మూడో రోజు ముచ్చటైన ర్యాలీ

 

 2016 నవంబర్ 10 నుంచి రెండు సూచీలు ఈ మేర గరిష్ట స్థాయిల్లో ట్రేడింగ్ జరుపడం ఇదే తొలిసారి. అదానీ పోర్ట్స్, హెచ్డీఎఫ్సీ, హీరో మోటోకార్ప్, యాక్సిస్ బ్యాంకు, కోల్ ఇండియా  మార్కెట్లో లాభాలు పండించగా.. విప్రో, భారతీ ఎయిర్టెల్, ఇన్ఫోసిస్, రిలయన్స్, ఎన్టీపీసీలు నష్టాలు గడించాయి. ఎన్ఎస్ఈ ఇండెక్స్లో ఫైనాన్సియల్ స్టాక్స్ మెరుగైన ప్రదర్శన కనబరిచాయి. క్వార్టర్లీ ఫలితాల నేపథ్యంలో కొటక్ మహింద్రా బ్యాంకు లిమిటెడ్, ఐడీఎఫ్సీ బ్యాంకు లిమిటెడ్, ఇండియన్ బ్యాంకు లిమిటెడ్లు కూడా లాభాలు పండించాయి.  నాలుగేళ్లలో మొదటిసారి అతి తక్కువ లాభాలను ఆర్జించినట్టు ప్రకటించడంతో భారతీ ఎయిర్టెల్ 1.33  శాతం పడిపోయింది. అటు డాలర్తో రూపాయి మారకం విలువ 0.01 పైసలు బలపడి 68.13గా ముగిసింది. ఎంసీఎక్స్ మార్కెట్లో 10 గ్రాముల బంగారం ధర 193 రూపాయల నష్టంతో 28,532 వద్ద నమోదైంది. గురువారం గణతంత్ర దినోత్సవం సందర్భంగా మార్కెట్లు సెలవును పాటించనున్నాయి.