TV
తొలి రెండు మ్యాచ్ లకు ఉన్ముక్త్ చంద్!
ఈ సీజన్ లో జరిగే రంజీ టోర్నీలో భాగంగా తొలి రెండు మ్యాచ్ లకు ఢిల్లీ కెప్టెన్ గా ఉన్ముక్త్ చంద్ ను నియమించారు.
ఢిల్లీ: ఈ సీజన్లో జరిగే రంజీ టోర్నీలో భాగంగా తొలి రెండు మ్యాచ్లకు ఢిల్లీ కెప్టెన్గా ఉన్ముక్త్ చంద్ను నియమించారు. ఈ రంజీ జట్టుకు సంబంధించి సీనియర్ ఆటగాళ్లైన గౌతం గంభీర్, విరాట్ కోహ్లిలు జాతీయ జట్టుకు ఆడుతుండటంతో ఉన్ముక్ను సారథిగా నియమిస్తూ డీడిసీఏ నిర్ణయం తీసుకుంది. ఢిల్లీ తన తొలి రెండు రంజీ మ్యాచ్లను అస్సాం, మహారాష్ట్రలతో ఆడనుంది.
ఈ మేరకు 15 సభ్యులతో కూడిన ఢిల్లీ జట్టును ప్రకటించారు. ఇందులో సీమర్లు పవన్ సుయాల్, నవదీప్ సైనీ, వికాస్ తోకర్, ప్రదీప్ సంగ్వాన్, పర్విందర్ అవానాలకు చోటు దక్కింది. అయితే మరో సీమర్ సరాంగ్ రావత్ కు జట్టులో చోటు దక్కలేదు. గత సీజన్లో రెండు మ్యాచ్లు ఆడిన రావత్ వికెట్లు తీయడంలో విఫలం చెందడంతో అతనికి చోటు కల్పించలేదు. ఇదిలా ఉండగా, ఓపెనర్గా మోహిత్ శర్మ తిరిగి జట్టులో కలవనున్నాడు.
