ఆస్ట్రేలియా ఓపెన్ నుంచి సైనా నిష్క్రమణ

సిడ్నీ:  భారత బ్యాడ్మింటన్ క్రీడాకారిణి, ప్రపంచ నంబర్ వన్ షట్లర్ సైనా నెహ్వాల్ ఆస్ట్రేలియా ఓపెన్ నుంచి నిష్ర్కమించింది.  శుక్రవారం జరిగిన క్వార్టర్ ఫైనల్లో సైనా నెహ్వాల్ 15-21, 13-21తేడాతో ఐదోసీడ్ షిజియాన్ వాంగ్ (చైనా) చేతిలో ఓటమి పాలైంది. డిఫెండింగ్ చాంపియన్ హోదాలో బరిలోకి దిగిన సైనా ఏ దశలోనూ ఆకట్టులేకపోయింది. తొలి గేమ్ లో ఐదు పాయింట్లు వరకూ నువ్వా-నేనా అన్నట్లు సైనా తలపడినా.. ఆ తరువాత మాత్రం పేలవమైన ఆటను ప్రదర్శించింది.

 

వరుస సెట్లను చేజార్చుకుని ఆస్ట్రేలియా ఓపెన్ నుంచి భారంగా వైదొలిగింది. మాజీ వరల్డ్ నంబర్ వన్ క్రీడాకారిణి షిజియాన్ కేవలం 42 నిమిషాల్లోని సైనా ఆటకట్టించింది.