gopika

సాక్షి, అమరావతి : అనంతపురం జిల్లా రాప్తాడు జెడ్పీ ఉన్నత పాఠశాలలో పదో తరగతి విద్యార్థిని గోపికపై విద్యుత్‌ రంపంతో దాడి చేసిన నిందితుడు హేమంత్‌పై పోలీసులు కాల్పులు జరిగిన ఘటనపై సీబీఐ దర్యాప్తునకు ఆదేశించాలని కోరుతూ హైకోర్టులో ప్రజా ప్రయోజన వ్యాజ్యం (పిల్‌) దాఖలైంది. దీనిపై విచారణ జరిపిన హైకోర్టు.. రంపంతో దాడి చేసిన ఘటనపై నమోదు చేసిన కేసు పూర్తి వివరాలతో స్టేటస్‌ రిపోర్ట్‌ను తమ ముందుంచాలని రాష్ట్ర ప్రభుత్వాన్ని ఆదేశించింది. ఈ మేరకు ప్రధాన న్యాయమూర్తి (సీజే) జస్టిస్‌ లీసా గిల్, న్యాయమూర్తి జస్టిస్‌ చల్లా గుణరంజన్‌ ధర్మాసనం బుధవారం ఉత్తర్వులు జారీ చేసింది. అంతకు ముందు పిటిషనర్‌ తరఫు న్యాయవాది సాల్మన్‌ రాజు వాదనలు వినిపించారు. బాలికపై దాడి చేసిన తరువాత నిందితుడిని పోలీసులు ధర్మవరం పోలీస్‌ స్టేషన్‌ వద్ద పట్టుకున్నట్లు మీడియా రిపోర్టుల ద్వారా తెలిసిందని చెప్పారు. అయితే, నిందితుడు ఆత్మకూరు అడవుల్లో తలదాచుకున్నాడని, అతన్ని పట్టుకొనేందుకు వెళ్లిన పోలీసులపై దాడి చేయడంతో ఆత్మరక్షణ కోసం కాళ్లపై ఆరు రౌండ్లు కాల్పులు జరిపినట్లు అధికారులు చెబుతున్నారన్నారు. బాలిక ఆరోగ్య పరిస్థితి కూడా విషమంగానే ఉందన్నారు. ఈ పిల్‌ దాఖలు చేసిన పిటిషనర్‌తో పాటు వాదనలు వినిపిస్తున్న తనపైనా ఓ వర్గం మీడియా, సోషల్‌ మీడియాలో వ్యతిరేక కథనాలు ప్రచురిస్తున్నారని వివరించారు. మీడియా ట్రయల్‌ నిర్వహించకుండా ఆదేశాలు ఇవ్వాలని అభ్యర్థించారు. ధర్మాసనం స్పందిస్తూ.. దాడి ఘటనలో గాయపడిన బాలిక ఆరోగ్య పరిస్థితిపై ఆరా తీసింది. ఈ మొత్తం ఘటనపై పూర్తి వివరాలతో స్టేటస్‌ రిపోర్ట్‌ను తమ ముందుంచాలని ప్రభుత్వాన్ని ఆదేశించింది. తదుపరి విచారణను వాయిదా వేసింది.

అనంతపురం సిటీ: అనంతపురం జిల్లా రాప్తాడు జెడ్పీహెచ్‌ఎస్‌లో పదో తరగతి విద్యార్థినిపై ఎలక్ట్రిక్‌ రంపంతో దాడి చేసిన ఘటనలో నిందితుడు హేమంత్‌కు వైద్యులు శస్త్రచికిత్స చేసి కుడి తొడ వరకూ తొలగించారు. గత నెల 31న ఉదయం పాఠశాల తరగతి గదిలో ఉన్న పదో తరగతి విద్యార్థిని గోపికపై హేమంత్‌ పాశవికంగా దాడి చేసిన విషయం తెలిసిందే. అనంతరం పరారీలో ఉన్న హేమంత్‌ ఆచూకీని ఈ నెల 1న పోలీసులు పసిగట్టారు. ఆత్మకూరు అటవీ ప్రాంతంలో ఉన్నట్లుగా గుర్తించిన రాప్తాడు సీఐ వెంకటేష్, సిబ్బంది అదే రోజు రాత్రి అక్కడకు చేరుకోగా, వారి నుంచి తప్పించుకునే క్రమంలో సీఐపై హేమంత్‌ కత్తితో దాడి చేశారు. దీంతో సీఐ జరిపిన కాల్పుల్లో హేమంత్‌ రెండు కాళ్లలో తొడ భాగం నుంచి మోకాలి కింది భాగం వరకు బుల్లెట్లు దూసుకెళ్లాయి.అనంతరం పోలీసులు హేమంత్‌ను జీజీహెచ్‌కు తరలించారు. అయితే బుల్లెట్‌ గాయాల కారణంగా కుడి కాలుకు ఇన్‌ఫెక్షన్‌ సోకడంతో కండరాలు స్వా«దీనం కోల్పోయా­యి. రక్తప్రసరణ సక్రమంగా జరగకపోవడంతో తొడ భాగం నుంచి కాలు నల్లబారిపోయింది. వైద్య పరీక్షల అనంతరం ఆ కాలును తొలగించాల్సి ఉంటుందని వైద్యు­లు నిర్ధారించారు. ఈ క్రమంలో సోమవారం ఉదయం 11 గంటలకు శస్త్రచికిత్స చేసి కుడి కాలును తొలగించేందుకు వైద్యులు సిద్ధమయ్యారు. అయితే మత్తుకు హేమంత్‌ శారీరక పరిస్థితి సహకరించక పోవచ్చని అనస్తీషియా విభాగం వైద్యులు భావించడంతో ఒక రోజు ఆగాల్సి వచ్చింది. మంగళవారం తెల్లవారుజామున రెండున్నర గంటలకు పైగా శ్రమించి కుడి కాలు తొడ భాగం నుంచి పూర్తిగా తొలగించారు. ప్రస్తుతం హేమంత్‌ ఆరోగ్య పరిస్థితి నిలకడగా ఉందని వైద్యులు తెలిపారు. రెండు, మూడు రోజుల అబ్జర్వేషన్‌ తర్వాత ప్రిజనర్స్‌ వార్డుకు నిందితుడిని మార్చే అవకాశమున్నట్లు సమాచారం.

అనంతపురం ఎడ్యుకేషన్‌: అదో విద్యాలయం.. ఉదయం పది గంటల సమయం.. తరగతి గది అంతా నిశ్శబ్దం.. ఉపాధ్యాయిని పాఠం బోధిస్తోంది.. విద్యార్థులంతా చక్కగా వింటుంటే.. అంతలోనే నిశ్శబ్దంగా ఉన్న గదిలో ఒక్కసారిగా అలజడి... అందరూ ఉలిక్కి పడి వెనక్కి చూశారు.. కరెంటు రంపంతో తలుపును కోస్తున్నట్లు కనిపించింది.. విషయాన్ని తేలికగా తీసుకున్న విద్యార్థులు.. యధావిధిగా పాఠంలో పడిపోయారు..ఉన్నపళంగా ఒక్క ఉదుటన ఉన్మాది బాలికల వైపు దూసుకొచ్చాడు.. ఓ విద్యార్థినిపై దాడికి తెగబడ్డాడు.. ఏమైందో..ఏం జరుగుతోందో.. తేరుకునేలోపే రక్తం ధారల్లా చిమ్ముతోంది.. గది అంతా హాహాకారాలు.. ఆర్తనాదాలు.. అంతలోనే సాహసలక్ష్మిగా వీరోచితంగా తిరగబడింది.. తోటి స్నేహితురాలిపై ఉన్మాది దాడిని ప్రతిఘటించింది.. అడ్డుకోయిన ఆమెపైనా దాడికి తెగబడ్డాడు.. రక్తపుమడుగులో నిస్సహాయంగా పడి ఉన్న బాలికను చూసి.. ఉన్మాది అక్కడి నుంచి ఉడాయించాడు.. ప్రశాంతంగా ఉన్న పాఠశాలలో జరిగిన ఈ ఘాతుకం.. దావానంలా వ్యాపించింది.. భయానికి తలవంచని బాలిక తెగువ.. మానవత్వం, ఆమె సాహసాన్ని ఎందరో ప్రశంసిస్తున్నారు. చదువుల తల్లి..భీతిల్లేలా జరిగిన భయానక ఘటన నేటికీ వెంటాడుతోంది. ఇద్దరిదీ విడదీయలేని స్నేహం రాప్తాడు మండలం అయ్యవారిపల్లికి చెందిన వెంకటరాముడు, నరసమ్మ దంపతుల కుమార్తె గోపిక, రాప్తాడు నాగరాజు, రమాదేవి దంపతుల కుమార్తె లక్ష్మి ఇద్దరూ ఆరోతరగతి నుంచి స్నేహంగా మెలుగుతున్నారు. పాఠశాలలోనూ పక్కపక్కనే కూర్చునేవారు. ప్రతి విషయాన్ని ఒకరితో ఒకరు పంచుకునేవారు. ఇద్దరి మధ్య ఎంతో ఆత్మీయత ఉంది. అందుకే కళ్ల ముందే ప్రాణస్నేహితురాలిపై దాడి జరుగుతుంటే లక్ష్మీ తట్టుకోలేకపోయింది. ప్రాణభయంతో పరుగులు.. ఉన్మాది తరగతి గదిలోకి ఎలక్ట్రిక్‌ రంపంతో చొరబడి తలుపును కట్‌ చేసిన అనంతరం నేరుగా గోపిక వద్దకు వెళ్లి ఆమె మెడపై దాడి చేశాడు. అనుకోకుండా జరిగిన ఈ ఘటనతో తరగతి గదిలోని విద్యార్థులంతా భయంతో బయటకు పరుగులు తీశారు. ఉపాధ్యాయిని కూడా అక్కడి నుంచి వెళ్లిపోయారు. కానీ, స్నేహితురాలు లక్ష్మి మాత్రం తన ప్రాణాన్ని పణంగా పెట్టి ఉన్మాది దాడిని అడ్డుకుంది. స్నేహితురాలి ప్రాణాలను కాపాడాలన్న ఆరాటంతో దుండగుడి దాడిని అడ్డుకునేందుకు వీరోచితంగా యత్నించింది. స్నేహితురాలిని కాపాడబోయి.. తన దాడిని అడ్డుకునేందుకు యత్నించిన లక్ష్మిపై కూడా ఆగ్రహంతో ఉన్మాది రంపంతో దాడి చేశాడు. దీంతో ఆమె కూడా గాయపడింది. ప్రస్తుతం ఆస్పత్రిలో చికిత్స పొందుతోంది. ప్రాణభయంతో ఎవరూ సాహసం చేసి ముందుకు వెళ్లలేని ఘటన.. అయినా ఆ బాలిక వెనక్కి తగ్గకుండా తన స్నేహితురాలి ప్రాణాలు కాపాడేందుకు తన ప్రాణాలను సైతం లెక్కచేయకుండా ఎదురొడ్డి నిలవడం అందరినీ ఆశ్చర్యపరుస్తోంది. తనకేమవుతుందోనన్న ఆలోచన కంటే స్నేహితురాలి ప్రాణాలను కాపాడాలన్న తపనే ఆ సమయంలో లక్ష్మిలో కనిపించింది. ఇదీ చ‌ద‌వండి: రంపాలు మొలుస్తాయిస్నేహానికి నిదర్శనం.. సమాజానికి స్ఫూర్తి సాధారణంగా ప్రమాదం ఎదురైనప్పుడు ప్రాణభయంతో మనుషులు తమను తాము కాపాడుకునేందుకు ప్రయత్నిస్తారు. అలాంటిది ఓ పాఠశాలలో కళ్ల ముందే స్నేహితురాలిపై రంపంతో దాడి జరుగుతుంటే అందరూ భయంతో పరుగులు తీసిన వేళ.. లక్ష్మీ మాత్రం తన ప్రాణాలను పణంగా పెట్టి అడ్డుకునేందుకు యత్నించింది. ఆమె చేసింది సాహసం మాత్రమే కాదు.. స్నేహానికి, ఆత్మీయతకు, తోటి బాలిక పట్ల బాధ్యతకు నిలువెత్తు నిదర్శనం. జీజీహెచ్‌లో లక్ష్మీ శస్త్రచికిత్స విజయవంతంఅనంతపురం సిటీ: రాప్తాడులో ఉన్మాది హేమంత్‌ రంపం దాడిలో తీవ్రంగా గాయపడిన లక్ష్మీకి అనంతపురం జీజీహెచ్‌ ఆర్థో విభాగం వైద్యులు సోమవారం శస్త్రచికిత్స చేశారు. రాప్తాడు పాఠశాల విద్యార్థిని గోపికపై హేమంత్‌ దాడి చేస్తున్న సమయంలో లక్ష్మీ ధైర్యంగా ఎదుర్కొన్న విషయం విదితమే. హేమంత్‌ దాడిని అడ్డుకునే క్రమంలో ఎలక్ట్రిక్‌ రంపం తగిలి లక్ష్మీ కాళ్లకు లోతైన గాయాలయ్యాయి. ఘటన అనంతరం జీజీహెచ్‌లో అడ్మిషన్‌లో ఉన్న లక్ష్మీకి సోమవారం ఉదయం ఆర్థో విభాగం అసోసియేట్‌ ప్రొఫెసర్‌ బీఎండీ గౌస్‌ నేతృత్వంలో అనస్థీషియా డాక్టర్‌ మధుసూదన్, అసోసియేట్‌ ప్రొఫెసర్‌ డాక్టర్‌ నాగరాజు నాయక్, డాక్టర్‌ సౌజన్య, ఆర్థో, అనస్థీషియా విభాగం పీజీలు, ఓటీ సిబ్బంది దాదాపు రెండు గంటలకు పైగా శ్రమించి శస్త్రచికిత్సను విజయవంతంగా పూర్తి చేశారు. బాలిక పాదంలో తెగిన నరాలు, బొటనవేలి సమీపంలో జాయింట్‌ను శస్త్రచికిత్సలో సరిచేశారు. ఆర్థో విభాగం వైద్యులను జీజీహెచ్‌ ఉన్నతాధికారులు అభినందించారు. ప్రస్తుతం బాలిక ఆరోగ్యం నిలకడగా ఉందని వైద్యులు తెలిపారు.

సాక్షి, అమరావతి/సాక్షి, బెంగళూరు: అనంతపురం జిల్లా రాప్తాడు ఘటనలో తీవ్రంగా గాయపడి బెంగళూరులో చికిత్స పొందుతున్న పదో తరగతి విద్యార్థిని గోపిక క్రమంగా కోలుకుంటోంది. బాలిక శరీరంపై పెద్దఎత్తున రంపపు కోతలున్నట్లు సమాచారం. సుమారు 11 గంటల సుదీర్ఘ క్లిష్టమైన ఆపరేషన్‌ను వైద్యులు నిర్వహించారు. వీటికి కుట్లు వేయడానికి ఏకంగా 110 బాక్స్‌లకు పైగా సూచర్‌ మెటీరియల్‌ను వైద్యులు వినియోగించారని తెలుస్తోంది. చెట్లు కోసే ఎలక్ట్రిక్‌ రంపం యంత్రంతో నిందితుడు హేమంత్‌ శనివారం అత్యంత క్రూరంగా గోపికపై దాడిచేసిన విషయం తెలిసిందే. ఈ ఘటనలో తీవ్రంగా గాయపడ్డ గోపికకు బెంగళూరులోని మణిపాల్‌ ఆస్పత్రిలో చికిత్స కొనసాగుతోంది. బాలిక హెల్త్‌ బులిటెన్‌ను వైద్యశాఖ సోమవారం విడుదల చేసింది.అదుపులోకి రక్తపోటు.. మూత్రపిండాలు సాధారణ స్థితికి..గోపిక రక్తపోటు క్రమంగా అదుపులోకి వచ్చిందని వైద్యశాఖ తెలిపింది. ఆదివారం వరకు రక్తపోటు నియంత్రణకు రెండు రకాల మందులు ఇవ్వగా, బాలిక స్పందించడంతో రాత్రికి ఒక మందును నిలిపివేశారు. మూత్ర విసర్జన వ్యవస్థ మెరుగుపడటంతో పాటు, రక్త పరీక్షల్లో మూత్రపిండాల పనితీరు సాధారణ స్థాయిలో ఉన్నట్లు వైద్యులు వెల్లడించారు. రానున్న 48 గంటలు ఎంతో కీలకమని వారు చెబుతున్నారు.గోపిక క్రమంగా కోలుకుంటోందని, ప్రాణాపాయం నుంచి బయటప­డుతుందని ఆశాభావం వ్యక్తంచేశారు. గోపిక ఆరోగ్యం యథాస్థితికి చేరుకున్న తర్వాత శరీరంపై ఉన్న గాయా­లకు ప్లాస్టిక్‌ సర్జరీ అవసరం పడుతుందని ప్లాస్టిక్‌ సర్జన్స్‌ అభిప్రాయపడుతు­న్నారు. దాడి అనంతరం బాలికకు అత్యవసర చికిత్స అందించడంలో వేగంగా స్పందించిన అనంత జీజీహెచ్‌ వైద్యులు హరికృష్ణ, మహేశ్, సాంకేతిక నిపుణుడు గౌస్‌కు డీఎంఈ డాక్టర్‌ విష్ణువర్థన్‌ ప్రశంసాపత్రాలు ఇచ్చారు.

సాక్షి టాస్క్ ఫోర్స్: అనంతపురం జిల్లా రాప్తాడు జెడ్పీహెచ్‌ఎస్‌లో పదో తరగతి బాలిక గోపికపై ఎలక్ట్రిక్‌ రంపంతో దాడి చేసిన ఘటనలో నిందితుడు డుంబు అలియాస్‌ హేమంత్‌ వ్యవహార శైలిపై అనేక అనుమానాలు వ్యక్తమవుతున్నాయి. ఈ ఘాతుకానికి పాల్పడే సమయంలో అతను గంజాయి మత్తులో ఉన్నాడనే విషయం తాజాగా తెరపైకి వచ్చింది. నిందితుడు కొంత కాలంగా మద్యం, గంజాయి వంటి మత్తు పదార్థాలకు బానిసైనట్లు స్థానికులు చెబుతున్నారు. ఘటనకు ముందు రాప్తాడు కూడలిలోని ఓ బెల్టుషాపులో మద్యం సేవించడంతో పాటు అక్కడే ఎలక్ట్రిక్‌ రంపం మిషన్‌ను ఆన్‌ చేసి పరిశీలించినట్లు సమాచారం. ఈ సమయంలో హోటల్‌ నిర్వాహకులు ఎందుకు మిషన్‌ ఆన్‌ చేస్తున్నావని ప్రశ్నిచగా.. అయ్యవారిపల్లిలో చెట్లు కోసేందుకు వెళ్తున్నానని, మిషన్‌ సరిగా పని చేస్తుందో లేదో చూసుకుంటున్నానని చెప్పాడు. ఈ పరిణామాల నేపథ్యంలో నిందితుడి మత్తు అలవాట్లు, ఘటనకు ముందు అతని కదలికలపై పూర్తి స్థాయి విచారణ జరపాలనే డిమాండ్‌ వినిపిస్తోంది. మత్తుకు బానిసై..నిందితుడు హేమంత్‌ అనాథగా పెరిగాడు. చిల్లరగా తిరుగుతూ మద్యం, గంజాయి అలవాట్లకు బానిసయ్యాడని స్థానికంగా ప్రచారం సాగుతోంది. కొంతకాలం అయ్యవారిపల్లిలో తన సోదరి వద్ద ఉన్న అతను.. ఆ తర్వాత రాప్తాడులో గది అద్దెకు తీసుకున్నాడు. ఈ సమయంలో నిత్యం మద్యం, గంజాయి మత్తులో ఉండేవాడని స్థానికులు చెబుతున్నారు. ఇటీవల రాప్తాడు నుంచి అనంతపురం నగర శివారులోని టమాట మండీకి మకాం మార్చినట్లు సమాచారం. అక్కడే ఓ గదిని అద్దెకు తీసుకుని టమాట మండీలో కూలి పనులకు వెళ్తుండేవాడు. వచ్చిన డబ్బుతో మత్తు పదార్థాలు కొనుగోలు చేసేవాడని తెలుస్తోంది.వైద్య పరీక్షల్లో గంజాయి ఆనవాళ్లు గుర్తించారా? పాఠశాలలో దాడి అనంతరం నిందితుణ్ని అదుపులోకి తీసుకునే క్రమంలో ఎదురు తిరగడంతో కాల్పులు జరిపామని పోలీసులు చెబుతున్నారు. ఈ కాల్పుల్లో గాయపడిన హేమంత్‌ ప్రస్తుతం అనంతపురం సర్వజన ఆస్పత్రిలో చికిత్స పొందుతున్నాడు. అయితే అతనికి నిర్వహించిన వైద్య పరీక్షల్లో గంజాయి లేదా ఇతర మత్తు పదార్థాల వినియోగం బయటపడిందా? లేదా? అన్న విషయంపై స్పష్టత రావాల్సి ఉంది. ఘటన జరిగిన సమయంలో అతను మత్తులో ఉన్నాడనే ప్రచారం నేపథ్యంలో వైద్య పరీక్షలు నిర్వహించారా? నిర్వహిస్తే వాటి ఫలితాలేమిటి? అనే ప్రశ్నలు తలెత్తుతున్నాయి. ఒకవేళ ఈ పరీక్షలు నిర్వహించినా, గంజాయి ఆనవాళ్ల గురించి బయటకు వెల్లడించరని ఓ పోలీసు అధికారి తెలిపారు.గంజాయి ఎక్కడి నుంచి వచ్చింది? సరఫరాదారులెవరు? నిందితుడు హేమంత్‌కు నిషేధిత మత్తు పదార్థం గంజాయి ఎక్కడి నుంచి అందింది? ఎవరు సరఫరా చేశారు? రాప్తాడు, అనంతపురం నగర శివార్లలో గంజాయి సరఫరా వ్యవస్థ సంగతేమిటి? అనే ప్రశ్నలు స్థానికంగా చర్చకు వస్తున్నాయి. కాగా, నిందితుడిని అదుపులోకి తీసుకునే క్రమంలో ఆరు రౌండ్లు కాల్పులు జరిపినట్లు పోలీసులు చెబుతున్నప్పటికీ.. అతని శరీరంలో ఒక్క బుల్లెట్‌ కూడా లభించలేదని వైద్యులు చెబుతున్నారు. ఈ నేపథ్యంలో కాల్పులు ఎక్కడ జరిగాయి? ఎన్ని బుల్లెట్లు తగిలాయి? వైద్య పరీక్షల్లో ఏమి తేలింది? అనే అంశాలపై భిన్న వాదనలు వినిపిస్తున్నాయి. ఈ ప్రశ్నలన్నింటికీ సమాధానాలు దొరికేలా పోలీసులు సమగ్ర విచారణ చేపట్టాలని ప్రజలు కోరుతున్నారు.

పాఠశాలతో ఎలాంటి సంబంధం లేని వ్యక్తి ఏకంగా విద్యుత్‌ రంపం తీసుకుని హైస్కూల్‌లోకి ప్రవేశించి, బాలికలపై దాడి చేసిన పరిస్థితి చూస్తుంటే ఇక స్కూళ్లలో చదువుకునే పిల్లల భద్రత మాటేమిటి? రాష్ట్రంలో ఇలాంటి దారుణ పరిస్థితులు నెలకొనడానికి ప్రధాన కారణం కూటమి ప్రభుత్వమే. ప్రతి గ్రామంలో, ప్రతి వీధిలో విచ్చలవిడిగా గంజాయి, మద్యం అందుబాటులోకి రావడంతో యువత వ్యసనాలకు బానిసలవుతున్నారు. వాటిని అరికట్టాల్సిన ప్రభుత్వం పూర్తిగా విఫలమైంది. ఈ పరిస్థితుల వల్లే ఇలాంటి ఘటనలు చోటుచేసుకుంటున్నాయి. వీటిని నియంత్రించలేక పోతున్నందుకు ప్రభుత్వం సిగ్గుతో తలదించుకోవాలి. - వైఎస్‌ జగన్‌ సాక్షి, బెంగళూరు: జెడ్పీ ఉన్నత పాఠశాలలోకి.. స్కూల్‌కు ఎలాంటి సంబంధం లేని వ్యక్తి ఏకంగా ఒక ఎలక్ట్రిక్‌ రంపం తీసుకుని వచ్చి తనకు ఇష్టమొచ్చినట్లు ఆడపిల్లలపై దాడి చేస్తే స్కూళ్లలో చదివే పిల్లల పరిస్థితి ఏమిటని ఆంధ్రప్రదేశ్‌ మాజీ ముఖ్యమంత్రి, వైఎస్సార్‌సీపీ అధ్యక్షుడు వైఎస్‌ జగన్‌మోహన్‌రెడ్డి ఆందోళన వ్యక్తం చేశారు. ఆంధ్రప్రదేశ్‌లో ఇలాంటి పరిస్థితి రావడానికి ప్రధాన కారణం రా­ష్ట్రంలోని ప్రతి గ్రామంలో, ప్రతి వీధిలో విచ్చలవిడిగా బెల్టుషాపులు, గంజాయి అందుబాటులోకి రావడమేనని నిప్పులు చెరిగారు. విచ్చలవిడిగా బెల్టుషాపులు, గంజాయిని అందుబాటులోకి తీసుకొచ్చి పిల్లలను వాటికి బానిసలు చేస్తున్నారని ఆవేదన వ్యక్తం చేశా­రు. ఆంధ్రప్రదేశ్‌లో జరుగుతున్న అరిష్టాల్లో ఇదొకటని తెలిపారు. గంజాయి, బెల్టుషాపులను అరికట్టే విషయంలో కూటమి ప్రభుత్వం పూర్తిగా విఫలమైనందుకు సిగ్గుతో తలవంచుకోవాలని హితవు పలికారు. అనంతపురం జిల్లా రాప్తాడు జెడ్పీ హై­సూ్కల్‌లో ఉన్మాది హేమంత్‌ చేతిలో తీవ్ర గాయాలపాలై బెంగళూరు ఓల్డ్‌ హెచ్‌ఏఎల్‌ రోడ్డులోని మణిపాల్‌ ఆస్పత్రిలో చికిత్స పొందుతున్న పదో తరగతి బాలిక గోపికను సోమవారం ఆయన పరామర్శించారు. ఆమె ఆరోగ్య పరిస్థితిపై వైద్యులతో మాట్లాడా­రు. గోపిక త్వరగా కోలుకోవాలని ఆకాంక్షించారు. బాలిక కుటుంబ సభ్యులను పరామర్శించి, వారికి ధైర్యం చెప్పారు. వైఎస్సార్‌సీపీ తరఫున అన్ని రకాలుగా అండగా ఉంటామని భరోసానిచ్చారు. అనంతరం మణిపాల్‌ ఆస్పత్రి ఆవరణలో మీడియాతో మాట్లాడారు. ఆ వివరాలు ఆయన మాటల్లోనే.. విద్యార్థిని గోపిక తల్లిదండ్రులను పరామర్శించి, ఆమె ఆరోగ్య పరిస్థితిపై వైద్యులను ఆరా తీసిన అనంతరం పార్టీ నేతలకు సూచనలు ఇస్తున్న మాజీ సీఎం వైఎస్‌ జగన్‌.. ఆ తరువాత ఆస్పత్రి ముందు మీడియాతోమాట్లాడుతున్న వైఎస్‌ జగన్‌ ఒక్క రాప్తాడులోనే 9 దారుణ ఘటనలు ఇంత విచ్చలవిడిగా రెడ్‌బుక్‌ రాజ్యాంగం అమలు చేస్తున్నారు కాబట్టి ఇలాంటి దారుణాలు జరుగుతున్నాయి. ఒక్క రాప్తాడు నియోజకవర్గంలోనే గత 15–16 నెలల్లో ఇలాంటి తరహా ఘటనలు జరగడం ఇది తొమ్మిదోసారి. వాటిలో ఆరు ఘటనలు మహిళలు, బాలికలకు సంబంధించినవే కావడం ఆందోళనకరం. ఇప్పుడు గోపిక అనే బాలికపై జరిగిన దాడితో పాటు అనూష, సావిత్రిబాయి, సావిత్రమ్మలకు సంబంధించిన ఘటనలు, అలాగే 14 ఏళ్ల ఎస్సీ మైనర్‌ బాలికపై సామూహిక అత్యాచారం, కురువ లింగయ్య హత్య, బోయ నాగేశ్‌ హత్య, నారాయణ రెడ్డి హత్య, స్పందన అనే యువతి ఆత్మహత్య వంటి ఘటనలు రాప్తాడులో చోటుచేసుకున్నాయి. ప్రతి గ్రామంలో యథేచ్ఛగా గంజాయి, మద్యం అందుబాటులోకి తీసుకురావడంతో పాటు రెడ్‌బుక్‌ పాలన పేరుతో పోలీసు వ్యవస్థను రాజ­కీయ అవసరాల కోసం వినియోగిస్తున్నారు. రెడ్‌బుక్‌ రాజ్యాంగం నడపడం వల్ల పోలీసులు కూడా శాంతిభద్రతలపై దృష్టి పెట్టలేని పరిస్థితి ఏర్పడటంతో ఇలాంటి దారుణ ఘటనలు జరుగుతున్నాయి. ప్రజల ప్రాణాలకు, ముఖ్యంగా మహిళలు, బాలికల భద్రతకు రక్షణ లేకుండా పోతోంది. కోలుకుంటున్న బాలిక దేవుడి దయ వల్ల పాప పరిస్థితి ప్రస్తుతం మెరుగ్గా ఉందని వైద్యులు చెప్పారు. 11 గంటల పాటు ఆపరేషన్‌ జరిగిందని.. మరో 48 గంటలు ఎంతో కీలకమని.. గోపిక త్వరగా కోలుకుంటుందని తెలిపారు. ఒకవైపు చిన్నారికి జరిగిన దారుణాన్ని తలచుకుంటే తీవ్ర ఆవేదన కలుగుతోంది. మరో వైపు బాలిక ప్రమాదం నుంచి బయట పడుతుందని వైద్యులు తెలుపడం మనసును కాస్తా కుదుట పరిచే విషయం. ఈ సమాచారం సంతోషాన్ని కలిగిస్తోంది. ఆ పాప పూర్తిగా కోలుకుని క్షేమంగా ఇంటికి తిరిగి రావాలని ఆకాంక్షిస్తున్నా. చావు బతుకుల మధ్య పోరాటం చేస్తున్న బాధిత బాలిక గోపిక చిన్నాన్న వైఎస్సార్‌సీపీ మండల కన్వీనర్‌’ అని వైఎస్‌ జగన్‌మోహన్‌రెడ్డి అన్నారు. ఈ కార్యక్రమంలో రాప్తాడు నియోజకవర్గ మాజీ ఎమ్మెల్యే తోపుదుర్తి ప్రకాశ్‌ రెడ్డి, మాజీ మంత్రి కేవీ ఉషశ్రీ చరణ్, మాజీ ఎంపీ గోరంట్ల మాధవ్‌ ఇతర నాయకులు ఉన్నారు. పొరుగు రాష్ట్రంలోనూ అదే అభిమానం తమ అభిమాన నాయకుడు మణిపాల్‌ ఆస్పత్రికి వస్తున్నారని సమాచారం అందుకున్న వైఎస్‌ జగన్‌ అభిమానులు ఆస్పత్రి వద్దకు పోటెత్తారు. కేవలం తెలుగు రాష్ట్రాల్లోనే కాకుండా పొరుగు రాష్ట్రం కర్ణాటకలో కూడా భారీగా తరలివచ్చారు. వైఎస్‌ జగన్‌ను చూసేందుకు, ఆయనతో కరచాలనం చేసేందుకు పోటీ పడ్డారు. దూసుకొస్తున్న అభిమానులను కట్టడి చేసేందుకు బెంగళూరు పోలీసులు తీవ్రంగా శ్రమించాల్సి వచ్చింది. ఇది కచ్చితంగా ప్రభుత్వ తప్పిదమే ‘ఆంధ్రప్రదేశ్‌లో దారుణంగా క్షీ­ణించిన శాంతి భద్రతలకు అనంతపురం జిల్లా రాప్తాడు జెడ్పీ హైసూ్కల్‌లో విద్యార్థినిపై జరిగిన దాడి ప్రత్యక్ష ఉదాహరణ. రాప్తాడు ఘటన ప్రభుత్వం తప్పిదం వల్లే జరిగింది. స్కూల్‌తో సంబంధం లేని, ఒక తెలియని వ్యక్తి ఏకంగా ఎలక్ట్రిక్‌ రంపం తీసుకొచ్చి బాలికలపై దాడి చేసే పరిస్థితి నెలకొంటే ఇక స్కూళ్లలో చదువుకునే పిల్లలకు ఎంత వరకు భద్రత ఉంటుంది? అసలు పాఠశాలలోకి ఒక వ్యక్తి విద్యుత్‌ రంపంతో వస్తుంటే అడ్డుకునే పరిస్థితి లేక పోవడం అత్యంత దారుణం. చివరకు స్కూళ్లలో కూడా పిల్లలకు రక్షణ లేకుండా పోయింది. రాష్ట్రంలో ఇలాంటి దారుణ పరిస్థితులు నెలకొనడానికి ప్రధాన కారణం కూటమి పార్టీ వైఫల్యమే. ప్రభుత్వ వైఫల్యం కారణంగా ఒక అమాయక బాలిక నేడు చావు బతుకుల మధ్య పోరాడాల్సిన పరిస్థితి ఏర్పడింది. ఇందుకు బాధితురాలి కుటుంబానికి రూ.50 లక్షలు పరిహారం ఇవ్వాలి. వైద్యానికి సంబంధించి పూర్తిగా అన్ని రకాలుగా తోడుగా నిలవాలి. ప్రభుత్వం నుంచి స్పందన రాకపోతే వైద్య పరంగా, ఇంకా అన్ని రకాలుగా వైఎస్సార్‌సీపీ అండగా ఉంటుంది. కూటమి ప్రభుత్వం నుంచి ఎలాంటి పరిహారం రాకపోతే వైఎస్సార్‌సీపీ అధికారంలోకి వచ్చిన నెల రోజుల్లోపే బాధిత కుటుంబానికి రూ.50 లక్షల పరిహారం అందిస్తాం.

సాక్షి, అమరావతి: అనంతపురం జిల్లా రాప్తాడులోని జిల్లా పరిషత్‌ ఉన్నత పాఠశాలలో ఉన్మాది దాడిలో తీవ్రంగా గాయపడిన బాలికను వైఎస్సార్‌సీపీ అధ్యక్షుడు, మాజీ ముఖ్యమంత్రి వైఎస్‌ జగన్‌మోహన్‌ రెడ్డి పరామర్శించారు. బెంగళూరులోని మణిపాల్‌ ఆస్పత్రిలో చికిత్స పొందుతున్న బాలికను వైఎస్‌ జగన్‌ పరామర్శించారు.ఈ క్రమంలోనే డాక్టర్లతో మాట్లాడిన వైఎస్‌ జగన్‌.. బాలిక ఆరోగ్య పరిస్థితిని అడిగి తెలుసుకున్నారు. ఆమెకు అందిస్తున్న వైద్య సేవల వివరాలను వైఎస్‌ జగన్‌ తెలుసుకున్నారు. అనంతరం బాలిక కుటుంబ సభ్యులను కూడా పరామర్శించి, వారికి ఆయన ధైర్యం చెప్పారు. ఇదీ చదవండి: ఆసుపత్రి బెడ్‌పై రాక్షసుడు.. ఆ యోచనలో వైద్యులు..!

సాక్షి, అమరావతి: అనంతపురం జిల్లా రాప్తాడులోని జిల్లా పరిషత్‌ ఉన్నత పాఠశాలలో ఉన్మాది దాడిలో తీవ్రంగా గాయపడిన బాలిక గోపికను వైఎస్సార్‌సీపీ అధ్యక్షుడు, మాజీ ముఖ్యమంత్రి వైఎస్‌ జగన్‌మోహన్‌ రెడ్డి సోమవారం పరామర్శించనున్నారు.బెంగళూరులోని మణిపాల్‌ ఆస్పత్రిలో చికిత్స పొందుతున్న బాలికను మధ్యాహ్నం 2.15 గంటలకు వైఎస్‌ జగన్‌ పరామర్శిస్తారు. వైద్యులతో మాట్లాడి బాలిక ఆరోగ్య పరిస్థితిని, ఆమెకు అందిస్తున్న వైద్య సేవల వివరాలను తెలుసుకోనున్నారు. బాలిక కుటుంబ సభ్యులను కూడా పరామర్శించి, వారికి ధైర్యం చెప్పనున్నారు.ఇదీ చదవండి: తరగతి గదిలోకి వెళ్లి.. ఎలక్ట్రిక్‌ రంపంతో కోసి..

సాక్షి, అమరావతి: అనంతపురం జిల్లా రాప్తాడులోని జిల్లా పరిషత్‌ ఉన్నత పాఠశాలలో ఉన్మాది దాడిలో తీవ్రంగా గాయపడిన బాలిక గోపికను వైఎస్సార్‌సీపీ అధ్యక్షుడు, మాజీ ముఖ్యమంత్రి వైఎస్‌ జగన్‌మోహన్‌ రెడ్డి సోమవారం పరామర్శించనున్నారు. బెంగళూరులోని మణిపాల్‌ ఆస్పత్రిలో చికిత్స పొందుతున్న బాలికను మధ్యాహ్నం 2.15 గంటలకు వైఎస్‌ జగన్‌ పరామర్శిస్తారు. వైద్యులతో మాట్లాడి బాలిక ఆరోగ్య పరిస్థితిని, ఆమెకు అందిస్తున్న వైద్య సేవల వివరాలను తెలుసుకోనున్నారు. బాలిక కుటుంబ సభ్యులను కూడా పరామర్శించి, వారికి ధైర్యం చెప్పనున్నారు.

తరగతి గదిలో ఉపాధ్యాయురాలు పాఠం చెబుతుండగా పదో తరగతి విద్యార్థినులు శ్రద్ధగా వింటున్నారు. అంతలో ఒక్కసారిగా ఎలక్ట్రిక్‌ రంపంతో ఓ యువకుడు దూసుకొచ్చాడు. బర్ర్‌ర్ర్‌... అనే మోత.. ఏం జరుగుతోందో అర్థంచేసుకునేలోపే ఓ బాలికపై విచక్షణా రహితంగా దాడి.. చెయ్యి, మెడ, వీపుపై రంపపు కోత.. తరగతి గదంతా రక్తసిక్తం.. విద్యార్థినుల హాహాకారాలు.. అడ్డుకోబోయిన మరో విద్యార్థినికీ గాయాలు.. పాఠశాల ప్రాంగణం దద్దరిల్లింది. అనంతపురం జిల్లాలో చోటుచేసుకున్న ఈ ఘటన శనివారం రాష్ట్ర వ్యాప్తంగా కలకలం రేపింది. ప్రభుత్వ పాఠశాలల్లో భద్రతను ప్రశ్నార్థకంగా మార్చింది. రాప్తాడు రూరల్‌ : ప్రేమ పేరుతో వేధింపులకు పాల్పడుతున్న ఓ యువకుడు, తన ప్రేమను నిరాకరించిందనే అక్కసుతో బాలికపై ఎలక్ట్రిక్‌ రంపంతో దాడికి దిగడం సభ్య సమాజాన్ని దిగ్భ్రాంతికి గురి చేసింది. అనంతపురం జిల్లా రాప్తాడు జెడ్పీ హైస్కూల్లో శనివారం ఉదయం 10.20 గంటలకు రెండో పీరియడ్‌లో టీచర్‌ గణితం పాఠం చెబుతున్న సమయంలో ఈ ఘటన చోటుచేసుకుంది. హేమంత్‌ అనే యువకుడు ఎలక్ట్రిక్‌ రంపంతో తరగతి గదిలోకి ప్రవేశించి.. గోపిక (15) అనే పదో తరగతి విద్యార్థినిపై విచక్షణా రహితంగా దాడి చేశాడు. ఈ దాడిలో ఆమె ముఖంపై తీవ్ర గాయాలుకాగా, కుడిచేయి దాదాపు తెగిపోయింది. అడ్డుకునేందుకు ప్రయత్నించిన మరో విద్యార్థిని లక్ష్మీపైనా దాడి చేయడంతో ఆమె కాళ్లకు తీవ్ర గాయాలయ్యాయి. రక్తపు మడుగులో పడివున్న విద్యార్థినులను హుటాహుటిన అనంతపురం సర్వజన ఆస్పత్రికి తరలించారు. ఫోరెన్సిక్‌ నిపుణులు ఘటనా స్థలాన్ని పరిశీలించారు. రాప్తాడు జెడ్పీ స్కూల్‌లోని ఘటనాస్థలిలో నిందితుడు ఉపయోగించిన రంపం ఒళ్లంతా గాయాలే హేమంత్‌ జరిపిన పాశవిక దాడిలో గోపిక శరీరమంతా లోతైన గాయాలయ్యాయి. ముఖంపై లోతైన గాయం కావడంతో సగ భాగం పూర్తిగా చెక్కేసినట్‌లైంది. ఎడమ చేతి ఎముక భాగం విరిగింది. ఎదపై లోతైన గాయమైంది. శరీరం ముందు భాగంలో చాలా చోట్ల రంపపు గాట్లు పడ్డాయి. వీపుపై కూడా లోతైన గాయాలు ఉన్నట్లు వైద్యులు గుర్తించారు. దాదాపు మూడు గంటలకు పైగా వైద్యులు శ్రమించి బాలికకు శస్త్రచికిత్స చేశారు. అనంతరం శనివారం సాయంత్రం మరింత మెరుగైన వైద్యం కోసం బెంగళూరులోని ఓ ప్రైవేటు ఆస్పత్రికి తరలించారు. పోలీసుల అదుపులో నిందితుడు పాఠశాలలో ఉన్న సీసీ కెమెరాల పుటేజీలను పోలీసులు స్వాధీనం చేసుకున్నారు. నిందితుడు ధర్మవరం మండలం నాగలూరు గ్రామానికి చెందిన హేమంత్‌గా గుర్తించారు. తల్లిదండ్రులు లేని ఈ యువకుడు కొన్నేళ్లుగా అయ్యవారిపల్లి గ్రామంలోనే సోదరి వద్ద ఉంటూ అనంతపురం శివారులోని టమాటా మండీలో పని చేస్తున్నాడు. బాలికకు బంధువు కూడా. కొంత కాలంగా ప్రేమ పేరుతో బాలికను వేధిస్తున్నాడు. బాలిక నిరాకరించడంతో ఈ దారుణానికి ఒడిగట్టి ఉంటాడని పోలీసులు అనుమానిస్తున్నారు. ఘటన తర్వాత బైకులో పరారైన నిందితుడు హేమంత్‌ను ధర్మవరం రైల్వే గేటు సమీపంలో పోలీసులు అదుపులోకి తీసుకున్నారు. ఆ కుటుంబానికి తీరని శోకం.. రాప్తాడు మండలం అయ్యవారిపల్లికి చెందిన వెంకటరాముడు, నరసమ్మ దంపతులకు కుమారుడు, కుమార్తె సంతానం. వెంకటరాముడు ద్రాక్ష తోటల్లో కూలి పనులు, నరసమ్మ కూలి పనులు చేసుకుంటూ జీవనం సాగిస్తున్నారు. కుమారుడు ఇందువర్దన్‌ చదువు మానేసి కడ్డీల కార్మికుడిగా వెళ్తున్నాడు. ఒక్కగానొక్క కుమార్తె గోపికను అల్లారుముద్దుగా పెంచుకుంటున్నారు. చదువుకుని ఉన్నత స్థాయికి చేరుతుందన్న ఆశలతో పెంచుకుంటున్న బిడ్డపై బంధువే రాక్షసంగా దాడి చేయడం ఆ కుటుంబాన్ని తీరని వేదనలోకి నెట్టింది. బడిలో భద్రత ఏదీ? పాఠశాలలో నిర్మాణ పనులు జరుగుతుండటంతో కార్మికుడేమోనని భావించామని, ఘటన సమయంలో వాచ్‌మన్‌ గేటు వద్ద లేకపోవడంతో నిందితుడు లోపలికి ప్రవేశించాడని పాఠశాల ప్రధానోపాధ్యాయురాలు రాజేశ్వరి తెలిపారు. దాడి జరుగుతున్న సమయంలో పిల్లల కేకలతో ఏం జరుగుతోందో అర్థంకాక షాక్‌కు గురయ్యానని వివరించారు. ఈ ఘటనతో ప్రభుత్వ పాఠశాలల్లో విద్యార్థుల భద్రతపై తీవ్ర ప్రశ్నలు తలెత్తుతున్నాయి. పాఠశాలల్లోకి ఎవరు పడితే వారు ప్రవేశించే పరిస్థితి ఎందుకు ఉంది? గేటు వద్ద పటిష్ట నిఘా ఎందుకు లేదు? విద్యార్థుల ప్రాణాలకు భరోసా కల్పించాల్సిన బాధ్యత ఎవరిది? అన్న ప్రశ్నలు ఇప్పుడు ప్రభుత్వాన్ని నిలదీస్తున్నాయి. ఉన్మాదిపై చట్టపరమైన చర్యలు : కలెక్టర్‌రాప్తాడు జెడ్పీహెచ్‌ఎస్‌లో పదో తరగతి విద్యార్థినిపై దాడి చేసిన ఉన్మాదిపై చట్టపరమైన చర్యలు తప్పవని అనంతపురం కలెక్టర్‌ ఓ.ఆనంద్‌ అన్నారు. జీజీహెచ్‌లో చికిత్స పొందుతున్న బాధితురాలిని శనివారం మధ్యాహ్నం కలెక్టర్‌ పరామర్శించారు. మెరుగైన వైద్యం అందించాలని వైద్యాధికారులను ఆదేశించారు. అనంతరం బాధిత కుటుంబ సభ్యులతో మాట్లాడారు. ఈ సందర్భంగా కలెక్టర్‌ మాట్లాడుతూ.. ఎప్పటికప్పుడు బాలిక ఆరోగ్యంపై ఆరా తీస్తూ పర్యవేక్షణ చేస్తున్నామని చెప్పారు. పాఠశాలల్లోనే భద్రత లేకపోతే ఎలా? పాఠశాలల్లోనే విద్యార్థుల మాన ప్రాణాలకు రక్షణ లేకపోతే ఇక ఎక్కడ భద్రత ఉంటుందని రాప్తాడు మాజీ ఎమ్మెల్యే తోపుదుర్తి ప్రకాష్‌రెడ్డి ప్రశ్నించారు. శనివారం అనంతపురం సర్వజన ఆస్పత్రిలో చికిత్స పొందుతున్న గోపికను, ఆమె కుటుంబ సభ్యులను ఆయన పరామర్శించారు. బాధిత కుటుంబానికి ధైర్యం చెప్పారు. 108 వాహనం ఆలస్యం ఉన్మాది హేమంత్‌ దాడిలో తీవ్రంగా గాయపడిన గోపికా, లక్ష్మీలను ఆస్పత్రికి వెంటనే తరలించడానికి పాఠశాల ప్రధానోపాధ్యాయురాలు 108కు ఫోన్‌ చేశారు. సమస్య తీవ్రతను వివరించారు. అయినా వాహనం రావడం ఆలస్యమైంది. దీంతో ఆందోళనకు గురైన ఉపాధ్యాయులు తొలుత ఆటోను పిలిపించి విద్యార్థినులను అందులో ఆస్పత్రికి తరలించారు. కొంతదూరం వెళ్లిన తర్వాత మార్గంమధ్యలో 108 వాహనం రావడంతో ఆటో నుంచి అంబులెన్స్‌లోకి మార్చి ఆస్పత్రికి తీసుకెళ్లినట్లు ఉపాధ్యాయులు తెలిపారు. అత్యవసర సమయంలో 108 వాహనం సకాలంలో అందుబాటులోకి రాకపోవడం చర్చనీయాంశమైంది.

సినిమా అంటే రంగుల ప్రపంచం. ఈ రంగంలో ఒక్కసారి ఫేమ్ వచ్చిందంటే చాలు.. అవకాశాలు కూడా అలా వెతక్కుంటూ వస్తాయి. అయితే అదే క్రేజ్ కెరీర్ మొత్తం ఉంటుందనుకోవడం పొరపాటే. ముఖ్యంగా హీరోయిన్ల విషయానికొస్తే ఈ పరిస్థితి కాస్తా భిన్నంగా ఉంటుంది. ఒకసారి గుర్తింపు వచ్చినా.. దాన్ని కెరీర్ మొత్తం నిలబెట్టుకోవడం కష్టమే. అలా మొదట స్టార్ హీరోయిన్లుగా ఫేమ్ తెచ్చుకున్న కొందరు స్టార్స్ తర్వాత తెరపై పెద్దగా కనిపించలేదు. అలాంటి వారి గురించే ఇప్పుడు తెలుసుకుందాం. ఇంతకీ స్టార్‌ డమ్‌ నుంచి కనుమరుగైన నటీమణులెవరో మీరు చూసేయండి.అమ్మా, నాన్న ఓ తమిళ అమ్మాయి..తెలుగులో రవితేజ సరసన అమ్మా, నాన్న ఓ తమిళ అమ్మాయి చిత్రంలో మెప్పించిన కోలీవుడ్ భామ ఆసిన్. తెలుగుతో పాటు తమిళం, హిందీ సినిమాల్లో నటించింది. అంతేకాకుండా స్టార్‌ హీరోయిన్‌ గా పేరు తెచ్చుకుంది. ఆమె తన కెరీర్ తమిళంలో పోక్కిరి, కావలన్, తెలుగులో లక్ష్మీ నరసింహ, రెడీ, ఘర్షణ, హిందీలో గజిని, హౌస్‌ఫుల్ 2 వంటి భారీ విజయాలు దక్కించుకుంది. అంతేకాకుండా ఆసిన్, ఫిల్మ్‌ఫేర్, సైమా లాంటి అనేక అవార్డులను గెలుచుకుంది. తన కెరీర్‌లో అత్యున్నత స్థాయిలో ఉన్నప్పుడు వివాహ బంధంలోకి ‍ అడుగుపెట్టింది. ఆ తర్వాత తన 2015 నుంచి చిత్ర పరిశ్రమ నుండి పూర్తిగా కనుమరుగైంది.అజిత్ భార్య శాలిని..తొలి రోజుల్లో బేబీ శాలినిగా గుర్తింపు పొందిన శాలిని అజిత్ కుమార్. 1980లలో మలయాళం, తమిళ సినిమాల్లో నటించింది. ఎంటే మమట్టిక్కుట్టియమ్మక్కు, టీవీ సిరీస్ అమ్లూ వంటి చిత్రాలలో బాలనటిగా మెప్పించింది. అంతేకాకుండా పలు క్లాసిక్ చిత్రాలతో స్టార్ హీరోయిన్‌గా ఎదిగింది. కానీ 2000 ఏడాదిలో నటుడు అజిత్ కుమార్‌ను వివాహం చేసుకున్న తర్వాత వెండితెరపై కనిపించలేదు. 2002 తర్వాత నటనకు పూర్తిగా దూరమైంది.నగ్మాతెలుగులో స్టార్‌ హీరోయిన్‌గా ఓ వెలుగు వెలిగిన నటి నగ్మా. 1990లో తమిళం, తెలుగు, హిందీ, భోజ్‌పురి సినిమాల్లో సూపర్ హిట్ చిత్రాల్లో నటించింది. తెలుగులో ఘరనా మొగుడు, మేజర్ చంద్రకాంత్, అల్లరి అల్లుడు లాంటి హిట్ సినిమాల్లో కనిపించింది. తమిళంలో కాదలన్, బాషా, మెట్టుకుడి, తమిళంలో చతురంగం, చిత్రాలతో మరింత గుర్తింపు తెచ్చుకుంది. కానీ 2008లో తన సినీ కెరీర్‌లో దూసుకెళ్తున్న సమయంలోనే నగ్మా రాజకీయాల్లోకి అడుగుపెట్టింది. ఆ తర్వాత నటనకు పూర్తిగా గుడ్‌ బై చెప్పేసింది.గోపికమలయాళంలో స్టార్‌ హీరోయిన్‌గా పేరు సంపాదించుకున్న నటి గోపిక. ముఖ్యంగా ఫోర్ ది పీపుల్‌ అనే మలయాళ చిత్రంతో గుర్తింపు తెచ్చుకుంది. ఆ తర్వాత తెలుగు, తమిళ చిత్రాల్లో కూడా గోపిక తనదైన ముద్ర వేసింది. రవితేజ నటించిన నా ఆటోగ్రాఫ్ మూవీలో అభిమానులను మెప్పించింది. అయితే 2008లో వివాహం తర్వాత గోపిక సినీ పరిశ్రమను పూర్తిగా విడిచిపెట్టేసింది.తెలుగులో స్టార్ హీరోయిన్..రంభ గురించి తెలుగువారికి ప్రత్యేకంగా చెప్పాల్సిన పనిలేదు. అప్పట్లో స్టార్ హీరోయిన్‌ గా ఓ వెలుగు వెలిగింది. ఆమె అసలు పేరు విజయలక్ష్మి యీది కాగా.. సినిమాలతో వచ్చిన గుర్తింపు వల్ల రంభగా మార్చుకుంది. 1990ల్లో దక్షిణ భారత సినీ పరిశ్రమలో స్టార్గా ఎదిగింది. అరుణాచలం, ఉల్లతై అల్లిత, క్రానిక్ బ్యాచిలర్ వంటి చిత్రాల్లో గుర్తుండిపోయే పాత్రలు చేసింది. తమిళంతో పాటు తెలుగు, హిందీ చిత్రాలలో ప్రేక్షకులను అలరించింది. తెలుగులో భైరవ ద్వీపం, బంగారు కుటుంబం, హిట్లర్, గణేష్ లాంటి బ్లాక్ బస్టర్‌ చిత్రాలు కూడా ఉన్నాయి. చిత్ర పరిశ్రమలో విజయవంతంగా దూసుకెళ్తోన్న రంభ 2011లో నటనకు ఎండ్ కార్డ్ ఇచ్చేసింది.

మథుర(యూపీ): గోపాలకృష్ణుని 16 వేల గోపికల్లో ఒకరినంటూ సినీ నటి హేమమాలిని తనను తాను అభివర్ణించుకున్నారు. మథురలో బీజేపీ అభ్యరి్థగా బరిలోకి దిగిన హేమమాలిని గురువారం మీడియాతో మాట్లాడుతూ..‘గోపికల్లో ఒక గోపికగా నన్ను నేను ఊహించుకుంటాను. మథుర చుట్టుపక్కల ప్రాంతాలకు చెందిన బ్రిజ్‌వాసులంటే శ్రీకృష్ణునికి ఎంతో ప్రేమ, అభిమానం. అందుకే బ్రిజ్‌వాసులను ఇష్టంతో సేవిస్తే కృష్ణ భగవానుని ఆశీస్సులు లభిస్తాయని నా నమ్మకం. అందుకే వారికి విశ్వాసంతో సేవ చేస్తున్నా’అని ఆమె అన్నారు. పేరు, ప్రఖ్యాతుల కోసమో, మరే ఇతర భౌతిక లాభాపేక్షతోనో రాజకీయాల్లోకి రాలేదన్నారు. మథుర చుట్టుపక్కల 84 కోసుల పరిధి(252 కిలోమీటర్లు)లోని ప్రాంతాన్ని అభివృద్ధి చేయడమే తన లక్ష్యమని చెప్పారు.  

కేరళలో కేవలం పదిహేను వేల మంది ఉండే గిరిజనులు ‘కరింపలనులు’. పోడు వ్యవసాయం, కట్టెబొగ్గు చేసి అమ్మడం వీరి వృత్తి. అలాంటి సమూహం నుంచి ఒకమ్మాయి ‘ఎయిర్‌హోస్టెస్‌’ కావాలనే కల కంది. కేరళలో అప్పటి వరకూ గిరిజనులు ఎవరూ ఇలాంటి కలను కనలేదు. 12 ఏళ్ల వయసులో కలకంటే 24 ఏళ్ల వయసులో నిజమైంది. పరిచయం చేసుకోండి కేరళ తొలి గిరిజన ఎయిర్‌హోస్టెస్‌ని. కేరళలోని కన్నూరు, కోజికోడ్‌ జిల్లాల్లో కనిపించే అతి చిన్న గిరిజన తెగ‘కరింపలనులు’. వీళ్లు మలయాళంలో తుళు పదాలు కలిపి ఒక మిశ్రమ భాషను మాట్లాడతారు. అటవీ భూమిని లీజుకు తీసుకుని వ్యవసాయం చేస్తారు. లేదంటే అడవిలోని పుల్లల్ని కాల్చి బొగ్గు చేసి అమ్ముతారు. గోపికా గోవింద్‌ ఇలాంటి సమూహంలో పుట్టింది. అయితే ఈ గిరిజనులకు ఇప్పుడు వ్యవసాయం కోసం అటవీభూమి దొరకడం లేదు. కట్టెలు కాల్చడాన్ని ఫారెస్టు వాళ్లు అడ్డుకుంటూ ఉండటంతో బొగ్గు అమ్మకం కూడా పోయింది. చిన్నప్పుడు అమ్మా నాన్న చేసే ఈ పని చూస్తూ పెరిగిన గోపికా ఇక్కడతో ఆగడమా... అంబరాన్ని తాకడమా అంటే అంబరాన్ని తాకడమే తన లక్ష్యం అని అనుకుంది. డిగ్రీ తర్వాత బిఎస్సీ చదివిన గోపిక ఇప్పుడు ఎయిర్‌ హోస్టెస్‌ కావాలంటే అవసరమైన కోర్సు గురించి వాకబు చేసింది. ప్రయివేటు కాలేజీలలో దాని విలువ లక్షల్లో ఉంది. కూలి పని చేసే తల్లిదండ్రులు ఆ డబ్బు కట్టలేరు. అందుకని ఎం.ఎస్సీ కెమిస్ట్రీ చేరింది. చదువుతున్నదన్న మాటేకాని ఎయిర్‌ హోస్టెస్‌ కావడం ఎలా... అని ఆలోచిస్తూనే ఉంది. సరిగ్గా అప్పుడే ఐ.ఏ.టి.ఏ (ఇంటర్నేషనల్‌ ఎయిర్‌ ట్రాన్స్‌పోర్ట్‌ అసోసియేషన్‌) వాళ్ల కస్టమర్‌ సర్వీస్‌ కోర్సును గవర్నమెంట్‌ స్కాలర్‌షిప్‌ ద్వారా చదవొచ్చని తెలుసుకుంది. ఎస్‌.టి విద్యార్థులకు ఆ స్కాలర్‌షిప్‌ రాష్ట్ర ప్రభుత్వం ఇస్తోంది. అప్లై చేసింది. స్కాలర్‌షిప్‌ మంజూరు అయ్యింది. గోపిక రెక్కలు ఇక ముడుచుకు ఉండిపోలేదు. లక్ష రూపాయల కోర్సు వాయనాడ్‌లోని డ్రీమ్‌ స్కై ఏవియేషన్‌ అనే సంస్థలో ఎయిర్‌ హోస్టెస్‌ కోర్సును స్కాలర్‌షిప్‌ ద్వారా చేరింది గోపిక. చదువు, బస, భోజనం మొత్తం కలిపి లక్ష రూపాయలను ప్రభుత్వమే కట్టింది. మలయాళ మీడియం లో చదువుకున్న గోపిక ఎయిర్‌ హోస్టెస్‌కు అవసరమైన హిందీ, ఇంగ్లిష్‌లలో కూడా తర్ఫీదు అయ్యింది. కోర్సు పూర్తి చేసింది. ఒకసారి ఇంటర్వ్యూకు వెళితే సెలెక్ట్‌ కాలేదు. రెండోసారి ఎయిర్‌ ఇండియా ఎక్స్‌ప్రెస్‌ సంస్థలో ఎయిర్‌ హోస్టెస్‌గా ఎంపికయ్యింది. విమానం ఎప్పుడూ ఎక్కని గోపిక విమానంలోనే ఇక పై రోజూ చేసే ఉద్యోగం కోసం తిరువనంతపురం నుంచి ముంబైకి ట్రైనింగ్‌ కోసం వెళ్లింది. అక్టోబర్‌లో ఆమె కూడా యూనిఫామ్‌ వేసుకుని విమానంలో మనకు తారస పడొచ్చు. ఆమె కలను ఆమె నెరవేర్చుకుంది. ఇక మీ వంతు. 8వ క్లాసు కల గిరిజనులు విమానాన్ని గాల్లో ఎగురుతుంటే చూస్తారు తప్ప ఎక్కలేరు. గోపికా గోవింద్‌ కూడా చిన్నప్పుడు ఆకాశంలో ఎగిరే విమానాన్ని ఉత్సాహంగా, వింతగా చూసేది. అందులో ఎక్కడం గురించి ఆలోచించేది. 8వ క్లాసుకు వచ్చినప్పుడు ఒక పేపర్‌లో ఎర్రటి స్కర్టు, తెల్లటి షర్టు వేసుకున్న ఒక చక్కటి అమ్మాయి గోపికా కంట పడింది. ఎవరా అమ్మాయి అని చూస్తే ‘ఎయిర్‌ హోస్టస్‌’ అని తెలిసింది. విమానంలో ఎగురుతూ విధి నిర్వహణ. ఇదేకదా తనకు కావాల్సింది అనుకుంది. కాని ఎవరికైనా చెప్తే నవ్వుతారు. బొగ్గులమ్ముకునే వాళ్ల అమ్మాయికి ఎంత పెద్ద కల అనుకుంటారు. అందుకని సిగ్గుపడింది. తల్లిదండ్రులకు కూడా చెప్పలేదు. కాని కల నెరవేర్చుకోవాలన్న కలను మాత్రం రోజురోజుకు ఆశ పోసి పెంచి పెద్ద చేసుకుంది.

గోపిక ఆంటీ... నిజామాబాద్‌ పట్టణంలో ఈ తరం యువతులకు ఒక కరదీపిక. వృత్తి విద్యల్లో కెరీర్‌ను వెతుక్కోవాలనుకునే వాళ్లకు, కుటీర పరిశ్రమలతో ఉపాధి పొందాలనుకునే వాళ్లకు ఆమె ఒక గైడ్‌. ప్రభుత్వం రూపొందించిన పథకాలను అట్టడుగున ఉన్న మహిళలకు చేరవేస్తున్న వారధి. ఈ తరం మహిళకూ గడచిన తరం మహిళకూ మధ్య దూరాన్ని చెరిపి వేసి రెండు తరాలను దగ్గర చేసిన సంధాన కర్త. ముప్పై ఏళ్ల కిందటి సమాజానికి ఇప్పటి సమాజానికి మధ్య స్పష్టమైన తేడాను గమనించానన్నారామె. ‘‘నాకిప్పుడు అరవై ఏళ్లు. ముప్పై ఏళ్ల కిందట మహిళ అనే పదానికి గృహిణి అనే పదానికి పెద్ద తేడా ఉండేది కాదు. దాదాపుగా మహిళలందరూ గృహిణులే. వ్యాపారం, ఉద్యోగం కోసం బయటకు వెళ్లే భర్త కోసం ఉదయమే లేచి వండి పెట్టి, పిల్లలను చూసుకుంటూ ఇంటి పట్టున ఉండడమే చాలా మంది మహిళలకు ఉన్న ఒకే ఒక్క ఆప్షన్‌. ఇది మధ్య తరగతి కుటుంబాల పరిస్థితి. పెద్ద చదువులు చదువుకుని ఉద్యోగాలకు వెళ్లే వాళ్ల సంఖ్య కాలనీ మొత్తానికి కూడా వేళ్ల మీద లెక్కపెట్టేటంత తక్కవగానే ఉండేది. దిగువ మధ్య తరగతి, అల్పాదాయ వర్గాల మహిళలు విధిగా ఏదో ఒక పని చేస్తుండే వాళ్లు. మా దగ్గర మహిళలు ఇంట్లో ఉండి చేసుకునే పని అంటే బీడీలు చుట్టడమే ప్రధానమైనది. ఆ రోజుల్లో నేను నాకంటూ ఏదో ఒక గుర్తింపు ఉండాలని కోరుకున్నాను. నాకు గౌరవాన్నిస్తూ పదిమందికి ఉపయోగపడే పని కోసం ప్రయత్నించాను. అప్పట్లో మాకు కంప్యూటర్, ఇంటర్నెట్‌ అంటే ఏమిటో తెలియదు. మనలో వృత్తి నైపుణ్యాలను పెంచుకోవడానికి ఇప్పుడు ఉన్నన్ని అవకాశాలు కూడా ఉండేవి కావు. అలాంటి రోజుల్లో టైలరింగ్, ఎంబ్రాయిడరీల్లో టెక్నికల్‌ ట్రైనింగ్‌ కోర్సు చేశాను. పది మంది ఉద్యోగులతో 2003లో సొంత యూనిట్‌ మొదలు పెట్టాను. మహిళలకు ఇలాంటి వృత్తుల్లో శిక్షణనిచ్చే అవకాశం నాకు వచ్చింది. అయితే అప్పట్లో మహిళలను చైతన్యవంతం చేయడానికి నేను గడపగడపా ఎక్కాల్సి వచ్చింది. ‘ఇంట్లోనే ఉండి బీడీలు చుట్టుకుంటున్నాం, గడపదాటకుండా పదోపరకో సంపాదించుకుంటున్నాం. ఇది చాలు’ అనే వాళ్లు. ఎంతగానో చెప్పిన తర్వాత కానీ వాళ్లు కొత్త పని నేర్చుకోవడానికి ఇంటి గడపదాటే సాహసం చేయలేకపోయారు. వాళ్లకు పనిలో శిక్షణ కంటే శిక్షణకు సన్నద్ధం చేయడమే పెద్ద శ్రమ. ఇప్పుడు పూర్తిగా భిన్నం. ఆడపిల్లలు తమంతట తాముగా వచ్చి ‘ఆంటీ! కొత్త బ్యాచ్‌లు ఎప్పుడు మొదలవుతాయి? ఏయే కోర్సుల్లో ట్రైనింగ్‌ ఇస్తున్నారు? నేను ఈ ఎండాకాలం సెలవుల్లో శిక్షణ పూర్తి చేసుకోవచ్చా?’ అని అడుగుతున్నారు. తొలి అడుగు వేయడమే అత్యంత కష్టమైన పని. చిత్తశుద్ధితో ఆ పని చేయగలిగితే ఆ తర్వాత ప్రయాణం దానంతట అది సాగిపోతుంది. ఒకరి తర్వాత ఒకరుగా వచ్చి చేరి చిన్న ప్రయాణాన్ని మహాప్రస్థానంగా మార్చి వేస్తారు. ఇప్పుడు మా నిజామాబాద్‌లో నా దగ్గర నేర్చుకుని సొంతంగా యూనిట్‌లు పెట్టుకున్న వాళ్లే ఆరువందల మంది ఉన్నారు. నా దగ్గర మరో ఎనభై మంది పని చేస్తున్నారు. గురువుకు సన్మానం చేసిన మహిళలు  మనల్ని మనం మార్చుకోవాలి ఒక పరిశ్రమ పెట్టే వరకు మన మీద మనకు పెద్దగా ఒత్తిడి ఉండదు. పరిశ్రమ బాధ్యత తలకెత్తుకున్న తర్వాత సమాజం మొత్తాన్ని ఒక కంట గమనిస్తూ ఉండాలి. కొత్తగా ఏం వస్తున్నాయో తెలుసుకోవాలి, మనం తయారు చేస్తున్న ఉత్పత్తుల పట్ల జనంలో మోజు తగ్గుతుంటే ఆ విషయాన్ని కూడా వెంటనే పసిగట్టగలగాలి. మార్పులకు అనుగుణంగా మనల్ని మనం మార్చుకుంటూ ఉండాలి. ఉదాహరణకు నేను కోర్సు చేసినప్పటికి టైలరింగ్, ఎంబ్రాయిడరీకి మంచి డిమాండ్‌ ఉండేది. ఇప్పుడు వాటిలోనే విపరీతమైన మార్పులు వచ్చాయి. అలాగే హస్తకళాకృతులకు ఆదరణ పెరిగింది. హైదరాబాద్‌లోని నాంపల్లి, శిల్పారామంలో ఎగ్జిబిషన్‌లలో స్టాల్‌ పెట్టాను. అక్కడ చూసిన కొత్త కళాకృతులను మా నిజామాబాద్‌కు పరిచయం చేశాను. ఆ ట్రైనర్లను తీసుకువచ్చి మా దగ్గర మహిళలకు ట్రైనింగ్‌ ఇప్పించాను. మా పుట్టిల్లు వరంగల్‌. అక్కడ జనపనార బాగా దొరుకుతుంది. ఆ నార నిజామాబాద్‌కు తెప్పించి మా వాళ్లకు జ్యూట్‌ టేబుల్‌ మ్యాట్‌లు, ఉట్టి, ఉయ్యాలల అల్లకం నేర్పించాను. ఏలూరులో తాటి ఆకు బుట్టలు, బ్యాగ్‌లు, కళాఖండాలు తయారు చేస్తారు. అవీ మేము నేర్చుకున్నాం. ఓ ఐదారేళ్లుగా జ్యూట్‌ బ్యాగ్‌ల తయారీ కూడా మొదలు పెట్టాం. అభివృద్ది పథం మహిళలు వృత్తి నైపుణ్యాలు పెంచుకుని స్వయం సహాయకంగా మారడంలో హైదరాబాద్‌లోని ఎన్‌ఐఆర్‌డి, ఖాదీ గ్రామోదయ మహా విద్యాలయ, బాలానగర్‌లోని ఎమ్‌ఎస్‌ఎమ్‌ఈ, నెహ్రూ యువ కేంద్ర శిక్షణ ప్రాజెక్టులు మాకు బాగా ఉపయోగపడ్డాయి. వాళ్లు సొంత యూనిట్‌లు పెట్టుకోవడానికి మేక్‌ ఇన్‌ ఇండియా ప్రాజెక్టు ముద్ర రుణాలు దోహదం చేస్తున్నాయి. ఈ మహిళలు తమ ఆడబిడ్డలను పెద్ద చదువులు చదివించడానికి ముందుకు వస్తున్నారు. స్వయం సాధికారత సాధించిన అసలైన విజయం అది’’ అన్నారు గోపిక. ఇక ఆమె కుటుంబ వివరాలకు వస్తే... భర్త లెక్చరర్‌. ముగ్గురబ్బాయిలు. ఒకబ్బాయి యూఎస్‌లో, ఇద్దరు హైదరాబాద్‌లో ఉద్యోగాలు చేసుకుంటున్నారు. ‘‘పిల్లలు ముగ్గురూ కాలేజ్‌ చదువులకు హాస్టల్‌కెళ్లిన తర్వాత నేను సొంత యూనిట్‌ మొదలు పెట్టాను. దాంతో నా యూనిట్‌ ఎప్పుడూ నాతో ఉండే నాలుగో బిడ్డ అయింది’’ అన్నారు గోపిక.


 తమిళసినిమా: హాలీవుడ్‌ చిత్రం అపోకలిప్టో చిత్రం తరహాలో అరమ్‌ మేట్రుమై చిత్రం ఉంటుందని ఆ చిత్ర దర్శకుడు హరికృష్ణ అంటున్నారు. ఈయన తొలిసారిగా దర్శకత్వం వహిస్తున్న ఈ చిత్రాన్ని సెవెన్త్‌ సెన్స్‌ మూవీ మేకర్స్‌ పతాకంపై శక్తివేల్‌ నిర్మిస్తున్నారు. నూతన జంట అజయ్, గోపిక హీరోహీరోయిన్లుగా నటిస్తున్న ఇందులో యోగిబాబు, ఉమశ్రీ, అళగు, సూర్యకాంత్, చరణ్‌రాజ్, పరదేశీ భాస్కర్‌ ముఖ్యపాత్రలు పోషించారు.
 
 గణేశ్‌రాఘవేందర్‌ సంగీతాన్ని, అరివళగన్‌ ఛాయాగ్రహణం అందించారు. చిత్రం గురించి దర్శకుడు తెలుపుతూ, ఇది ఈ తరానికి చెందిన కథతో రూపొందించిన చిత్రం కాదన్నారు. సుమారు 900 ఏళ్ల క్రితానికి చెందిన ఆదిమానవుల జీవన విధానాన్ని ఆవిష్కరించే చిత్రంగా ఉంటుందని తెలిపారు. వారికి భాషే లేదని చెప్పారు. భాష, జాతి అంటే తెలియకుండా జీవించిన ఆదిమానవుల ఇతివృత్తంగా అరమ్‌ వేట్రుమై చిత్రం ఉంటుందని చెప్పారు. అలా మూడు కొండల్లో మూడు రకాల ఆదివాసుల జీవన విధానాన్ని ఎంతో వ్యయ ప్రాయాసాలకోర్చి రూపొందించామని తెలిపారు.
 
 కథపై నమ్మకంతో చిత్ర యూనిట్‌ అంతా కష్టపడి తమ ప్రయత్నానికి సహకరించారని అన్నారు. చిత్ర షూటింగ్‌ను నాగరికత చెందని అటవీ ప్రాంతాలను అన్వేషించి నిర్వహించామని చెప్పారు. ఇది హాలీవుడ్‌ చిత్రం అపోకలిప్టో చిత్రం తరహాలో చాలా వైవిధ్యంగా ఉంటుందని అన్నారు. చిత్ర నిర్మాణం పూర్తి అయ్యిందని, చిత్రాన్ని చూసిన శ్రీముత్తమిళ్‌ లక్ష్మీ మూవీమేకర్స్‌ అధినేత ఆర్‌.బాలచందర్‌ చాలా బాగుందని విడుదల హక్కులను పొందారని దర్శకుడు వెల్లడించారు.


 జ్యోతిర్మయం
  నంద వ్రజంలో ఒక గోపిక కొత్త ఇల్లు కట్టుకుంది. గృహ ప్రవేశానికి ఎందరో బంధువులు, ఆత్మీయులు వచ్చారు. వీళ్లేకాక ఆ గోపికకు ఎంతో ప్రియమైన ఒక ఇష్టసఖి కూడా బహుదూరం నుండి వచ్చింది. గృహ ప్రవేశానంతరం వాళ్లిద్దరూ యమునా నదీ స్నానానికి వెళ్లారు. జలకాలాడుతూ ఇష్టసఖి గోపికతో ‘చెలీ! నంద వ్రజంలో నివసించే మీరంతా ఎంతో అదృష్టవం తులు. శ్రీకృష్ణునితో రాసలీలలో పాల్గొనే మహద వకాశం మీకు ప్రాప్తించింది. అవునా!’ అని అన్నది. ‘నిజమే నేమో’ అన్నది గోపిక.
 
  ‘చెలీ రాసలీల జరిగిన ఆ ఒక్క రాత్రి ఆరు నెలల సాధా రణ రాత్రులతో సమానం అని అంటారు కదా! అంత సుదీర్ఘ కాలంలో శ్రీకృష్ణుడు ఎన్నిమార్లు తన బాహువల్లరిలో నిన్ను లాలించాడో చెప్పవా?’ అని అడిగింది కుతూహలంగా ఇష్టసఖి.
  గోపిక విలాసంగా నవ్వుతూ ‘సఖీ! రాసలీల తరగతి కాదు కదా, లెక్కల్నీ ఎక్కాల్నీ వల్లించటానికి! అది ఒక దుకాణం కాదు కదా, లెక్కలు సరిచూసుకోవ టానికి! శ్రీకృష్ణ ప్రేమ గణాంకాలకు అందేది కాదు. అది ఒక  అలౌకికమైన దివ్య రసానుభూతి. స్వామి సన్నిధికి చేరగానే నాకు శరీర సృ్పహ నశించింది.  అంతరంగం అంతరించిపోయింది. నా అహంభావం లీనమైపోయింది. నేను నేనుగా మిగలలేదు. ఇంక మిగిలింది పరమానందస్ఫూర్తియే! సత్‌చిత్ ఆనంద స్వరూపమే!’ అని అన్నది పరవశంగా.
 
  ‘అదృష్టవంతురాలివే చెలీ! ఆ దశకు చేరటానికి నువ్వు ఎంత జపాన్ని చేశావో? ఎన్ని వ్రతాల్ని అనుష్టిం చావో? ఎన్ని సత్కర్మల్ని చేశావో కదా!’ అని అన్నది ఇష్టసఖి. ‘సఖీ! నేనింత జపించాను, అంత ధ్యానిం చాను, ఇన్ని వ్రతాల్ని చేశాను అన్న లెక్కల్లో అహం ఉం టుంది. అహం ఉన్నంత కాలం స్వామి దక్కడు.  స్వామి విరహంలో ఎంత జ్వలించిపోయావు? సన్నిధికై ఎంతగా తపించావన్నదే ప్రధానం!’ అన్నది గోపిక.
  యమునా నదీ తీరంలోని చెట్ల పొదల్లో కూర్చొని ఒక సాధకుడు ఎంతో కాలంగా కృష్ణ మంత్రాన్ని జపిస్తున్నాడు. జప సంఖ్య కొన్ని కోట్లు దాటింది. శరీరం శుష్కించిందే కానీ, కృష్ణ దర్శనం కాలేదు. ఆ సాధకునికి ఆ కాంతల సంభాషణ వినిపించింది. వెంటనే ఆ సాధకుడు తన తప్పు తెలుసుకొని, జపమాలను యమునలోకి విసిరివేశాడు. ప్రేమోపాస నకు ఉద్యుక్తుడైనాడు.
 
  చేతిలో మాల ప్రధానం కాదు. చిత్తంలో ప్రేమ జ్వాల ప్రధానం. భగవంతుణ్ణి ప్రేమించాలి. విరహంలో జ్వలించాలి. హృదయం ద్రవించాలి. అశ్రువులు స్రవించాలి. ఈ సంసార క్లేశం నుండి జన్మ మృత్యు పరంపర నుండి ముక్తి పొందాలని పరితపించాలి. మహదానంద స్వరూపులం కావాలని, ప్రేమ స్వరూపులం కావాలని ధ్యానించాలి. అదే వినిర్మల భక్తి. కనుక మనం కూడా వినిర్మల భక్తులమై ప్రేమోపాసకులమై సాధనను కొనసాగిద్దాం. ప్రేమ స్వరూపుడైన స్వామి దర్శనాన్ని పొందుదాం. ప్రేమ స్వరూపులమై నిలిచిపోదాం!
      పరమాత్ముని
  


  సాకీ : అతడు: గోపాలబాలకృష్ణ గోకులాష్టమి
  ఆబాలగోపాల పుణ్యాల పున్నమి
  ముకుంద పదముల ముగ్గుల ఇల్లే బృందావని
  నంద నందనుడు నడచిన చోటే... న వనందనవని
  బృందం: గోపికా ప్రియ కృష్ణహరే
  నమో కోమల హృదయ కృష్ణహరే
  వేవేల రూపాల వేదహరే నమో వే దాంతవేద్యా కృష్ణహరే (2)
 
  పల్లవి :
  ఆమె: గోవిందుడే కోకచుట్టి గోపెమ్మ వేషం కట్టి
  ముంగోల చేతబట్టి వచ్చెనమ్మా
  ॥
  నవమోహన జీవన వరమిచ్చెనమ్మా
  ఇకపై ఇంకెపుడూ నీ చేయి విడిచి వెళ్లనని
  చేతిలోన చెయ్యేసి ఒట్టేసెనమ్మా
  బృం: దేవకీ వసుదేవ పుత్రహరే
  నమో పద్మపత్ర నేత్ర కృష్ణహరే
  యదుకుల నందన కృష్ణహరే
  నమో యశోద నందన కృష్ణహరే
  ॥
  చరణం : 1
  ఆ: ఎన్నాళ్లకు... ఎన్నాళ్లకు...
  ఎన్నాళ్లకు ఎన్నాళ్లకు
    వెన్నుడొచ్చెనమ్మా
  ఎన్నెన్నో చుక్కల్లో నన్ను మెచ్చెనమ్మా
  వెన్నపాలు ఆరగించి... విన్నపాలు మన్నించి (2)
  వెండి వెన్నెల్లో ముద్దులిచ్చెనమ్మా
  ఇద్దరు: కష్టాల కడలి పసిడి పడవాయెనమ్మా
  కళ్యాణ రాగమురళి కలలు చిలికెనమ్మా
  ఆ: మా కాపురాన మంచి మలుపు తిప్పెనమ్మా
  అ: వసుధైక కుటుంబమని గీత చెప్పెనమ్మా
  బృం: గోవర్ధనోద్ధార కృష్ణహరే
  నమో గోపాల భూపాల కృష్ణహరే
  గోవింద గోవింద కృష్ణహరే
  నమో గోపికావల్లభ కృష్ణహరే
  ॥॥
  చరణం : 2
  ఆ: తప్పటడుగు తాండవాలు చేసినాడమ్మా
  తన అడుగుల ముగ్గులు చూసి మురిసినాడమ్మా
  అ: మన అడుగున అడుగేసి... మనతోనే చిందేసి (2)
  మన తప్పటడుగులు సరిదిద్దినాడమ్మా
  కంసారి సంసారిని కలిసి మెరిసెనమ్మా
  కలకాల భాగ్యాలు కలిసొచ్చెనమ్మా
  హరిపాదం లేనిచోటు మరుభూమేనమ్మా
  ఆ: శ్రీపాదం ఉన్నచోట సిరులు విరియునమ్మా
  బృం: ఆపదోద్ధారక కృష్ణహరే
  నమో ఆనందవర్ధక కృష్ణహరే
  లీలామానుష కృష్ణహరే
  నమో గానవిలాస కృష్ణహరే
  ॥॥
  చిత్రం : పాండురంగడు (2008)
  రచన : శ్రీ వేదవ్యాస
  సంగీతం : ఎం.ఎం.కీరవాణి
  గానం : మధుబాలకృష్ణన్, సునీత, కీరవాణి, బృందం