చిరంజీవి ఒప్పుకుంటారా?

హైదరాబాద్: తన తండ్రి నటించబోయే 150  సినిమాలో స్టెప్పులు వేయాలనుకుంటున్నట్టు చిరంజీవి తనయుడు హీరో రామ్ చరణ్ వెల్లడించాడు. తన  తండ్రితో కలిసి డాన్స్ చేయాలనుందని చెప్పాడు. 'నాన్న సినిమాలో ఆయనతో కలిసి డాన్స్ చేయాలనుకుంటున్నా. సీన్ లో నటించాలని అనుకోవడం లేదు. స్టెప్పులు వేయాలనివుంద'ని రామ్ చరణ్ తెలిపాడు.

మెగా ఫ్యామిలీ చెందిన మిగతా హీరోలు ఈ సినిమాలో కనిపిస్తారా అని అడగ్గా....  పవన్ కల్యాణ్, నేను అల్లు అర్జున్ సహా అందరం నటిస్తామని సమాధానమిచ్చారు. దీనికి చిరంజీవి ఒప్పుకుంటారా అని ప్రశ్నించగా... ఇది నేను నిర్మిస్తున్న సినిమా. నేను తీసిన సినిమాను మార్కెట్ చేసుకోవడానికి ఇది అవసరం. దీనికి అవసరమైవన్నీ చేస్తాను.  ఆ విషయాలు నాన్న ఎలా చెబుతారు. మెగా ఫ్యామిలీ మొత్తం ఈ సినిమాలో కనిపిస్తార'ని జవాబిచ్చారు.

చిరంజీవి కథ ఫైనలైజ్ చేసిన వెంటనే  షూటింగ్ మొదలు పెడతామని చెప్పారు. షూటింగ్ ఆరు నెలల్లో పూర్తి చేసి వచ్చే ఏడాది వేసవికి సినిమా విడుదల చేయాలని భావిస్తున్నట్టు వెల్లడించారు. ఎప్పుడంటే అప్పుడు సినిమా చేయడానికి నలుగురు స్టార్ డైరెక్టర్లు సిద్ధంగా ఉన్నారని చరణ్ వెల్లడించారు.