మహారాష్ట్రలో ఎంఐఎం సంచలనం

ముంబై: మహారాష్ట్ర అసెంబ్లీ ఎన్నికల్లో ఎంఐఎం సంచలన విజయం సాధించింది. హైదరాబాద్లోనే బలమైన పార్టీగా ఉన్న ఎంఐఎం మరాఠా గడ్డపై ఊహించని ఫలితాలు నమోదు చేసింది. మూడు అసెంబ్లీ సీట్లు కైవసం చేసుకోగా, మరో చోట ఆధిక్యంలో కొనసాగుతోంది.

ఎంఐఎం అభ్యర్థులు వారిష్ యూసుఫ్ పఠాన్ ముంబైలోని బైకులా నియోజకవర్గం నుంచి, ఇంతియాజ్ ఔరంగాబాద్ సెంట్రల్ నుంచి,  అబ్దుల్ గఫార్ ఔరంగాబాద్ తూర్పు నియోజకవర్గం నుంచి ఘనవిజయం సాధించారు. నాందేడ్ దక్షిణ నియోజకవర్గం నుంచి ఎంఐఎం అభ్యర్థి మొయిన్ ఖాన్ ముందంజలో ఉన్నారు. అసదుద్దీన్ ఓవైసీ సారథ్యంలోని ఎంఐఎం మహారాష్ట్ర అసెంబ్లీ ఎన్నికల్లో 24 చోట్ల అభ్యర్థులను బరిలో దింపింది.