ఆటా ఆధ్వర్యంలో స్వామి చిదాత్మానంద ఈవెంట్

ఆటా ఆధ్వర్యంలో స్వామి చిదాత్మానంద ఈవెంట్

కెంటకీ: అమెరికా తెలుగు అసోసియేషన్(ఆటా) ఆధ్వర్యంలో స్వామి చిదాత్మానంద ఆధ్యాత్మిక కార్యక్రమం ఘనంగా నిర్వహించారు. కెంటకీ రాష్ట్రం లూయిస్‌విల్లేలోని ఓ ఆలయంలో జరిగిన ఈవెంట్లో ఆటా సభ్యులతో పాటు తెలుగు ఎన్నారైలు ఉత్సాహంగా పాల్గొన్నారు. భయాన్ని వీడాలి- ధైర్యంగా ఉండాలన్న అంశంపై స్వామి చిదాత్మానంద చెప్పిన విషయాలను అందరూ ఆసక్తిగా విన్నారు. తన మాటలతో ఆయన ఎన్నారైలలో నూతన ఉత్సాహాన్ని తీసుకొచ్చారు.

ఈ కార్యక్రమాన్ని నిర్వహించడంపై ఆటా సభ్యులు హర్షం వ్యక్తం చేశారు. భవిష్యత్తులో ఇలాంటి ఉపయోగకరమైన ఈవెంట్లను మరిన్ని చేపట్టాలని హాజరైన ఎన్నారైలు ఆటా కార్యవర్గ బృందాన్ని కోరారు. ఆటా కెంటకీ సభ్యుడు డాక్టర్ మహేశ్ గుండ్లూరు, కెంటకీ రిజనల్ కో-ఆర్డినేటర్ హేమ ప్రసాద్ సడ్డాలా, అనిల్ గంటేటి, తేజు స్వరూప్, తదితరులు ఈవెంట్‌ను నిర్వహించారు. కరుణాకర్ అసిరెడ్డి, అనిల్ బొడ్డిరెడ్డి లాంటి ప్రముఖులు చిదాత్మానంద స్వామి విచ్చేసిన కార్యక్రమంలో పాల్గొని జయప్రదం చేశారు.