TV
సాక్షి, హైదరాబాద్‌: ఎమ్మెల్యే శ్రీనివాస్‌గౌడ్‌ ఇంజనీరింగ్‌ విద్యార్థులను అవనించేలా అసెంబ్లీలో వ్యాఖ్యలు చేశారని ఆరోపిస్తూ ఏబీవీపీ ఆధ్వర్యంలో గురువారం ఆయన దిష్టిబొమ్మను ప్రధాన ద్వారం వద్ద దహనం చేశారు. ఏబీవీపీ, జేఎన్‌టీయూఎచ్‌ శాఖ ఆధ్వర్యంలో ఎమ్మెల్యే వ్యాఖ్యలను నిరసిస్తూ ర్యాలీని నిర్వహించారు . ఈ సందర్భంగా గ్రేటర్‌ హైదరాబాద్‌ నగర కార్యదర్శి జవ్వాజి దిలీప్‌ మాట్లాడుతూ.. సీఎం కేసీఆర్‌ వద్ద మెప్పు పొందడం కోసం ఎమ్మెల్యే శ్రీనివాస్‌గౌడ్‌ ఇంజనీరింగ్‌ విద్యార్థులను అవమానించేలా వ్యాఖ్యలు చేశారన్నారు.
ఫీజు రియింబర్స్‌మెంట్‌ రాక ఏ ఒక్క విద్యార్థికి ఇబ్బంది కలగలేదని ఎమ్మెల్యే పేర్కొన్నారు. అంతేకాక ఇంజనీరింగ్‌ విద్యార్థులు పెట్రోల్‌ బంకుల్లో పనిచేస్తున్నారని, అనవసరంగా కొందరు విద్యార్థులు రాద్ధాంతం చేస్తున్నారంటూ వ్యాఖ్యలు చేయడని తీవ్రంగా ఖండిస్తున్నట్లు ఆయన తెలిపారు.
