దారం బంగారం

సిల్క్‌ దారాలను చుట్టి, పూసలు గుచ్చి, తీగలు అల్లి .. ఇలా అందమైన ఆభరణాలను రూపొందించుకోవచ్చు. పండుగకు స్వర్ణాభరణాలు ఎలాగూ ఉంటాయి. తేలికగా, అత్యంత ఆకర్షణీయంగా, సంప్రదాయ దుస్తులకు మ్యాచ్‌ అయ్యేలా దారాల ఆభరణాలు ఉంటే.. పండుగ కళ కొత్తగా శోభిళ్లుతుంది. దారాలతో రూపొందించిన ఆభరణాల డిజైన్స్‌లో కొన్ని మోడల్స్‌..

తయారీకి కావల్సినవి
రంగుల సిల్క్‌ దారాలు, సన్నని ప్లాస్టిక్‌ ట్యూ (గాజులు, హారాల తయారీకి)/ టూల్స్, గ్లూ, టూల్స్‌ కట్టర్, పూసలు, బీడ్‌ క్యాప్స్, జుంకా బేస్, చెయిన్స్‌.... వంటివి ముందుగా సిద్ధం చేసుకోవాలి. (ఈ కిట్‌ మార్కెట్‌లోనూ, ఆన్‌లైన్‌లోనూ లభిస్తుంది). ఎక్కువ మొత్తంలో, నచ్చిన డిజైన్లను రూపొందించుకోవడానికి ఈ కిట్స్‌ ఉపయోగపడతాయి. నేరుగా సిల్క్‌ థ్రెడ్‌ ఆభరణాలు కొనుగోలు చేయాలంటే రూ.100 నుంచి వేలల్లో లభిస్తున్నాయి.