కాళేశ్వరంతో తెలంగాణ దశ మారబోతుంది

Telangana Phase with the Kaleshwaram Project is Going to Change - Sakshi

వ్యవసాయ మంత్రి నిరంజన్‌రెడ్డి 

సాక్షి, హైదరాబాద్‌: రాష్ట్ర వ్యవసాయరంగం కాళేశ్వరం ప్రాజెక్టుతో సమూలంగా మారబోతున్నదని వ్యవసాయశాఖ మంత్రి నిరంజన్‌రెడ్డి తెలిపారు. భవిష్యత్‌లో తెలంగాణ వ్యవసాయ రంగం కాళేశ్వరం ప్రాజెక్టుకు ముందు, కాళేశ్వరం ప్రాజెక్టుకు తరువాత అని మాట్లాడుకుంటారని బుధవారం ఒక ప్రకటనలో తెలిపారు. సీఎం కేసీఆర్‌ దూరదృష్టికి ఈ ప్రాజెక్టు తార్కాణంగా నిలుస్తుందన్నారు. కాళేశ్వరం ఎత్తిపోతల పథకం వెట్‌ రన్‌ విజయవంతంపై హర్షం వ్యక్తం చేసిన ఆయన, ఈ ప్రాజెక్టు నిర్మాణంలో నిరంతరం కష్టించిన అందరికీ అభినందనలు తెలిపారు. ఇన్నాళ్లూ గోదావరి నీళ్లన్నీ వృధాగా సముద్రంలో కలిసిపోయాయని, సమైక్య రాష్ట్రంలో తెలంగాణకు గోదారి నీళ్లు మళ్లించేందుకు పాలకులు ఎవరూ చర్యలు తీసుకోలేదన్నారు. రాష్ట్ర రైతాంగానికి గుండెకాయగా కాళేశ్వ రం నిలవబోతుందని, తెలంగాణ బీళ్లు గోదావరి నీళ్లతో సస్యశ్యామలం కాబోతున్నాయన్నారు.   

Advertisement
Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి

Back to Top