TV
మహేష్‌బాబు, పూరి జగన్నాథ్‌ల కాంబినేషన్‌లో 2006లో వచ్చిన పోకిరి రూ.10కోట్ల బడ్జెట్‌తో నిర్మిస్తే రూ.70కోట్ల గ్రాస్‌తో రూ.40కోట్ల షేర్‌ సాధించి ఆల్‌ టైం ఇండస్ట్రీ హిట్‌గా నిలిచింది. ఈ సినిమా 63 కేంద్రాల్లో 175 రోజులు ఆడింది.
ఎన్టీఆర్‌, రాజమౌళి కాంబినేషన్‌లో 2003లో వచ్చిన 'సింహాద్రి' సెన్సెషన్‌ క్రియేట్‌ చేసింది. ఈ సినిమా 55 కేంద్రాల్లో 175 రోజులు ఆడింది.
మెగాస్టార్ చిరంజీవి హీరోగా నటించిన 'ఇంద్ర' 2003లో విడుదలై అప్పట్లో బిగ్గెస్ట్ బ్లాక్ బస్టర్‌గా నిలిచింది. ఈ సినిమాతో బాక్సాఫీస్ దగ్గర చెలరేగిపోయాడు మెగాస్టార్. తన కెరీర్‌లో తొలిసారి నటించిన ఫ్యాక్షన్ సినిమా ఇది. ఈ సినిమా 35 కేంద్రాల్లో 175 రోజులు ఆడింది. ఈ సినిమా కూడా ఇండస్ట్రీ హిట్.
'సమర సింహారెడ్డి' చిత్రం 13 జనవరి 1999న మిలినియం చివరి యేడాది సంక్రాంతి కానుకగా విడుదలై ఇండస్ట్రీ రికార్డ్స్‌‌ను నెలకొల్పింది. ఫ్యాక్షన్ సినిమాలకు ట్రెండ్ సెట్టర్‌గా బాలయ్య ఈ సినిమాతో గుర్తింపు పొందాడు. ఈ సినిమా 31 కేంద్రాల్లో 175 రోజులు ఆడింది.
1996లో విడుదలైన పెళ్లి సందడి కేవలం రూ.85లక్షల బడ్జెట్‌తో రూ.15కోట్ల కలెక్షన్స్‌ రాబట్టి రికార్డ్‌ బ్రేక్‌ చేసింది. రాఘవేంద్రరావు దర్శకత్వంలో శ్రీకాంత్‌, రవళి, దీప్తి భట్నాగర్‌ కీలక పాత్రల్లో నటించిన చిత్రం 27 కేంద్రాల్లో 175 రోజులు ఆడింది.
విజయభాస్కర్ దర్శకత్వంలో తరుణ్, రిచా జంటగా నటించిన నువ్వేకావాలి చిత్రం 2000 సంవత్సరంలో విడుదలైంది. సూపర్ హిట్ టాక్ తో పాటు… యూత్‌ లో ఆ సినిమాకు బాగా క్రేజ్‌ ఏర్పడింది. ఈ సినిమా 25 సెంటర్స్ లో 175 రోజులు ఆడింది.
దాసరి నారాయణరావు దర్శకత్వంలో అక్కినేని నాగేశ్వర రావు, శ్రీదేవి, జయసుధ కాంబోలో 1981లో ప్రేమాభిషేకం విడుదలైంది. ఈ సినిమా చలనచిత్ర చరిత్రలో సువర్ణాక్షరాలతో లిఖించబడే అపూర్వ విజయాన్ని అందుకుంది. తొలి తెలుగు ప్లాటినమ్ జూబ్లీచిత్రంగా చరిత్రను సృష్టించింది. ఈ సినిమా 19 కేంద్రాల్లో 175 రోజులు ఆడింది.
‘నరసింహనాయుడు సినిమాలో ‘కత్తులతో కాదురా...కంటి చూపుతో చంపేస్తా..’ ఈ ఒక్క డైలాగ్‌తో బాక్సాఫీస్ వద్ద కాసుల వర్షాన్ని కురిపించారు బాలకృష్ణ. బి.గోపాల్‌ దర్శకత్వంలో తెరకెక్కిన ఈ సినిమా జనవరి 11 2001న విడుదలై పలు రికార్డులను కొల్లగొట్టింది.ఈ సినిమా 19 కేంద్రాల్లో 175 రోజులు ఆడింది.
విక్టరీ వెంకటేష్ బెస్ట్ యాక్టర్‌గా నంది అవార్డు తెచ్చిన 'కలిసుందాం రా' మూవీ 2000 సంక్రాంతికి వచ్చి బిగ్గెస్ట్ హిట్‌గా నిలిచింది. అప్పట్లో పలు పాత రికార్డులను తిరగరాసింది. ఈ సినిమా 14 కేంద్రాల్లో 175 రోజులు ఆడింది.
తెలుగులో మొదటి పూర్తి రంగుల చిత్రం ‘లవకుశ’. సీనియర్‌ ఎన్టీఆర్‌ నటించిన ఈ చిత్రం 1963లో విడుదలైంది. సినిమా కలెక్షన్స్‌ను పత్రికల్లో ప్రకటించిన తొలి తెలుగు చిత్రం ఇదే.ఈ సినిమా 13 కేంద్రాల్లో 175 రోజులు ఆడింది.
