వృద్ధుడు అక్రమాలు బయటపెడుతున్నాడని.. | 62-year-old man thrashed for filing RTI in J&K | Sakshi
Sakshi News home page

వృద్ధుడు అక్రమాలు బయటపెడుతున్నాడని..

Jul 15 2015 3:38 PM | Updated on Sep 3 2017 5:33 AM

సమాచార హక్కు చట్టం ద్వారా తమ అక్రమాలను బయటపెట్టే ప్రయత్నం చేస్తున్నాడనే నెపంతో ఓ 62 ఏళ్ల వృద్ధుడిపై కొందరు ప్రబుద్ధులు విచక్షణా రహితంగా దాడి చేశారు

జమ్మూకాశ్మీర్: సమాచార హక్కు చట్టం ద్వారా తమ అక్రమాలను బయటపెట్టే ప్రయత్నం చేస్తున్నాడనే నెపంతో ఓ 62 ఏళ్ల వృద్ధుడిపై కొందరు ప్రబుద్ధులు విచక్షణా రహితంగా దాడి చేశారు. కిందపడుతున్న సమయంలో చేయందించి ఊతంగా నిలవాల్సిన వారు కిందపడేసి ఈడ్చి కొట్టారు. అనంతరం ఓ కాలువలో పడేశారు. ఈ దారుణ ఘటన జమ్మూకాశ్మీర్లో బుద్గాంలో చోటుచేసుకుంది.

పోలీసుల ప్రాథమిక సమాచారం మేరకు బుద్గాం ప్రాంతంలోని నిరాశ్రయులకు ప్రభుత్వం తరుపున వస్తువులు ఏ విధంగా పంపిణీ చేశారు, ఎలా పంపిణీ చేశారు, అసలు పంపిణీ సక్రమంగా చేశారా లేదా అనే వివరాలు తెలుసుకునేందుకు ఓ 62 ఏళ్ల పెద్దాయన సమాచార హక్కు చట్టం ద్వారా పిటిషన్ పెట్టుకున్నాడు.

అయితే, ఆయన అనుమానం ప్రకారం ఉచిత వస్తువుల పంపిణీ విషయంలో భారీ స్థాయిలో అక్రమాలు చోటుచేసుకున్నట్లు తెలిసింది. ఈ విషయాలు ఒక్కొక్కటిగా ఇప్పుడే బయటపెడదాం అనుకుంటున్న సమయంలో ఆ అక్రమాలకు పాల్పడిన గ్రామపెద్ద అతడి మనుషులు కలిసి ముసలాయనను దారుణంగా కొట్టి కాలువలో పడేశారు. కుటుంబ సభ్యుల ఫిర్యాదుతో పోలీసులు కేసు నమోదు చేశారు.

Advertisement

Related News By Category

Related News By Tags

Advertisement
 
Advertisement

పోల్

Advertisement