కేరళకు ఉక్కుమహిళ

ఇంఫాల్: మణిపూర్‌ అసెంబ్లీ ఎన్నికల్లో ఎదురుదెబ్బ తిన్న ఉక్కుమహిళ ఇరోం షర్మిల కేరళకు వెళ్లనున్నారు. నెల రోజుల పాటు అక్కడ విశ్రాంతి తీసుకోనున్నారు. గిరిజనులు ఎక్కువగా నివసించే అట్టాప్పాడి ప్రాంతంలో ఆమె సెలవులు గడపనున్నారు. మహాదాత ఉమా ప్రేమన్ నడుపుతున్న శాంతి ఆశ్రమంలో ఆమె ఉంటారు. ప్రశాంత జీవితం గడిపేందుకు కేరళ వెళుతున్న ఆమె శాశ్వతంగా అక్కడే ఉండిపోతారా, తిరిగి వస్తారా అనేది వెల్లడి కాలేదు.

నేడు(మంగళవారం) 45వ పుట్టినరోజు జరుపుకుంటున్న ఆమె రాజకీయాల్లో కొనసాగుతున్నారా, లేదా అనేదిపై స్పష్టత ఇవ్వలేదు. సాయుధ దళాల ప్రత్యేక అధికారాల చట్టం(అఫ్సా) రద్దు కోసం చేపట్టిన 16 ఏళ్ల నిరాహార దీక్షను విరమించి ఎన్నికల బరిలోకి దిగిన ఆమెకు ఘోర పరాభవం ఎదురైంది. థౌబాల్‌ నియోజకవర్గంలో సీఎం ఇబోబీ సింగ్‌పై పోటీ చేసి ఓడిన ఆమె దయనీయంగా 90 ఓట్లు మాత్రమే వచ్చాయి.