నాగచైతన్య హీరో...రానా నిర్మాత!

నాగచైతన్య హీరో...రానా నిర్మాత!

‘ఓన్లీ హీరోగానేనా? ఇంకా ఏమైనా చేయాలని ఉందా?’ అని నాగచైతన్యను ఓ ఇంటర్వ్యూలో ‘సాక్షి’ అడిగితే.. ‘నాకు ప్రొడక్షన్‌ అంటే ఇంట్రస్ట్‌ అండి. అందుకని భవిష్యత్తులో నిర్మాతగా మారతా’ అన్నారు. ఇప్పుడా సమయం దగ్గర పడినట్లే అనిపిస్తోంది. బావ (చైతూకి రానా మేనమామ కొడుకు అవుతాడనే విషయం తెలిసిందే) రానాతో కలసి ఆ ప్రయత్నం మీదే ఉన్నట్లు తెలుస్తోంది. అయితే అంతకన్నా ముందే రానా నిర్మాతగా నాచైగతన్య హీరోగా ఓ సినిమా రూపొందనుంది.

మాతృసంస్థ సురేశ్‌ ప్రొడక్షన్స్‌లో ఇప్పటివరకూ చైతూ సినిమా చేయలేదు. ఇప్పుడో సినిమా కుదిరిందట. అయితే ఆ చిత్రానికి రానా నిర్మాతగా వ్యవహరించాలనుకుంటు న్నారు. ఆ తర్వాత తామిద్దరూ కలసి నిర్మించే చిత్రాల గురించి రానా – చైతూ పకడ్బందీగా ప్రణాళికలు వేసుకుని రంగంలోకి దిగుతారట. అన్నట్లు రానాకు నిర్మాతగా ఇది మొదటి సినిమా కాదు. గతంలో కోవెలమూడి ప్రకాశ్‌ దర్శకత్వంలో బాలల చిత్రం ‘బొమ్మలాట’ నిర్మించారు. హిందీ హీరో అక్షయ్‌ కుమార్‌తో కలసి ఇప్పుడు కొన్ని సినిమాలు నిర్మించాలనుకుంటున్నారు.