ఫైనల్లో సాకేత్ జంట

ఫైనల్లో సాకేత్ జంట

బెంగళూరు: ఎయిర్ ఆసియా ఓపెన్ ఏటీపీ చాలెంజర్ టెన్నిస్ టోర్నమెంట్‌లో హైదరాబాద్ ప్లేయర్ సాకేత్ మైనేని తన జోరు కొనసాగిస్తున్నాడు. సింగిల్స్ విభాగంలో సెమీఫైనల్‌కు చేరుకున్న అతను, డబుల్స్‌లో తన భాగస్వామి సనమ్ సింగ్‌తో కలిసి ఫైనల్లోకి దూసుకెళ్లాడు. శుక్రవారం జరిగిన సింగిల్స్ క్వార్టర్ ఫైనల్లో సాకేత్ 6-3, 7-6 (8/6)తో యానిక్ మెర్టెన్స్ (బెల్జియం)పై గెలుపొందాడు.  డబుల్స్ సెమీఫైనల్లో సాకేత్-సనమ్ సింగ్ (భారత్) ద్వయం 6-4, 7-6 (7/3)తో గెరార్డ్ గ్రానోలెర్స్-అడ్రియన్ మెనెన్‌దెజ్ (స్పెయిన్) జంటపై విజయం సాధించింది.