హెచ్1బి వీసాలకు ఇక గడ్డుకాలమే!

 

ఎన్నికల ప్రచారం సమయంలో కూడా తాను కొంతమంది అమెరికన్లను కలిసినప్పుడు... తమ ఉద్యోగాలు పీకేశారని, తమ స్థానంలో విదేశీయులను నియమించుకుంటున్నారని వాళ్లు చెప్పారని ట్రంప్ అన్నారు. ఇలాంటివి ఇక ఏమాత్రం జరగనిచ్చేది లేదని హెచ్చరించారు. దాంతో అక్కడున్నవాళ్లంతా ఒక్కసారిగా చప్పట్లు మార్మోగించారు. ఉద్యోగాలు పీకేయడమే కాక..  కొత్తగా వచ్చేవాళ్లకు ట్రైనింగ్ ఇస్తే తప్ప చివర్లో ఇవ్వాల్సిన ప్రయోజనాలను కూడా ఇవ్వలేదని, ఇది మరింత దారుణమని ట్రంప్ వ్యాఖ్యానించారు. డిస్నీ వరల్డ్, మరో్ రెండు ఔట్‌సోర్సింగ్ కంపెనీలపై వాటిలో ఇంతకుముందు పనిచేసిన టెక్నాలజీ సిబ్బంది కేసులు దాఖలు చేశారు. తమ ఉద్యోగాలు పీకేసి, తక్కువ జీతాలకు హెచ్1బి వీసాలపై వచ్చే విదేశీయులను నియమించుకున్నారని, వాళ్లలో ఎక్కువ మంది భారతీయులేనిన ఆ ఫిర్యాదులో పేర్కొన్నారు. డిస్నీవరల్డ్‌లో మొత్తం 250 మందిని 2015 జనవరిలో ఇలా పీకేశారు. హెచ్‌సీఎల్, కాగ్నిజెంట్ టెక్నాలజీస్ కూడా ఇలా చేసిన కంపెనీల్లో ఉన్నాయని తెలుస్తోంది. ఇప్పుడు ఇలాంటి కంపెనీలన్నీ ట్రంప్ తేబోయే కొత్త చట్టాలతో ఇబ్బంది పడక తప్పదు.