రష్యాలో మరో పేలుడు: 15 మంది మృతి

మాస్కో: రష్యా వోల్గోగ్రాడ్‌లో మరో పేలుడు జరిగింది. ఈ ఘటనలో 15 మంది చనిపోయారు.   ప్రైవేటు ట్రాలీ బస్సులో పేలుడు జరగడంతో వీరంతా చనిపోయారు. 48 గంటల్లో ఇది వరుసగా రెండో పేలుడు కావడంతో రష్యా అంతటా అప్రమత్తత ప్రకటించారు. ముఖ్యంగా వోల్గోగ్రాడ్‌లో తనిఖీలు ముమ్మరం చేశారు. నిన్న వోల్గోగ్రాడ్‌ రైల్వేస్టేషన్‌లో జరిగిన ఆత్మాహుతిదాడిలో 18 మంది మరణించిన విషయం తెలిసిందే.  కాగా  గత అక్టోబర్లో కూడా ఇదే నగరంలో ఓ మహిళ బస్సులో ఆత్మాహుతి దాడికి పాల్పడింది. ఆ ఘటనలో ఏడుగురు మరణించగా, పలువురు గాయపడ్డారు.