. స్మార్ట్‌వాచ్‌ల్లో ఉండే హార్ట్‌రేట్‌, ఈసీజీ వంటి సెన్సర్లు గుండెపోటు ప్రమాదాన్ని ముందుగానే గుర్తించడంలో సాయపడుతున్నాయి.

ఇప్పటికే రకరకాల స్మార్ట్‌వాచీలు అందుబాటులోకి వచ్చాయి. వీటిలో చాలా వాచీలు నడక, వ్యాయామం ద్వారా శరీరంలో ఖర్చయ్యే కేలరీలు, రక్తపోటు వంటి సమాచారాన్ని యాప్‌ ద్వారా ఎప్పటికప్పుడు చూపిస్తూ ఉంటాయి. దక్షిణ కొరియాకు చెందిన సామ్‌సంగ్‌ కంపెనీ నిద్రా సమస్యలను గుర్తించే స్మార్ట్‌ వాచీని ఇటీవల రూపొందించింది. దీనికి దక్షిణ కొరియా ఆహార, ఔషధ మంత్రిత్వశాఖ ఆమోదం కూడా లభించింది. ‘సామ్‌సంగ్‌ గెలాక్సీ వాచ్‌5’ పేరుతో వచ్చే ఏడాది నుంచి ఇది మార్కెట్‌లో అందుబాటులోకి రానుంది. ఇది నిద్ర తీరుతెన్నులను నిరంతరం గమనిస్తూ ఉంటుంది. నిద్రలో ఎదురయ్యే గురక, నిద్ర మధ్యలో శ్వాస ఆగిపోవడం వంటి సమస్యలను గుర్తించి, యాప్‌ ద్వారా తెలియజేస్తుంది. సమస్యలను ముందుగానే గుర్తించడం ద్వారా వెంటనే తగిన చికిత్స పొందడానికి వెసులుబాటు కల్పిస్తుంది. దీని ధరను ఇంకా ప్రకటించలేదు.  (చదవండి: 120 మీటర్ల ఎత్తులో​ ఉన్న కొండను ఆనుకొని ఓ కొట్టు..ఎక్కడంటే..)

అర్నవ్‌ కిశోర్‌కు ఆటలు అంటే ప్రాణం. స్పోర్ట్స్‌మెన్, ఫిట్‌నెస్‌ ప్రేమికులకు ఉపయోగపడే గాడ్జెట్‌లను సృష్టించాలనేది తన భవిష్యత్‌ లక్ష్యంగా ఉండేది. వేరబుల్‌ టెక్‌ కంపెనీ ‘ఫైర్‌–బోల్ట్‌’తో తన కలను నిజం చేసుకున్నాడు కిశోర్‌. స్మార్ట్‌ వేరబుల్‌ మార్కెట్‌ను తగిన అధ్యయనం చేసిన తరువాత మార్కెట్‌ వ్యూహాలు రచించుకున్నాడు. అప్పటికే చైనాలోని దిగ్గజ టెక్‌ కంపెనీలు మన మార్కెట్‌లోకి వచ్చాయి. వాటితో పోటీ పడడం అంత సులభం ఏమీ కాదు. మంచి టైమ్‌ రావాలంటే ఆ టైమ్‌ ఎప్పుడు వస్తుందో ఓపిగ్గా ఎదురుచూడాలి. అర్నవ్‌ కిశోర్‌ అదే చేశాడు. సరిౖయెన సమయం చూసి మార్కెట్‌లోకి దిగి విజయం సాధించాడు. తొలి సంవత్సరం....‘మన టైమ్‌ వచ్చేసింది’ అనుకున్నాడు. రెండో సంవత్సరం....‘ఈ ఫైర్‌ ఇలాగే కొనసాగాలి’ అనుకున్నాడు. గత సంవత్సరం ఫైర్‌–బోల్ట్‌ నాయిస్‌ మన దేశంలోనే అతి పెద్ద స్మార్ట్‌వాచ్‌ బ్రాండ్‌గా అవతరించింది. ఆన్‌లైన్‌లోనే కాదు ఆఫ్‌లైన్‌ లోనూ సరసమైన ధరల్లో అందుబాటులో ఉండేలా చేయడమే కాదు, ఇన్నోవెటివ్, మార్కెట్‌–ఫస్ట్‌ ఫీచర్స్‌ కూడా కంపెనీ ఉత్పత్తులు విజయం సాధించడానికి ప్రధాన కారణం. కంపెనీ ప్రాడక్ట్‌ లైన్‌లోనికి ఇంటర్నెట్‌ ఆఫ్‌ థింగ్స్‌(ఐవోటి) డివైజ్‌లు, వైర్‌లెస్‌ ఇయర్‌ ఫోన్‌లు...మొదలైనవి వచ్చి చేరాయి. ఇండియన్‌ మార్కెట్‌లో విజయం సాధించిన అర్నవ్‌ అంతర్జాతీయ స్థాయిలో విజయం సాధించాలనే లక్ష్యాన్ని నిర్దేశించుకున్నాడు. వ్యాపారవేత్త అయిన తండ్రి నుంచి కిశోర్‌ నేర్చుకున్న పాఠం... ‘నిరాశతో ప్రయాణాన్ని ఆపవద్దు. పరుగెత్తక పోయినా సరే, నడిస్తే చాలు. ప్రయాణంలోనే ఎన్నో విషయాలను నేర్చుకుంటాం. మంచి,చెడులను తెలుసుకుంటాం’. నిజానికి ప్రయాణ ప్రారంభంలోనే అర్నవ్‌ కిశోర్‌కి కోవిడ్‌ హాయ్‌ చెప్పి భయపెట్టింది. సంక్షోభ సమయంలో వ్యాపారవేత్త డీలా పడకూడదు. కిశోర్‌ ఆ సమయంలోనూ అధైర్య పడలేదు. వెనకడుగు వేయలేదు.  ‘ట్రెండ్స్‌ ఆఫ్‌ బ్యాండ్‌’ ఏమిటి? ‘పాపులారిటీ కోల్పోయిన బ్యాండ్స్‌ ఏమిటి?’  అనే అంశంపై అవగాహన ఉన్న కిశోర్‌  2021లో కొత్త స్ట్రాటజీతో ముందుకు వచ్చాడు. టెంప్టింగ్‌ ట్యాగ్‌తో నింజా సిరీస్‌ స్మార్ట్‌ వాచ్‌లను తీసుకువచ్చి విజయం సాధించాడు. ‘రిసెర్చ్‌ అండ్‌ డెవలప్‌మెంట్‌(ఆర్‌ అండ్‌ డీ), డిజైన్‌ మార్కెట్‌లో మాకంటూ ఒక ప్రత్యేక స్థానాన్ని కలిగించాయి’ అంటాడు కిశోర్‌. యంగ్‌ ఎంటర్‌ప్రెన్యూర్‌గా జాతీయ, అంతర్జాతీయ స్థాయిలో ఎన్నో అవార్డ్‌లు అందుకున్నాడు అర్నవ్‌ కిశోర్‌. సక్సెస్‌ఫుల్‌ ఎంటర్‌ప్రెన్యూర్‌గా అర్నవ్‌ కిశోర్‌ ఇప్పుడు చేయాల్సింది....ఎప్పటిలాగే ఆట తెలివిగా ఆడటం. అతి ఆత్మవిశ్వాసం ఉంటే ఆట తారు మారు అవుతుంది. ఇలాంటి విషయాలు అర్నవ్‌ కిశోర్‌కు తెలియనివేమీ కాదు. ఎందుకంటే ఈ యువ వ్యాపారవేత్త తండ్రి నుంచి ఎన్నో విలువైన పాఠాలు నేర్చుకున్నాడు. టెక్నాలజీ, ఫిట్‌నెస్, ఎంటర్‌ప్రెన్యూర్‌షిప్, స్పోర్ట్స్‌...అనేవి అర్నవ్‌ కిశోర్‌(ఏకే) కలల ప్రపంచం. వాటిని మిళితం చేసి ‘ఫైర్‌–బోల్ట్‌’ స్టార్టప్‌ సృష్టించాడు. ఇది మన దేశంలోనే అతి పెద్ద వేరబుల్‌ టెక్‌ బ్రాండ్‌గా అవతరించింది. అంతర్జాతీయ స్థాయిలో దూసుకుపోతుంది. ‘మంచి టైమ్‌ సెట్‌ చేసుకోవడం మన చేతుల్లోనే ఉంది’ అంటాడు ఏకే...  (చదవండి: బీర్‌ వ్యర్థాలతో..బిస్కెట్లు, చిక్కిలు, లడ్డులా..)

న్యూయార్క్‌: టెక్నాలజీ దిగ్గజం యాపిల్‌ తాజాగా ఐఫోన్‌ 15 మోడళ్ల మొబైళ్లతోపాటు.. 9 సిరీస్‌ స్మార్ట్‌ వాచీని విడుదల చేసింది. ఐఫోన్‌ 15 మోడళ్ల చార్జింగ్‌కు టైప్‌ సీ కేబుల్‌ను ప్రవేశపెట్టింది. దీంతో ఇతర యాపిల్‌ గాడ్జెట్లను సైతం టైప్‌ సీ ద్వారా చార్జింగ్‌ చేసుకునే వీలు కల్పిస్తున్నట్లు కంపెనీ పేర్కొంది. ఐఫోన్‌ 15, 15 ప్లస్‌ మోడళ్లకు ఏ 16 చిప్‌ను వినియోగించింది. వాచీ మోడళ్లకు రీసైకిల్డ్‌ మెటీరియల్‌తో రూపొందించిన విభిన్న స్ట్రాప్స్‌ను  ప్రవేశపెట్టింది. ఇక ఐఫోన్‌ 15 ప్రో, 15 ప్రో మ్యాక్స్‌ మోడళ్ల కేసు తయారీలో టైటానియంను వినియోగించింది. ఏ17 చిప్‌ను వినియోగించింది. తద్వారా అత్యంత వేగవంత, మన్నికైన, తేలికపాటి ఫోన్లను రూపొందించినట్లు యాపిల్‌ తెలియజేసింది. ఐఫోన్‌ 15 ధర 799 డాలర్లు, 15 ప్లస్‌కు 899 డాలర్లు చొప్పున నిర్ణయించింది. ఇక ఐఫోన్‌ 15 ప్రో ధర 999 డాలర్లు కాగా, ప్రో మ్యాక్స్‌ ధర 1199 డాలర్లుగా ప్రకటించింది. కొత్త ఐఫోన్‌ మోడళ్లన్నీ 48 ఎంపీ ప్రధాన కెమెరాతో విడుదలయ్యాయి. 6.1, 6.7 అంగుళాల స్క్రీన్‌ పరిమాణంలో ప్రవేశపెట్టింది. స్టోరేజీ 128 జీబీ, 256 జీబీతో విడుదల చేసింది.

కర్ణాటక: నగరంలోని బెంగేరి వెంకటేష్‌ కాలనీలో మంగళవారం అర్ధరాత్రి స్మార్ట్‌ వాచీ విషయమై స్నేహితులిద్దరి మధ్య ప్రారంభమైన ఘర్షణ హత్యతో అంతమైంది. హతుడు సిద్రామనగర నివాసి అస్లాం మకాందార్‌ కాగా గాయత్రినగర మంజునాథ్‌ నిందితుడు. కేసులో నిందితుడిని పోలీసులు అరెస్ట్‌ చేశారు. మృతుడు అస్లాం మకాందార్‌ నిందితుడు మంజునాథ్‌ ఇద్దరు మంచి స్నేహితులు. కొద్ది రోజుల క్రితం మంజునాథ్‌ అస్లాంకు స్మార్ట్‌ వాచీని ఇచ్చాడు. అయితే అస్లాం సదరు వాచీని తిరిగి ఇవ్వకుండా వేధించాడు. ఈక్రమంలో మధ్య రాత్రి బెంగేరి వెంకటేష్‌ కాలనీలో ఎగ్‌రైస్‌ తింటుండగా ఇదే విషయమై ఇద్దరూ ఘర్షణ పడ్డారు. మంజునాథ్‌ చాకుతో అస్లాం ఛాతీపై పొడిచాడు. దీంతో తీవ్రంగా రక్తస్రావమైన అస్లాంను అతడి స్నేహితులు కిమ్స్‌ ఆస్పత్రిలో చేర్పించారు. అయితే చికిత్స ఫలించక అతడు మృతి చెందాడు. ఘటనపై కేశ్వాపుర పోలీసులు కేసు దర్యాప్తు చేపట్టారు.

ఇప్పటివరకూ స్మార్ట్‌ వాచీలను ఎక్కువగా చూస్తున్నాం.. ఇప్పుడిప్పుడే చేతి వేళ్లకు ధరించగలిగే 'స్మార్ట్ రింగ్'లు సైతం మార్కెట్‌లోకి వస్తున్నాయి. అద్భుతమైన ఫీచర్లతో  ఇలాంటి స్మార్ట్‌ రింగ్‌ను ప్రముఖ ఎలక్ట్రానిక్స్‌ కంపెనీ బోట్ తాజాగా లాంచ్‌ చేసింది.  ఆరోగ్య పర్యవేక్షణ నుంచి సింగిల్ హ్యాండ్ కదలికల ద్వారా చేసే స్మార్ట్ ట్రాకింగ్ యాక్టివిటీ వరకూ పలు రకాల ఫీచర్లు కలిగిన ఈ స్మార్ట్‌ ధరను రూ. 8,999లుగా కంపెనీ ప్రకటించింది. అమెజాన్, ఫ్లిప్‌కార్ట్, బోట్ వెబ్‌సైట్‌లలో ఆగస్టు 28 మధ్యాహ్నం 12 గంటల తర్వత నుంచి ఈ స్మార్ట్‌ రింగ్‌ కొనుగోలుకు అందుబాటులో ఉంటుంది. అందరి వేళ్లకూ సరిపోయేలా ఈ రింగ్ మూడు సైజ్‌లలో వస్తుంది. బోట్‌ స్మార్ట్‌ రింగ్‌ ఫీచర్లు స్టైలిష్‌, ప్రీమియం, మెటాలిక్‌ లుక్‌ స్వైప్ నావిగేషన్‌తో ఇతర డివైజ్‌ల కంట్రోల్‌ ప్లే/పాజ్ మ్యూజిక్‌, ట్రాక్‌ చేంజ్‌, పిక్చర్‌ క్లిక్, అప్లికేషన్‌ల నావిగేట్ హార్ట్‌ రేటు, బాడీ రికవరీ, శరీర ఉష్ణోగ్రత, స్లీప్‌ మానిటరింగ్‌, ఋతుక్రమ ట్రాకర్‌ సొంత బోట్‌ రింగ్ యాప్‌కు కనెక్ట్ స్టెప్‌ కౌంట్‌, కరిగిన కేలరీలు, ప్రయాణించిన దూరం వంటి స్మార్ట్ యాక్టివిటీ ట్రాకింగ్ అత్యవసర పరిస్థితుల్లో ఇతరులను అప్రమత్తం చేసే ఎస్‌వోఎస్‌ ఫీచర్ 5 ఏటీఎం వరకు వాటర్ రెసిస్టెన్స్

‘కోవిడ్‌’ మహమ్మారి దెబ్బకు ప్రపంచవ్యాప్తంగా వైరస్‌ పేరు చెబితేనే జనాలకు వెన్నులో వణుకు మొదలయ్యే పరిస్థితి దాపురించింది. వైరస్‌ల నిర్మూలన కోసం శాస్త్రవేత్తలు తమ ప్రయత్నాలను మరింత ముమ్మరం కూడా చేశారు. ‘కోవిడ్‌’ తర్వాత వైరస్‌ల ఆచూకీని కనిపెట్టే సాంకేతికత కూడా అభివృద్ధి చెందింది. తాజాగా వైరస్‌ల జాడ గుర్తించగలిగే ‘విక్లోన్‌’ అనే ఈ స్మార్ట్‌వాచ్‌ అందుబాటులోకి వచ్చింది.  టైమ్‌ చూపించడం సహా మిగిలిన పనులన్నీ ఇది ఇతర స్మార్ట్‌వాచీల మాదిరిగానే చేయడమే కాకుండా, చుట్టుపక్కల గాలిలో వైరస్‌లు ఉంటే, వెంటనే అప్రమత్తం చేస్తుంది. గాలిలోని సూక్ష్మకణాలను ఇది లోపలికి పీల్చుకుంటుంది.  ఇందులో అమర్చిన అధునాతన సాంకేతికత ద్వారా ప్రమాదకరమైన బ్యాక్టీరియా కణాలు, వైరస్‌ కణాలు ఉన్నట్లయితే, వాటిని వెంటనే గుర్తించి అప్రమత్తం చేస్తుంది. అమెరికన్‌ కంపెనీ ‘డిజైనర్‌ డాట్‌’ వైరస్‌ను గుర్తించే ఈ స్మార్ట్‌వాచీని ‘విక్లోన్‌’ పేరుతో రూపొందించింది.  

దేశీయ మార్కెట్లో పెబల్ కంపెనీ నుంచి కొత్త స్మార్ట్‌వాచ్ విడుదలైంది. పెబల్ కాస్మోస్ బోల్డ్ ప్రో (Pebble Cosmos Bold Pro) పేరుతో విడుదలైన ఈ వాచ్ ధర రూ. 2,799. ఇది ఈ-కామర్స్ ప్లాట్‍ఫామ్ ఫ్లిప్‍కార్ట్, పెబల్ అధికారిక వెబ్‍సైట్‍లో విక్రయానికి ఉంది. ఈ లేటెస్ట్ వాచ్ గురించి మరిన్ని వివరాలు ఈ కథనంలో తెలుసుకుందాం. మార్కెట్లో విడుదలైన కొత్త 'పెబల్ కాస్మోస్ బోల్డ్ ప్రో' వాచ్ నాలుగు కలర్ ఆప్షన్‍లలో ఉంటుంది. అవి బ్లాక్, గోల్డ్, మెటల్ బ్లాక్, సిల్వర్ కలర్స్. మెటల్ బాడీ కలిగిన ఈ వాచ్ 1.39 ఇంచెస్ TFT డిస్ప్లేతో లభిస్తుంది. ఇందులో హార్ట్ మానిటర్ చేయడానికి ఒక ప్రత్యేకమైన ఫీచర్ కూడా అందుబాటులో ఉంది. అంతే కాకుండా బ్లడ్ ఆక్సిజన్ సాచురేషన్ లెవెల్స్ కొలిచే ఎస్‍పీఓ2 సెన్సార్ వంటి ఫీచర్స్ కూడా ఇందులో లభిస్తాయి. (ఇదీ చదవండి: విడుదలకు సిద్దమవుతున్న హ్యుందాయ్ క్రెటా ఈవీ.. లాంచ్ ఎప్పుడంటే?) బ్లూటూత్ 5.0 వెర్షన్ కనెక్టివిటీ కలిగి ఉండటం వల్ల ఇది కాలింగ్ ఫీచర్‌ కూడా పొందుతుంది. బ్లూటూత్ ద్వారా మొబైల్ కి కనెక్ట్ చేసుకున్నప్పుడు వాచ్ ద్వారానే కాల్స్ స్వీకరించవచ్చు, రిజెక్ట్ చేయవచ్చు. నోటిఫికేషన్లను కూడా వాచ్ ద్వారానే తీసుకోవచ్చు. మ్యూజిక్ ప్లేబ్యాక్, కెమెరా వంటి వాటిని కూడా వాచ్ ద్వారానే కంట్రోల్ చేయవచ్చు. (ఇదీ చదవండి: ఒక్కసారిగా రూ. 171 తగ్గిన ఎల్‌పీజీ గ్యాస్ ధరలు.. కొత్త ధరలు ఎలా ఉన్నాయంటే?) పెబల్ కాస్మోస్ బోల్డ్ ప్రో స్మార్ట్ వాచ్ ఒక ఫుల్ ఛార్జ్ ద్వారా సాధారణంగా వారం (7 రోజులు) రోజుల వరకు పనిచేస్తుందని కంపెనీ తెలిపింది. అయితే ఎక్కువ ఉపయోగించినప్పుడు బ్యాటరీ లైఫ్ ఇంకా తక్కువగా ఉండే అవకాశం ఉంటుంది. మొత్తం మీద ఈ స్మార్ట్ వాచ్ ఆధునిక కాలంలో వినియోగించడానికి చాలా అద్భుతంగా ఉంటుంది.

ఈ ఫొటోలో చేతికి తొడుక్కున్న వాచీ చూస్తున్నారు కదా! ఇది స్మార్ట్‌ వాచీ. మిగిలిన స్మార్ట్‌ వాచీల మాదిరిగా దీని బ్యాటరీకి చార్జింగ్‌ అవసరం లేదు. ఇది పూర్తిగా సోలార్‌ స్మార్ట్‌ వాచ్‌. ఎండలో కాసేపు తిరిగితే చాలు, ఇందులోని బ్యాటరీ చార్జ్‌ అవుతుంది. అమెరికాకు చెందిన బహుళజాతి సంస్థ ‘గ్రామిన్‌ ఇంటర్నేషనల్‌’ ఇటీవల ఈ పూర్తిస్థాయి సోలార్‌ స్మార్ట్‌ వాచ్‌ను ‘ఇన్‌స్టింక్ట్‌–2’ పేరుతో విడుదల చేసింది. దీనికి అమర్చిన లెన్స్‌ ద్వారా ఇందులోని బ్యాటరీ చార్జ్‌ అవుతుంది.  రోజుకు మూడుగంటల సేపు ఎండసోకితే, ఈ వాచ్‌ ఇరవైనాలుగు గంటలు నిరంతరాయంగా పనిచేస్తుంది. ఎండసోకని పరిస్థితులు రోజుల తరబడి ఉంటే, యూఎస్‌బీ చార్జర్‌ ద్వారా కూడా చార్జ్‌ చేసుకోవచ్చు. ఈ వాచ్‌లో ఫ్లాష్‌లైట్‌ కూడా ఉండటం విశేషం. ఆరుబయట పిక్నిక్‌లు, ట్రెక్కింగ్‌లకు వెళ్లే వారికి ఈ వాచ్‌ పూర్తి అనుకూలంగా ఉంటుందని ‘గ్రామిన్‌ ఇంటర్నేషనల్‌’ వైస్‌ ప్రెసిడెంట్‌ డాన్‌ బార్టెల్‌ చెబుతున్నారు. దీని మోడల్స్‌లో వైవిధ్యాన్ని బట్టి దీని ధర 389.99 డాలర్ల (రూ.32,027) నుంచి 469.99 డాలర్ల (38,597) వరకు ఉంది.

దేశీయ మార్కెట్లో ప్రతి రోజు ఏదో ఒక మూలన ఏదో ఒక కొత్త ఉత్పత్తి విడుదలవుతూనే ఉంది. ఇందులో భాగంగానే దేశీయ కంపెనీ 'బోల్ట్ ఆడియో' (Boult Audio) ఒక కొత్త స్మార్ట్‌వాచ్ విడుదల చేసింది. ఇది ఆకర్షణీయమైన డిస్‍ప్లే కలిగి అద్భుతమైన ఫీచర్స్ పొందుతుంది. దీని గురించి మరిన్ని వివరాలు ఇక్కడ చూడవచ్చు. బోల్ట్ ఆడియో విడుదల చేసిన కొత్త స్మార్ట్‌వాచ్ పేరు 'బోల్ట్ రోవర్ ప్రో' (Boult Rover Pro). దీని ధర కేవలం రూ. 2,499 మాత్రమే. ఇది ఈ-కామర్స్ సైట్ ఫ్లిప్‌కార్ట్‌లో కొనుగోలు చేయవచ్చు. కొనుగోలుదారులకు ఈ వాచ్‍తో పాటు అదనంగా రెండు డిటాచబుల్ స్ట్రాప్స్ కూడా లభిస్తాయి. కొత్త బోల్ట్ రోవర్ ప్రో వాచ్ 1.43 ఇంచెస్ సూపర్ అమోలెడ్ కర్వ్డ్ డిస్‍ప్లే కలిగి 1000 నిట్స్ పీక్ బ్రైట్‍నెస్, 446x446 పిక్సెల్స్ రెజల్యూషన్ పొందుతుంది. అంతే కాకుండా బ్లూటూత్ 5.2 వెర్షన్‍ కలిగి ఉండటం వల్ల కాలింగ్ ఫీచర్ ఇందులో లభిస్తుంది. తద్వారా మొబైల్‍కు కనెక్ట్ చేసుకున్నప్పుడు వాచ్ ద్వారానే కాల్స్ మాట్లాడవచ్చు. అంతే కాకుండా డయల్ ప్యాడ్, సింక్ కాంటాక్ట్ ఫీచర్లు కూడా ఇందులో లభిస్తాయి. ప్రస్తుతం స్మార్ట్‌వాచ్ కొనుగోలు చేసే చాలామంది హెల్త్ ఫీచర్స్ ఎక్కువగా ఉన్న వాచ్‌లు కొనుగోలు చేయడానికి ఆసక్తి చూపుతారు. కావున బోల్ట్ రోవర్ ప్రోలో హార్ట్ రేట్ మానిటరింగ్, బ్లడ్ ఆక్సిజన్ లెవెల్స్ సాచురేషన్ ఎస్‍పీవో2 ట్రాకర్, స్లీప్ మానిటరింగ్, బ్లడ్ ప్రెజర్ మానిటరింగ్ వంటివి ఉన్నాయి. వీటితో పాటు వందకుపైగా స్పోర్ట్స్ మోడ్‍లకు సపోర్ట్ చేస్తుంది. (ఇదీ చదవండి: సి3 కొత్త వేరియంట్ లాంచ్ చేసిన సిట్రోయెన్ - ధర ఎంతంటే?) బోల్ట్ రోవర్ ప్రో స్మార్ట్‌వాచ్ ఒక ఫుల్ ఛార్జ్‌తో గరిష్టంగా 7 రోజుల వరకు పనిచేస్తుంది. దీనిని కేవలం 10 నిముషాల ఛార్జ్‌తో 2 రోజులు ఉపయోగించుకోవచ్చు. చార్జింగ్ కోసం యూఎస్‍బీ టైప్-సీ పోర్ట్ ఉంటుంది. ఇది వాయిస్ అసిస్టెంట్‍కు కూడా సపోర్ట్ చేస్తుంది. వాటర్ రెసిస్టెంట్ కోసం ఐపీ68 రేటింగ్‍ పొందుతుంది. మొత్తం మీద ఆధునిక కాలంలో వినియోగించడానికి ఈ వాచ్ ఖచ్చితంగా సరిపోయే విధంగా ఉంది.

ఆధునిక ప్రపంచంలో లేటెస్ట్ ఉత్పత్తుల వాడకం విపరీతంగా పెరుగుతోంది. ఇందులో భాగంగానే దేశీయ మార్కెట్లో మరో కొత్త స్మార్ట్‌వాచ్ విడుదలైంది. నాయిస్ కంపెనీ విడుదల చేసిన ఈ కొత్త వాచ్ ధర, ఫీచర్స్, ఇతర వివరాలను గురించి మరిన్ని వివరాలు ఇక్కడ చూడవచ్చు. కలర్‌ఫిట్ ఐకాన్ లైనప్‍లో విడుదలైన కొత్త ఐకాన్ 3 ధర కేవలం రూ.1,999 మాత్రమే. దీనిని ఈ-కామర్స్ సైట్ ఫ్లిప్‍కార్ట్ లేదా నాయిస్ అఫీషియల్ వెబ్‍సైట్‍లో కొనుగోలు చేయవచ్చు. ఇది జెట్ బ్లాక్, మిడ్ నైట్ గోల్డ్, స్పేస్ బ్లూ, మ్యాట్ గోల్డ్, కామ్ బ్లూ, రోజ్ మయూవే అనే ఆరు కలర్ ఆప్షన్‍లతో లభిస్తుంది. నాయిస్ ఐకాన్ 3 స్మార్ట్‌వాచ్‍ 1.91 ఇంచెస్ TFT స్క్వేర్ డిస్‍ప్లే కలిగి సన్నని బెజిల్స్‌ పొందుతుంది. ఇది సిలికాన్ స్ట్రాప్‍, మెటల్ బాడీ కలిగి స్క్రీన్ పాస్ కోడ్ ఫీచర్‌తో లభిస్తుంది. అంతే కాకుండా హార్ట్ రేట్ మానిటరింగ్, స్లీప్ ట్రాకర్, బ్లడ్ ఆక్సిజన్ సాచురేషన్ లెవెల్స్ ట్రాకింగ్ కోసం ఎస్‍పీఓ2 సెన్సార్, బ్రీత్ ప్రాక్టీస్ లాంటి హెల్త్ ఫీచర్లు కూడా ఇందులో ఉంటాయి. (ఇదీ చదవండి: Suguna Foods: 5 వేలతో ప్రారంభమై అందరిని ఆశ్చర్యపరిచిన వ్యాపారం, ఇది!) మొబైల్ ఫోన్‍కు కనెక్ట్ చేసుకున్న సమయంలో ఈ వాచ్ ద్వారానే కాల్స్ మాట్లాడవచ్చు, నోటిఫికేషన్స్ కూడా పొందవచ్చు. సుమారు పది వరకు కాంటాక్టులను కూడా సేవ్ చేసుకోవచ్చు. ఈ వాచ్ ఒక ఫుల్ ఛార్జ్‌తో 7 రోజుల వరకు పనిచేస్తుంది. స్మార్ట్ ఫోన్‍లో నాయిస్‍ఫిట్ యాప్ డౌన్‍లోడ్ చేసుకుని ఈ వాచ్‍కి కనెక్ట్ చేసుకుని ఫిట్‍నెస్, వర్కౌట్ వివరాలను చూడడం, సెట్టింగ్‍లను మార్చుకోవడం వంటివి కూడా ఈ యాప్ ద్వారా చేసుకోవచ్చు.

ఇటీవల స్మార్ట్‌ వాచ్‌ల వాడకం పెరిగింది. ముఖ్యంగా నడక, ఇతర వ్యాయామ సమయాల్లో వీటిని బాగా ఉపయోగిస్తున్నారు. శరీరానికి సంబంధించిన రక్త ప్రసరణ, హృదయ స్పందన, ఆక్సిజన్‌ స్థాయిలు వంటి సమాచారాన్ని అందించేలా రూపొందిన ఈ స్మార్ట్‌ వాచ్‌లు ఆరోగ్య రక్షణలో ఉపయోగపడుతున్నాయి.  ఇదీ చదవండి: కస్టమర్‌కు షాకిచ్చిన ఉబర్‌.. 21 కిలోమీటర్ల రైడ్‌కి రూ.1,500 బిల్లు శరీరంలో అనారోగ్య ల‌క్ష‌ణాల‌ను గుర్తించి వెంటనే అలెర్ట్‌ చేసి యాపిల్‌ స్మార్ట్‌ వాచ్‌లు యూజర్ల ప్రాణాలు కాపాడాయంటూ పలు కథనాలు వెల్ల‌డ‌య్యాయి. తాజాగా  క్లీవ్‌ల్యాండ్‌కు చెందిన ఒక వ్యక్తి రక్తంలో ఆక్సిజన్ స్థాయిలు తగ్గుముఖం పట్టడాన్ని గుర్తించి యాపిల్‌ వాచ్‌ ప్రాణాలు కాపాడిన ఉదంతం వెలుగులోకి వచ్చింది. న్యూస్ 5 క్లీవ్‌ల్యాండ్ కథనం ప్రకారం.. క్లీవ్‌ల్యాండ్‌కు చెందిన కెన్ కౌనిహన్‌కు ఓ రోజు తన శ్వాస వేగం పెరిగిందని యాపిల్‌ స్మార్ట్‌ వాచ్‌ వెంటనే అలర్ట్‌ చేసింది. దీంతో ఇదేదో చిన్నపాటి జబ్బు అని భావించి ఇంటికి వెళ్లి విశ్రాంతి తీసుకున్నాడు. తర్వాత కుటుంబ సభ్యుల సూచన మేరకు ఆస్పత్రికి వెళ్లి వైద్యులను సంప్రదించారు. డాక్టర్లు కౌనిహన్‌కు ఎక్స్ రే తీసి మందులు ఇచ్చి పంపించారు.  ఇదీ చదవండి: Byju’s: మాస్టారు మామూలోడు కాదు.. సీక్రెట్‌ బయటపెట్టిన బైజూస్‌ రవీంద్రన్‌! అయితే ఆ తర్వాత కూడా యాపిల్‌ వాచ్‌ అలాగే అలర్ట్‌ ఇవ్వడంతో మరోసారి వైద్యులను సంప్రదించగా ఈ సారి డాక్టర్లు స్కానింగ్‌లు చేసి ఊపిరితిత్తులలో రక్తం గడ్డకట్టినట్లు గుర్తించారు. దీన్ని నిర్లక్ష్యం చేసి ఉంటే ప్రాణాలకు ప్రమాదం వాటిల్లేదని వైద్యులు చెప్పినట్లుగా కౌనిహన్ తెలిపారు. ఆ రకంగా యాపిల్‌ వాచ్‌ తన ప్రాణాలను కాపాడిందని పేర్కొన్నారు.

భారతదేశంలో టెక్నాలజీ పెరుగుతున్న క్రమంలో యువత కూడా ఆధునిక పరికరాలను ఉపయోగించడానికి ఆసక్తి చూపుతున్నారు. ఇందులో భాగంగానే ఫైర్ బోల్ట్ టర్మినేటర్ స్మార్ట్‌వాచ్ తీసుకువచ్చింది. ఇది మునుపటి మోడల్స్ కంటే పెద్ద సైజ్ డిస్‍ప్లే, బ్లూటూత్ కాలింగ్ ఫీచర్స్ వంటి వాటిని పొందుతుంది. ఫైర్ బోల్ట్ టర్మినేటర్ స్మార్ట్‌వాచ్ మార్చి 06 నుంచి (రేపటి నుంచి) విక్రయానికి రానున్నట్లు సమాచారం. మొదటి సేల్స్ రూ. 1999 స్పెషల్ ప్రైస్‌తో అందుబాటులో ఉంటుంది. ఈ వాచ్ బ్లాక్, బ్లూ, డార్క్ గ్రే, సిల్వర్ గ్రీన్, గోల్డ్ పింక్, సిల్వర్ గ్రే అనే మల్టిపుల్ కలర్ ఆప్షన్‍లలో అందుబాటులోకి రానున్నట్లు సమాచారం. (ఇదీ చదవండ: నిజం నిరూపించిన మహీంద్రా.. వాటర్ లీక్‌ వీడియోకి గట్టి రిప్లే) ఫైర్ బోల్ట్ టర్మినేటర్ వాచ్ 1.99 ఇంచెస్ స్క్వేర్ షేప్డ్ డిస్‍ప్లేతో వస్తుంది. అంతే కాకుండా ఇది బ్లూటూత్ కాలింగ్‍కు కూడా సపోర్ట్ చేస్తుంది. దీని కోసం ఈ వాచ్‍లో స్పీకర్, మైక్ వంటివి ఉన్నాయి. మొబైల్‍కు బ్లూటూత్ ద్వారా కనెక్ట్ చేసినప్పుడు వాచ్ నుంచే కాల్స్ మాట్లాడవచ్చు. డయల్ ప్యాడ్, కాల్ హిస్టరీ వంటి వాటిని కూడా సింక్ చేసుకోవడానికి అనుకూలంగా ఉంటుంది. లేటెస్ట్ ఫైర్ బోల్ట్ టర్మినేటర్ స్మార్ట్‌వాచ్ హార్ట్ రేట్ ట్రాకింగ్, ఎస్‍పీఓ2 మానిటరింగ్, స్లీప్ ట్రాకర్, బ్రీత్ ట్రైనింగ్ హెల్త్ వంటి ఫీచర్స్ కూడా కలిగి ఉంటుంది. ఇది 120కి పైగా స్పోర్ట్స్ మోడ్‍లకు సపోర్ట్ చేస్తుంది, ఫోన్‍కి కనెక్ట్ చేసుకున్నప్పుడు మ్యూజిక్, కెమెరాను కంట్రోల్ చేయవచ్చు. నోటిఫికేషన్లను కూడా వాచ్‍లోనే పొందవచ్చు.

అంధుల కోసం ఓ ప్రత్యేక స్మార్ట్‌ వాచ్‌(Smart Watch)ను తయారు చేశారు. దృష్టిలోపం ఉన్నవారి కోసం ఆధునిక టెక్నాలజీతో ఓ స్మార్ట్ వాచ్‌ను కాన్పూర్‌లోని ఇండియన్ ఇన్‌స్టిట్యూట్ ఆఫ్ టెక్నాలజీ (ఐఐటీ) పరిశోధకుల బృందం అభివృద్ధి చేసింది. వీటిని పెద్ద మొత్తంలో తయారీతో పాటు విక్రయించేందుకు యాంబ్రేన్‌ ఇండియా ప్రైవేట్‌ లిమిటెడ్‌ కంపెనీతో ఐఐటీ కాన్పూర్‌ జతకట్టింది. ప్రస్తుతం అందుబాటులో ఉన్న స్మార్ట్‌ వాచ్‌లలో లోపాలను సరిచేసి యూజర్లకు మెరుగైన అనుభూతిని ఇచ్చేందుకు హాప్టిక్‌ వాచ్‌ను రూపొందించినట్లు ఐఐటీ కాన్పూర్‌ తెలిపింది. ప్రస్తుతం మార్కెట్‌లో టాక్టిల్‌, టాకింగ్‌, వైబ్రేషన్‌, బ్రెయిలీ ఆధారిత వాచ్‌లు అందుబాటులో ఉన్నాయి. అయితే వీటిలో అనేక లోపాలు ఉన్నాయి. ఈ లోపాలను అధిగమిస్తూ ఈ స్మార్ట్‌ వాచ్‌ రాబోతోంది. యాంబ్రేన్‌ ఇండియా ప్రైవేట్‌ లిమిటెడ్‌ సంస్థతో కలిసి త్వరలో ఈ స్మార్ట్‌ వాచ్‌ను లాంచ్‌ చేయనున్నట్లు ఐఐటీ కాన్పూర్‌ డైరెక్టర్‌ ప్రొఫెసర్‌ అభయ్‌ కరందికర్‌ తెలిపారు. ఇందులో ఏ ఫీచర్లు ఉన్నాయంటే! ఈ హాప్టిక్‌ స్మార్ట్‌ వాచ్‌ రెండు వేరియంట్లలో రానుంది. ఇందులో డయల్‌ఫ్రీ ఆప్షన్‌తోపాటు 12 టచ్‌-సెన్సిటివ్‌ హవర్‌​ మార్కర్స్‌ ఉంటాయి. వాచ్‌ను ధరించిన వారు ఈ మార్కర్స్‌పై ఫింగర్‌ను స్కాన్‌ చేయడం ద్వారా టైమ్‌ తెలుసుకోవచ్చు. ఈ వాచ్‌.. టాక్టిల్‌, వైబ్రేషన్‌ వాచ్‌ల సమ్మిళతంగా ఉంటుంది. అయితే వైబ్రేషన్‌ వాచ్‌లలో 20పైగా ఉండే వైబ్రేషన్‌ పల్సెస్‌ను ఈ వాచ్‌లో 2 పల్సెస్‌కు తగ్గించారు. టాక్టిల్‌ వాచ్‌కు ఉండే సులువుగా విరిగిపోయే స్వభావం ఇందులో ఉండదు. వీటితోపాటు హార్ట్‌ రేట్‌, స్టెప్‌ కౌంట్‌, హైడ్రేషన్‌ రిమైండర్‌ వంటి ఫీచర్స్‌ కూడా ఇందులో ఉన్నాయి. అంధుల కోసం ప్రస్తుతం ఉన్న స్మార్ట్‌ వాచ్‌లు ఆడియో ఆధారిత అవుట్‌పుట్‌తో పనిచేసేవి కావడం వల్ల వాటిని ధరించిన వారి ప్రైవసీకి భంగం కలిగే అవకాశం ఉంది. ఈ ఇబ్బంది లేకుండా ఐఐటీ కాన్పూర్‌ ఈ హాప్టిక్‌ స్మార్ట్‌వాచ్‌ను రూపొందించింది. చదవండి: రైల్వే ప్రయాణికులకు గుడ్‌న్యూస్‌.. మార్పులు రానున్నాయ్‌, నిమిషానికి 2 లక్షల టికెట్లు!

లేటెస్ట్‌ టెక్నాలజీ ఉపయోగించి యూజర్ల ప్రాణాల్ని కాపాడేలా ప్రముఖ టెక్‌ దిగ్గజం యాపిల్‌ కొత్త కొత్త డివైజ్‌లను మార్కెట్‌కు పరిచయం చేస్తున్న విషయం తెలిసిందే. ఇప్పటికే క్రాష్‌ డిటెక్షన్‌ అలెర్ట్‌, శాటిలైట్‌ సాయంతో అత్యవసర సేవల్ని అందిస్తుండగా..ఐఫోన్‌, యాపిల్‌ వాచ్‌లలో ఎమర్జెన్సీ, హెల్త్‌ ఫీచర్లను అందిస్తుంది. ఈ ఫీచర్లు అందుబాటులో ఉన్న డివైజ్‌లు వినియోగించే యూజర్లు అనారోగ్య సమస్యలు తలెత్తితే వెంటనే వారిని అప్రమత్తం చేస‍్తుంది. కొన్ని సందర్భాల్లో ప్రాణాలు కాపాడుతుంది.  తాజాగా యాపిల్ వాచ్‌లోని ఈసీజీ ఫీచ‌ర్‌తో ఓ మ‌హిళ ప్రాణాపాయం నుంచి బ‌య‌ట‌ప‌డింది. మ‌హిళ‌లో గుర్తించ‌ని హార్ట్ బ్లాకేజ్‌ను యాపిల్ వాచ్‌లోని ఈసీజీ ఫీచ‌ర్ క‌నుగొని అల‌ర్ట్ చేయ‌డంతో ఆమె ప్రాణాల్ని కాపాడుకోగలిగింది. చదవండి👉 వావ్‌..కంగ్రాట్స్‌ మేడమ్‌.. మీరు గర్భవతి అయ్యారు!!  యూకేలోని గేట్ హెడ్‌కు చెందిన ఎలిన్ థామ్స‌న్‌కు ఆమె ధరించిన యాపిల్‌ వాచ్‌ నుంచి ఓ అలెర్ట్‌ వచ్చింది. మీ గుండె పనితీరు సరిగ్గా లేదని వార్నింగ్‌ ఇచ్చింది. దీంతో ఎలిన్‌ థామ్స్‌న్‌ దగ్గరలో ఉన్న కార్డియాలజిస్ట్‌ను సంప్రదించి జరిగిన విషయం చెప్పింది. ఎలిన్‌ థామ‍్సన్‌ మాటలు విన్న డాక్టర్‌ ఆమెకు ఓ హార్ట్‌ మానిటర్‌ను అమర్చారు. దాని సాయంతో మహిళ హృదయ స్పందనలు ఎలా ఉన్నాయో తెలిసేలా హార్ట్‌ మానిటర్‌లో రికార్డ్‌ ఆప్షన్‌ సెట్‌ చేశారు. వారం రోజుల తర్వాత తిరిగి ఆస్పత్రికి రావాలని సూచించారు.  అప్రమత్తం చేసిన యాపిల్‌ వాచ్‌ హార్ట్‌ మానిటర్‌తో ఇంటికి వెళ్లిన ఎలిన్‌కు ఓ రోజు ఉదయాన్ని నిద్ర లేచిన వెంటనే యాపిల్‌ రెడ్‌ అలెర్ట్‌ ఇచ్చింది. మరో రోజు రాత్రి సమయంలో ఎలిన్‌ నిద్రలో ఉండగా.. 19 సెకండ్ల పాటు గుండె కొట్టుకోవడం ఆగిపోయినట్లు హార్ట్‌ మానిటర్‌ ఆస్పత్రికి  హెచ్చరికలు జారీ చేసింది. అప్రమత్తమైన వైద్యులు థాంప్సన్‌ వైద్య పరీక్షలు చేశారు. ఈ వైద్య పరీక్షల్లో ఆమె గుండెలో అడ్డంకులు ఏర్పడినట్లు తేలింది. బాధితురాల్ని ప్రాణాల్ని కాపాడేందుకు గుండెకు ఫేస్‌మేకర్‌(బ్యాటరీతో నడిచే అతి చిన్న డివైజ్‌)ను అమర్చారు.   యాపిల్‌ వాచ్‌ నా ప్రాణం కాపాడింది యాపిల్‌ వాచ్‌ తన ఆరోగ్య పరిస్థితిపై అప్రమత్తం చేసింది. కాబట్టే నా ప్రాణాల్ని కాపాడుకోగలిగాను’ అని అన్నారు. వాచ్‌ లేకపోతే అలర్ట్‌ వచ్చేది కాదు. నేను ఆస‍్పత్రికి వెళ్లేదాన్ని కాను. అందుకే ఎల్లప్పుడు వాచ్‌ ధరిస్తున్నా. యాపిల్ వాచ్ అల‌ర్ట్ చేయ‌కుంటే తాను ప్రాణాల‌తో ఉండేదాన్ని కాద‌నే ఆలోచ‌న భ‌య‌పెడుతున్న‌ద‌ని ఎలిన్ గుర్తుచేసుకున్నారు. 2018లో  2018లో నేను మూర్ఛపోయాను. మూర్ఛపోవడంతో బ్రెయిన్‌ సంబంధిత సమస్యలు తలెత్తాయి. నా కుతురి సలహాతో అప్పటి నుంచి యాపిల్‌ వాచ్‌ ధరించి ఆరోగ్యాన్ని ప్రాణాల్ని కాపాడుకోగలుగుతున్నట్లు తెలిపారు. చదవండి👉 మీకు హార్ట్‌ ఎటాక్‌ వ‌చ్చింది చూసుకోండి!

హైదరాబాద్‌: టాటా గ్రూప్‌ ఎలక్ట్రానిక్స్‌ రిటైల్‌ కంపెనీ ‘క్రోమా’ క్రిస్మస్, కొత్త ఏడాది సందర్భంగా ఆఫర్లు ప్రకటించింది. గేమింగ్‌ ల్యాప్‌టాప్‌లు, స్మార్ట్‌ఫోన్లు, గృహోపకరణాలపై డీల్స్‌ను అందిస్తున్నట్లు తెలిపింది. ప్రారంభ ధర రూ.12,999తో 5జీ స్మార్ట్‌ ఫోన్‌ పొందవచ్చు. దీనికి అదనంగా రూ.4,999 విలువైన స్మార్ట్‌వాచ్‌ను(బ్రాండ్లను బట్టి) ఉచితంగా అందిస్తుంది.  పార్టీ స్పీకర్లను రూ.2199 ప్రారంభ ధరతో అందిస్తుంది. సౌండ్‌బార్లపై 80% వరకు తగ్గింపు లభిస్తుంది. అన్ని క్రోమా స్టోర్లు, క్రోమా ఆన్‌లైన్‌ పోర్టల్‌ కొనుగోలుపై ఈ ఆఫర్లు పొందవచ్చు. ఇప్పటికే ప్రారంభమైన ఈ ఆఫర్లు జనవరి రెండో తేదీ వరకు అందుబాటులో ఉంటాయి. 

క్రిస్మస్‌, న్యూయర్‌కు వెల్‌ కమ్‌ చెబుతూ పలు దిగ్గజ ఈకామర్స్‌ సంస్థలు ప్రత్యేక సేల్‌ నిర్వహిస్తున్నాయి. స్మార్ట్‌ ఫోన్‌ తయారీ సంస్థలు భారీ డిస్కౌంట్‌లు ప్రకటిస్తున్నాయి. ఈ తరుణంలో సౌత్‌ కొరియా దిగ్గజం శాంసంగ్‌ ఆయా ఫోన్‌లను భారీ డిస్కౌంట్‌లకే కొనుగోలు దారులు దక్కించుకోవచ్చని తెలిపింది.  ముఖ్యంగా ఫోల్డబుల్‌ ఫ్లాగ్‌ షిప్‌ డివైజ్‌లపై శాంసంగ్‌ ఆఫర్లు పెట్టింది. గెలాక్సీ జెడ్‌ ఫోల్డ్‌ 4 ఫోన్‌ ధర రూ.1,54,999 ఉండగా రూ.8,000 బ్యాంక్ క్యాష్‌బ్యాక్, రూ. 8,000 అప్‌గ్రేడ్ బోనస్‌తో రూ.1,46,999కే  కొనుగోలు చేయొచ్చు. అదనంగా, గెలాక్సీ జెడ్‌ ఫోల్డ్‌ 4ని కొనుగోలు చేసే కస్టమర్‌లు రూ. 34,999 విలువైన గెలాక్సీ వాచ్‌ 4 క్లాసిక్‌ బీటీ 46ఎంఎంపై రూ. 2,999 క్యాష్‌ బ్యాక్‌ పొందవచ్చు. శాంసంగ్‌ యాక్సిస్‌ బ్యాంక్ క్రెడిట్ కార్డ్‌ని ఉపయోగించి అన్ని ఉత్పత్తులపై అదనంగా 10 శాతం క్యాష్‌ బ్యాక్‌ను సొంతం చేసుకోవచ్చు.   అదేవిధంగా, రూ. 89,999 గెలాక్సీ జెడ్‌ ఫ్లిప్‌ 4పై రూ. 7వేల బ్యాంక్ క్యాష్‌బ్యాక్ లేదా రూ. 7వేల అప్‌గ్రేడ్ బోనస్‌తో సహా రూ. 82,999 కే కొనుగోలు చేయొచ్చు. ఈ ఆఫర్లు ప్రముఖ ఈ కామర్స్‌ సైట్లతో పాటు అన్నీ రిటైల్ స్టోర్‌లలో లభిస్తాయని శాంసంగ్‌ ప్రతినిధులు వెల్లడించారు.  వీటితో పాటు రూ.1,09,999 ఖరీదైన గెలాక్సీ ఎస్‌ 22 ఆల్ట్రా పై రూ. 5వేల బ్యాంక్ క్యాష్‌బ్యాక్ లేదా రూ. 7వేల అప్‌గ్రేడ్ బోనస్‌తో రూ. 1,02,999కి కొనుగోలు చేయొచ్చు. శాంసంగ్‌ ఎస్‌ 22 ఆల్ట్రాని కొనుగోలు చేసే కస్టమర్‌లు రూ.26,999 విలువైన స్మార్ట్‌ వాచ్‌ గెలాక్సీ వాచ్‌ 4 బీటీ 44ఎంఎంను కేవలం రూ.2,999కే పొందవచ్చు.   రూ. 72,999 ధర కలిగిన గెలాక్సీ ఎస్22ని రూ. 54,999 తగ్గింపు ధరతో కొనుగోలు చేయొచ్చు. గెలాక్సీ బడ్స్2ని కేవలం రూ. 2,999కే పొందవచ్చు. రూ.84,999 ధర కలిగిన గెలాక్సీ ఎస్‌ 22 ప్లస్‌ రూ. 59,999కే అందుబాటులో ఉంటుంది. ఇందులో రూ. 15,000 బ్యాంక్ క్యాష్‌బ్యాక్ లేదా రూ. 13,000 అప్‌గ్రేడ్ బోనస్, అలాగే రూ. 10,000 ఇన్‌స్టంట్‌ క్యాష్‌బ్యాక్‌లు ఉన్నాయి. గెలాక్సీ జెడ్‌ ఫోల్డ్‌ 3 ని కొనుగోలు చేయాలనుకునే కస్టమర్‌లు రూ. 20,000 బ్యాంక్ క్యాష్‌బ్యాక్‌ని పొందవచ్చు. రూ.26,999 విలువైన గెలాక్సీ వాచ్‌4 బీటీ 44 ఎంఎం స్మార్ట్‌ వాచ్‌ను రూ. 2,999కే పొందవచ్చు.  ఇక, గెలాక్సీ జెడ్‌ ఫ్లిప్‌ 3 ధర రూ . 84,999 ఉండగా.. ప్రత్యేక సేల్‌లో రూ. 59,999కి అందుబాటులో ఉంటుంది. ఇందులో రూ. 15వేలు ఇన్‌స్టంట్‌ క్యాష్‌బ్యాక్, రూ. 10,000 అప్‌గ్రేడ్ బోనస్ ఉన్నాయి.గెలాక్సీ ఎస్‌21 ఎఫ్‌ఈని  రూ . 39,999 నుండి కొనుగోలు చేయొచ్చు. ఇందులో రూ. 3,000 బ్యాంక్ క్యాష్‌బ్యాక్, రూ. 7,000 ఇన్‌స్టంట్ క్యాష్‌బ్యాక్, రూ. 10,000 అప్‌గ్రేడ్ బోనస్ ఉన్నాయి. గెలాక్సీ ఎస్‌ 20 ఎఫ్‌ఈ రూ. 5,000 క్యాష్‌బ్యాక్, రూ. 3,000 అప్‌గ్రేడ్ బోనస్‌తో సహా రూ. 32,999 నుండి అందుబాటులో ఉంటుంది.

హైదరాబాద్‌: ప్రముఖ మొబైల్‌ రిటైలర్‌ బిగ్‌ ‘సి’ దీపావళి పండుగ సందర్భంగా కస్టమర్లకు ‘‘డబుల్‌ ధమాకా ఆఫర్‌’’ ఆఫర్లను ప్రకటించింది. ప్రతి స్మార్ట్‌ఫోన్‌ కొనుగోలుపై రూ.1,999 విలువైన ఇయర్‌ బడ్స్‌ను కేవలం రూ.199లకే లేదా రూ.3,999 విలువైన గిగ్‌మోర్‌ కాలింగ్‌ స్మార్ట్‌ వాచ్‌ను కేవలం రూ.999లకే అందించనుంది. ప్రతిస్మార్ట్‌ ఫోన్‌పై రూ.7900 వరకు తక్షణ డిస్కౌంట్‌ కూడా ఇస్తుంది. ప్రతి ల్యాప్‌ట్యాప్‌ కొనుగోలుపై రూ.3వేల తక్షణ డిస్కౌంట్‌తో పాటు ల్యాప్‌టాప్‌ బ్యాగ్‌ ఉచితంగా ఇస్తుంది. ఏటీఎం కార్డుపై ఎలాంటి డౌన్‌ పేమెంట్‌ లేకుండానే మొబైల్, ల్యాప్‌టాప్, స్మార్ట్‌ టీవీ కొనుగోలు చేసే ఆకర్షణీయమైన సదుపాయాన్ని కూడా కల్పిస్తుంది. బిగ్‌ సి అందిస్తున్న ఈ దీపావళీ పండుగ ఆఫర్లను కస్టమర్లు అందరూ వినియోగించుకోవాలని కంపెనీ సీఎండీ బాలు చౌదరి తెలిపారు. 

స్మార్ట్‌ వాచ్‌... ఓ వ్యక్తి ప్రాణాలు కాపాడింది. వాచ్‌ ప్రాణాలు కాపాడమేంటి? అదెలా సాధ్యమైందని ఆశ్చర్యపోతున్నారా? అదెలా జరిగిందంటే... యూకేకు చెందిన 54 ఏళ్ల డేవిడ్‌కు ఇటీవల పుట్టినరోజు సందర్భంగా అతని భార్య సారా, యాపిల్‌ స్మార్ట్‌ వాచ్‌ గిఫ్ట్‌గా ఇచ్చింది. అది మణికట్టుకు పెట్టుకోగానే.. పల్స్‌రేట్‌ 30గా చూపించింది. సాధారణంగా ఆ వయసులో ఉన్న పురుషుల హృదయ స్పందనలు నిమిషానికి 100 చొప్పున ఉండాలి. కానీ డేవిడ్‌కు 30 మాత్రమే నమోదవుతుండటంతో వాచ్‌ సరిగ్గా పనిచేయట్లేదేమోనని డేవిడ్‌ అనుకున్నాడు. కానీ అతని భార్య పదేపదే వెంటపడటంతో హాస్పిటల్‌కు వెళ్లాడు. ఎమ్‌ఆర్‌ఐ స్కాన్‌ చేయిస్తే... అతను కార్డియాక్‌ అరెస్టుతో మృతి చెందే అవకాశం ఉందని డాక్టర్లు హెచ్చరించారు. హార్ట్‌ బ్లాక్‌ వల్ల గుండెలోని ‘జంక్షన్‌ బాక్స్‌’ పనిచేయడం ఆగిపోతోందన్నారు. అలా 48 గంటల్లో 138 సార్లు పదేసి సెకన్లపాటు అతని గుండె పనిచేయడం మానేసింది. డేవిడ్‌ నిద్రిస్తున్న సమయంలో ఇలా జరిగిందట. అంతేకాదు.. అది ఆగిపోయినప్పుడు అతని గుండెలోని మరో భాగం రక్త ప్రవాహాన్ని కిక్‌ స్టార్ట్‌ చేసిందన్నమాట. గుండె సంబంధిత జబ్బు లక్షణాలు కనిపించకపోవడం, అతను ఆరోగ్యంగా ఉండటం చూసి డాక్టర్లు సైతం ఆశ్చర్యం వ్యక్తం చేశారు. చివరకు సర్జరీతో గుండెలోని బ్లాక్స్‌ను తొలగించారు. అలాగే భవిష్యత్తులో అతని హృదయ స్పందనల్లో ఏమైనా తేడాలు సంభవిస్తే ముందుగానే పసిగట్టేందుకు.. గుండె కవాటాలు సమన్వయంతో పనిచేసేలా చేసేందుకు వీలుగా గుండెలో ఒక ‘పేస్‌మేకర్‌’ పరికరాన్ని సైతం అమర్చారు. దీంతో ఇప్పుడు అతని గుండె పనితీరు మెరుగుపడింది. ‘నా భార్య నాకు స్మార్ట్‌వాచ్‌ను బహుమతిగా ఇచ్చి ఉండకపోతే నా సమస్య బయటపడేది కాదు... నేను బతికి ఉండేవాడిని కాదు. నేను ఎప్పటికీ ఆమెకు రుణపడి ఉంటాను. ఒక్క చార్జింగ్‌ సమయంలో తప్ప వాచ్‌ ఎప్పుడూ నా చేతికే ఉంటుంది’ అని డేవిడ్‌ చెబుతున్నాడు.   

చాలామందికి ఫిట్‌గా ఉండటానికి ప్రాధాన్యతిస్తారు. దీని కోసం డైట్‌ ఫాలో అవడం, జిమ్‌కు వెళ్లి కసరత్తులు చేయడం చేస్తుంటారు. లేదా ఇంట్లోనే చిన్నసైజ్‌ జిమ్‌ను ఏర్పాటు చేసుకొని ప్రాక్టిస్‌ చేస్తుంటారు. జిమ్‌లో వర్కౌట్స్‌ చేస్తున్న సమయంలో జాగ్రత్తగా ఉండాల్సి ఉంటుంది. ఇష్టం వచ్చినట్లు ఎక్సర్‌సైజ్‌ చేస్తే కండరాలు పట్టుకోవడం, బ్యాలెన్స్‌ తప్పడంలాంటి ప్రమాదాలు జరుగుతుంటాయి.  అలాంటి ఓ షాకింగ్‌ ఘటన అమెరికాలో చోటుచేసుకుంది. ఓహియాకు చెందిన క్రిస్టిన్‌ ఫాల్డ్స్‌ అనే మహిళ తెల్లవారు జామున 3గంటలకు ఒంటరిగా ఇంట్లోని జిమ్‌లో ఇన్వర్షన్ టేబుల్‌ అనే ఎక్విప్‌మెంట్‌పై వర్కౌట్స్‌ చేస్తోంది. వెన్నెముక, నడుమునొప్పి తగ్గేందుకు దీనిని ఉపయోగించి ఎక్సర్‌సైజ్ చేస్తుంటారు. ఇక్కడి వరకు బాగానే ఉన్నా అప్పుడే ఆమెకు చేదు అనుభవం ఎదురైంది. ఉన్నట్టుండి మహిళ ఇన్వర్షన్ టేబుల్‌పై తలకిందులైంది. కాళ్లు అందులో ఇరుక్కుపోవడంతో ఎంత ప్రయత్నించినా తిరిగి మామూలు స్థితికి రాలేకపోయింది. చదవండి: వీడియో వైరల్‌ చేద్దామనుకున్నాడు.. పాపం తానే వైరల్‌ అయ్యాడు  సాయం కోసం జిమ్‌లో జాసన్‌ అనే మరో వ్యక్తిని పిలిచినా భారీ సౌండ్‌తో మ్యూజిక్‌ ప్లే అవుతుండటం వల్ల అతనికి వినిపించలేదు. పైకి లేవలేక, బయటకు రాలేక అలాగే ఇబ్బంది పడింది. కాసేపు ఏం చేయాలో తోచలేదు. వెంటనే ఆమెకు ఓ ఉపాయం తట్టింది. తన చేతికి ఉన్న స్మార్ట్‌ వాచ్‌ ఉపయోగించి ఎమర్జెన్సీ నెంబర్‌ 911కు కాల్‌ చేసింది. తన పరిస్థితిని వివరించి, సాయం కావాలని కోరింది. స్పందించిన పోలీసులు వెంటనే అక్కడికి చేరుకొని తలకిందులుగా ఉన్న ఆమెను రక్షించారు. ఈ ఘటనకు సంబంధించిన వీడియోను స్వయంగా ఆమెనే టిక్‌టాక్‌లో పోస్టు చేశారు. దీంతో ఈ వీడియో సోషల్ మీడియాలో వైరల్‌గా మారింది. 'This is so embarrassing' — A woman went viral after getting stuck upside down on an exercise machine and calling 911 for help 😅 pic.twitter.com/8nod8P6oQl — NowThis (@nowthisnews) September 5, 2022

స్వదేశీ మొబైల్‌ యాక్సెసరీ బ్రాండ్ అంబ్రేన్  సరికొత్త స్మార్ట్​వాచ్​ను లాంచ్​ చేసింది.  తాజాగా అంబ్రేన్​ తన కొత్త ‘ఫిట్‌షాట్' సిరీస్​లో మొదటి స్మార్ట్‌వాచ్‌ను ఆవిష్కరించింది. ఈ సిరీస్‌లో భాగంగా ఫిట్​షాట్​ జెస్ట్ స్మార్ట్‌వాచ్‌ను అంబ్రేన్‌ లాంచ్‌ చేసింది.  ధర ఎంతంటే..? అంబ్రేన్‌ ఫిట్​షాట్​ జెస్ట్ స్మార్ట్‌వాచ్‌ ధర రూ. 4,999గా కంపెనీ నిర్ణయించింది.  ఈ స్మార్ట్ వాచ్ బ్లాక్, బ్లూ, పింక్ అనే మూడు కలర్​ ఆప్షన్లలో అందుబాటులో ఉండనుంది.  ఈ స్మార్ట్‌వాచ్‌ ఈ–కామర్స్​ దిగ్గజం ఫ్లిప్​కార్ట్​లో అందుబాటులో ఉండనుంది. అంబ్రేన్‌ ఫిట్​షాట్​ జెస్ట్ స్మార్ట్‌వాచ్‌పై ఒక సంవత్సరం పాటు  వారంటీతో రానుంది. ఈ స్మార్ట్‌వాచ్ 10 స్పోర్ట్స్ మోడ్‌లతో వస్తుంది. దీన్ని ఒకసారి ఫుల్​ ఛార్జ్ చేస్తే, ఒక వారం వరకు బ్యాటరీ బ్యాకప్​ ఇస్తుందని అంబ్రేన్ పేర్కొంది. ఫిబ్రవరి 14 వాలెంటైన్స్​ డే నాటికి మరో రెండు స్మార్ట్‌వాచ్‌లను కూడా విడుదల చేస్తామని కంపెనీ తెలిపింది. అంబ్రేన్ ఫిట్‌షాట్ జెస్ట్ స్మార్ట్‌వాచ్ ఫీచర్స్‌ 1.7 అంగుళాల డిస్‌ప్లే 24x7 రియల్​ టైమ్​ హెల్త్​ ట్రాకింగ్‌ Spo2, రక్తపోటు, నిద్ర, హృదయ స్పందన రేట్‌ మానిటరింగ్‌.  IP67- రేటెడ్ డస్ట్​, వాటర్​ రెసిస్టెన్స్   వాయిస్- అసిస్టెన్స్​ ఫీచర్  బ్లూటూత్ కాలింగ్ సపోర్ట్‌ చదవండి: ఈ స్మార్ట్‌వాచ్‌కు అసలు ఛార్జింగ్‌ అవసరం లేదు..! ధర ఎంతంటే..?

స్విస్‌కు చెందిన గార్మిన్ కంపెనీ సరికొత్త స్మార్ట్‌వాచ్‌ను లాంచ్‌ చేసింది. గార్మిన్‌ స్మార్ట్‌వాచ్‌ శ్రేణిలోని ఇన్‌స్టింక్ట్ సిరీస్‌ను విస్తరిస్తూ ఇన్‌స్టింక్ట్ 2 సిరీస్ స్మార్ట్‌వాచ్‌ను మార్కెట్లోకి విడుదల చేసింది. అడ్వెంచర్స్‌ ప్రీక్స్‌ కోసం ఈ స్మార్ట్‌వాచ్‌ను రూపొందించినట్లు కంపెనీ పేర్కొంది. గార్మిన్‌ కొత్తగా లాంచ్‌ చేసిన స్మార్ట్‌వాచ్‌ స్పెషాలిటీ ఏంటంటే ఈ స్మార్ట్‌వాచ్‌కు అసలు ఛార్జింగ్‌ చేయాల్సిన అవసరం లేదు.  అపరిమిత బ్యాటరీతో..! ఇన్‌స్టింక్ట్‌ 2 స్మార్ట్‌వాచ్‌లో సోలార్ టెక్నాలజీని జోడించారు. దీంతో గార్మిన్ ఇన్‌స్టింక్ట్ 2 స్మార్ట్‌వాచ్‌కు ఎలప్పుడు ఛార్జింగ్‌ చేయాల్సిన అవసరం లేదు. ధర ఎంతంటే గార్మిన్‌ ఇన్‌స్టింక్ట్‌ 2 స్మార్ట్‌వాచ్‌ విభిన్న వేరియంట్లలో రానుంది. ఇన్‌స్టింక్ట్ 2 ధర 349 డాలర్లుగా ఉండగా, ఇన్‌స్టింక్ట్ 2S ధర 349 డాలర్లుగా, ఇన్‌స్టింక్ట్ 2S సోలార్ ధర 449 డాలర్లుగా ఉంది.  ఇన్‌స్టింక్ట్ 2 సర్ఫ్ సోలార్, ఇన్‌స్టింక్ట్ 2 టాక్టికల్ సోలార్  ధర 499 డాలర్లుగా ఉంది.ఈ స్మార్ట్‌వాచ్స్‌ తొలుత యూఎస్‌, యూరోపియన్‌ మార్కెట్లలో అందుబాటులో ఉండనున్నాయి. ఎలక్ట్రిక్ లైమ్, పాపీ, నియో-ట్రాపిక్‌ కలర్స్‌లో లభించనుంది.  గార్మిన్ ఇన్‌స్టింక్ట్ 2 స్మార్ట్‌వాచ్ స్పెసిఫికేషన్‌లు 45ఎంఎం రౌండ్‌ డయల్‌ డిస్‌ప్లే స్క్రాచ్-రెసిస్టెంట్ గ్లాస్‌ థర్మల్, షాక్ రెసిస్టెన్స్  100 మీటర్ల వాటర్‌ రెసిస్టెంట్‌ ఫిట్‌నెస్‌ యాక్టివిటీ ట్రాక్‌ గార్మిన్‌ పే సపోర్ట్‌ చదవండి: కేవలం నెలకు రూ. 125 ఖర్చుతో 15 ఓటీటీ సేవలను ఇలా పొందండి..!

ఈ-కామర్స్‌ పోర్టల్స్‌, సంబంధిత వెబ్‌సైట్స్‌ అలసత్వం అయితేనేం.. డెలివరీ సిబ్బంది నిర్లక్క్ష్యం అయితేనేం కొన్నిసార్లు కస్టమర్లు ఇబ్బందులు ఎదుర్కొంటున్న మాట వాస్తవం. ఒక్కోసారి ప్రొడక్టు ఒకటి అయితే.. డెలివరీ మరొకటి వస్తుండడం చూస్తుంటాం కూడా. సరిగ్గా ఇక్కడ అలాంటి ఘటనే జరిగింది. కాకపోతే అది ఒక ఫేమస్‌ నటుడి విషయంలో..  బ్రెజిల్‌ టాప్‌ యాక్టర్‌ మురిలో బెనిసియో(50).. ఈ మధ్య యాపిల్‌ సిరీస్‌ 6 స్మార్ట్‌వాచ్‌ను  ఆర్డర్‌ చేశాడు. అందుకోసం 530 డాలర్లు(40 వేల రూపాయలపైనే) చెల్లించాడు.  అదికాస్త 12 రోజుల లేట్‌ డెలివరీతో ఆయన దగ్గరికి చేరింది. తీరా ఓపెన్‌ చేసి చూస్తే.. అందులో వాచ్‌కు బదులు బండరాయి ఉంది. దీంతో రిటైల్‌ కంపెనీ కర్రెఫోర్‌ను ఆశ్రయించాడు ఆ నటుడు. అయితే కంపెనీ వాళ్లు స్పందించేందుకు నిరాకరించారట!. దీంతో కస్టమర్ల సేవలకు అభ్యంతరం తెలిపిందంటూ కర్రెఫోర్‌ మీద నటుడు బెనిసియో కోర్టులో దావా వేశాడు. ఒక స్టార్‌ హీరో, పలు బ్రాండ్‌లకు అంబాసిడర్‌గా ఉన్న సెలబ్రిటీని ఇలా ఇబ్బందిపెట్టడం సరికాదని ఆయన తరపున న్యాయవాది వాదించాడు. అంతేకాదు తాను చెల్లించిన డబ్బును వెనక్కి ఇవ్వాలంటూ దావాలో కోరాడు. అయితే ఆయన చెల్లించిన డబ్బుతో పాటు పరిహారం కింద మరో 1,500 డాలర్లు చెల్లించేందుకు కర్రెఫోర్‌ అంగీకరించింది. దీంతో వివాదం ముగిసింది. సెలబ్రిటీల విషయంలోనే కాదు.. సామాన్యుల విషయంలోనూ ఇంకోసారి ఇలా జరగకుండా చూడాలంటూ కోర్టు సదరు రిటైల్‌ కంపెనీని మందలించింది.   ఇదిలా ఉంటే యాపిల్‌ 6ను కిందటి ఏడాది లాంఛ్‌ చేసిన యాపిల్‌.. ఆ తర్వాత యాపిల్‌ 7 రాకతో ఉత్పత్తిని ఆపేసింది. ప్రస్తుతం 7s సిరీస్‌తో పాటు, యాపిల్‌ వాచ్‌ ఎస్‌ఈ, యాపిల్‌ వాచ్‌ సిరీస్‌ 3లతో అలరించేందుకు యాపిల్‌ సిద్ధమైంది.    చదవండి: వావ్‌.. క్లోజప్‌ షాట్‌లో సూర్యుడు

SBI Pulse Credit Card Benefits: ప్రభుత్వ రంగ బ్యాంకింగ్‌ దిగ్గజం ఎస్బీఐ సరికొత్త క్రెడిట్‌ కార్డుతో ముందుకొచ్చింది. ఫిట్‌నెస్‌, హెల్త్‌ ఔత్సాహికులను దృష్టిలో ఉంచుకొని ‘ ఎస్బీఐ కార్డ్‌ పల్స్‌ ’ను లాంచ్‌ చేసింది.  వీసా సిగ్నేచర్ ప్లాట్‌ఫారమ్‌లో ప్రారంభించిన ఈ పల్స్ క్రెడిట్‌ కార్డుపై వార్షిక సభ్యత్వ ఛార్జీ కింద రూ. 1,499ను ఎస్బీఐ వసూలు చేయనుంది. పల్స్‌ క్రెడిట్‌ కార్డును అందిస్తోన్న ఏకైక బ్యాంకింగ్‌ సంస్థగా ఎస్బీఐ నిలవనుంది. ఈ కార్డును తీసుకునే కస్టమర్లకు వెల్‌కమ్‌ గిఫ్ట్‌గా  రూ. 4,999 విలువైన నాయిస్ కలర్‌ఫిట్ పల్స్ స్మార్ట్‌వాచ్‌ను సొంతం చేసుకోవచ్చునని ఎస్బీఐ ఒక ప్రకటనలో పేర్కొంది. అంతేకాకుండా కార్డు వినియోగదారు కనీసం రూ. 2 లక్షలు ఏడాదిలోపు ఖర్చు చేస్తే వార్షిక సభ్యత్వ రుసుము నుంచి మినహాయింపు  కూడా వర్తిస్తోందని ఎస్బీఐ తెలిపింది. చదవండి: విప్రో దూకుడు..! అమెరికన్‌ కంపెనీ విప్రో కైవసం..! ఏడాదిపాటు ఫిట్‌పాస్‌ ప్రో సభ్యత్వం..! ఎస్బీఐ పల్స్‌  క్రెడిట్‌ కార్డును తీసుకున్న కస్టమర్లకు ఏడాది పాటు ఫిట్‌పాస్‌ ప్రో సభ్యత్వాన్ని కాంప్లిమెంటరీ ఎస్బీఐ అందిస్తోంది. దీంతో దేశవ్యాప్తంగా 4,000కు పైగా జిమ్స్‌ను, ఫిట్‌నెస్ స్టూడియోల క్యూరేటెడ్ నెట్‌వర్క్‌ను యాక్సెస్ చేయవచ్చును. అంతేకాకుండా కస్టమర్‌లకు యోగా, డ్యాన్స్, కార్డియోతో సహా అపరిమిత ఆన్‌లైన్ ఫిట్‌నెస్ సెషన్‌లు కూడా లభించనున్నాయి. ఆరోగ్య-కేంద్రీకృత కార్డ్ కాబట్టి అనేక ఇతర జీవనశైలి ప్రయోజనాలు కూడా ఇందులో అందుబాటులో ఉన్నాయి. వివిధ వైద్య ప్రయోజనాలతో పాటు, కస్టమర్లు క్రెడిట్ కార్డ్‌ని ఉపయోగించి ఇంధన ఛార్జీ మినహాయింపులను పొందవచ్చును. ప్రయాణ . బీమా ప్రయోజనాలను కూడా ఎస్బీఐ అందిస్తోంది. ఒక ఏడాది పాటు ఉచిత నెట్‌మెడ్స్‌ ప్లస్ సబ్‌స్క్రిప్షన్ రానుంది. అంతేకాకుండా మెడికల్‌ షాపులు, ఫార్మసీలు, సినిమాలు, డైనింగ్‌లలో షాపింగ్ చేయడంపై 5 రేట్ల రివార్డ్ పాయింట్లను కూడా పొందవచ్చును.  చదవండి: వాటాలు విక్రయించనున్న ఏఐజీ హాస్పిటల్స్‌ ప్రమోటర్లు?

ప్రముఖ చైనీస్‌ స్మార్ట్‌ఫోన్‌ దిగ్గజం హువావే యూరప్‌ మార్కెట్లలోకి కొత్త హువావే నోవా 9 స్మార్ట్‌ఫోన్‌ను లాంచ్‌ చేసింది. స్మార్ట్‌ఫోన్‌తో పాటుగా  సరికొత్త హువావే జీటీ3 స్మార్ట్‌వాచ్‌, ఫ్రీబడ్స్‌ లిప్‌స్టిక్‌ ఇయర్‌బడ్స్‌ను కూడా విడుదల చేసింది.  హువావే జీటీ3 స్మార్ట్‌వాచ్‌ ఈ-సిమ్‌ సపోర్ట్‌ను పొందనుంది. యూరప్‌ మార్కెట్లలో హువావే జీటీ3 స్మార్ట్‌వాచ్‌ ధర సుమారు రూ. 21600గా ఉండనుంది. పలు స్ట్రాప్స్‌ ఆప్షన్స్‌తో హువావే జీటీ3 స్మార్ట్‌వాచ్‌ రానుంది.  హువావే లాంచ్‌ చేసిన ఉత్పత్తుల్తో  ఇయర్‌బడ్స్‌ ప్రత్యేక ఆకర్షణగా నిలిచాయి. ఇయర్‌బడ్స్‌  ఛార్జింగ్‌ కేస్‌ చూడటానికి లిప్‌స్టిక్‌ ఆకృతిలో ఉంది. మహిళ కొనుగోలుదారులను ఆకర్షించేందుకుగాను లిప్‌స్టిక్‌ షేప్‌లో హువావే తీసుకొచ్చినట్లు తెలుస్తోంది. ఈ ఇయర్‌బడ్స్‌ ధర సుమారు రూ.   21000 వరకు ఉండనుంది. కాగా ఈ గాడ్జెట్స్‌ను భారత మార్కెట్లలోకి త్వరలోనే రిలీజ్‌ చేసే అవకాశం ఉన్నట్లు తెలుస్తోంది.  చదవండి: ఫేస్‌బుక్‌.. పేరు మార్చడం అంత ఈజీనా? మరి ఆ కంపెనీల సంగతి ఏంది? హువావే జీటీ3 స్మార్ట్‌వాచ్‌ ఫీచర్స్‌ 42మీ.మీ*46మీ.మీ డయల్‌  అమ్లోడ్‌ డిస్‌ప్లే విత్‌ అల్ట్రా కర్వ్‌డ్‌ 3డీ గ్లాస్‌ 32ఎమ్‌బీ ర్యామ్‌+4జీబీ ఇంటర్నల్‌ స్టోరేజ్‌ 14 రోజులవరకు బ్యాటరీ బ్యాకప్‌ బ్లూటూత్‌, జీపీఎస్‌ టెంపరేచర్‌ సెన్సార్‌, ఆప్టికల్‌ హర్ట్‌ రేట్‌ రీడర్‌ హువావే ఫ్రీబడ్స్‌ లిప్‌స్టిక్‌ ఫీచర్స్‌.. ఆక్టివ్‌ నైక్‌ క్యాన్సిలేషన్‌ 22 గంటల మ్యూజిక్‌ ప్లే  410mAh బ్యాటరీ చదవండి: ఫేస్‌బుక్‌ నెత్తిన మరో పిడుగు..!

Apple Smart Watch Saves Singapore Man's Life: ‘మనిషి.. వాడుకోవలసిన వస్తువులను ప్రేమిస్తున్నాడు, ప్రేమించవలసిన మనుషుల్ని వాడుకుంటున్నాడు’ ఓ ఫేమస్‌ సిన్మా డైలాగ్‌ ఇది.  కానీ, ఈ ఘటన చదివాక వస్తువులనే ప్రేమించడం బెటర్‌ ఏమో అనిపించకమానదేమో!. రోడ్డు ప్రమాదంలో గాయపడ్డ ఓ వ్యక్తి రక్తపు మడుగులో కొట్టుమిట్టాడుతుంటే.. అటుపక్కగా వెళ్తున్న వాళ్లు ‘మనకెందుకు లే’ అనుకుంటూ వెళ్లిపోయారు. కానీ,  అతని చేతికున్న స్మార్ట్‌ వాచ్‌ మాత్రం విధిగా పని చేసి అతని ప్రాణాల్ని నిలబెట్టింది.   సెప్టెంబర్‌ 25న సింగపూర్‌ అంగ్‌ మో కియో టౌన్‌లో జరిగిన ఈ ఘటన ఇప్పుడు వెలుగులోకి వచ్చింది.  మహముద్‌ ఫిట్రీ(24) అనే వ్యక్తి బైక్‌ మీద వెళ్తుండగా టౌన్‌లోని ఓ ట్రాఫిక్‌ సిగ్నల్‌ దగ్గర గుర్తుతెలియని వాహనం ఢీ కొట్టి వెళ్లిపోయింది. సాయంత్రం ఏడున్నర గంటల టైంలో యాక్సిడెంట్‌ జరగ్గా.. జనాలు పక్కనుంచి చూస్తూ వెళ్లిపోయారే తప్ప సాయం అందించేందుకు ముందుకు రాలేదు. కనీసం ఆంబులెన్స్‌కు కాల్‌ చేయాలనే ప్రయత్నం కూడా చేయలేదు ఎవరూ(ఇదంతా అక్కడి సీసీ కెమెరాల్లో రికార్డు అయ్యింది). ఆ టైంలో అతని చేతికున్న వాచ్‌ అతని ప్రాణం కాపాడింది. ఫిట్రీ చేతికి ఉంది ఓ స్మార్ట్‌వాచ్‌. ఇందులో స్పెషల్‌ ఫీచర్స్‌ ఏంటంటే.. కాల్స్‌కు, మెసేజ్‌లకు యూజర్‌ స్పందించకపోతే (కట్‌ చేయడం తప్పించి) ఆ వ్యక్తి ఆపదలోఉన్నట్లు గుర్తించి.. ఎమర్జెన్సీ కాంటాక్ట్‌లో ఉన్న నెంబర్లను అప్రమత్తం చేస్తుంది. అంతేకాదు ప్రమాదాలకు గురైనప్పుడు, ఏదైనా బలంగా ఢీకొట్టినప్పుడు.. స్మార్ట్‌ వాచ్‌ నుంచి ‘ఫాల్‌ అలర్ట్‌’ మోగుతుంది.  యూజర్‌ ఒకవేళ దానిని ఆఫ్‌ చేయకపోతే.. సదరు వ్యక్తి ఆపదలో ఉన్నట్లు నిర్ధారించుకుంటుంది ఆ వాచ్‌. తద్వారా అతని కాంటాక్ట్‌లో ఉన్న లిస్ట్‌కు కాల్స్‌, మెసేజ్‌లు పంపించి అప్రమత్తం చేస్తుంది.   ఫిట్రీకి ప్రమాదం జరిగిన 30 నిమిషాలకు స్మార్ట్‌ వాచ్‌లోని అలర్ట్‌ ద్వారా సమాచారం అందుకున్న సింగపూర్‌ సివిల్‌ డిఫెన్స్‌ ఫోర్స్‌ ప్రమాద స్థలానికి చేరుకుంది.  అతన్ని దగ్గర్లోని ఆస్పత్రికి చేర్చింది. టైంకి చికిత్స అందడంతో ఆ యువకుడి ప్రాణాలు నిలిచాయి. ఇదిలా ఉంటే యాపిల్‌ 4 సిరీస్‌ వాచ్‌ను ఫిట్రీకి అతని గర్ల్‌ఫ్రెండ్‌ గిఫ్ట్‌గా ఇచ్చినట్లు సమాచారం. ఈ ఏడాది జూన్‌లో నార్త్‌ కరోలినాకు చెందిన ఓ వృద్ధుడి ప్రాణాల్ని స్మార్ట్‌ వాచ్‌ నిలబెట్టిన సంగతి తెలిసిందే. చదవండి: స్మార్ట్‌వాచ్‌ చెప్పేవరకు తెలీదు ఆమెకు గుండెపోటు వచ్చిందని!! ఇదీ చదవండి: రన్నింగ్‌ కోచ్‌ జీవితాన్ని కాపాడిన స్మార్ట్‌వాచ్‌..! 

శాస్త్ర సాంకేతికత రోజూరోజూ సరికొత్త పుంతలను తొక్కుతుంది. సరికొత్త  ఆవిష్కరణలను రూపొందించడంలో ప్రముఖ చైనీస్‌ స్మార్ట్‌ఫోన్‌ దిగ్గజం షావోమీ ఎప్పుడూ ముందు ఉంటుంది. సౌండ్‌నుపయోగించి స్మార్ట్‌ఫోన్లను ఛార్జ్‌ చేసే సాంకేతికతను, స్మార్ట్‌ఫోన్స్‌తో భూకంపాలను గుర్తించే టెక్నాలజీలను  షావోమీ అభివృద్ధి చేస్తోన్న విషయం తెలిసిందే.  కాంటాక్ట్‌ లేస్‌ పేమెంట్స్‌లో భాగంగా సరికొత్త ఒరవడిని తెచ్చేందుకు షావోమీ ప్రయత్నాలను చేస్తోన్నట్లు తెలుస్తోంది.  చదవండి: Xiaomi : మరో అద్బుతమైన టెక్నాలజీ ఆవిష్కరించనున్న షావోమీ..! స్మార్ట్‌వాచ్‌ బెల్ట్‌(స్ట్రాప్‌)నుపయోగించి లావాదేవీలను చేసే టెక్నాలజీని షావోమీ త్వరలోనే ఆవిష్కరించనుంది. షావోమీ చీఫ్‌ బిజినెస్‌ ఆఫీసర్‌ రఘురెడ్డి స్మార్ట్‌వాచ్‌ స్ట్రాప్‌తో కాంటాక్ట్‌లెస్‌ పేమెంట్స్‌ సాంకేతికతను గ్లోబల్‌ ఫిన్‌టెక్‌ ఫెస్టివల్‌లో నమోదు చేసినట్లు ట్విటర్‌లో పేర్కొన్నారు.స్మార్ట్‌వాచ్స్‌కు అమర్చే ఈ కొత్త స్ట్రాప్‌లు నీయర్‌ ఫీల్డ్ కమ్యూనికేషన్ (ఎన్‌ఎఫ్‌సీ)తో పనిచేయనున్నాయి.  ఎన్‌ఎఫ్‌సీ లావాదేవీల్లో భాగంగా షావోమీ తన భాగస్వాములుగా రూపే, ఆర్‌బీఎల్‌, జెటాతో పనిచేస్తుందని వెల్లడించారు.  ఈ స్ట్రాప్‌ను త్వరలోనే టీజ్‌ చేస్తున్నట్లు రఘు  ట్విటర్‌ పేర్కొన్నారు.  Today we announced our entry into the FUTURE OF CONTACTLESS PAYMENTS at the Global Fintech Festival. Thrilled to announce that we will be launching the Xiaomi NFC Mi Pay straps soon. Working with @RuPay_npci, RBL & Zeta to make this happen. Stay tuned. pic.twitter.com/5yD2eywhPO — Raghu Reddy (@RaghuReddy505) September 28, 2021 చదవండి: జియో ఫోన్‌ లాంచ్‌కు ముందు..మరో కంపెనీపై ముఖేశ్‌ అంబానీ కన్ను..!

ప్రముఖ సోషల్ మీడియా దిగ్గజం ఫేస్‌బుక్ స్మార్ట్‌వాచ్ మార్కెట్లోకి ప్రవేశించాలనుకుంటుంది. వచ్చే ఏడాదిలో స్మార్ట్‌వాచ్ ను మార్కెట్ లోకి తీసుకురావాలని ఫేస్‌బుక్ యోచిస్తున్నట్లు సమాచారం. అయితే, ఈ స్మార్ట్‌వాచ్ లో తన సొంత ఆపరేటింగ్ సిస్టమ్‌ను ఉపయోగిస్తుందా లేదా గూగుల్, ఐఓఎస్ పై ఆధారపడుతుందా అనేది స్పష్టంగా లేదు. ఈ స్మార్ట్‌వాచ్ లో ప్రధానంగా ఆరోగ్యం, ఫిట్నెస్ పై దృష్టి సారించినట్లు ఒక నివేదిక పేర్కొంది. ఆపిల్ స్మార్ట్‌వాచ్ తరహాలోనే ఫేస్‌బుక్ స్మార్ట్‌వాచ్ ద్వారా కూడా మెసేజ్, కాల్స్ చేసుకునే ఫీచర్స్ తీసుకొనిరానున్నారు.   ఫేస్‌బుక్ గతంలో ఓకులస్ వర్చువల్ రియాలిటీ హెడ్‌సెట్‌లు, పోర్టల్ వీడియో చాట్ పరికరాలను అభివృద్ధి చేసింది. వాచ్ కాకుండా ఫేస్‌బుక్ రే-బాన్ స్మార్ట్ గ్లాసెస్, ప్రాజెక్ట్ అరియా అని పిలువబడే అగ్‌మెంటెడ్ రియాలిటీ రీసెర్చ్ పనిచేస్తుందని సమాచారం. టైట్ కంపెనీ ఈ అగ్‌మెంటెడ్ రియాలిటీ ప్రాజెక్టు కోసం 6000 మంది ఉద్యోగులను పనిచేస్తున్నారు. ఫేస్‌బుక్ ఈ వార్తలను ధృవీకరించలేదు లేదా తిరస్కరించలేదు.  క్లబ్‌హౌస్ మాదిరిగానే ఒక యాప్ రూపకల్పనలో కూడా ఫేస్‌బుక్ పనిచేస్తున్నట్లు సమాచారం.  చదవండి: మోటో నుంచి సరికొత్త స్మార్ట్‌ఫోన్

స్ట్రీమింగ్‌ ప్లాట్‌ఫామ్‌ యూట్యూబ్‌ తాజాగా వాయిస్‌ కమెండ్స్‌ ఇన్‌పుట్‌ ఫీచర్‌ను తీసుకువచ్చింది. సెర్చ్, నెవిగెట్, ప్లే కోసం దీన్ని ఉపయోగించవచ్చు. కుడివైపు సెర్చ్‌బోర్డ్‌ పైన ఉన్న మైక్రోఫోన్‌ ఐకాన్‌ను టాప్‌ చేస్తే ‘లిస్టెనింగ్‌’ అనే టెక్ట్స్‌తో  ఒక బాక్స్‌ వస్తుంది. ఇక్కడ మనం ఆడియో కమాండ్స్‌ ఇవ్వవచ్చు. ప్లే అవుతున్న వీడియో ఆటోమెటిగ్గా పాజ్‌ అవుతుంది. బాటమ్‌లో ఉన్న మరో మైక్రోఫోన్‌ ఐకాన్‌తో ‘స్పీచ్‌–టు–టెక్ట్స్’ను తాత్కాలికంగా డిజెబుల్, ఎనేబుల్‌ చేయవచ్చు. వాయిస్‌ కమెండ్‌ కోసం రకరకాల భాషలు అందుబాటులో ఉన్నాయి. oppo reno 5  pro 5g ► డిస్‌ప్లే: 6.55 అంగుళాలు  ► ర్యామ్‌: 8జీబి    ► స్టోరేజ్‌: 128 జీబి ► రిఫ్రెష్‌ రేట్‌: 90 హెచ్‌జడ్‌  ► 65 డబ్ల్యూ ఫాస్ట్‌ ఛార్జింగ్‌ ► 64–మెగా పిక్సెల్‌ ప్రైమరీ కెమెరా ట32 ఎంపీ సెల్ఫీ కెమెరా ► 48–మెగా పిక్సెల్‌ సెన్సర్‌  ► 4,350 ఎంఎహెచ్‌ బ్యాటరీ  ట1,080 x 2,400 రెజల్యుషన్‌ టఏఐ హైలెట్‌ వీడియో మోడ్‌ ► కలర్‌ ఆప్షన్స్‌: అస్ట్రాల్‌ బ్లూ, స్టారీ బ్లాక్‌  ట ధర: రూ.35,990 htc desire 21 pro 5g ► డిస్‌ప్లే: 6.7 అంగుళాలు ► ర్యామ్‌: 8జీబి   ► స్టోరేజ్‌: 128 జీబి ► బ్యాటరీ సామర్థ్యం: 5,000 ఎంఏహెచ్‌ ► రిఫ్రెష్‌ రేట్‌: 90 హెచ్‌జడ్‌  ► 18 డబ్ల్యూ ఫాస్ట్‌ ఛార్జింగ్‌ ► సైడ్‌–మౌంటెడ్‌ ఫింగర్‌ ప్రింట్‌ సెన్సర్‌  ► 48–మెగా పిక్సెల్‌ ప్రైమరీ సెన్సర్‌ ► 8–మెగా పిక్సెల్‌ వైడ్‌ యాంగిల్‌ లెన్స్‌ టపంచ్‌ హోల్‌ సెల్ఫీ కెమెరా ► కలర్‌ ఆప్షన్స్‌: బ్లూ, పర్పుల్‌    టధర: రూ.34,000 (సుమారుగా) nec lavie mini లెనోవా భాగస్వామ్యంతో nec సూపర్‌ ఎగ్జాయిటింగ్‌ lavie మినీ హైబ్రిడ్‌ డివైజ్‌ను లాంచ్‌ చేసింది. దీన్ని ల్యాప్‌టాప్‌గా, పోర్టబుల్‌ గేమింగ్‌ డివైజ్‌గా ఉపయోగించవచ్చు. ఈ డ్యుయల్‌ పర్సస్‌ డివైజ్‌లో 8 అంగుళాల ఫుల్‌ హెచ్‌డీ స్క్రీన్‌ ఉంది.  ర్యామ్‌: 16 జీబి 1920x1200  పిక్సెల్స్‌ రెజల్యుషన్‌ టబరువు: 579 గ్రా. టఐఆర్‌ కెమెరాటజీరో టచ్‌ లాగిన్‌ టకలర్‌: క్రిస్టల్‌ వైట్‌. ఫాజిల్‌ జెన్‌ 5 ఎల్‌టీయి స్మార్ట్‌వాచ్‌ స్టైలీష్‌‌ వేర్‌ వోఎస్‌–పవర్డ్‌ స్మార్ట్‌వాచ్‌లను రూపొందించడంలో పేరున్న అమెరికన్‌ ఫ్యాషన్‌ డిజైనర్‌ అండ్‌ మాన్యుఫ్యాక్చరింగ్‌ కంపెనీ ఫాజిల్‌ తాజాగా జెన్‌5 ఎల్‌టీయిని మార్కెట్‌లోకి తీసుకువచ్చింది. వివరాలు... స్క్రీన్‌ సైజ్‌: 1.3 అంగుళాలు  స్టోరేజ్‌: 8జీబి ’బ్యాటరీ: 400 ఎంఏహెచ్‌, స్లీప్‌ ట్రాకర్, హార్ట్‌రేట్‌ మానిటరింగ్, ఫిట్‌నెస్‌ ట్రాకర్‌ ఎన్‌ఎఫ్‌యస్‌ సపోర్ట్‌ (గూగుల్‌ పే, గూగుల్‌ అసిస్టెంట్‌) ‘జీపియస్‌’ స్విమ్‌ఫ్రూఫ్‌ కలర్‌ ఆప్షన్స్‌: బ్లాక్, పింక్‌ ధర (సుమారుగా): రూ.25,000 

సాక్షి, బంజారాహిల్స్‌: అమ్మమ్మ పడుతున్న అవస్థలను చూసిన ఆ బాలుడి మనసు కరిగిపోయింది. ఆ కష్టాలకు చెక్‌ పెట్టాలన్న ఆలోచన పుట్టింది. అల్జీమర్‌ వ్యాధితో తన అమ్మమ్మలాగే కోట్లాది మంది ప్రపంచ వ్యాప్తంగా బాధపడుతున్నారని తెలుసుకున్న ఆ బాలుడు పరిష్కారం చూపాలని మూడేళ్లు కష్టపడి మొత్తానికి అందులో విజయం సాధించాడు. ⇔ జుబ్లీహిల్స్‌ పబ్లిక్‌ స్కూల్‌లో 9వ తరగతి చదువుతున్న చదలవాడ హిమేష్‌ అల్జీమర్స్‌ వ్యాధి ఉన్నవారి ఆరోగ్య పరిరక్షణకు స్మార్ట్‌ వాచ్‌ కనిపెట్టి ప్రధాన మంత్రి రాష్ట్రీయ బాలపురస్కార్‌ అవార్డ్‌–2021ను గెలుచుకున్నాడు. ⇔ గుంటూరుకు చెందిన హిమేష్‌ తండ్రి కిశోర్‌కుమార్‌ ఆడియో ఇంజినీర్‌ కాగా, తల్లి సంధ్య గృహిణి. ⇔ మేడ్చల్‌-మల్కాజిగిరి జిల్లాకు చెందిన హిమేష్‌ ఈ యంత్రాన్ని కనిపెట్టడంలో చేసిన కృషికి సోమవారం ప్రధాన మంత్రి నిర్వహించిన వర్చువల్‌ మీటింగ్‌కు కూడా హిమేష్‌ హాజరయ్యాడు. వృద్ధులను, వికలాంగులను పర్యవేక్షించడానికి స్మార్ట్‌ రిస్ట్‌ బ్యాండ్‌ తోడ్పడుతుందని హిమేష్‌ తెలిపాడు.   ⇔ ప్రపంచంలో ప్రతి మూడు సెకన్లలో ఒక వ్యక్తి అల్జీమర్స్‌ వ్యాధితో బాధపడుతున్నారని, అందులో మా అమ్మమ్మ కూడా ఒకరన్నారు. ప్రపంచ వ్యాప్తంగా ఇలాంటి రోగులందరికీ ఈ పరికరం ఉపయోగపడుతుందని చెప్పాడు.   ⇔ ఈ పరికరాన్ని అల్జీమర్స్‌ రోగులు ధరిస్తారని, ఇది వారి ఆరోగ్య స్థితిని పరిరక్షించడమే కాకుండా సంచారం, పల్స్, బీపీ వంటి రోగాలను గురించి తెలియజేస్తుందని తెలిపారు. రోగికి ఏదైనా అసాధారణ పరిస్థితి ఎదురైతే ఒక హెచ్చరిక ఇవ్వడమే కాకుండా ఆ సమాచారాన్ని పంపుతుందన్నాని వివరించాడు.  ⇔ అల్జీమర్స్‌ వ్యాధి సోకిన వారి ఆరోగ్య పరిరక్షణ కోసం స్మార్ట్‌ వాచ్‌ కనిపెట్టిన చదలవాడ హిమేష్‌ను రాష్ట్ర గిరిజన, స్త్రీ,శిశు సంక్షేమ శాఖల మంత్రి సత్యవతిరాథోడ్‌ సోమవారం సత్కరించి బాలుడితో పాటు అతడి తల్లిదండ్రులను అభినందించారు.  

న్యూఢిల్లీ: రెడ్‌మీ బ్రాండ్ యొక్క మొట్టమొదటి స్మార్ట్ బ్యాండ్ ఫిట్‌నెస్ ట్రాకర్ సెప్టెంబర్‌లో 5న రూ.1,599($​​22) ధరతో భారతదేశంలో విడుదలైన సంగతి మనకు తెలిసిందే. ఇప్పుడు, ఈ ఫిట్‌నెస్ ట్రాకర్‌ను రిపబ్లిక్ డే సేల్ లో భాగంగా మీకు రూ.999($ 13.69)కి లభిస్తుంది. భారతదేశపు అతిపెద్ద ఈ కామర్స్ ప్లాట్‌ఫాం అమెజాన్ ఇండియా రిపబ్లిక్ డే సేల్ ఈవెంట్‌ను నిర్వహిస్తుంది. షియోమీ దాదాపు అన్ని దేశాలలో ఎంఐ, రెడ్‌మీ బ్రాండెడ్ ఉత్పత్తుల మీద డిస్కౌంట్ అందిస్తోంది. రెడ్‌మీ స్మార్ట్ బ్యాండ్ లో 1.08-అంగుళాల టిఎఫ్‌టి ఎల్‌సిడి కలర్ ప్యానెల్, టచ్ ఇన్‌పుట్, 24 గంటల హార్ట్ బీట్ మానిటరింగ్, 5 స్పోర్ట్స్ మోడ్‌లు, బ్లూటూత్ 5.0 ఎల్‌ఇ, యాప్ నోటిఫికేషన్‌లు, 5 ఎటిఎం వాటర్ రెసిస్టెంట్, 14 రోజుల బ్యాటరీ లైఫ్ , యుఎస్బి ఛార్జింగ్ వంటి మరిన్ని ఆప్షన్స్ కలిగి ఉంది.(చదవండి: ఫేస్‌బుక్‌కు పోటీగా దూసుకెళ్తున్న 'మీవే' యాప్)

ముంబై: టెక్‌ దిగ్గజం యాపిల్‌(ఐఫోన్‌) సరికొత్త ఫీచర్లతో మొబైల్‌ వినియోగదారులను నిరంతరం ఆకట్టుకుంటుంది. త్వరలో యాపిల్‌ అభిమానులకు మరో శుభవార్త తెలిపింది. త్వరలో యాపిల్‌ స్మార్ట్‌ వాచ్‌లను మార్కెట్‌లోకి విడుదల కానున్నట్లు తెలుస్తోంది. అయితే గత సంవత్సరం ప్రత్యేక స్మార్ట్ వ్యాచ్‌(యాపిల్‌ వాచ్‌ సిరీస్‌ 5) లను ప్రవేశ పెట్టిన యాపిల్‌ సంస్థ వినియోగదారులను విశేషంగా ఆకట్టుకుంది. అయితే ప్రస్తుతం తక్కువ ధర, అత్యుత్తమ క్వాలిటీతో స్మార్ట్ వాచ్‌లను యాపిల్‌ సంస్థ ప్రవేశపెట్టనుంది. ప్రస్తుతం ఫిట్‌బిట్‌, గార్మిన్‌, తదితర సంస్థలు స్మార్ట్‌ వాచ్‌లను నాణ్యతతో రూపొందిస్తున్నాయి. మరోవైపు యాపిల్‌ కేవలం స్మార్ట్‌ వాచ్‌లనే కాకుండా ఎయిర్‌ఫోన్స్, మ్యూజిక్‌ కేటగిరీలలో కొత్త డివైస్‌ను ప్రవేశపెట్టనున్నారు. ఇందులో హోమ్‌పోడ్‌, ఏయిర్‌పోడ్స్, ప్రొ, ఐపోడ్‌ టచ్‌ తదితర కొత్త సేవలను యాపిల్ అందించనుంది. ఈ అంశాలపై యాపిల్‌ త్వరలో ప్రకటన చేయనుందని సంస్థ వర్గాలు తెలిపాయి. చదవండి: సరికొత్త ఫీచర్లతో యాపిల్‌ ప్రొడక్టులు

కరోనా ముప్పుతో పొలానికి వెళ్లాలంటేనే భయంగా ఉందన్న తన తండ్రి మాటను తేలికగా తీసుకోలేదు శ్రీజ. రేయింబవళ్లు కష్టపడి ‘కోవిడ్‌ స్మార్ట్‌ అలారం వాచ్‌’ తయారు చేసింది. దానిని తన తండ్రి చేతికి కట్టి ధైర్యంగా పొలానికి వెళ్లిరమ్మని చెప్పింది. ప్లాస్టిక్‌ కవర్‌ కుండీలో కనిపించిన చనిపోయిన మొక్కను పక్కకు పెట్టి మరో మొక్కను నాటలేదు శ్రీజ. మొక్క చనిపోవడానికి కారణమైన ‘ప్లాస్టిక్‌’కు చెక్‌ పెట్టేందుకు వేరుశనగ పొట్టుతో ‘జీవ శైథిల్య కుండీలు’ తయారు చేసింది. పద్నాలుగేళ్ల శ్రీజ రైతు బిడ్డ.  జోగుళాంబ గద్వాల జిల్లా కేటీదొడ్డి మండలం చింతలకుంట ప్రభుత్వ పాఠశాలలో తొమ్మిదో తరగతి చదువుతున్న శ్రీజకు పైరెండు ఆవిష్కరణల వల్ల బాల శాస్త్రవేత్తగా గుర్తింపు లభించింది. చేతుల ద్వారా కరోనా వైరస్‌ వ్యాపిస్తుందని తెలుసుకున్న శ్రీజ.. ఏమరుపాటుగానైనా ముఖం మీదకు చేయి వెళ్లకుండా అప్రమత్తం చేసేందుకు పాఠశాల హెచ్‌.ఎం. ఆగస్టీన్‌ సహకారం తీసుకుని కోవిడ్‌ స్మార్ట్‌ అలారం (అలర్ట్‌ బజర్‌) ను తయారు చేసింది! ఇది ధరించి.. కరచాలనం చేయబోతున్నా, నోరు, ముక్కు, చెవుల దగ్గరకు చేతిని తీసుకెళ్లినా అలారం మోగుతుంది. ఇందుకు రు. 50 మాత్రమే ఖర్చు అయిందనీ, దీనిలో 9 వాట్స్‌ బ్యాటరీ, బజర్, చిన్న లైట్, ఒక సెన్సర్‌ ఉంటాయని శ్రీజ చెప్పింది. కోవిడ్‌ స్మార్ట్‌ వాచ్‌ని కనిపెట్టిన క్రమంలోనే.. ఓసారి గద్వాలకు వెళ్తుండగా దారి మధ్యలో నర్సరీ మొక్కల ప్లాస్టిక్‌ కుండీలు చెల్లాచెదురుగా పడి ఉండటాన్ని గమనించింది శ్రీజ. స్కూలు తరఫున మొక్కలు నాటుతున్నప్పుడైతే ప్లాస్టిక్‌ కుండీలలోని కొన్ని మొక్కలు చనిపోవడం చూసింది. అప్పట్నుంచే ప్లాస్టిక్‌కి ప్రత్యామ్నాయంగా ఏదైనా తయారు చేయాలని అనుకుంది. హెచ్‌.ఎం. సూచనలు తీసుకుని వేరుశనగ పొట్టుతో మొక్కల కుండీలు తయారు చేసింది. వాటిని అలాగే భూమిలో నాటితే వాటంతట అవే భూమిలో కలిసిపోతాయి. అంతేకాదు.. వేరుశనగ పొట్టులో నైట్రోజన్, ఫాస్పరస్‌ ఎక్కువ మోతాదులో ఉండటం వల్ల అవి మొక్కకు సహజ ఎరువుగా మారి పెరుగుదలకు దోహదపడతాయి. ఈ ఆలోచనతో శ్రీజ చేసిన ఆవిష్కరణ సౌత్‌ ఇండియా సైన్స్‌ఫేర్‌లో బహుమతి దక్కించుకుంది. స్వాతంత్య్ర దినోత్సవం సందర్భంగా రాష్ట్ర ప్రభుత్వం శ్రీకారం చుట్టిన ‘ఇంటింటా ఇన్నోవేషన్‌’ కార్యక్రమానికి జిల్లా నుంచి శ్రీజ తయారు చేసిన ‘జీవశైథిల్య మొక్కల కుండీలు’ కాన్సెప్ట్‌ ఎంపికైంది. – బొల్లెదుల కురుమన్న, సాక్షి, గద్వాల అర్బన్‌ కుటుంబ నేపథ్యం శ్రీజ తల్లిదండ్రులు మీనాక్షి, సాయన్న. సొంత పొలంలో పత్తి, వేరుశనగ, మిరప, కంది పంటలు సాగు చేస్తారు. నలుగురు పిల్లల్లో శ్రీజ రెండో అమ్మాయి. అక్క మౌనిక ఇంటర్‌ పూర్తి చేసింది. చెల్లెలు అశ్విని కూడా తొమ్మిదో తరగతి, తమ్ముడు శివ నాలుగో తరగతి చదువుతున్నాడు.

ముంబై: ప్రముఖ ఎల‌క్ట్రానిక్స్ దిగ్గజం శాంసంగ్ త్వరలో సరికొత్త స్మార్ట్ వాచ్‌ల(గడియారాలు)తో అలరించనుంది. మేకిన్‌ ఇండియా స్పూర్తితో నోయిడాలో స్మార్ట్‌ వాచ్‌ల తయారీని ప్రారంభించింది. ఇటీవలే అత్యాధునిక టెక్నాలజీ(4జీ మోడల్‌)తో  స్మార్ట్‌వాచ్‌ను సామ్‌సంగ్‌ విడుదల చేసింది. ఈ వాచ్‌ ధరను రూ. 28,490 రూపాయలుగా నిర్ణయించిన విషయం తెలిసిందే. కాగా జులై 11న మార్కెట్‌లోకి విడుదలయ్యే స్మార్ట్ వాచ్‌ (గ్యాలెక్సీ వాచ్‌ యాక్టివ్‌2) 4జీ పేరుతో అత్యాధునిక స్మార్ట్‌ వాచ్‌ వినియోగదారులను అలరించనుంది. కాగా మేకిన్‌ ఇండియా ప్రోగ్రామ్‌లో భాగంగా దేశంలో 18 స్మార్ట్‌ వాచ్‌ల తయారీని ప్రారంభించినట్లు శాంసంగ్‌ ఇండియా సీనియర్‌ వైస్‌ ప్రెసిడెంట్‌ మోహన్‌సింగ్‌ తెలిపారు. అయితే శాంసంగ్‌ కంపెనీ గాలెక్సీ స్మార్ట్‌ వాచ్‌లను మూడు రకాలైన సైజులు(42ఎమ్‌ఎం, 44ఎమ్‌ఎం, 46ఎమ్‌ఎంలతో కస్టమర్లకు అందించనుంది). మరోవైపు దేశంలో తయారు కానున్న 18స్మార్ట్‌ వాచ్‌ల ధర(రూ.19, 990 నుంచి రూ. 35,990)గా శాంసంగ్‌ నిర్ణయించింది. అయితే జులై 11న విడుదల కానున్న శాంసంగ్‌ సరికొత్త స్మార్ట్‌ వాచ్‌లో ఇ సిమ్‌ కనెక్టివిటీతో వినియోగదారులకు కాల్స్‌, మెసేజెస్‌, నోటిఫికేషన్స్ తదితర అత్యాధునిక సేవలను స్మార్ట్‌ వాచ్‌ అందించనుంది. (చదవండి: గెలాక్సీ నోట్ 10 లైట్ ధర తగ్గింది : క్యాష్‌బ్యాక్ కూడా)

సాక్షి,  సిరిసిల్ల : మనం ఆదమరిస్తే అప్రమత్తం చేసేలా ఓ సెన్సర్‌ స్మార్ట్‌ వాచ్‌ను రూపొందించింది రాజన్న సిరిసిల్ల జిల్లా కేంద్రానికి చెందిన ఓ విద్యార్థిని. కరోనా వైరస్‌ కట్టడి కోసం కరచాలనం చేయొద్దని, చేతితో కళ్లను, నోటిని, ముక్కును ముట్టుకోవద్దని వైద్యులు చెపుతున్న విషయం తెలిసిందే. అయితే అలవాటులో పొరపాటులా చెయ్యి ముఖాన్ని తాకుతూనే ఉంటుంది. ఇలాంటి అలవాటును దూరం చేసే లక్ష్యంతో సెన్సర్‌ స్మార్ట్‌ వాచ్‌ను తయారు చేసింది బుధవారపు స్నేహ. స్మార్ట్‌ సెన్సర్‌ వాచ్‌ను చూపుతున్న స్నేహ  బీఎస్సీ ఎలక్ట్రానిక్స్‌ చదువుతున్న స్నేహ.. ఓ వాచ్‌ను రూపొందించి, దానికి సెన్సర్‌ డివైస్‌ను ఏర్పాటు చేసింది. మనం కరచాలనం చేయబోయినా.. ముక్కు, నోరు, కళ్లను తాకబోయినా వెంటనే ఆ సెన్సర్‌ గుర్తించి శబ్దం చేస్తుంది. దీంతో వెంటనే అప్రమత్తమై ఆ ప్రయత్నాన్ని విరమించుకునేలా స్మార్ట్‌ వాచ్‌ హెచ్చరిస్తుంది. తన తండ్రి ప్రోత్సాహంతో ఈ స్మార్ట్‌ వాచ్‌ను తయారు చేసినట్లు స్నేహ తెలిపింది. స్నేహ కృషిని జిల్లా అధికారులు సోమవారం అభినందించారు.


 లండన్‌: మన ప్రతి కదలికను స్మార్ట్‌వాచ్‌ల ద్వారా రికార్డు చేసే అత్యాధునిక సాంకేతికతో కూడిన అల్గారిథమ్‌ను శాస్త్రవేత్తలు అభివృద్ధి చేశారు. రోజువారీ జరిపే ప్రతి చర్యలను ఇది రికార్డు చేస్తుందని, తద్వారా రోజులో ఏ పనికి ఎంత సమయం కేటాయిస్తున్నామన్నది కచ్చితత్వంతో తెలుస్తుందని పరిశోధకులు చెబుతున్నారు. ప్రస్తుతం ఉన్న స్మార్ట్‌వాచ్‌ల ద్వారా కేవలం యోగ, పరిగెత్తడం వంటి కొన్ని ఎంపిక చేసిన ప్రత్యేక కార్యకలాపాలు మాత్రమే రికార్డు చేయొచ్చు.
 అయితే తాము అభివృద్ధి చేసిన అల్గారిథమ్‌ ద్వారా దంతాలు శుభ్రపరుచుకోవడం, వంట చేయడం వంటి చిన్న చిన్న రోజువారీ ప్రతిచర్యలను సైతం కచ్చితత్వంతో రికార్డు చేయవచ్చని సస్సెక్స్‌ విశ్వవిద్యాలయానికి చెందిన పరిశోధకులు తెలిపారు. ‘మానవుడు రోజు వారీ చేసే చర్యలు అమితమైనవి. వాటన్నింటినీ రికార్డు చేయాలంటే ప్రస్తు తం ఉన్న స్మార్ట్‌వాచ్‌లకు సాధ్యపడదు. ఈ సమస్యను అధిగమించేందుకే ఈ అల్గారిథమ్‌ను అభివృద్ధి చేశాం’ అని ప్రొఫెసర్‌ జోరేస్కి చెప్పారు. 


 ♦ లిమిటెడ్ ఎడిషన్ వాచీలపై పెరుగుతున్న మోజు
 ♦ గణనీయంగా పెరుగుతున్న మహిళల శాతం
 ♦ కంపెనీలన్నీ స్మార్ట్‌వాచీల తయారీలోకి
  హైదరాబాద్, బిజినెస్ బ్యూరో : రెండు కోట్లు పెడితే బ్రహ్మాండమైన ఇల్లొస్తుంది. ఇంకాస్త లగ్జరీకి పోయేవాళ్లకైతే... చక్కటి కారొస్తుంది. మరి అంతకన్నా లగ్జరీని ఆశించేవాళ్లయితే..? ఓ వాచీ వస్తుంది. ఒమెగా, బుల్గారీ, పియాజెట్, బ్రుగీ, ఉర్విక్.. ఇలా కంపెనీ ఏదైతేనేం!! లిమిటెడ్ ఎడిషన్ అయితే చాలు... భారత్‌లో రూ.2 కోట్ల వరకూ వెచ్చించే సంపన్నులూ ఉన్నారు మరి. వజ్రాలు పొదిగిన, ప్లాటినం, బంగారంతో తయారైన ఈ ఖరీదైన వాచీలను ఇష్టపడని వారు లేరంటే అబద్ధమేమీ కాదు. రాజకీయ నాయకులు, సినీ తారలు, వ్యాపారులు, ఇతర సంపన్నులు వీటికి అతిపెద్ద కస్టమర్లు. అయితే వీటి అమ్మకాలే వాచీలో ముల్లుల్లాగా సెలైంట్‌గా జరుగుతూ ఉంటాయి. విక్రయించిన కంపెనీగానీ, కొనుక్కున్న కస్టమర్ గానీ ఈ విషయాన్ని వెల్లడించడానికి ఇష్టపడరు. రూ.10 లక్షలు, ఆపైన ఖరీదు చేసే ‘ప్రెస్టీజ్’ వాచీలు భారత్‌లో ఏటా 300పైనే అమ్ముడవుతున్నాయంటే ఆశ్చర్యమనిపించక మానదు.
  ఇదీ వాచీల విపణి..
 దేశవ్యాప్తంగా వ్యవస్థీకృత రంగంలో వాచీల విక్రయ పరిమాణం రూ.6,000 కోట్లుంది. అవ్యవస్థీకృత రంగంలోనూ ఇదే స్థాయిలో వ్యాపారం జరుగుతోంది. విస్తృతి 3 శాతమే. అంటే 100 మందిలో ముగ్గురికే వాచీ ఉంటోంది. అదే అంతర్జాతీయంగా చూస్తే ఇది 20-25%. వ్యవస్థీకృత రంగ విపణిలో రూ.10,000 లోపు ధర ఉన్న వాచీల వాటా 65 శాతం. రూ.10,000-రూ.1 లక్ష విభాగం 20 శాతం, రూ.1 లక్ష ఆపైన వాచీల పరిమాణం 15 శాతం ఉంది. 15 ఏళ్ల క్రితం రూ.5 వేల లోపు ధర ఉన్న వాచీల వాటా ఏకంగా 99 శాతం ఉండేది. కువైట్‌లో అయితే ఒక్కొక్కరు 10-20 వాచీలను కలిగి ఉంటారట.
  ఆ వాచీ పెట్టుకుంటే... అదో ప్రెస్టీజ్ మరి
 రూ.10 లక్షలు ఆపైన ధరలో ఉండే వాచీలను ప్రెస్టీజ్ విభాగం కింద పరిగణిస్తున్నారు. ఈ విభాగంలో ఏటా దేశంలో 300 వాచీలు అమ్ముడవుతున్నాయట. ఆదాయపు పన్ను, భద్రత సమస్యల వల్ల విక్రేతలు, కస్టమర్లు వీటిని బయటకు వెల్లడించ టానికి ఇష్టపడటం లేదు. లిమిటెడ్ ఎడిషన్లలో చేతితో చేసిన ఒక్కో వాచీ తయారీకి ఆరు నెలలు పడుతోంది. కాగా, గతంలో దీపావళికే వాచీల అమ్మకం ఉండేది. ఇప్పుడు 365 రోజులూ గిరాకీ ఉంటోంది. మొత్తం వాచీల అమ్మకాల్లో టాప్-30 నగరాల వాటా 80%.
 
  కలర్‌ఫుల్ కాపర్..
 రాగి(కాపర్) వర్ణంతో తయారైన వాచీలకు మహిళలు మక్కువ చూపుతున్నారు. ఆ తర్వాత వైన్ వర్ణం, తెలుపు రంగుల వాచీలకు గిరాకీ ఎక్కువ. మగ వారి విషయంలో స్టీలు, రోజ్ గోల్డ్ కలర్స్‌కు క్రేజ్ ఉంది. వ్యాపారులైతే చేతికి రోజ్ గోల్డ్ కలర్ వాచీ ఉండాల్సిందేనంటున్నారు. దక్షిణాదిన ఈ రంగు వాచీలకు మంచి ఆదరణ ఉంది. మూడేళ్ల క్రితం వరకు అమ్ముడైన వాచీల్లో పురుషులు ధరించేవి 90%, స్త్రీలవి 10%  ఉండేవి. ఇప్పుడు స్త్రీల వాచీల వాటా 30 శాతానికి ఎగసింది. మహిళలూ ఉద్యోగాలు, వ్యాపారాల్లో రాణిస్తుండడమే ఈ స్థాయి అమ్మకాలకు కారణమని కంపెనీలు చెబుతున్నాయి. నిజానికి హైదరాబాద్ కస్టమర్లు వాచీల విషయంలో చాలా హుందాగా వ్యవహరిస్తారట. బ్రాండ్, విలువకే తొలి ప్రాధాన్యమిస్తారని జస్ట్ లైఫ్‌స్టైల్ బ్రాండ్ మేనేజర్ మనోజ్ సుబ్రమణియన్ చెప్పారు. ఢిల్లీ, గుజరాత్‌లలో డిస్కౌంట్లే మార్కెట్‌ను నడిపిస్తాయని చెప్పారాయన.
  స్మార్ట్‌వాచీలు సైతం..
 సంప్రదాయ వాచీల తయారీ కంపెనీలు లేటెస్ట్ ట్రెండ్‌కు అనుగుణంగా స్మార్ట్ వాచీలను ప్రవేశపెడుతున్నాయి. కస్టమర్లు బ్రాండ్‌ను కోరుతుండటంతో కంపెనీలు వీటిని తయారు చేయాల్సిందేనని మనోజ్ అన్నారు. స్విట్జర్లాండ్, హాం కాంగ్, యూఎస్‌లో వాచీలు తయారవుతున్నాయి. భారత్‌లోనూ కొన్ని కంపెనీలు తయారీలోకి ప్రవేశించాయి. ఇవి రూ.35 వేలలోపు విభాగానికే  పరిమితమయ్యాయి. కస్టమర్లు చౌక వాచీలనే ఆన్‌లైన్‌లో కొంటున్నారు. కొందరు విక్రేతలు నకిలీలను ఆన్‌లైన్‌లో అమ్ముతున్నారు. అసలుకి, నకిలీకి పెద్దగా తేడా ఉండడం లేదన్నది మార్కెట్ వర్గాల మాట. వీటి సర్వీసింగ్ అతిపెద్ద సమస్య.
 రోజుకి 400 వాచీలు..
 వాచీల విక్రయంలో ఉన్న జస్ట్ లైఫ్‌స్టైల్ దేశవ్యాప్తంగా 30 నగరాల్లో 55 ఔట్‌లెట్లను నిర్వహిస్తోంది. పంజాగుట్ట సెంట్రల్‌లో షాప్ ఇన్ షాప్‌ను ఏర్పాటు చేసింది. ఆస్పెన్ పేరుతో ప్రధానంగా మహిళల కోసం వాచీలను అంతర్జాతీయ స్థాయిలో తయారు చేసి భారత్‌తోపాటు పలు దేశాల్లో విక్రయిస్తోంది. 2017 డిసెంబర్‌కల్లా హైదరాబాద్‌లో 5 స్టోర్లతో సహా మొత్తం 45 కేంద్రాలను ప్రారంభించనుంది. ఒక్కో స్టోర్‌లో 3 వేలకుపైగా వెరైటీలు కొలువుదీరాయి. ప్రస్తుతం రోజుకు 400 వాచీలను విక్రయిస్తోంది. జస్ట్‌వాచెస్.కామ్ పోర్టల్ ద్వారా ఆన్‌లైన్‌లోనూ వాచీలను అమ్ముతోంది.


 ఇప్పటివరకు టచ్ ప్యాడ్‌ను వస్తువు స్క్రీన్ మీద ఉపయోగిస్తూ వచ్చాం. త్వరలో గాలిలో కూడా టచ్ చేయొచ్చనే విషయాన్ని సైతం విన్నాం. కానీ, మన చేతి మీద టచ్ చేస్తే కదిలే ఆప్షన్లను ఎప్పుడైనా చూశారా? ఇప్పుడు చూసేయండి. మసాచుసెట్స్ ఇన్‌స్టిట్యూట్ ఆఫ్ టెక్నాలజీకి చెందిన శాస్త్రజ్ఞులు ఈ తరహా వాచీని తయారుచేశారు.
 
 అదేంటి చేతిమీద టచ్ చేయొచ్చని.. వాచీ అంటున్నారు అనుకుంటున్నారా..? ఆ వాచీని చేతికి పెట్టుకుని మీ మరో చేతి వేలికి ఉంగరాన్ని పెట్టుకుని వాచీ పెట్టుకున్న చేతిమీద టచ్ చేస్తే చాలు.. వాచీలో అప్లికేషన్స్ ఓపెన్ అయిపోతాయి. సాధారణ టచ్ ఫోన్ మాదిరిగానే మనం ఆ వాచీని చేతి మీద టచ్ చేస్తూ ఉపయోగించుకోవచ్చు. ఉంగరాన్ని ధరించిన వేలు చర్మాన్ని తాకినపుడు వాచీలో అమర్చి ఉన్న వస్తువులకు తక్కువ, ఎక్కువ ఫ్రీక్వెన్సీ రేంజిలతో తరంగాలు చేరి టచ్ రన్ అవుతుందని పరిశోధకులు వివరించారు.


 హైదరాబాద్, బిజినెస్ బ్యూరో: టెక్నాలజీ దిగ్గజం యాపిల్ స్మార్ట్ వాచ్‌ను భారత్‌లో ఈ ఏడాదే ప్రవేశపెడుతోంది. పలు దేశాల్లో 2015 ఏప్రిల్ నుంచి అందుబాటులో ఉన్న ఈ వాచ్ దీపావళి నాటికి ఇక్కడి కస్టమర్ల చేతుల్లోకి వచ్చే అవకాశాలున్నాయి. ప్రస్తుతం మార్కెట్లో ఉన్న స్మార్ట్ వాచ్‌లతో పోలిస్తే అప్లికేషన్లు, పనితీరులో తమ ఉత్పాదన ప్రత్యేకమని యాపిల్ అంటోంది. కంపెనీ అంచనాలను మించి ఈ ఉత్పాదన పలు దేశాల్లో అమ్ముడవడం విశేషం. వాచ్ కలెక్షన్‌లో 18 క్యారట్ యెల్లో గోల్డ్, రోజ్ గోల్డ్ కేస్‌తో రూపొందిన మోడళ్లూ ఉన్నాయి. భారత్‌లో వేరియంట్‌నుబట్టి ధర రూ.22 వేల నుంచి 11 లక్షల వరకు ఉండొచ్చని అంచనా.


 షాంఘై: ప్రముఖ దేశీ మొబైల్ హ్యాండ్‌సెట్స్ తయారీ కంపెనీ ఇంటెక్స్ ‘ఐరిస్ట్’ పేరుతో  వేరబుల్ స్మార్ట్ వాచ్‌ను మార్కెట్‌లోకి విడుదల చేసింది. దీని ధర రూ.11,999. ఆండ్రాయిడ్ కిట్‌క్యాట్ ఓఎస్‌పై నడిచే ఈ స్మార్ట్ వాచ్‌లో సిమ్ కార్డ్‌ను కూడా వేసుకోవచ్చు. అంటే వాయిస్ కాలింగ్ ఫీచర్‌ను కూడా సపోర్ట్ చేస్తుంది. ఈ ఐరిస్ట్ స్మార్ట్‌వాచ్‌లో 1.2 గిగాహెర్ట్జ్ డ్యూయెల్ కోర్ ప్రాసెసర్, 512 ఎంబీ ర్యామ్, 4జీబీ ఇంటర్నల్ మెమరీ, 600 ఎంఏహెచ్ బ్యాటరీ, 5 ఎంపీ కెమెరా, జీపీఎస్ నావిగేటర్, వై-ఫై, బ్లూటూత్, ఇన్‌బిల్ట్ ప్లేస్టోర్ యాప్ వంటి తదితర ప్రత్యేకతలు ఉన్నాయి. ఈ స్మార్ట్ వాచ్ నలుపు, ఆరెంజ్, పింక్ రంగుల్లో లభిస్తుంది.


 స్మార్ట్‌ఫోన్ తనంతట తానే కాల్ చేస్తుంది. రేడియో దానంతట అదే ట్యూన్ అవుతుంది. సౌండ్ మనం కోరుకున్నట్లుగా అడ్జస్ట్ అయిపోతుంది. స్మార్ట్‌వాచ్ నుంచి కంప్యూటర్ వరకూ ఎన్నో పరికరాలను ముట్టుకోవాల్సిన అవసరమే ఉండదు. ఇవన్నీ వాటంతట అవే మనకు కావల్సినట్లే పనిచేస్తాయి! జస్ట్.. మనం చేయవల్సిందల్లా చేతివేళ్లతో గాలిలో సైగలు చేయడమే!!  ఒకప్పుడు ఫోన్లు, కంప్యూటర్లు వాడాలంటే టకటకమంటూ బటన్లు నొక్కాల్సిందే. తర్వాత ఇలా ముట్టుకుంటే అలా స్పందించే టచ్‌స్క్రీన్లు వచ్చేశాయి.
 
 అయితే, ఇకపై టచ్‌స్క్రీన్లపై చేతి వేలితో నొక్కడం, స్వైప్ చేయాల్సిన అవసరం కూడా ఉండబోదు! ఎందుకంటే.. చేతివేళ్లతో సైగలు చేస్తేచాలు.. టచ్ చేసినట్లు స్పందించే టచ్‌లెస్ స్క్రీన్లు త్వరలోనే రాబోతున్నాయి! ఈ టచ్‌లెస్ టెక్నాలజీని సాకారం చేసేందుకు గాను గూగుల్ కంపెనీ ‘ప్రాజెక్ట్ సోలి’ పేరుతో చేపట్టిన ప్రాజెక్టు ఇప్పుడు తుది దశకు చేరుకుంది. ప్రాజెక్ట్ సోలి బృందం ఈ టెక్నాలజీ ప్రాథమిక ఉపయోగాలను కాలిఫోర్నియాలో ఇటీవల జరిగిన సదస్సులో ప్రదర్శించింది. రేడియో స్టేషన్లను మార్చడం, సౌండ్ వాల్యూమ్‌ను పెంచడం, తగ్గించడం, స్మార్ట్‌ఫోన్ స్క్రీన్ ను పనిచేయించడం వంటివి చేసి చూపింది.  
  
 ముట్టుకోకుండా ఎలా పనిచేస్తుంది?
 కెమెరాలు, సెన్సర్ల సాయంతో కదలికలను గుర్తించి పనిచేసే పరికరాలు ఇదివరకే ఉన్నాయి. కానీ వీటిని ఉపయోగించాలంటే ఇతర హార్డ్‌వేర్ పరికరాలు కూడా అవసరం. అందుకే రాడార్‌తో కదలికలను గుర్తించి పనిచేసే మైక్రోచిప్‌ను ప్రాజెక్టు సోలి బృందం తయారు చేసింది. ఈ మైక్రోచిప్‌తో అతిచిన్న పరికరాలకు సైతం టచ్‌లెస్‌గా పనిచేసే స్క్రీన్‌ను అమర్చుకోవచ్చు. షూ బాక్స్ అంత సైజులో ఉండే చిన్న రాడార్‌ను ఒక మైక్రోచిప్‌లో అమర్చేంత స్థాయికి వీరు కుదించి తయారు చేశారు.
 
 దీంతో బయటికి కనిపించకుండా లోపల ఉంటూనే ఈ రాడర్ ఒక మీటరు పరిధిలో స్పెక్ట్రమ్‌ను ఏర్పర్చి చేతివేళ్ల కదలికలను కచ్చితత్వంతో గుర్తిస్తుంది. స్మార్ట్‌ఫోన్లు, స్మార్ట్‌వాచ్‌లు, కంప్యూటర్లు, వేరబుల్ గ్యాడ్జెట్స్, కారు భాగాలు, ఆటబొమ్మల వంటి ఎన్నో పరికరాలకు ఈ టెక్నాలజీని ఉపయోగించవ చ్చని చెబుతున్నారు. ఈ ఓపెన్ సోర్స్ టెక్నాలజీని వివిధ పరికరాలకు ఉపయోగించేందుకు వీలుగా మార్చేందుకు గాను ఈ ఏడాదిలోనే డెవలపర్లకు అప్పగించనున్నారు.


 ఆపిల్ ఐవాచ్ రాకతో స్మార్ట్‌వాచ్ టెక్నాలజీ వేగం పుంజపుకుంటోంది. ఇప్పటికే కొన్ని స్మార్ట్‌వాచీలో మార్కెట్‌లో ఉండగా మరెన్నింటిలో ఇటీవలే ముగిసిన మొబైల్ వరల్డ్ కాంగ్రెస్‌లో కంపెనీలు ప్రకటించాయి. ఐవాచ్‌కు ప్రత్యామ్నాయం కాగల కొన్ని వాచీలు ఇలా ఉన్నాయి..
  
  మోటో 360
  మోటరోలా సిద్ధం చేసిన ఈ స్మార్ట్‌వాచీ వాయిస్ కమాండ్స్‌ను సపోర్ట్ చేస్తుంది. మోటో మేకర్ వెబ్‌సైట్ ద్వారా మనకు కావాల్సిన విధంగా తీర్చిదిద్దుకునేందుకు ఎన్నో అవకాశాలున్నాయి. ధర 250 డాలర్ల నుంచి మొదలు.
  
  ఆసస్ జెన్ వాచ్
  గత ఏడాది విడుదలైన ఈ తైవాన్ స్మార్ట్‌వాచ్ ఐవాచ్ మాదిరిగానే డిజైన్ చేశారు గుండె కొట్టుకునే వేగాన్ని, ఖర్చయ్యే కేలరీలను లెక్కపెట్టగలదు. ధర 200 డాలర్ల వరకూ ఉంటుంది.
  
  ఎల్‌జీ వాచ్ ఆర్బేన్
  మొబైల్ వరల్డ్ కాంగ్రెస్‌లో విడుదలైన స్మార్ట్‌వాచ్ ఇది. వాటర్, డస్ట్ ప్రూఫ్‌గా ఉండటం మెటల్ డిజైన్  దీని ప్రత్యేకతలు. ధర తెలియాల్సి ఉంది.
  
  పెబల్  టైమ్
  కిక్ స్టార్టర్ ద్వారా మార్కెట్‌లోకి వచ్చిన గాడ్జెట్ ఇది. ఏడు రోజులపాటు పనిచేసే బ్యాటరీ, ఐఫోన్, ఆండ్రాయిడ్‌లు రెండింటికీ కంపాటబులిటీ దీని ప్రత్యేకతలు. ధర  రెండు వందల డాలర్ల వరకూ ఉంటుంది.
  
  హువాయి వాచ్
  చైనీస్ తయారీ సంస్థ హువాయి మొబైల్ వరల్డ్ కాంగ్రెస్‌లో విడుదల చేసిన స్మార్ట్‌వాచీ ఇది. ఈ ఏడాది చివరిలోగా అందుబాటులోకి వచ్చే అవకాశముంది. యాక్టివిటీని ట్రాక్ చేసేందుకు అనేక సెన్సర్లు ఏర్పాటు
  చేశారు.
  
  


 ఊహాగానాలకు తెరపడింది
  
 ఐపాడ్, ఐఫోన్, ఐప్యాడ్‌ల మాదిరిగా ప్రభంజనం సృష్టిస్తుందో...
 ఇతర స్మార్ట్‌వాచ్‌ల వరదలో ఉసూరు మనిపిస్తుందో తెలియదుగానీ...
 మొత్తానికి ఎన్నాళ్లుగానో ఎదురుచూస్తున్న
  ఆపిల్ కంపెనీ ఐవాచ్ మార్కెట్‌లోకి వచ్చేందుకు రెడీ అయిపోయింది.
 ఏమున్నాయి దీంట్లో? ఎలాంటి సౌకర్యాలు తేనుందీ గాడ్జెట్?
  
 ఏమేం పనులు చేయవచ్చు...?
 
 మణికట్టుకు తగిలించుకునే ఐవాచ్‌తో ఫోన్ చేయడం ఒక్కటే ప్రయోజనం కాదు. ఇంకా చాలానే ఉన్నాయి. ఐఫోన్‌ను బయటకు తీయకుండానే అందులోని చాలా ఫీచర్లను పనిచేయించవచ్చు. ఇంకోలా చెప్పాలంటే స్మార్ట్‌ఫోన్లలోని ఆప్స్‌ను నేరుగా వాడుకునేందుకు వాచ్ దగ్గరి దారన్నమాట. ఫేస్‌బుక్, నైక్ + రన్నింగ్, షాజామ్, వీచాట్ వంటి అప్లికేషన్లు ఇప్పటికే అందుబాటులో ఉండగా మరిన్ని వచ్చి చేరనున్నాయి. ఇష్టమైన స్పోర్ట్స్ వార్తలను తెలుసుకోవడంతోపాటు, స్టాక్ ఎక్స్ఛేంజ్ ఒడిదుడుకులను కూడా ఎప్పటికప్పుడు స్క్రీన్‌పైనే చూసుకోవచ్చు.
  
 ఆపిల్ పే: గత ఏడాది అక్టోబర్‌లో ఈ సర్వీస్ ప్రారంభమైంది. ఇప్పటివరకూ అమెరికాలోని దాదాపు 2500 బ్యాంకులు ఈ ఫీచర్ ద్వారా ఆపిల్ వినియోగదారులు చెల్లింపులు జరిపేందుకు అంగీకరించాయి. దీంతోపాటు దాదాపు 40 వేల కోకో కోలా యంత్రాల ద్వారా సాఫ్ట్ డ్రింక్ కొనుగోలు చేసేందుకు కూడా ఒప్పందం కుదిరింది.  ఉబర్‌ట్యాక్సీని బుక్ చేసేందుకు, అమెరికన్ ఎయిర్‌లైన్స్ విమానాల్లో చెక్ ఇన్‌అయ్యేందుకు హనివెల్ లిరిక్ థెర్మోస్టాట్‌ను రిమోట్‌గా నియంత్రించేందుకు కూడా ఆపిల్ వాచ్ ఉపయోపడుతుంది. ఆపిల్ పే ఆప్‌ను మీ డెబిట్, క్రెడిట్‌కార్డుగా వాడుకోవచ్చు కూడా. ఏదైనా హోటల్‌కు వెళితే అక్కడ మనకు కేటాయించే రూమ్‌కు తాళంగా కూడా ఐ వాచ్‌ను వాడుకోవచ్చు.
  
  కంపాటబిలిటీ:
 
  ఐఓఎస్ 8.2 లేదా మరింత అధునాతనమైన ఆపరేటింగ్ సిస్టమ్‌లున్న ఐఫోన్ 5, 5సీ, ఐఫోన్ 5 ఎస్, ఐఫోన్ 6, 6+ ఫోన్లతో కలిసి పనిచేయగలదు ఐవాచ్.
  
 అదనంగా...
  
 కచ్చితమైన టైమ్.: యూనివర్సల్ టైమ్ స్టాండర్డ్‌ను కేవలం 50 మిల్లీసెకన్ల తేడా వరకూ కచ్చితంగా చూపేలా దీన్ని తయారు చేశారు. అయితే ఐఫోన్‌తో ఎంత తరచుగా సింక్ అవుతుందన్నదానిపై ఇది ఆధారపడి ఉంటుంది.
  
 
 టాప్టిక్ ఫ్యీడ్‌బ్యాక్
 
 సున్నితమైన టాప్‌తో రకరకాల ఫీచర్లను నియంత్రించగలగడం ఆపిల్ ఐవాచ్‌లోని ముఖ్యమైన ఫీచర్. స్క్రీన్‌పై చిన్నగా ముట్టుకుంటే చాలు.. కొత్త మెయిళ్ల నోటిఫికేషన్ కనిపిస్తుంది. అదేవిధంగా మ్యూజిక్ వాల్యూమ్, ఛానెల్స్, సాంగ్స్‌ను ఎంచుకునేందుకు, ఇన్‌స్టాగ్రామ్ ఫోటోలు పంపేందుకు, చూసేందుకు, కాల్స్ రిసీవ్ చేసుకునేందుకు, మాటలనే టెక్ట్స్ రూపంలో మెసేజ్‌గా పంపేందుకు కూడా ఈ హ్యాప్టిక్ ఫీడ్‌బ్యాక్ ఉపయోగపడుతుంది.
  
  రీసెర్చ్ కిట్:
 
 ఐవాచ్‌తోపాటు ఆపిల్ కంపెనీ సోమవారం రీసెర్చ్ కిట్ ఒకదాన్ని విడుదల చేసింది. మధుమేహం, గుండెజబ్బులు, పార్కిన్‌సన్స్, ఆస్తమా, బ్రెస్ట్ కేన్సర్లకు సంబంధించి నాణ్యమైన, విసృ్తత సమాచారం సేకరించేందుకు ఈ కిట్ పనికొస్తుందని అంచనా. వినియోగదారులు ఐవాచ్‌తోపాటు దీన్ని వాడాల్సి ఉంటుంది. అయితే భవిష్యత్తులో ఎవరైనా ఈ కిట్ తాలూకూ సాఫ్ట్‌వేర్‌ను వాడుకుని, ఆండ్రాయిడ్, విండోస్ ఫోన్లతో పనిచేయగల కిట్‌లను అభివృద్ధి చేయవచ్చు. శరీర బరువు, రక్తపోటు, రక్తంలో చక్కెరల మోతాదు వంటి అంశాలను గుర్తించగల హెల్త్‌కిట్‌ను ఆపిల్ ఇప్పటికే అభివృద్ధి చేసిన విషయం తెలిసిందే. రీసెర్చ్ కిట్ ఈ అప్లికేషన్‌తో కలిసి పనిచేస్తుందన్నమాట. వాచ్‌లో వాడే యాక్సిలరోమీటర్, మైక్రోఫోన్, గైరోస్కోప్, జీపీఎస్‌లను ఉపయోగించుకుంటూ వినియోగదారుడి నడక తీరు, కదలికలను గుర్తిస్తుంది. తదనుగుణంగా ఫిట్‌నెస్‌ను అంచనా వేస్తుంది. టచ్ స్క్రీన్‌ను ముట్టుకోవాల్సిన అవసరం లేకుండా, జూమ్ ఇన్, ఔట్‌ల కోసం, హోమ్ స్క్రీన్ కోసం డిజిటల్ బటన్
  
 ఐ వాచ్ వినియోగదారులను గుర్తించేందుకు, కనెక్ట్ అయ్యేందుకు ఫ్రెండ్స్ బటన్.  నీలం రాళ్ల స్ఫటికాలపై ఏర్పాటు చేసిన తెర  సున్నితమైన స్పర్శను, పీడనాన్ని గుర్తించి తదనుగుణంగా  పనిచేస్తుంది. ఇన్ఫ్రారెడ్ ఎల్‌ఈడీ సెన్సర్లు గుండెచప్పుడును గుర్తించగలవు. వ్యాయామం, నడక, నిలుచుని ఉన్న సమయాలను కూడా లెక్కగట్టి చెబుతాయీ సెన్సర్లు
  
  


 క్యుపర్టినో, కాలిఫోర్నియా: టెక్ దిగ్గజం యాపిల్ తాజాగా అత్యాధునిక ఫీచర్స్‌తో స్మార్ట్‌వాచ్‌ను ఆవిష్కరించింది.  ఫోన్ కాల్స్ రిసీవ్ చేసుకునేందుకు ఇందులోనే బిల్ట్‌ఇన్ స్పీకర్, మైక్రోఫోన్ ఉన్నాయి. అలాగే, ఫిట్‌నెస్‌ను ట్రాక్ చేసేందుకు, వ్యాయామాలను సూచించేందుకు వర్కవుట్ యాప్ కూడా ఉంటుంది. స్టెయిన్‌లెస్ స్టీల్, అల్యూమినియం, 18 క్యారట్ గోల్డ్ కేస్‌లతో ఈ వాచీలు లభ్యమవుతాయి.గోల్డ్ వాచ్ ధర 10,000 డాలర్ల నుంచి మొదలవుతుంది.
 
 ఇక స్టెయిన్‌లెస్ స్టీల్ వాచ్ రేటు 549-1099 డాలర్ల వరకూ ఉంటుంది. వాచ్ ‘స్పోర్ట్’ ధర 349-399 డాలర్లుగా కంపెనీ నిర్ణయించింది. వీటి విక్రయాలకు మొదట 9 తొమ్మిది దేశాల్లో ఏప్రిల్ 10 నుంచి ముందస్తు బుకింగ్స్ మొదలవుతాయి.


 ⇒ స్మార్ట్‌వాచ్ 3 @ రూ.19,990
 ⇒స్మార్ట్‌బాండ్ టాక్ @ రూ.12,990
 న్యూఢిల్లీ: సోనీ కంపెనీ రెండు స్మార్ట్ వేరబుల్స్... స్మార్ట్‌వాచ్ 3, స్మార్ట్‌బాండ్ టాక్‌లను భారత మార్కెట్లోకి విడుదల చేసింది. ఆండ్రాయిడ్ వేర్‌లో తాజా అప్‌డేట్స్‌తో రూపొందించిన ఈ తొలి స్మార్ట్‌వాచ్ 3 ధర రూ.19,990 అని సోనీ కంపెనీ పేర్కొంది. ఈ వాటర్ ప్రూఫ్ స్మార్ట్‌వాచ్‌లో 1.6 అంగుళాల ట్రాన్స్‌ఫ్లెక్టివ్ డిస్‌ప్లే(ప్రకాశవంతమైన పగటి వెలుతురులో కూడా స్పష్టంగా చూడవచ్చు), 4 జీబీ ఇంటర్నల్ మెమరీ, బిల్టిన్ మైక్రోఫోన్, యాక్సిలెరో మీటర్, కాంపాస్, గైరో, జీపీఎస్ సెన్సర్ వంటి ఫీచర్లున్నాయని వివరించింది. స్మార్ట్‌బాండ్ టాక్‌ను బిల్టిన్ మైక్రోఫోన్, స్పీకర్లతో రూపొందించామని, ధర రూ.12,990గా పేర్కొంది. దీనిలో హెచ్‌డీ వాయిస్ సపోర్ట్,  వాయిస్ కంట్రోల్ 1 టెక్నాలజీ తదితర ఫీచర్లున్నాయని  తెలిపింది.


 ‘విండోస్’ ను వేరబుల్ గాడ్జెట్స్‌కు కూడా అందుబాటులో ఉంచుతామని మైక్రోసాఫ్ట్ ప్రకటించిన నేపథ్యంలో ‘మైక్రోసాఫ్ట్ స్మార్ట్‌వాచ్’ కచ్చితంగా వస్తుందని టెక్ పండితులు అంచనా వేస్తున్నారు. మైక్రోసాప్ట్ సొంతంగా స్మార్ట్‌వాచ్‌ను తయారు చేయకపోయినా... విండోస్ ఆపరేటింగ్ సిస్టమ్ మీద ఆధారపడి పనిచేసే స్మార్ట్‌వాచ్ అందుబాటులోకి రావడం మాత్రం ఖాయమని అంచనా వేస్తున్నారు. ఇటువంటి నేపథ్యంలో ఈ విండోస్ స్మార్ట్‌వాచ్ ఎలా ఉంటుంది? ఎలాంటి ఫీచర్లు ఉండబోతున్నాయి.. అనే విషయం గురించి ఆన్‌లైన్‌లో గాసిప్స్ మొదలయ్యాయి. ప్రస్తుతం ప్రపంచం స్మార్ట్‌వాచ్‌ల కోసం ఎదురుచూస్తున్న పరిణామాల మధ్య విండోస్ స్మార్ట్‌వాచ్ కాన్సెప్ట్ ఒకటి సచిత్రరూపంలో ఆసక్తికరంగా మారింది. నెటిజన్లను అమితంగా ఆకట్టుకొంటున్న విండోస్‌స్మార్ట్‌వాచ్ కాన్సెప్ట్ ఇదే...
  
  వాచ్‌ఫేస్: అన్నివాచ్‌లలాగానే టైమ్, తేదీ చూసుకోవడానికి అనుగుణంగా ఉంటుంది.
  
  బ్యాక్‌గ్రౌండ్: సెల్‌ఫోన్‌లో వాల్‌పేపర్ మార్చుకొన్నట్టుగానే ఈ స్మార్ట్‌వాచ్‌లో కూడా బ్యాక్‌గ్రౌండ్‌మార్చుకోవడానికి అవకాశం ఉంటుంది.
  
  ఆజ్ఞలు పాటిస్తుంది: ఈ స్మార్ట్‌వాచ్ పిలిస్తే పలుకుతుంది. ఒక ‘హాట్‌వర్డ్’ ను సెట్ చేసుకొంటే అది వినిపించినప్పుడల్లా స్పందిస్తుంది. మీ ఆజ్ఞలను పాటిస్తుంది.
  
  స్పర్శతెర: స్పర్శకు కూడా స్పందిస్తుంది. స్వైపింగ్ ద్వారా తెరలను మార్చుకోవచ్చు.
  
  నోటిఫికేషన్‌లు పంపిస్తుంది: కీలకమైన విషయం ఏమిటంటే.. ఇది స్మార్ట్‌ఫోన్‌కు రిమోట్‌లా ఉంటుంది. మొబైల్‌తో కనెక్ట్ అయ్యి ఉంటుంది. దానికి వచ్చే మెసేజ్‌ల గురించి అప్‌డేట్స్ ఇస్తుంది. జేబులోంచి ఫోన్ తీయకుండానే చేతికి కట్టిన ఈ స్మార్ట్‌వాచ్ ద్వారా ఫోన్‌ను ఆపరేట్ చేయవచ్చు.
  
  మెసేజ్‌లు చదువుకోవచ్చు: ఈ స్మార్ట్‌ఫోన్ తెరపై ఫోన్‌కు వచ్చిన టెక్ట్స్ మెసేజ్‌లు డిస్‌ప్లే అవుతాయి.
  
  టెక్ట్స్‌ను స్పీచ్‌గా మారుస్తుంది: మెసేజ్‌ను చదివి వినిపిస్తుంది.
  
  వాతావరణ వివరాలు, న్యావిగేషన్, మ్యూజిక్ ప్లేయర్‌లా ఉపయోగపడుతుంది.
  


 ఈ ప్రపంచంలో ‘ఐ ఫోన్ వాడకం దార్లు’అనే ప్రత్యేకమైన తరగతిని సృష్టించిన సంస్థ యాపిల్. ఐఫోన్ వాడటం అనేది ఒక హోదా. ఒక డిగ్నిటీ. ఒక మనస్తత్వం. మరి మార్కెట్‌లో ఇలాంటి గుర్తింపును సంపాదించుకొన్న యాపిల్ కంపెనీ ఇప్పుడు స్మార్ట్‌వాచ్‌తో పలకరించబోతోంది. మొబైల్‌ను స్మార్ట్‌ఫోన్‌గా మార్చేసి, ఇప్పుడు వాచ్‌ను కూడా మరింత స్మార్ట్‌గా తీర్చిదిద్దడానికి రెడీ అయ్యింది.
  
 దాదాపు ఏడాది నుంచి మార్కెట్‌లో స్మార్ట్‌వాచ్‌లు సందడి చేస్తున్నాయి. శామ్‌సంగ్ గెలాక్సీ గేర్, సోనీ స్మార్ట్‌వాచ్‌లు అందుబాటులోకి వచ్చాయి. అయితే అందుబాటులో ఉన్న వీటి కన్నా, యాపిల్ కంపెనీ రూపొందిస్తున్నానని ప్రకటించిన స్మార్ట్‌వాచ్ గురించే జనాలు ఎక్కువగా ఆలోచిస్తున్నారు. ఎప్పుడు విడుదల అవుతుందా.. అని ఆసక్తితో ఎదురుచూస్తున్నారు.
  
 ఇప్పటివరకూ ఈ స్మార్ట్‌వాచ్ గురించి కానీ, దాని కాన్సెప్ట్ గురించి గానీ యాపిల్ కంపెనీ అధికారికంగా స్పందించింది లేదు. యాపిల్ ఉద్యోగులు కూడా ఆఫ్ ది రికార్డ్‌గా స్మార్ట్‌వాచ్ గురించి మాట్లాడింది లేదు. వాళ్లంతా చాలా గుంభనంగా పనిచేసుకొంటూ వెళుతున్నారు. వాళ్ల గోప్యతను చూస్తే అసలు ఐ స్మార్ట్‌వాచ్ రూపొందుతోందా! లేదా! అనే సందేహం కూడా వచ్చింది. అయితే యాపిల్ సీఈవో టీమ్‌కుక్ స్మార్ట్‌వాచ్‌ను ధ్రువీకరించాడు. ఈ యేడాది చివరకల్లా అది అందుబాటులోకి వచ్చే అవకాశం ఉందనేది ఆయన మాటల సారాన్ని బట్టి అర్థం చేసుకోవచ్చు!
  
 వార్తాసంస్థ ‘రాయిటర్స్’ ఇచ్చే సమాచారాన్ని బట్టి ఐవాచ్‌కు సంబంధించి డిజైన్ దాదాపు పూర్తి అయ్యింది. వచ్చే నెల నుంచి తైవాన్‌లో వీటి ప్రొడక్షన్ మొదలుకానుంది. అక్టోబర్ కళ్లా మార్కెట్‌లోకి వచ్చే అవకాశం ఉంది.
  
 దీర్ఘచతురస్రాకారంలో ఉండే డిస్‌ప్లే 2.5 ఇంచెస్ డయాగ్నల్(కర్ణం)తో ఉంటుందనేది ఊహాగానం.
      
 ఐ వాచ్‌కు వైర్‌లెస్‌చార్జింగ్‌కు సదుపాయం ఉంటుంది.
      
 ఈ వేరబుల్ టెక్నాలజీ విషయంలో యాపిల్ కంపెనీ నైక్ సహకారం కూడా తీసుకొందని తెలుస్తోంది.
      
 ధర విషయంలో మాత్రం ఇంతవరకూ ఎలాంటి క్లారిటీ లేదు. మరి ధర విషయంలో అంచనాలను పరిశీలించినట్లైతే.. లైట్ వెయిల్ స్మార్ట్ వాచ్ ధర ప్రస్తుతం దాదాపు 150 పౌండ్లు ఉంటుంది. సెప్టెంబర్‌లో విడుదల కానున్న సోనీ స్మార్ట్ వాచ్-2 కూడా దాదాపు ఇదే ధరలో అందుబాటులోకి రానుంది.
  అయితే ఇతర కంపెనీలతో పోలిస్తే యాపిల్ ధర స్థాయి ఎక్కువే. మరి ఈ రకంగా అంచనా వేస్తే యాపిల్ స్మార్ట్ వాచ్ ధర 180 పౌండ్ల నుంచి 220 పౌండ్ల వరకూ ఉండవచ్చు.
      
 ఇక యాపిల్ కంపెనీలో ఎలాంటి రిక్రూట్‌మెంట్లు జరుగుతున్నాయి. ఎవరిని హైర్ చేస్తోంది... వంటి అంశాలను బట్టి కూడా స్మార్ట్ వాచ్ గురించి అనేక విశ్లేషణలు వినిపిస్తున్నాయి.
  


 టెక్నాలజీతోపాటు స్మార్ట్‌వాచ్‌లు.. వాటిలో ఆప్షన్లూ వేగంగా మారిపోతున్నాయి. కొత్త హంగులతో ఊరించే స్మార్ట్‌వాచ్‌లు వచ్చినప్పుడల్లా ప్రతి దానినీ కొనలేక ఇకపై నిరాశ చెందాల్సిన పనిలేదు. స్మార్ట్‌వాచ్‌లో ఎప్పటికప్పుడు కావలసిన మార్పులు చేసుకునేందుకు వీలయ్యే ‘బ్లాక్స్ మాడ్యులార్ స్మార్ట్‌వాచ్’లు త్వరలోనే రానున్నాయి మరి.
 
 ఎవరికి నచ్చిన రీతిలో వారు స్మార్ట్‌ఫోన్‌ను తయారుచేసుకునేలా విడిభాగాలను రూపొందించేందుకు గూగుల్ కంపెనీ ‘ప్రాజెక్ట్ ఆరా’ మొదలుపెట్టింది కదా. ఇదీ అలాంటిదే. మాడ్యులార్ పరికరాలు అంటే.. మూల పరికరంలో మార్పులు చేయకుండా విడి భాగాలను మార్చుకుని ఉపయోగించుకునేందుకు వీలయ్యేవన్నమాట. ఉదాహరణకు.. మీ స్మార్ట్‌వాచ్‌లో మెయిల్ చెకింగ్, వాయిస్ కమాండ్స్, నావిగేషన్ వంటి కొన్ని ఆప్షన్లే ఉన్నాయనుకోండి. మరిన్ని ఆప్షన్లు కావాలనీ ఉందనుకోండి. కొత్త బ్లాక్స్‌ను మాత్రమే జతచేస్తే చాలు.. స్మార్ట్‌వాచ్ మాడిఫికేషన్ అయిపోయినట్టే. అంటే స్మార్ట్‌వాచ్‌ను మార్చకుండానే కొత్త టెక్కులు సొంతం చేసుకోవచ్చన్నమాట. అవసరాన్ని బట్టి.. నాన్ టచ్ ఎల్‌ఈడీ స్క్రీన్, గుండె రేటు, ఆక్సీజన్‌ను పర్యవేక్షించే సెన్సర్లు, టచ్‌స్క్రీన్, 8 ఎంపీ కెమెరా, సిమ్‌కార్డు, జీపీఎస్ రేడియో, ఈ-ఇంక్ స్క్రీన్, ఎక్స్‌ట్రా బ్యాటరీలనూ కొనుక్కోవచ్చు. ప్రస్తుతం స్మార్ట్‌వాచ్‌లలో కొన్ని ఆప్షన్లు మాత్రమే ఉన్నాయి. అదే మాడ్యులార్ స్మార్ట్‌వాచ్ ఉంటే అన్ని ఆప్షన్లూ సాధ్యమే. ఇది ఓపెన్ ప్లాట్‌ఫామ్‌పై ఉంటుంది కాబట్టి.. ఏ ఒక్క కంపెనీ ఆధిపత్యమూ ఉండదు. ఆ కంపెనీ హార్డ్‌వేర్ లేదా సాఫ్ట్‌వేర్‌లనే వాడాల్సిన అవసర ం అసలే ఉండదు. వచ్చే ఏడాది మధ్యనాటికి ఈ స్మార్ట్‌వాచ్‌లు మార్కెట్లోకి రానున్నాయి.
  
  


 వాషింగ్టన్: పిల్లల కిడ్నాప్‌లు, వారిపై నేరాలు పెచ్చుమీరుతున్న ప్రస్తుత తరుణంలో.. వారెక్కడున్నారో ఎప్పటికప్పుడు తెలుసుకునే వీలుంటే బావుండుననే ఆలోచన ప్రతీ తల్లిదండ్రులకు ఏదోఒక సమయంలో వచ్చే ఉంటుంది. ఆ ఆలోచనకనుగుణమైన ఒక స్మార్ట్‌వాచ్‌ను అమెరికాలో రూపొందించారు.
 ఈ జీపీఎస్ ఆధారిత గడియారం ‘ఫిలిప్’ అనే ఒక యాప్(అప్లికేషన్) ద్వారా వారి తల్లిదండ్రుల స్మార్ట్‌ఫోన్‌కు అనుసంధానమై ఉంటుంది. పిల్లలు సాధారణంగా ఎక్కువ సమయం గడిపే ఇల్లు, పాఠశాలలు మొదలైన ప్రాంతాలను సేఫ్ జోన్లుగా ఆ వాచ్, ఫోన్‌లలో స్టోర్ చేసుకోవాల్సి ఉంటుంది. ఆ సేఫ్ జోన్‌లోంచి పిల్లలు బయటకు వెళ్లిన మరుక్షణం ఆ సమాచారం తల్లిదండ్రుల స్మార్ట్‌ఫోన్‌కు తెలిసిపోతుంది. వెంటనే వారు ఆ పిల్లలకు ఫోన్ చేయడం కానీ, మెసేజ్ చేయడం కానీ చేయొచ్చు. అలాగే, ఎమర్జెన్సీ పరిస్థితుల్లో వాచ్‌లోని రెడ్ బటన్‌ను పిల్లలు నొక్కిపట్టుకుంటే.. తక్షణమే వాచ్‌నుంచి సంబంధీకులకు ఫోన్ వెళ్తుంది. వారెక్కడున్నారనే సమాచారమూ తెలుస్తుంది. అలా ఐదుగురి నెంబర్లను ఆ వాచ్‌లో ఫీడ్ చేయొచ్చు.
  


 కేవలం టైమ్, డేట్ చూసుకోవడానికి మాత్రమే పనికొచ్చే ‘వాచ్’ లు ‘స్మార్ట్‌వాచ్’లుగా మారి వావ్ అనిపిస్తున్నాయి. మొబైల్‌ఫోన్‌లు, కంప్యూటర్‌లు, ల్యాప్‌టాప్, టాబ్లెట్, ఫోబ్లెట్‌ల తుఫానుల తర్వాత  టెక్, కన్స్యూమర్ ఎలక్ట్రానిక్స్ ప్రపంచంలో కొత్త తుఫానును సృష్టించే బాధ్యతను తీసుకొన్నాయి.  అందుబాటులో ఉన్నవి, అందుబాటులోకి రాబోతున్నవిగా స్మార్ట్‌వాచ్‌లు ఆసక్తిని రేపుతున్నాయి. పాత ఓఎస్‌లపైనే కొత్త కొత్త ఫీచర్లతో ఆకట్టుకొంటున్నాయి. ‘వాచ్’లకు ఉన్న అర్థాన్ని మార్చేస్తున్నాయి.  
   మొబైల్‌గా అందుబాటులోకి వచ్చిన ఫోన్ ‘స్మార్ట్‌ఫోన్’అయ్యింది. స్మార్ట్‌ఫోన్ కోసం అందుబాటులోకి వచ్చిన సాఫ్ట్‌వేర్‌లు వాచ్‌లను స్మార్ట్‌గా మారుస్తున్నాయి. ఆండ్రాయిడ్, ఐ ఓఎస్‌లపై పనిచేసే వాచ్‌లు సరికొత్త ఫీచర్లతో, సరికొత్త మోడళ్లలో అందుబాటులోకి వస్తున్నాయి.  స్మార్ట్‌ఫోన్‌కు తీసిపోని రీతిలో అప్లికేషన్లను సపోర్ట్ చేస్తున్నాయి. ‘వాచ్’లను కట్టుకోవడం అందరికీ ఉండే అలవాటు కాదు అనే భావన ఉన్న మన దగ్గర స్మార్ట్‌వాచ్ మార్కెట్ కాస్తంత తక్కువే. అయినా ఆండ్రాయిడ్, ఐ ఓఎస్‌లపై  ఆకర్షణలో ఉన్న  నేపథ్యంలో... స్మార్ట్‌వాచ్‌లు కూడా ఆకట్టుకొనేవిగా మారాయి.
  
  స్మార్ట్‌గా వచ్చిన శామ్‌సంగ్:
  
  దాదాపు రెండు నెలల కిందట అధికారికంగా విడుదల అయ్యింది శామ్‌సంగ్ స్మార్ట్ వాచ్. శామ్‌సంగ్ గెలాక్సీ గేర్ పేరుతో ఈ స్మార్ట్‌వాచ్ భారత మార్కెట్‌లో కూడా అందుబాటులో ఉంది, ధర దాదాపు 23 వేల రూపాయలు. దాదాపు 70 ఇంటర్నల్ అప్లికేషన్స్ ఉంటాయి ఈ స్మార్ట్‌వాచ్‌లో. 4.14 సెంటీమీటర్ల ఓఎల్‌ఈడీ డిస్‌ప్లేతో ఉండే ఈ వాచ్‌లో వీడియోల వీక్షణకు, ఫోన్ కాలింగ్,   1.9 ఎమ్‌పీ కెమెరాతో వీడియో రికార్డింగ్, ఫొటోలు తీసుకోవడానికి అవకాశం ఉంటుంది. ఇది వరకే మార్కెట్‌లోకి వచ్చిన గెలాక్సీ నోట్ 3,  త్వరలో మార్కెట్‌లోకి రాబోయే గెలాక్సీ నోట్ 10.01లలో ఉండే ‘ఎస్ వాయిస్’ అనే అప్లికేషన్ ఈ స్మార్ట్‌వాచ్‌లో ఉంటుంది.  దాదాపు 27 గంటల బ్యాటరీ బ్యాకప్‌ను అందిస్తుంది. ఆండ్రాయిడ్‌పై పనిచేసే యాప్స్ ఉన్నప్పటికీ... అంత స్టైలిష్‌గా ఉండదనేది ఈ స్మార్ట్‌వాచ్ విషయంలో ఉన్న కంప్లైంట్. అలాగే   స్మార్ట్‌వాచ్ డిస్‌ప్లే మరీ చిన్నదిగా ఉండటం నెగిటివ్ పాయింట్ అవుతోంది. మెసేజ్‌లు చదువుకోవడానికి కంఫర్ట్‌గా ఉండదనే భావనతో చాలా మంది ఈ స్మార్ట్ వాచ్ విషయంలో వెనుకడుగు వేస్తున్నారు. కేవలం శామ్‌సంగ్ స్మార్ట్ వాచ్ విషయంలోనే కాకుండా.. మొత్తంగా ‘స్మార్ట్ వాచ్’ మార్కెట్‌నే ప్రభావితం చేస్తోంది డిస్‌ప్లే.
  
  సోనీ కూడా స్మార్ట్‌గా వచ్చింది:  
  
  సోనీ స్మార్ట్‌వాచ్, సోనీ స్మార్ట్‌వాచ్2లు మార్కెట్‌లో లభ్యమవుతున్నాయి. ఇవి ‘సెకెండ్ స్క్రీన్ ఆఫ్ యువర్ ఆండ్రాయిడ్’ ఫోన్స్‌గా పేరు పొందాయి. అంటే ఇవి ఫోన్‌కు రిమోట్ కంట్రోల్ లాంటివి. ఫోన్ దూరంగా ఉన్నపుడు, అందుబాటులో లేనప్పుడు దానికి వచ్చే కాల్స్, మెసేజెస్, మెయిల్స్ అన్నింటినీ ఈ స్మార్ట్‌వాచ్ ద్వారా రిసీవ్ చేసుకోవడానికి అవకాశం ఉంటుంది. స్మార్ట్ కనెక్ట్ ద్వారా మొబైల్‌ఫోన్, స్మార్ట్‌వాచ్‌కు బంధాన్ని ఏర్పరచవచ్చు. వీటి ద్వారా ఆండ్రాయిడ్ ఫోన్‌లను ఆపరేట్  చేయడానికి అవకాశం ఉంటుంది. స్మార్ట్‌ఫోన్ చేతిలో లేకపోయినా.. దానికి ఎంత దూరంలో ఉన్నా.. దాన్ని మానిటర్ చేయడానికి ఉపయోపడుతుంది సోనీస్మార్ట్ వాచ్. సోనీ స్మార్ట్‌వాచ్-2 కూడా అంతే. ఇది వాటర్ రెసిస్టెంట్.  
  
  మోటో యాక్టివ్: మోటోరోలా స్మార్ట్‌ఫోన్‌లకు కనెక్ట్ చేసుకోవచ్చు. ఫోన్‌లను రిసీవ్ చేసుకోవడం, మెయిల్స్, మెసేజెస్ చదువుకోవడం చేయవచ్చు. మ్యూజిక్ ప్లేయర్, ఎఫ్‌ఎమ్ రేడియో వంటి ఫీచర్లు ఉంటాయి. ఆండ్రాయిడ్ ఓఎస్‌పై పనిచేస్తుంది.
  పెబ్బెల్ వాచ్: ఏడు రోజుల బ్యాటరీ లైఫ్‌ను ఇస్తుంది. డే లైట్‌లో కూడా దీని డిస్‌ప్లేను వీక్షించడానికి అవకాశం ఉంది. బ్లూటూత్ ద్వారా స్మార్ట్‌ఫోన్‌కు కనెక్ట్ అయ్యే ఈ స్మార్ట్‌వాచ్ సైక్లిస్ట్‌లకు బాగా ఉపయోగకరమైనది. స్మార్ట్‌ఫోన్‌ను కంట్రోల్ చేయడానికి ఉపయోపగపడుతుంది. ఐ ట్యూన్‌తో యాక్సెస్ ఉంటుంది.
  
  ఐ’మ్ వాచ్: 1.2 ఇంచెస్ ఎల్‌సీడీ డిస్‌ప్లేతో, 400 ఎమ్‌హెచ్‌జెడ్ సింగిల్ కోర్ ప్రాసెసర్‌తో, 4 గిగా బైట్స్ ఫ్లాష్ స్టోరేజ్‌తో ఈ స్మార్ట్‌వాచ్ అందుబాటులో ఉంది. ఆండ్రాయిడ్, ఐఓఎస్ స్మార్ట్‌ఫోన్‌లకు కనెక్టర్‌గా పనిచేస్తుంది.
  
  మెటావాచ్:  ప్రస్తుతం కిక్‌స్టార్టర్ దశలో ఉంది. రెండు రకాల స్మార్ట్‌వాచ్‌లను రూపొందిస్తోంది మెటావాచ్ కంపెనీ. ఆండ్రాయిడ్, ఐఓఎస్ కోసం వీటిని రూపొందిస్తున్నారు.
  
  మణికట్టు మాయాజాలం గురించి అంతా మిస్టరీనే!
  
  ఇప్పటికే కొన్ని స్మార్ట్‌వాచ్‌లు మార్కెట్‌లో అందుబాటులో ఉన్నాయి. మరి కొన్ని ప్రముఖ కంపెనీలు స్మార్ట్‌వాచ్‌ను రూపొందించే పనిలో ఉన్నామని ప్రకటించాయి. అయితే ఎవరెన్ని చెప్పినా ‘ఆపిల్’ నుంచి వచ్చే గాడ్జెట్ పైనే అందరి దృష్టి నెలకొంది. ఆపిల్ కంపెనీ ‘ఐ వాచ్’ను రూపొందిస్తోందన్న వార్తలు అందరి దృష్టినీ అటువైపు మళ్లించాయి.  ‘ఐ వాచ్’లో ఉంటే సదుపాయాలు, ఫీచర్ల గురించి రూమర్లే, రూమర్లు. ‘ఐ వాచ్ ఎప్పుడు రిలీజ్ అవుతుంది?’ ‘ఎప్పుడు అందుబాటులోకి వస్తుంది?’ ‘ఐ వాచ్ గురించి ఆపిల్ ఎప్పుడు ప్రకటిస్తుంది?’  మొదలైన విషయాల గురించి నెట్‌లో బోలెడు పుకార్లు షికారు చేస్తున్నాయి. ఇందుకు తగ్గట్టుగా ‘ఆపిల్’ భవిష్యత్తును ‘ఐ వాచ్’ నిర్దేశిస్తుందని ఆ కంపెనీ వారే ప్రకటించడం ఈ వేరబుల్ గాడ్జెట్ గురించి అంచనాలను రెట్టింపు చేస్తోంది.
  
   2013లోనే ‘ఐ వాచ్’ అందుబాటులోకి వస్తుందన్నారంతా. అయితే ఈ ఏడాదిలో కూడా అది వచ్చే అవకాశం లేదు అంటున్నారు. 2014 లేదా 2015లోగానీ  ఐ వాచ్ అందుబాటులోకి రానుందని అంటున్నారు. ఐ వాచ్ అనేది సౌకర్యం, సదుపాయం కోసమో కాదని.. అది ధరించిన వారి జీవనశైలినే మార్చేసేంత  ప్రభావాన్ని చూపగలదని టెక్ పండితులు అభిప్రాయపడుతున్నారు. ఐఫోన్, ఐ ప్యాడ్‌లు ఒక ఎత్తు అయితే ఐ వాచ్ మాత్రం మరో ఎత్తు అని  ఊరిస్తున్నారు. ధర విషయానికి వస్తే ఐఫోన్ 150 డాలర్లకే అందుబాటులోకి వస్తుందని కొందరు.. కాదు కాదు వెయ్యిడాలర్ల వరకూ ఉంటుందని మరికొందరు అంటున్నారు. ఈ విధంగా ఐ వాచ్ రూపంలోని మణికట్టు మాయాజాలం గురించిన సమాచారం అంతా మిస్టరీగానే ఉంది!
  
  ఆడవాళ్లకు స్పెషల్ స్టైల్?!
  
  వాచ్‌లను ధరించే విషయంలో ఆడవాళ్లకు, మగవాళ్లకు చాలా తేడాలున్నాయి. ఆడవాళ్లు  ఎడమ చేతికి, పురుషులు కుడి చేతికి వాచ్ కట్టాలి.. అనే అభిప్రాయం ఉంది. అయితే నేటి ‘యూనీ సెక్స్ థియరీ’ ప్రకారం ‘ఆడమగ తేడాలు ఎందుకు?’ అని అంటున్నాయి టెక్ జెయింట్ కంపెనీలు. లింగ వివక్ష లేని సమాజం కావాలి కాబట్టి.. ఈ వాచ్‌ల విషయంలో తేడాలు చూపడం అనవసరమని, స్టైల్, కంఫర్ట్‌లను బట్టి స్త్రీ పురుష తేడాలు లేకుండా ఎవరికి ఇష్టమైనవి వారు సెలెక్ట్ చేసుకోవచ్చని అంటున్నాయి. సోనీ కంపెనీ మాత్రం లేడీస్, జెంట్స్ అంటూ భిన్నమైన స్టైల్స్‌ను అందిస్తోంది.
  
  -జీవన్ రెడ్డి.బి