బాబు కుట్రలో పవన్ బలి ఖాయం: రాజా

రాజోలు: టీడీపీ అధినేత చంద్రబాబునాయుడు కుట్రలో జనసేన పార్టీ అధ్యక్షుడు పవన్‌కల్యాణ్ బలి కావడం ఖాయమని సినీ హీరో రాజా అన్నారు. ఆదివారం ఆయన శివకోడులో జరిగిన కార్యక్రమంలో మాట్లాడారు. గత ఎన్నికల్లో జూనియర్ ఎన్టీఆర్‌ను వాడుకున్నట్టుగా, ఈ ఎన్నికల్లో పవన్‌ను వాడుకుంటున్నారని ఆరోపించారు.

ఎన్నికలు వచ్చిన ప్రతీసారి ఎవరో ఒకరని వాడుకోవడం బాబుకు అలవాటుగా మారిందన్నారు. దివంగత సీఎం వైఎస్ రాజశేఖరరెడ్డి కుటుంబాన్ని పవన్ కల్యాణ్ విమర్శిస్తే ప్రజలు చూస్తూ ఊరుకోరన్నారు. పార్టీని తొలి రోజుల్లోనే పవన్ తాకట్టుపెట్టారన్నారు.