టిక్‌టాక్‌ వీడియో; మహిళా పోలీసు సస్పెండ్‌!

Gujarat Women Police Suspended After Her Dancing Video in PS Goes Viral - Sakshi

గాంధీనగర్‌ : ప్రస్తుతం చిన్నా పెద్దా తేడా లేకుండా టిక్‌టాక్‌ యాప్‌లో మునిగితేలుతున్నారు. తమ టాలెంట్‌ను నిరూపించుకోవాలనే ఉత్సాహంతో కొంతమంది ప్రాణాలు కోల్పోతుండగా.. మరికొంత మంది నిబంధనలు అతిక్రమించి ఇబ్బందుల పాలవుతున్నారు. గుజరాత్‌కు చెందిన ఓ మహిళా పోలీసు అధికారి కూడా ఇలాంటి పరిస్థితినే ఎదుర్కొన్నారు. అర్పితా చౌదరి అనే అధికారి పోలీసు స్టేషనులో లాకప్‌ ముందు డ్యాన్స్ చేస్తూ వీడియో రూపొందించారు. అనంతరం దానిని టిక్‌టాక్‌లో అప్‌లోడ్‌ చేసి ఉన్నతాధికారుల ఆగ్రహానికి గురయ్యారు. ఈ క్రమంలో బుధవారం ఆమెను సస్పెండ్‌ చేస్తూ ఆదేశాలు వెలువడ్డాయి. ఈ ఘటన గుజరాత్‌లోని మెహసానా జిల్లాలో చోటుచేసుకుంది.

ఈ విషయం గురించి డీఎస్పీ మంజితా మాట్లాడుతూ..‘  అర్పితా నిబంధనలు అతిక్రమించారు. డ్యూటీలో ఉన్న సమయంలో యూనిఫాం వేసుకోలేదు. అంతేకాక లాకప్‌ ముందు డ్యాన్స్‌ చేస్తూ వీడియో తీశారు. ఈ వీడియో సోషల్‌ మీడియాలో వైరల్‌ అయ్యింది. ఒక పోలీసు అధికారికి ఉండాల్సిన క్రమశిక్షణ ఆమెకు లేదు. అందుకే సస్పెండ్‌ చేశాం’ అని వివరణ ఇచ్చారు.

Read latest National News and Telugu News | Follow us on FaceBook, Twitter

Advertisement
Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి

Back to Top