TV
ఒలింపిక్‌ హర్డిల్స్‌ చాంప్‌ రోలిన్స్‌పై నిషేధం
గత ఏడాది రియో ఒలింపిక్స్‌లో మహిళల 100 మీటర్ల హర్డిల్స్‌లో స్వర్ణ పతకం గెలిచిన అమెరికా అథ్లెట్‌ బ్రియానా రోలిన్స్‌
లాస్‌ఏంజిల్స్‌: గత ఏడాది రియో ఒలింపిక్స్‌లో మహిళల 100 మీటర్ల హర్డిల్స్‌లో స్వర్ణ పతకం గెలిచిన అమెరికా అథ్లెట్‌ బ్రియానా రోలిన్స్‌పై ఏడాదిపాటు నిషేధం విధించారు. డోపింగ్‌ నిబంధనలు ఉల్లంఘించి... పోటీలు లేని సమయంలో తన ఆచూకీ వివరాలు వెల్లడించనందుకు ఈ నిర్ణయం తీసుకున్నామని అమెరికా యాంటీ డోపింగ్‌ ఏజెన్సీ (యూఎస్‌ఏడీఏ) ప్రకటించింది.
ఈ నిర్ణయంతో రోలిన్స్‌ గత ఏడాది సెప్టెంబరు 27 నుంచి సాధించిన ఫలితాలు చెల్లుబాటుకావు. అంతేకాకుండా వచ్చే ఆగస్టులో లండన్‌లో జరిగే ప్రపంచ అథ్లెటిక్స్‌ చాంపియన్‌షిప్‌లో పాల్గొనే అర్హత కోల్పోయింది.
