బ్రెగ్జిట్ తరహాలో ఓటింగ్ పెట్టండి

పెద్దనోట్ల రద్దు మీద బీజేపీ మిత్రపక్షం శివసేన చీఫ్ ఉద్ధవ్ ఠాక్రే ఓ కొత్త తరహా సూచన చేశారు. యూరోపియన్ యూనియన్‌లో ఉండాలా వద్దా అన్న విషయమై బ్రిటన్‌లో నిర్వహించిన 'బ్రెగ్జిట్' పోల్ తరహాలో ఇక్కడ కూడా ఒక రెఫరెండం నిర్వహించాలన్నారు. అలాగే, ప్రముఖ ఆర్థికవేత్త అయిన మాజీ ప్రధాని మన్మోహన్ సింగ్ పార్లమెంటులో చేసిన సూచనలను కూడా తీసుకోవాలని చెప్పారు. పెద్దనోట్ల రద్దు విధానాన్ని అమలుచేసిన తీరుపై తాను విమర్శనాత్మకంగా స్పందించేందుకు ఏమాత్రం ఆలోచించబోనని ఉద్ధవ్ చెప్పారు. బ్రెగ్జిట్ రెఫరెండం నిర్వహించిన తర్వాత బ్రిటిష్ ప్రధాని రాజీనామా చేశారని, అలాంటి పరిణామం ఇక్కడ కూడా జరుగుతుందా అని ఆయన ప్రశ్నించారు.