కొకైన్ కేసులో హీరోకు పోలీస్ కస్టడీ

కొకైన్ కేసులో హీరోకు పోలీస్ కస్టడీ

కొచ్చి: కొకైన్ కలిగి ఉన్నకేసులో అరెస్టయిన మళయాళ చిత్ర నటుడు షినే టామ్ చాకోతో పాటు నలుగురు మహిళలను పోలీసు కస్టడీకి అప్పగించారు. ఈ నెల 10 వరకు వారికి పోలీస్ రిమాండ్ విధిస్తూ స్థానిక న్యాయస్థానం ఆదేశించింది. మహిళలల్లో ముగ్గురు మోడల్స్, ఓ అసిస్టెంట్ డైరెక్టర్ ఉన్నారు.

కొచ్చిలోని ఓ ప్లాట్లో ఇటీవల షినే టామ్ చాకోతో పాటు నలుగురు మహిళలను పోలీసులు అదుపులోకి తీసుకున్నారు. వీరిని ఈ రోజు కోర్టులో హాజరుపరిచారు. వీరి దగ్గర స్వాధీనం చేసుకున్న కొకైన్ విలువ అంతర్జాతీయ మార్కెట్ లో దాదాపు రూ.10 లక్షల వరకు ఉంటుందని పోలీసులు తెలిపారు. చాకో అసిస్టెంట్ డైరెక్టర్గా తన కేరీర్ని ప్రారంభించి చిన్న చిన్న పాత్రల్లో నటిస్తు వచ్చాడు.