TV
ఫుట్ బాల్ బస్సు బోల్తా:16 మంది దుర్మరణం
ఫుట్ బాల్ క్రీడాకారులతో వెళుతున్న బస్సు ప్రమాదం బారిన పడి భారీ సంఖ్యలో ప్రాణ నష్టం జరిగిన ఘటన తూర్పు మెక్సిలో సోమవారం సంభవించింది.
కోట్జాకోల్కోస్(మెక్సికో): ఔత్సాహిక ఫుట్ బాల్ క్రీడాకారులతో వెళుతున్న బస్సు ప్రమాదం బారిన పడి భారీ సంఖ్యలో ప్రాణ నష్టం జరిగిన ఘటన మెక్సిలో సోమవారం సంభవించింది. తూర్పు మెక్సికోలోని ఓ బ్రిడ్జిపై బస్సు వెళుతుండగా అదుపుతప్పి అటోయాక్ నదిలో పడిపోయింది. ఈ దుర్ఘటనలో 16 మంది మృత్యువాత పడగా, మరో 10 మంది గాయపడ్డారు.
మృతదేహాల్ని నదిలో నుంచి వెలికితీశామని... వీరిలో చిన్న పిల్లలు కూడా ఉన్నట్లు అధికారులు పేర్కొన్నారు. ఈ ప్రమాదానికి అతి వేగమే ప్రధాన కారణం కావొచ్చని భావిస్తున్నారు.
