తైవాన్ ఓపెన్ సెమీస్లో వీనస్

కావ్సియాంగ్:టాప్ సీడ్ వీనస్ విలియమ్స్ తైవాన్ ఓపెన్ టోర్నమెంట్ లో సెమీ ఫైనల్లోకి ప్రవేశించింది. శుక్రవారం జరిగిన క్వార్టర్ ఫైనల్ పోరులో వీనస్ 7-5, 6-2 తేడాతో అనాస్తాసిజా సెవాస్తోవాను ఓడించి సెమీస్ కు చేరింది. ఈ మ్యాచ్ లో 10 బ్రేక్ పాయింట్లకు గాను ఏడు పాయింట్లను వీనస్ గెలిచి సెవాస్తోవాపై తిరుగులేని ఆధిక్యాన్ని సాధించింది.

 

ఇదిలా ఉండగా మరో మ్యాచ్ లో మూడో సీడ్ పుతిన్త్ సేవా సెమీస్ కు చేరింది. క్వార్టర్ ఫైనల్లో పుతిన్త్ సేవా తొలి సెట్ ను 6-3 తేడాతో చేజిక్కించుకున్న అనంతరం స్టెఫనీ వోయిజిల్ గాయం కారణంగా టోర్నీ నుంచి నిష్క్రమించింది. దీంతో పుతిన్త్ సేవా సెమీస్ కు చేరి వీనస్ తో అమీతుమీ తేల్చుకోనుంది.