ఏడుకోట్ల క్యారవాన్‌?

డ్యాన్స్‌ అయినా...లుక్స్‌ పరంగా అయినా...స్టైలింగ్‌ విషయంలో హీరో అల్లు అర్జున్‌ తనదైన శైలిలో ప్రత్యేకతను చూపుతూ స్టైలిష్‌స్టార్‌ అని అనిపించుకుంటున్నారు. అయితే అల్లు అర్జున్‌ ఏడుకోట్ల రూపాయల ఖర్చుతో ఓ స్పెషల్‌ క్యారవాన్‌ను సిద్ధం చేయిస్తున్నట్లు ఫిల్మ్‌నగర్‌లో వార్తలు వచ్చాయి. సెట్‌లో షూటింగ్‌ చేస్తున్నప్పుడు సీన్‌ గ్యాప్‌లో యాక్టర్స్‌ సేదతీరేది క్యారవాన్స్‌లోనే. అంతేకాదు.. అల్లు అర్జున్‌ రెడీ చేయిస్తున్న ఈ క్యారవాన్‌లోని లోపలి డిజైన్‌ను డెకరేట్‌ చేయడానికి ముంబై నుంచి ఓ ఇంటీరియర్‌ డిజైనర్‌కు కబురు పెట్టారట. ఇక సినిమాల విషయానికి వస్తే.. అల్లు అర్జున్‌ హీరోగా త్రివిక్రమ్‌ దర్శకత్వంలో ఓ సినిమా తెరకెక్కనున్న సంగతి తెలిసిందే. అలాగే, సుకుమార్‌ దర్శకత్వంలోనూ ఓ సినిమా చేయనున్నారు అల్లు అర్జున్‌.