TV
దాసరి ఆరోగ్యంపై ప్రముఖుల ఆరా!
దాసరి నారాయణరావును పలువురు సినీ, రాజకీయ ప్రముఖులు శుక్రవారం పరామర్శించారు.
హైదరాబాద్‌: తీవ్ర అస్వస్థతకు గురై కిమ్స్‌ ఆస్పత్రిలో చికిత్స పొందుతున్న ప్రఖ్యాత దర్శకుడు దాసరి నారాయణరావును పలువురు సినీ, రాజకీయ ప్రముఖులు శుక్రవారం పరామర్శించారు. దాసరి నారాయణరావు ఆరోగ్య పరిస్థితి గురించి తెలుసుకున్నారు.
రాజ్యసభ సభ్యుడు, సినీ నటుడు చిరంజీవి, ఆయన బావమరిది అల్లు అరవింద్‌, దర్శకుడు వివి వినాయక్‌, సినీనటి జయప్రద తదితరులు దాసరి నారాయణరావును ఆస్పత్రికి వచ్చి పరామర్శించారు. వైఎస్‌ఆర్‌ కాంగ్రెస్‌ పార్టీ అధికార ప్రతినిధి అంబటి రాంబాబు కూడా దాసరి నారాయణను పరామర్శించి.. ఆరోగ్య పరిస్థితి గురించి తెలుసుకున్నారు. దాసరి ఆరోగ్యానికి ఎలాంటి ఢోకా లేదని, ఆయన్ని చూశాక ధైర్యం వచ్చిందని, ఆయన ఆరోగ్యం గురించి ఆందోళన చెందాల్సిన పని లేదని చిరంజీవి మీడియాతో పేర్కొన్నరు.
