వైరల్‌ : నీ పాటికి పోతే! మా పరిస్థితి ఏంటి?

Dog Blow Car Horn For Owners Help Who Locked In Car - Sakshi

మెల్‌బోర్న్‌ :  ఫొటోను చూడగానే మనకేమనిపిస్తుంది! కుక్క కారు నడపటానికి ట్రై చేస్తోందేమో అనిపిస్తుంది కదూ. కానీ, ఆ కుక్క సహాయం కోసం అర్థిస్తోంది. అవును! కారులో తనను, తన ఫ్రెండ్‌ను లాక్‌ చేసి ఎక్కడికో వెళ్లిపోయిన యాజమానికి వినపడేలా సహాయం కోసం మోత మోగించింది. వివరాల్లోకి వెళితే.. సౌత్‌ మెల్‌బోర్న్‌కు చెందిన షర్‌ పీ అనే కుక్క తన యాజమానితో కలిసి కారులో ఓ చోటుకి వచ్చింది. అయితే యాజమాని మాత్రం దాన్ని కారులో ఉంచి లాక్‌ వేసుకుని వెళ్లిపోయాడు. యాజమాని తొందరగా రాకపోవటంతో విసుగు చెందిన షర్‌ పీకి కోపం వచ్చింది. వెంటనే స్టీరింగ్‌ మీదకు దూకి హారన్‌ కొట్టడం ప్రారంభించింది. తన కారు హారన్‌ విన్న యాజమాని వెంటనే అక్కడకు చేరుకున్నాడు.

‘ ఏంట్రా! ఇలా చేశావేంట్రా!.. ఐదు నిమిషాల లేటుకే హారన్‌ మోత మోగిస్తున్నావేంటి?’ అని ప్రశ్నిస్తూ డోరు తీశాడు. దీంతో షర్‌ అతడివైపు ‘నీ పాటికి పోతే! మా పరిస్థితి ఏంటి?’ అన్నట్లు చూసి కిందకు దిగింది! దాంతో పాటు దాని మిత్రుడు కూడా కిందకు దిగాడు. ఆ సమయంలో అటుగా వెళుతున్న ఓ సైక్లిస్టు ఈ దృశ్యాలను తన సెల్‌ ఫోన్‌లో బంధించి ఇన్‌స్టాగ్రామ్‌లో ఉంచాడు. దీంతో వీడియో కాస్తా వైరల్‌గా మారింది.

Read latest International News and Telugu News | Follow us on FaceBook, Twitter

Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి

Read also in:
Back to Top