జోడీ కుదిరింది!

జోడీ కుదిరింది!

 సినిమా తర్వాత సినిమా.. ఒకేసారి రెండు సినిమాలు చేస్తూ, సాయిధరమ్ తేజ్ మంచి జోరు మీద ఉన్నారు. కథానాయికల్లో రకుల్ ప్రీత్‌సింగ్ కూడా ఫుల్ బిజీ. ఈ బిజీ స్టార్స్ ఇద్దరూ ఇప్పుడు ఓ చిత్రం కోసం జతకట్టారు. గోపీచంద్ మలినేని దర్శకత్వంలో లక్ష్మీనరసింహ ప్రొడక్షన్స్ పతాకంపై నల్లమలుపు శ్రీనివాస్ (బుజ్జి), ‘ఠాగూర్’ మధు సంయుక్తంగా ఈ చిత్రాన్ని నిర్మించనున్నారు. ఈ చిత్రం మ్యూజిక్ సిట్టింగ్స్ చిత్ర  సంగీత దర్శకుడు తమన్ ఆధ్వర్యంలో ఆరంభమయ్యాయి. చెన్నైలో జరిగిన ఈ కార్యక్రమంలో ప్రముఖ దర్శకుడు మురుగదాస్ ముఖ్య అతిథిగా పాల్గొన్నారు. వేసవిలో ఈ సినిమా చిత్రీకరణ ప్రారంభిస్తామని నిర్మాతలు తెలిపారు.