లవ్‌ థ్రిల్లర్‌

కల్వకోట సాయితేజ, తరుణిక  జంటగా తెరకెక్కిన చిత్రం ‘శివన్‌’. ‘ది ఫినామినల్‌ లవ్‌ స్టోరీ’ అన్నది ఉపశీర్షిక. శివన్‌ను దర్శకుడిగా పరిచయం చేస్తూ  ఎస్‌.ఆర్‌. సినీ ఎంటర్‌టైన్‌మెంట్‌పై వ్యాపారవేత్త సంతోష్‌ రెడ్డి లింగాల నిర్మించారు. ఈ సినిమా ట్రైలర్‌ని హైదరాబాద్‌లో విడుదల చేశారు. శివన్‌ మాట్లాడుతూ– ‘‘లవ్‌ థ్రిల్లర్‌గా రూపొందిన చిత్రమిది. మా చిత్రం టీజర్‌లో కొంత బోల్డ్‌ కంటెంట్‌ ఉంది. అయితే ట్రైలర్‌ అలా లేదు, కొత్తగా కట్‌ చేశాం. నిర్మాత డి.ఎస్‌. రావుగారి పాత్ర ఓ హైలెట్‌. సాయితేజ మంచి హీరోగా ఎదుగుతాడు. తరుణిక బాగా నటించింది. మీరన్‌ సినిమాటోగ్రఫీ అద్భుతంగా ఉంటుంది. ప్రస్తుతం పోస్ట్‌ ప్రొడక్షన్‌ పనులు జరుగుతున్నాయి’’ అన్నారు.