బైక్‌ పై నుంచి పడి యువకుడు మృతి

నిజామాబాద్: వేగంగా వెళ్తున్న బైక్ అదుపుతప్పి కిందపడటంతో ఒక యువకుడు మృతి చెందాడు. ఈ సంఘటన ఆదివారం నిజామాబాద్ జిల్లా కామారెడ్డి మండలం గుర్గుల్ గ్రామం సమీపంలో జరిగింది. వివరాలు.. పోసానిపేట గ్రామానికి చెందిన పిట్ల రాజు(22) అనే యువకుడు బైక్‌పై వేగంగా వెళ్తున్నాడు. ఈ క్రమంలోనే గర్గుల్ గ్రామ సమీపానికి చేరుకొగానే బైక్ అదుపుతప్పి కిందపడింది. దీంతో రాజు తీవ్రంగా గాయపడి అక్కడికక్కడే మృతి చెందాడు. విషయం తెలిసిన పోలీసులు సంఘటనా స్థలానికి చేరుకొని మృతదేహాన్ని పోస్ట్‌మార్టం కోసం తరలించారు. కేసు నమోదు చేసి దర్యాప్తు చేస్తున్నారు.