దసరాకు 'మసాలా' ఆడియో!

విక్టరీ వెంకటేష్, ఎనర్జీటిక్ హీరో రామ్ కాంబినేషన్లో తెరకెక్కుతున్న 'మసాలా' సినిమా ఫస్ట్ లుక్ విడుదలయింది. సినిమా నిర్మాతలు అధికారికంగా దీన్ని విడుదల చేశారు. ఇంతకుముందు ఫేస్ బుక్లో వెంకటేష్, రామ్ ఫోటో పెట్టిన సంగతి తెలిసింది. చూడగానే ఆకట్టుకునేలా ఈ చిత్రాన్ని రూపొందించారు. ఇప్పటి వరకు ఈ సినిమాకు చాలా టైటిళ్లు ప్రచారంలోకి వచ్చాయి. 'మసాలా' పోస్టర్ విడుదలతో టైటిల్పై క్లారిటీ వచ్చింది.

హిందీలో ఘనవిజయం సాధించిన ‘బోల్ బచ్చన్’కు ఇది రీమేక్. విజయభాస్కర్ దర్శకుడు. డి.సురేష్‌బాబు సమర్పణలో ‘స్రవంతి’రవికిషోర్ ఈ చిత్రాన్ని నిర్మిస్తున్నారు. వెంకటేష్ సరసన అంజలి, రామ్కు జోడీగా షాజన్ పదమ్ సి నటించారు.

'మసాలా' ఆడియో దసరాకు విడుదల చేయనున్నారు. ఎస్ ఎస్ తమన్ ఈ సినిమాకు సంగీతం అందించాడు. అక్టోబర్ చివరి వారంలో సినిమా విడుదల చేయాలని నిర్మాతలు భావిస్తున్నారు. వెంకటేష్, రామ్ తొలిసారిగా కలిసి నటిస్తుండడంతో ఈ సినిమా కోసం అభిమానులు ఆసక్తిగా ఎదురుచూస్తున్నారు.