‘టాక్సీవాలా’ కోసం స్టైలిష్ స్టార్‌

వరుస విజయాలతో మంచి ఫాంలో ఉన్న యంగ్ హీరో విజయ్‌ దేవరకొండ. ఇటీవల నోటా సినిమా కాస్త స్లో అయిన విజయ్‌ త్వరలో టాక్సీవాలాగా ప్రేక్షకుల ముందుకు వచ్చేందుకు రెడీ అవుతున్నాడు. ఇప్పటికే అన్ని కార్యక్రమాలు పూర్తి చేసుకున్న ఈ సినిమా నవంబర్‌ 17న ప్రేక్షకుల ముందుకు రానుంది.

ఈ సందర్భంగా చిత్రయూనిట్ ఈ నెల 11న భారీ ప్రీ రిలీజ్‌ ఈవెంట్‌ను ప్లాన్‌ చేస్తున్నారు. ఈ వేడుకకు స్టైలిష్‌ స్టార్‌ అల్లు అర్జున్‌ ముఖ్య అతిథిగా హాజరుకానున్నారు. ఈ విషయాన్ని చిత్రయూనిట్ అధికారికంగా ప్రకటించారు. యువీ క్రియేషన్స్‌, గీతా ఆర్ట్స్‌ 2 బ్యానర్‌లు సంయుక్తంగా నిర్మిస్తున్న ఈ సినిమాకు రాహుల్ సంక్రిత్యాన్ దర్శకుడు.