'షారుక్ కు మాఫియా బెదిరింపులు రాలేదు'

బాలీవుడ్ నటుడు షారుక్ ఖాన్ కు మాఫియా నుంచి బెదిరింపు కాల్స్ వచ్చాయన్న వార్తల్ని ఆయన సన్నిహితుడొకరు ఖండించారు. మాఫియా నుంచి షారుక్ కు ఎలాంటి బెదిరింపు కాల్స్ రాలేదని ఆయన స్పష్టం చేశారు. రవి పూజారి నుంచి షారుక్ కు బెదిరింపులు రావడంతో ఆయన నివాసం మన్నత్ వద్ద పోలీసులు భారీ సెక్యూరిటీని ఏర్పాటు చేశారని మీడియా కథనాల్ని వెల్లడించింది. షారుక్ కు బెదిరింపులు వచ్చాయనే వార్తలో వాస్తవం లేదు. అలాంటి రూమర్లు ఎక్కడ నుంచి వస్తున్నాయో ఆశ్చర్యం కలిగిస్తున్నాయి అని బాలీవుడ్ బాద్ షా సన్నిహితుడొకరు అన్నారు.