చిరంజీవి @ 41

chiranjeevi 41 years completed in telugu film industry - Sakshi

దాదాపు నెల రోజుల పాటు జార్జియాలో యుద్ధం చేయనున్నారు ‘సైరా’. చిరంజీవి హీరోగా సురేందర్‌ రెడ్డి దర్శకత్వంలో స్వాతంత్య్ర సమరయోధుడు ఉయ్యాలవాడ నరసింహారెడ్డి జీవితం ఆధారంగా రూపొందుతున్న సినిమా ‘సైరా’. చిరంజీవి తనయుడు హీరో రామ్‌చరణ్‌ నిర్మిస్తున్నారు. ఈ సినిమా తాజా షెడ్యూల్‌ కోసం యూనిట్‌ జార్జియా వెళ్లిన సంగతి తెలిసిందే. సోమవారం మొదలయ్యే ఈ షెడ్యూల్‌ వచ్చే నెల 25వరకు.. అంటే దాదాపు నెల రోజులు జరుగుతుందని సమాచారం. ఒకే సీక్వెన్స్‌కు చెందిన క్లైమాక్స్‌ వార్‌ను షూట్‌ చేస్తారు.

ఈ షూట్‌లో చిరంజీవి, విజయ్‌ సేతుపతి, జగపతిబాబు, సుదీప్, ముఖేష్‌ రిషిలు పాల్గొంటారు. ఆల్రెడీ జగపతిబాబు, ముఖేష్‌ రిషి లొకేషన్‌లో ల్యాండ్‌ అయ్యారు. నయనతార కథానాయికగా నటిస్తున్న ఈ సినిమాలో అమి తాబ్‌ బచ్చన్, తమన్నాలు  కూడా కీలక పాత్రలు చేస్తున్నారు. ఈ సినిమాను వచ్చే ఏడాది వేసవిలో విడుదల చేయాలనుకుంటున్నారు. ఈ సంగతి ఇలా ఉంచితే.. నటుడు చిరంజీవి తెలుగు చిత్ర పరిశ్రమలో 41ఇయర్స్‌ కంప్లీట్‌ చేసుకున్నారు. అందుకుని ఆయన తనయుడు రామ్‌చరణ్‌ ‘‘సినిమా, నేను మిమ్మల్ని ఎప్పుడూ లవ్‌ చేస్తూనే ఉంటాం’’ అని స్పందించారు.

Read latest Movies News and Telugu News | Follow us on FaceBook, Twitter, Telegram



 

Read also in:
Back to Top