నాణెం కాదు...బ్యాట్‌ గాల్లోకి!

మెల్‌బోర్న్‌: ప్రపంచవ్యాప్తంగా టి20 లీగ్‌ నిర్వాహకులు కొత్త తరహా ఆకర్షణలతో ముందుకు వస్తున్నారు. ఈ కోవలో తాజాగా ఆస్ట్రేలియా బిగ్‌బాష్‌ లీగ్‌ (బీబీఎల్‌) కూడా చేరింది. ఈ సారి ‘టాస్‌’ను కూడా ఆసక్తికరంగా మార్చేందుకు బీబీఎల్‌ ప్రయత్నిస్తోంది. ఈ నెల 19న ప్రారంభం కానున్న ఈ లీగ్‌లో టాస్‌ కోసం నాణేన్ని కాకుండా ‘బ్యాట్‌’ను గాల్లోకి ఎగరేయనున్నారు. కెప్టెన్‌ బ్యాట్‌ ముందు భాగం లేదా వెనుక భాగాన్ని ఎంచుకోవాల్సి (హిల్స్‌ లేదా ఫ్లాట్స్‌) ఉంటుంది. టాస్‌ కోసం ఎగరవేసే ఒకే తరహా బ్యాట్‌ను బీబీఎల్‌ నిర్వాహకులే అందజేస్తారు.