TV
విద్యుత్ తీగలు తెగిపడి రైతు మృతిచెందిన సంఘటన ఆదిలాబాద్ జిల్లా తానూరు మండలం కోలూరు గ్రామంలో గురువారం చోటుచేసుకుంది.
ఆదిలాబాద్ : విద్యుత్ తీగలు తెగిపడి రైతు మృతిచెందిన సంఘటన ఆదిలాబాద్ జిల్లా తానూరు మండలం కోలూరు గ్రామంలో గురువారం చోటుచేసుకుంది. కోలూరు గ్రామానికి చెందిన శివమూర్తి తులసీరాం(35) అనే రైతు నీళ్లు పెట్టడానికి పొలం వద్దకు వెళ్లాడు. ఈ క్రమంలో విద్యుత్ తీగలు తెగిపడి ఉండటాన్ని గమనించకపోవడంతో విద్యుదాఘాతానికి గురై అక్కడికక్కడే మృతిచెందాడు. సమాచారం అందుకున్న పోలీసులు సంఘటనా స్థలానికి చేరుకొని దర్యాప్తు చేస్తున్నారు. కాగా మృతునికి భార్య లక్ష్మిబాయితో పాటు ఒక కొడుకు ఉన్నాడు.
